സ്ഥാനാർഥികളെ നിർത്തുന്നതിൽ ഡിസിസി പ്രസിഡണ്ട് പണം വാങ്ങി. സ്ഥാനാർഥി നിർണയത്തിലെ അതൃപ്തി വ്യക്തമാക്കി പാലക്കാട് ഡിസിസി ഓഫിസിനു മുന്നിൽ പോസ്റ്ററുകൾ

പാലക്കാട്: സ്ഥാനാർഥി നിർണയത്തിലെ അതൃപ്തി വ്യക്തമാക്കി പാലക്കാട് ഡിസിസി ഓഫിസിനു മുന്നിൽ പോസ്റ്ററുകൾ. വണ്ടാഴി പഞ്ചായത്തിൽ സ്ഥാനാർഥി നിർണയത്തിലെ അതൃപ്തി ചൂണ്ടിക്കാട്ടുന്നതാണ് പോസ്റ്ററുകൾ. 

സ്ഥാനാർഥികളെ നിർത്തുന്നതിൽ ഡിസിസി പ്രസിഡണ്ട് പണം വാങ്ങിയെന്നും സ്ഥാനാർഥികൾ നാലാം സ്ഥാനത്തായെന്നും പോസ്റ്ററിൽ ആരോപിക്കുന്നു. 

പാലക്കാട് ജില്ലയിലെ കോൺഗ്രസിനെ നശിപ്പിക്കുന്ന പണം ലോബിയുടെ അടിമയാണ് ഡിസിസി പ്രസിഡന്റെന്നും, ഡിസിസി പ്രസിഡന്റ്‌ എ.തങ്കപ്പൻ നിർത്തിയ മംഗലം ഡാമിലെ സ്ഥാനാർഥിക്ക് സിറ്റിങ് വാർഡിൽ നാലാം സ്ഥാനമാണ് ലഭിച്ചതെന്നും, യുഡിഎഫിന് ഭരണം നഷ്ടപ്പെടാൻ കാരണമായ പ്രസിഡന്റ് തങ്കപ്പൻ രാജിവെക്കുക തുടങ്ങിയ കാര്യങ്ങളുന്നയിച്ചാണ് പോസ്റ്റർ. ഡിസിസി ഓഫിസിന്റെ മതിലിലാണ് പോസ്റ്ററുകൾ പതിച്ചത്.