മലപ്പുറം: സ്കൂള് വിട്ടാല് ചേരിതിരിഞ്ഞ് സംഘര്ഷമുണ്ടാക്കിയ പത്തിലധികം വിദ്യാര്ഥികള്ക്ക് സസ്പെന്ഷന്. കുറ്റിപ്പുറം ഗവ. ഹയര് സെക്കഡറി സ്കൂളിലെ പ്ലസ് വണ്, പ്ലസ്ടു ക്ലാസുകളില് പഠിക്കുന്ന പത്തിലധികം കുട്ടികളെയാണ് സസ്പെന്ഡ് ചെയ്തത്.
കഴിഞ്ഞ വെള്ളിയാഴ്ച വൈകുന്നേരമാണ് കുറ്റിപ്പുറം ഗവ. ഹയര്സെക്കഡറി സ്കൂളിലെ വിദ്യാര്ഥികള് തമ്മിലാണ് സംഘര്ഷമുണ്ടായത്. പ്ലസ് വണ്, പ്ലസ്ടു ക്ലാസുകളിലെ വിദ്യാര്ഥികള് കുറ്റിപ്പുറം ബസ്റ്റാന്ഡില് വെച്ച് ചേരിതിരിഞ്ഞ് പരസ്പരം ഏറ്റുമുട്ടുകയായിരുന്നു.
സംഭവമറിഞ്ഞ് സ്ഥലത്തെത്തിയ പൊലീസ് ചില വിദ്യാര്ഥികളെ കസ്റ്റഡിയിലെടുത്തിരുന്നു. ഇവരുടെ രക്ഷിതാക്കളെ പൊലീസ് സ്റ്റേഷനിലേക്ക് വിളിച്ചുവരുത്തി വിദ്യാര്ഥികളെ താക്കീത് ചെയ്ത് വിട്ടിരുന്നു.
പൊലീസ് കസ്റ്റഡി യിലെടുത്ത പ്ലസ്ടു വിദ്യാര്ഥിക്ക് നേരെ പ്ലസ് വണ് വിദ്യാര്ഥിയുടെ ചില ബന്ധുക്കളില് നിന്ന് ആക്രമണ ഭീഷണി നിലനില്ക്കുന്നുണ്ട്. ഇതേ തുടര്ന്ന് ഇന്നലെ വൈകീട്ടും രാവിലെയും ബസ്റ്റാന്ഡില് പൊലിസ് സാന്നിധ്യം ഏര്പ്പെടുത്തിയിരുന്നു.