അനുശ്രീയും അനഘയും തിളങ്ങി, ആറാം തവണയും ദേശീയ വോളിബോൾ കിരീടം സ്വന്തമാക്കി കേരളം. റെയിൽവേയെ തകർത്തത് രണ്ടിനെതിരെ മൂന്ന് സെറ്റുകൾക്ക്

ആഗ്ര: ദേശീയ വനിതാ വോളിബോളിൽ ആറാം തവണയും ദേശീയ വോളിബോൾ കിരീടം സ്വന്തമാക്കി കേരളം. 72-ാമത് സീനിയർ നാഷണൽ വോളിബോൾ ചാമ്പ്യൻഷിപ്പിന്റെ ആവേശകരമായ ഫൈനലിൽ ഇന്ത്യൻ റെയിൽവേയെ രണ്ടിനെതിരെ മൂന്ന് സെറ്റുകൾക്കാണ് കേരളം പരാജയപ്പെടുത്തിയത്. 

ആഗ്രയിലെ ഡോ. സമ്പൂർണ്ണാനന്ദ് സ്പോർട്സ് സ്റ്റേഡിയം ഇൻഡോർ ഹാളിൽ ലോകത്തെ രണ്ട് കരുത്തർ നേർക്കുനേർ വന്നപ്പോൾ ഓരോ പോയിന്റിനായും മൈതാനത്ത് കടുത്ത പോരാട്ടമാണ് നടന്നത്.

5 സെറ്റുകൾ നീണ്ടുനിന്ന മത്സരത്തിൽ ഇരു ടീമുകളും ഒപ്പത്തിനൊപ്പം മുന്നേറിയെങ്കിലും നിർണ്ണായക നിമിഷങ്ങളിൽ കേരളം വിജയം പിടിച്ചെടുക്കുകയായിരുന്നു. അനുശ്രീയുടെയും അനഘ രാധാകൃഷ്ണന്റെയും തകർപ്പൻ സ്മാഷുകൾ മത്സരത്തിൽ നിർണ്ണായകമായി.

ടീം വർക്കും പരിശീലകൻ സദാനന്ദിന്റെ കൃത്യമായ തന്ത്രങ്ങളുമാണ് വിജയത്തിന് പിന്നിലെന്ന് കേരള ക്യാപ്റ്റൻ അനുശ്രീ പറഞ്ഞു.