കോട്ടയം: ശബരിമല തീര്‍ഥാടനത്തിനൊരുങ്ങി കെ.എസ്.ആര്‍.ടി.സി. ബസുകളുടെ ബ്രേക്ക് ഡൗണ്‍ നിരക്കില്‍ ആശങ്ക. മുന്‍ വര്‍ഷങ്ങളിലേക്കാള്‍ 60% വര്‍ധനവാണു കെ.എസ്.ആര്‍.ടി.സിയുടെ ബ്രേക്ക് ഡൗണ്‍ നിരക്ക്. അന്തര്‍സംസ്ഥാന ബസുകളുടെ ബ്രേക്ക് ഡൗണ്‍ നിരക്കും വര്‍ധിച്ചിട്ടുണ്ട്.
എന്നാൽ, ശബരിമല സർവീസുക്കികളെക്കുറിച്ച് ആശങ്ക വേണ്ടെന്നാണ് കെ.എസ്.ആർ.ടി.സി വാദം. ഇക്കുറി ശബരിമല സീസണില്‍ ആദ്യഘട്ടത്തില്‍ 383 ബസും രണ്ടാംഘട്ടത്തില്‍ 550 ബസുമാണ് കെ.എസ്.ആര്‍.ടി.സി. ക്രമീകരിക്കുക. തിരക്ക് അനുസരിച്ച് ബസുകള്‍ വര്‍ധിപ്പിക്കാനുമാണ് കെ.എസ്.ആര്‍.ടി.സിയുടെ തീരുമനം.
ആദ്യ ഘട്ടത്തിലേക്ക് അയ്‌ക്കേണ്ട 383 ബസുകളുടെ ചെസ്റ്റ് നമ്പര്‍ സഹിതം യൂണിറ്റുകളെ അറിയിച്ചിട്ടുണ്ട്. ബാക്കിയുള്ളവ അടുത്തഘട്ടത്തിലാണ് അയയ്ക്കുക. യൂണിറ്റുകളില്‍നിന്നു നിര്‍ദിഷ്ട കേന്ദ്രങ്ങളിലേക്ക് ഡ്രൈവറും കണ്ടക്ടറും സഹിതമാകും ബസുകള്‍ എത്തുന്നത്.
പമ്പയിലേക്ക്-200, പമ്പ-ത്രിവേണി സര്‍വീസിന്-3, ചെങ്ങന്നൂരിലേക്ക്-70, കോട്ടയം-40, എറണാകുളം-30, പത്തനംതിട്ട-23, കൊട്ടാരക്കര-20, എരുമേലി-18, കുമളി-17, പുനലൂര്‍-10, തിരുവനന്തപുരം സെന്‍ട്രല്‍-8. എന്നിങ്ങനെയാണ് കെ.എസ്.ആര്‍.ടി.സിയുടെ സര്‍വീസുകള്‍.
മെക്കാനിക്കല്‍, ബോഡി വര്‍ക്കുകള്‍, വൃത്തിയാക്കലടക്കം എല്ലാ പണികളും തീര്‍ന്ന രീതിയിലായിരിക്കണം ബസുകള്‍ എത്തിക്കേണ്ടത്. ഫിറ്റ്‌നെസ് സര്‍ട്ടിഫിക്കറ്റ്, പുകപരിശോധനാ സര്‍ട്ടിഫിക്കറ്റ് എന്നിവയും അഗ്‌നിശമന ഉപകരണവും ബസില്‍ ഉണ്ടാകണമെന്നണ് നിര്‍ദേശം./sathyam/media/media_files/XzD7b8R17WqyzbxP3nvK.jpg)
തീര്‍ഥാടനത്തിനു മുന്നോടിയായി വിവിധ ഡിപ്പോകളില്‍ ബസുകളുടെ അറ്റകുറ്റപ്പണികള്‍ തീര്‍ക്കാനുള്ള നടപടികള്‍ പൂര്‍ത്തിയാക്കിവരുന്നതായാണ് കെ.എസ്.ആര്‍.ടി.സി അധികൃതര്‍ പറയുന്നത്. വിവിധ ഡിപ്പോകളില്‍ നിന്നു ഏറ്റവും മികച്ച ബസുകളാണ് ശബരിമല തീര്‍ഥാടനത്തിനായി നിയോഗിച്ചിരിക്കുന്നത്.
അതേസമയം, നല്ല ബസുകള്‍ ശബിമല തീര്‍ഥാടനത്തിന്റെ ഭാഗമാകുന്നതോടെ വിവിധ ഡിപ്പോകളിലെ റൂട്ടുകളില്‍ സ്ഥിരം ബ്രേക്ക് ഡൗണാകുന്ന ബസുകള്‍ ഉപയോഗിക്കേണ്ടി വരും. കാലപ്പഴക്കം ചെന്ന ബസുകളാണു സൂപ്പര്‍ഫാസ്റ്റ് സര്‍വീസായി നടത്തുന്നത്. സൂപ്പര്‍ഫാസ്റ്റ് ബസുകള്‍ അഞ്ചു വര്‍ഷങ്ങള്‍ക്കു ശേഷം ഓഡിനറി സര്‍വീസുകളായി മാറ്റണമെന്നാണ് ചട്ടം.
എന്നാല്‍, ബസുകളുടെ ക്ഷാമം കാരണം ഇപ്പോഴും ഓടി തളര്‍ന്ന ബസുകളാണ് കെ.എസ്.ആര്‍.ടി.സി ഉപയോഗിക്കുന്നത്. അടുത്തിടെ 15 വര്‍ഷ കാലാവധി കഴിഞ്ഞ ആയരത്തിലധികം ബസുകള്‍ക്ക് രണ്ടു വര്‍ഷത്തേക്ക് കൂടി കാലാവധി നീട്ടി നല്‍കിയിരുന്നു. അതേസമയം, ബ്രേക്ക് ഡൗൺ നിരക്ക് വർധിച്ചിട്ടുണ്ടെങ്കിലും ഈ തീർഥാടന കാലത്ത് കോടികളുടെ വരുമാനമാണ് കെ.എസ്.ആർ.ടിസി പ്രതീക്ഷിക്കുന്നത്.
ഇക്കുറി ശബരിമല തീര്‍ഥാടകര്‍ക്കായി വെര്‍ച്വല്‍ ക്യൂ ബുക്കിങ്ങിനോടൊപ്പം കെ.എസ്.ആര്‍.ടി.സി. ഓണ്‍ലൈന്‍ ടിക്കറ്റ് സംവിധാനം ഏര്‍പ്പെടുത്തിയിട്ടുണ്ട്. ദര്‍ശനം ബുക്കുചെയ്യുമ്പോള്‍ ടിക്കറ്റെടുക്കാനുള്ള ലിങ്കും അതിനൊപ്പമുണ്ടാകും.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2024/11/13/v8p4eeJ7RUHy7tnTEV8F.jpg)