പ്രിയങ്ക ഗാന്ധി വയനാട്ടിൽ. കടുവ ആക്രമണത്തിൽ കൊല്ലപ്പെട്ട രാധയുടെ കുടുംബത്തെ കണ്ടു. വീടിന്‍റെ പണി പൂർത്തിയാക്കുന്നതിന് ആവശ്യമായ സഹായം എത്രയും പെട്ടന്ന് ചെയ്തുനൽകുമെന്ന് കുടുംബത്തെ അറിയിച്ചു

വയനാട്: വയനാട്ടിലെത്തിയ പ്രിയങ്ക ഗാന്ധി എം.പി പഞ്ചാരക്കൊല്ലിയിൽ കടുവയുടെ ആക്രമണത്തിൽ കൊല്ലപ്പെട്ട രാധയുടെ കുടുംബത്തെ സന്ദർശിച്ചു. ഉച്ചയ്ക്ക് 1.20നാണു എം.പി വീട്ടിലെത്തിയത്. അരമണിക്കൂറോളം കുടുംബത്തോടൊപ്പം ചെലവഴിച്ചു.

വീടിന്‍റെ പണി പൂർത്തിയാക്കുന്നതിന് ആവശ്യമായ സഹായം എത്രയും പെട്ടന്ന് ചെയ്തുനൽകുമെന്ന് കുടുംബത്തെ അറിയിച്ചു

കുടുംബത്തിന്‍റെ സാമ്പത്തിക ബാധ്യതകളെക്കുറിച്ചും ജോലി സംബന്ധമായ കാര്യങ്ങളും ചോദിച്ചറിഞ്ഞു. വന്യമൃഗ ശല്യം മൂലം നേരിടുന്ന പ്രശ്നങ്ങളെക്കുറിച്ചും ചോദിച്ചറിഞ്ഞു.

പ്രിയങ്ക ഗാന്ധി എത്തിയതിൽ വലിയ സന്തോഷമുണ്ടെന്ന് രാധയുടെ ഭർത്താവ് അച്ചപ്പൻ പറഞ്ഞു. വീടിന്റെ പണി അവർ നേരിട്ട് എത്രയും പെട്ടന്ന് പൂർത്തിയാക്കാമെന്നു പറഞ്ഞു.  

വന്യമൃഗശല്യം മൂലമുള്ള ബുദ്ധിമുട്ടുകളെക്കുറിച്ചും ചോദിച്ചറിഞ്ഞെന്ന് അച്ചപ്പൻ പറഞ്ഞു.