ടെലിമെഡിസിൻ സൊസൈറ്റി ഓഫ് ഇന്ത്യ ദേശീയ പ്രസിഡന്റ്റായി ഡോ. പ്രേം നായരെ തിരഞ്ഞെടുത്തു

കൊച്ചി:  പി.ജി.ഐ. ചണ്ഡീഗഢിൽ നടന്ന ടെലിമെഡിസിൻ സൊസൈറ്റി ഓഫ് ഇന്ത്യയുടെ  വാർഷിക അന്താരാഷ്ട്ര സമ്മേളനമായ  ടെലിമെഡികോൺ 2024-ൽഅമൃത ഹോസ്പിറ്റൽസ് ഗ്രൂപ്പ് മെഡിക്കൽ ഡയറക്ടർ ഡോ.പ്രേം നായർ  ടെലിമെഡിസിൻ സൊസൈറ്റി ഓഫ് ഇന്ത്യയുടെ ദേശീയ പ്രസിഡന്റായി തിരഞ്ഞെടുക്കപ്പെട്ടു.

നിലവിൽ ടെലിമെഡിസിൻ സൊസൈറ്റി ഓഫ് ഇന്ത്യയുടെ കേരള ഘടകം സ്ഥാപക പ്രസിഡന്റാണ് ഡോ. പ്രേം നായർ.

2003-ൽ അമൃത ആശുപത്രിയിലെ ഐ.എസ്.ആർ.ഒ ടെലിമെഡിസിൻ സംവിധാനം ഉപയോഗിച്ച് നടത്തിയ ജീവൻ രക്ഷാദൗത്യത്തെ കുറിച്ച് പ്രസ്തുത ചടങ്ങിൽ ടെലിമെഡിസിൻ സൊസൈറ്റി കേരള ഘടകത്തിൻ്റെ ഹോണററി സെക്രട്ടറി ശ്രീ. ബിജോയ്  പ്രബന്ധം അവതരിപ്പിച്ചു.