ആലപ്പുഴ: വയോധികയുടെ മാല മോഷ്ടിച്ച കേസില്‍ കൊച്ചുമകന്‍ പിടിയില്‍. താമരക്കുളം കീരിവിളയില്‍ വീട്ടില്‍ മുത്ത് എന്ന 80 വയസ് പ്രായമുള്ള സ്ത്രീയുടെ കൈവശം ഉണ്ടായിരുന്ന സ്വര്‍ണ മാലയും ലോക്കറ്റും മോഷ്ടിച്ച് കടന്ന് കളഞ്ഞ കേസിലാണ് 20 വയസുള്ള അല്‍താഫിനെ (20) നൂറനാട് പൊലീസ് അറസ്റ്റ് ചെയ്തത്. ചാരുംമൂട് ഭാഗത്ത് വെച്ചാണ് അല്‍ത്താഫിനെ പിടികൂടിയത്.
മോഷണം നടത്തി ഒളിവില്‍ പോയ പ്രതി എറണാകുളം ഭാഗത്ത് ആഡംബര ജീവിതം നയിച്ചു വരികയായിരുന്നു. വാഹനം വാങ്ങാന്‍ ചാരുംമൂട്ടില്‍ എത്തിയപ്പോഴാണ് പിടികൂടിയത്. തുടര്‍ന്ന് പ്രതി സ്വര്‍ണാഭരണം പണയം വെച്ച സ്ഥലത്ത് എത്തി തെളിവെടുപ്പ് നടത്തി.
പ്രതിക്കെതിരെ നൂറനാട് പൊലീസ് സ്റ്റേഷനില്‍ കടയുടമയുടെ വീട് കുത്തി തുറന്ന് മോഷണം നടത്തിയതിനും മുരിക്കശ്ശേരി സ്റ്റേഷനില്‍ പ്രായപൂര്‍ത്തിയാകാത്ത ഇടുക്കി സ്വദേശിനിയെ പീഡിപ്പിച്ചതിനും കേസുകള്‍ നിലവിലുണ്ട്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/gMmcN5xq3o5PiOnDsAI1.jpg)