ഓട്ടൻതുള്ളൽ ആചാര്യൻ താമരക്കുടി കരുണാകരൻ മാസ്റ്റർ അന്തരിച്ചു; വിടവാങ്ങിയത് അയ്യായിരത്തിലധികം വേദികളെ ധന്യമാക്കിയ കലാകാരൻ

കൊട്ടാരക്കര: പ്രശസ്ത ഓട്ടൻതുള്ളൽ കലാകാരനും അധ്യാപകനുമായ താമരക്കുടി കരുണാകരൻ മാസ്റ്റർ (85) അന്തരിച്ചു.

തുള്ളൽ കലയെ ജനകീയമാക്കുന്നതിൽ നിർണ്ണായക പങ്ക് വഹിച്ച അദ്ദേഹം, അയ്യായിരത്തിലധികം വേദികളിൽ കല അവതരിപ്പിച്ചിട്ടുണ്ട്. 

2016-ൽ സംസ്ഥാന സർക്കാരിന്റെ കുഞ്ചൻ നമ്പ്യാർ പ്രതിഭ പുരസ്കാരം നൽകി അദ്ദേഹത്തെ ആദരിച്ചിരുന്നു.

താമരക്കുടി ശിവവിലാസം വി.എച്ച്.എസ്.എസിലെ റിട്ടയേർഡ് അധ്യാപകനായ അദ്ദേഹം ആകാശവാണിയിലും ദൂരദർശനിലും സജീവമായിരുന്നു. നൂറിലധികം പ്രാദേശിക പുരസ്കാരങ്ങൾ നേടിയിട്ടുള്ള അദ്ദേഹം നിരവധി ശിഷ്യരെയും വാർത്തെടുത്തിട്ടുണ്ട്.