കാസര്‍കോട് ബേക്കലില്‍ വന്‍ മയക്കുമരുന്ന് വേട്ട. സ്‌കൂട്ടറില്‍ കടത്തുകയായിരുന്ന 20 ഗ്രാം എംഡിഎംഎയാണ് പിടികൂടിയത്

കാസര്‍കോട്: കാസര്‍കോട് ബേക്കലില്‍ വന്‍ മയക്കുമരുന്ന് വേട്ട. സ്‌കൂട്ടറില്‍ കടത്തുകയായിരുന്ന 20 ഗ്രാം എംഡിഎംഎയാണ് പിടികൂടിയത്. 

ബേക്കല്‍ കുതിരക്കോട് സ്വദേശി കെഎ നിസാമിനെ പൊലീസ് അറസ്റ്റ് ചെയ്തു. പൊലീസിന്റെ വാഹന പരിശോധനയ്ക്കിടെ രക്ഷപ്പെടാന്‍ ശ്രമിച്ച യുവാവിനെ സാഹസികമായിട്ടാണ് പിടികൂടിയത്.

തൃക്കണ്ണാട് ചിറമ്മല്‍ വെച്ച് പൊലീസ് വാഹന പരിശോധന നടത്തുന്നതിനിടെയാണ് പൊലീസിനെ കണ്ട് യുവാവ് രക്ഷപ്പെടാന്‍ ശ്രമിച്ചത്. സ്‌കൂട്ടര്‍ ഉപേക്ഷിച്ച് കടന്ന് കളയാന്‍ ശ്രമിച്ച ആളെ സാഹസികമായി പിടികൂടുകയായിരുന്നു. 

പരിശോധിച്ചപ്പോഴാണ് ഇയാള്‍ സഞ്ചരിച്ച സ്‌കൂട്ടറില്‍ നിന്നും എംഡിഎംഎ കണ്ടെത്തിയത്. 20.110  ഗ്രാം എംഡിഎംഎയാണ് പിടികൂടിയത്. 

ബേക്കല്‍ ഡി വൈ എസ് പി മനോജ് വി വി യുടെ മേല്‍നോട്ടത്തില്‍ ബേക്കല്‍ എസ്എച്ച്ഒ ഡോ. അപര്‍ണ ഒഐ പി എസ് ന്റെ നിര്‍ദ്ദേശ പ്രകാരം ഇന്‍സ്പെക്ടര്‍ ഷൈന്‍ കെ പി, സബ് ഇന്‍സ്‌പെകര്‍ സവ്യസാചി, മനുകൃഷ്ണന്‍ സിപിഒ അരുണ്‍ കുമാര്‍, പ്രദീപ് എന്നിവര്‍ ചേര്‍ന്നാണ് പ്രതിയെ പിടികൂടിയത്.