2 ടാറ്റൂ സ്റ്റുഡിയോ, കാര്‍വാഷ് വര്‍ക്ക് ഷോപ്പ് ഉടമകള്‍. പത്തനംതിട്ടയില്‍ ഹൈബ്രിഡ് കഞ്ചാവുമായി യുവാക്കള്‍ പിടിയില്‍

പത്തനംതിട്ട: ഹൈബ്രിഡ് കഞ്ചാവുമായി യുവാക്കള്‍ പിടിയില്‍. പത്തനംതിട്ട കോഴഞ്ചേരി പാലത്തിനു സമീപത്തു നിന്നും രണ്ട് യുവാക്കളെ 5ഗ്രാം ഹൈബ്രിഡ് കഞ്ചാവുമായി ആറന്മുള പൊലീസ് പിടികൂടി. പത്തനംതിട്ട വികോട്ടയം സ്വദേശി ഫെബിന്‍ബിജു, പ്രമാടം മറുര്‍ സ്വദേശി സൗരവ് എസ് ദേവ് എന്നിവരാണ് അറസ്റ്റിലായത്. 

ഫെബിന്‍ബിജു കൊച്ചിയിലും ബ്ലാംഗ്ലൂരും റ്റാറ്റു സ്റ്റുഡിയോ നടത്തുകയാണ്. സൗരവ് പത്തനംതിട്ട പൂങ്കാവില്‍ കാര്‍ വാഷ് വര്‍ക്ക് ഷോപ്പ് നടത്തുന്നു.

ബാംഗ്ലൂരില്‍ നിന്നും കഞ്ചാവ് കാറില്‍ കടത്തി കൊണ്ടുവരുന്നതായി ലഭിച്ച രഹസ്യ വിവരത്തെ തുടര്‍ന്ന് നടത്തിയ നീക്കത്തിലാണ് യുവാക്കള്‍ കുടുങ്ങിയത്.