തിരുവനന്തപുരം കോർപ്പറേഷനിൽ സ്മാർട്ട് ബിൻ സ്ഥാപിച്ചു; ഉദ്ഘാടനം മേയർ വി.വി. രാജേഷ് നിർവഹിച്ചു

തിരുവനന്തപുരം : പ്ലാസ്റ്റിക് മാലിന്യങ്ങൾ ശാസ്ത്രീയമായി സംസ്‌കരിക്കുന്ന പദ്ധതിയുടെ  ഭാഗമായി തിരുവനന്തപുരം കോർപ്പറേഷനിൽ അത്യാധുനിക ഐഒടി (IoT) സാങ്കേതികവിദ്യയിൽ പ്രവർത്തിക്കുന്ന ‘സ്മാർട്ട് ബിൻ’ സ്ഥാപിച്ചു. സ്മാർട്ട് ബിന്നിന്റെ ഔദ്യോഗിക ഉദ്ഘാടനം തിരുവനന്തപുരം നഗരസഭ മേയർ വി.വി. രാജേഷും ടെറുമോ പെൻപോൾ ലിമിറ്റഡ് ചെയർമാൻ ആൻഡ് മാനേജിങ് ഡയറക്ടർ ചേതൻ മക്കോമും ചേർന്ന് നിർവഹിച്ചു. 

കേന്ദ്ര ആരോഗ്യ കുടുംബക്ഷേമ മന്ത്രാലയത്തിന് കീഴിലുള്ള മിനി രത്ന പൊതുമേഖലാ സ്ഥാപനമായ എച്ച് എൽഎൽ ലൈഫ് കെയർ ലിമിറ്റഡ് (എച്ച്എൽഎൽ) ആവിഷ്‌കരിച്ച പദ്ധതിയാണിത്. ടെറുമോ പെൻപോൾ പ്രൈവറ്റ് ലിമിറ്റഡിന്റെ സിഎസ്ആർ പദ്ധതിയുടെ ഭാഗമായി എച്ച്എൽഎൽ മാനേജ്‌മെന്റ് അക്കാദമിയാണ് ഈ നൂതന പദ്ധതി നടപ്പിലാക്കുന്നത്. 

ടെറുമോ പെൻപോളിനെ പ്രതിനിധീകരിച്ച് സിഎസ്ആർ ഹെഡ് ഗോവിന്ദ് ആർ., എച്ച്ആർ ഹെഡ് ദിനേഷ് എന്നിവരും സന്നിഹിതരായിരുന്നു.