തൃശൂരില്‍ 68 വയസായ വയോധികയെ മക്കള്‍ ഉപേക്ഷിച്ച നിലയില്‍ കണ്ടെത്തി

തൃശൂര്‍: തൃശൂരില്‍ 68 വയസായ വയോധികയെ മക്കള്‍ ഉപേക്ഷിച്ച നിലയില്‍ കണ്ടെത്തി. തൃശൂര്‍ വടക്കാഞ്ചേരിയിലാണ് സംഭവം. കൊടുമ്പ് പുനരധിവാസ കോളനിയില്‍ താമസിക്കുന്ന കളി (തങ്കു)യെയാണ് മക്കള്‍ ഉപേക്ഷിച്ച് പോയത്. 

അസുഖത്തെ തുടര്‍ന്ന് വീട്ടില്‍ ചികിത്സയിലിരിക്കെ കട്ടിലില്‍ നിന്ന് വീഴുകയും ഇരിക്കാന്‍ കഴിയാത്തത് മൂലം കിടന്ന കിടപ്പില്‍ മലം പോയതിന്റെ പേരില്‍ മര്‍ദനമേറ്റവെന്നും പറയുന്നു.

വയോധികയെ റോഡരികില്‍ വീണ് കിടക്കുന്നത് കണ്ട് നാട്ടുകാര്‍ പൊലീസില്‍ വിവരം അറിയിക്കുകയായിരുന്നു.