തൃശ്ശൂര്‍ ചാലക്കുടിയില്‍ അതിഥിതി തൊഴിലാളികള്‍ തമ്മിലടിച്ചു. സംഘര്‍ഷത്തില്‍ മൂന്ന് പേര്‍ക്ക് പരിക്കേറ്റു

ചാലക്കുടി: തൃശ്ശൂര്‍ ചാലക്കുടിയില്‍ അതിഥിതി തൊഴിലാളികള്‍ തമ്മിലടിച്ചു. കഴിഞ്ഞ ദിവസം രാത്രി എട്ടരയോടെ ചാലക്കുടി പച്ചക്കറി ചന്തയിലാണ് സംഭവം. 

മദ്യലഹരിയിലായിരുന്ന അതിഥി തൊഴിലാളികള്‍ തമ്മില്‍ വാക്കേറ്റമുണ്ടാവുകയും പിന്നീട് കൂട്ടത്തല്ലിലേക്ക് പോകുകയുമായിരുന്നു. സംഘര്‍ഷത്തില്‍ മൂന്ന് പേര്‍ക്ക് പരിക്കേറ്റു. മാര്‍ക്കറ്റില്‍ നിരവധി ആളുകള്‍ ഉള്ളപ്പോഴായിരുന്നു സംഘര്‍ഷം.

ബാന്‍ഡ് സെറ്റിനിടെ അടിയുണ്ടായതിന്റെ തുടര്‍ച്ചയായിരുന്നു കഴിഞ്ഞ ദിവസം രാത്രിയുണ്ടായ അടിയെന്നാണ് വിവരം. വിവരമറിഞ്ഞെത്തിയ പൊലീസ് ലാത്തി വീശി എല്ലാവരെയും വിരട്ടിയോടിച്ചു. ഏറെ പണിപ്പെട്ടാണ് പൊലീസ് സ്ഥിതി ശാന്തമാക്കി. 

മദ്യലഹരിയിലായിരുന്ന അതിഥി തൊഴിലാളികള്‍ ചേരിതിരിഞ്ഞ് അടിക്കുകയായിരുന്നുവെന്ന് പൊലീസ് പറഞ്ഞു. ചെറിയ വാക്കേറ്റം കൂട്ടത്തല്ലിലെത്തുകയായിരുന്നു. 

നാട്ടുകാര്‍ ഇടപെട്ടിട്ടും സംഘം അടി നിര്‍ത്തിയില്ല. ഒടുവില്‍ പൊലീസില്‍ വിവരമറിയിക്കുകയായിരുന്നു. സംഭവത്തില്‍ പൊലീസ് കേസെടുത്തിട്ടുണ്ട്.