സ്‌കൂള്‍ ഗ്രൗണ്ടില്‍ കാറുകളുമായി വിദ്യാര്‍ത്ഥികള്‍ അഭ്യാസ പ്രകടനം നടത്തിയ സംഭവത്തില്‍ ലൈസന്‍സും വാഹനങ്ങളുടെ രജിസ്‌ട്രേഷനും റദ്ദാക്കിയേക്കും. പൊലീസ് നടപടി ആവശ്യപ്പെട്ട് റിപ്പോര്‍ട്ട് നല്‍കും.  കല്‍പ്പറ്റ എന്‍എസ്എസ് സ്‌കൂളിലെ പ്ലസ് ടു വിദ്യാര്‍ത്ഥികളാണ് അഭ്യാസപ്രകടനം നടത്തിയത്. ഗ്രൗണ്ടില്‍ ആളുകള്‍ നില്‍ക്കെയായിരുന്നു അഭ്യാസ പ്രകടനം

വയനാട്: സ്‌കൂള്‍ ഗ്രൗണ്ടില്‍ കാറുകളുമായി വിദ്യാര്‍ത്ഥികള്‍ അഭ്യാസ പ്രകടനം നടത്തിയ സംഭവത്തില്‍ ലൈസന്‍സും വാഹനങ്ങളുടെ രജിസ്‌ട്രേഷനും റദ്ദാക്കിയേക്കും.

 പൊലീസ് നടപടി ആവശ്യപ്പെട്ട് റിപ്പോര്‍ട്ട് നല്‍കും. കല്‍പ്പറ്റ എന്‍എസ്എസ് സ്‌കൂളിലെ പ്ലസ് ടു വിദ്യാര്‍ത്ഥികളാണ് അപകടകരമായ രീതിയില്‍ വാഹനങ്ങളില്‍ അഭ്യാസപ്രകടനം നടത്തിയത്. ഗ്രൗണ്ടില്‍ ആളുകള്‍ നില്‍ക്കെയായിരുന്നു അഭ്യാസ പ്രകടനം.

കല്‍പ്പറ്റ എന്‍എസ്എസ് സ്‌കൂളില്‍ ഇന്നലെയായിരുന്നു സംഭവം. പ്ലസ്ടു വിദ്യാര്‍ത്ഥികളുടെ സെന്റ് ഓഫ് പാര്‍ട്ടിക്കിടെയാണ് വിദ്യാര്‍ത്ഥികള്‍ അഭ്യാസ പ്രകടനം നടത്തിയത്. കാറുകളും മറ്റു വാഹനങ്ങളുമായി ഗ്രൗണ്ടില്‍ തലങ്ങും വെലങ്ങും വേഗതയില്‍ ഓടിക്കുന്നതിന്റെ ദൃശ്യങ്ങളും പുറത്തുവന്നു. 

ഇതിനിടെ ഗ്രൗണ്ടിലൂടെ പോകാന്‍ ശ്രമിച്ചവരടക്കം പരിഭ്രാന്തിയിലായി. ഗ്രൗണ്ടിലൂടെ കടന്നുപോകാന്‍ ശ്രമിച്ച അധ്യാപികയും കുട്ടിയും ഭാഗ്യകൊണ്ടാണ് രക്ഷപ്പെട്ടത്. കാറുകള്‍ പാഞ്ഞുവരുന്നത് കണ്ട അവര്‍ ഗ്രൗണ്ടിന് പുറത്തേക്ക് മാറി നില്‍ക്കുകയായിരുന്നു.

അധ്യാപകരുടെയും കുട്ടികളുടെയും സമീപത്തായിരുന്നു അപകടകരമായ രീതിയിലുള്ള അഭ്യാസപ്രകടനം നടത്തിയത്. അപകടകരമായ രീതിയില്‍ ഓടിക്കുന്നതിനിടെ രണ്ട് വാഹനങ്ങള്‍ കൂട്ടിയിടിച്ചു.

 വാഹനങ്ങളുമായി വരരുതെന്ന സ്‌കൂളിന്റെ കര്‍ശന നിര്‍ദേശം ലംഘിച്ചായിരുന്നു കുട്ടികളുടെ നടപടി. സംഭവത്തില്‍ വിദ്യാര്‍ത്ഥികള്‍ക്കെതിരെ കല്‍പ്പറ്റ പൊലീസ് കേസെടുത്തു. നാല് വാഹനങ്ങളും പൊലീസ് പിടിച്ചെടുത്തു.