ഇന്ന് സെപ്റ്റംബർ 12, അന്താരാഷ്ട്ര മനഃസാക്ഷി ദിനം, പ്രേം കുമാറിന്റേയും അമല അക്കിനേനിയുടെയും പ്രിയ വാര്യരുടെയും ജന്മദിനം, തിരുവിതാംകൂർ രാജ്യത്തെ ബാങ്കായി ദി ട്രാവൻകൂർ ബാങ്ക് ലിമിറ്റഡ് പ്രവർത്തനമാരംഭിച്ചതും ന്യു യോർക്ക് സിറ്റിയിൽ 9/11 മ്യൂസിയം പൊതുജനങ്ങൾക്കായി തുറന്നതും ഇതേദിനം തന്നെ, ചരിത്രത്തിൽ ഇന്ന്

ചരിത്രത്തിൽ ഇന്ന്, വർത്തമാനവും !
      **************

.              ' JYOTHIRGAMAYA '
.            ്്്്്്്്്്്്്്്്
.              🌅ജ്യോതിർഗ്ഗമയ🌅
.                       
കൊല്ലവർഷം1201  
ചിങ്ങം 27
ഭരണി / പഞ്ചമി
2025 സെപ്റ്റംബർ 12, 
വെള്ളി

ഇന്ന്;

*ലോക ഡോൾഫിൻ  ദിനം![ഡോൾഫിനുകൾക്കും ഒരു ദിനം. ഡോൾഫിനുകളെക്കുറിച്ചുള്ള പൊതുജനാവബോധം വളർത്തുക, മനുഷ്യരുടെ ഭീഷണി മൂലം എല്ലാ ദിവസവും അപകടസാധ്യതയിൽ ജീവിക്കുന്ന ഈ മനോഹരമായ കടൽ സസ്തനികൾക്ക് സംരക്ഷണം നൽകുന്നതിൽ പൊതുജനങ്ങളെ ഉദ്ബോധിപ്പിയ്ക്കുക അതിനായി പ്രവർത്തിയ്ക്കുക.!]

*അന്താരാഷ്ട്ര മേഘ അഭിനന്ദന  ദിനം![International Cloud Appreciation Day -മേഘങ്ങൾക്കും ഒരു ദിനം. എല്ലാ ദിവസവും എത്രയോ മേഘങ്ങൾ നമ്മുടെ തലയ്ക്കു മുകളിലൂടെ കടന്നുപോകുന്നുണ്ട്, പക്ഷേ അവയെ അവകൊണ്ടുള്ള ഉപയോഗ ഉപകാരങ്ങളെക്കുറിച്ച് നമ്മളിൽ പലർക്കും അറിയില്ല. അത് അറിയാനും അവയെക്കുറിച്ച് പഠിയ്ക്കാനും ഒരു ദിവസം. ]

 *അന്തഃരാഷ്ട്ര മനഃസാക്ഷി ദിനം ![ mindfulnes day -മൈൻഡ്‌ഫുൾനെസ് ഡേ എന്നത് വരുന്ന ഒരു വാർഷിക പരിപാടിയാണ്,  ഈ ദിവസം മൈൻഡ്ഫുൾനസിൻ്റെ അഗാധമായ മൂല്യത്തെക്കുറിച്ചും പ്രയോജനത്തെക്കുറിച്ചും പൊതുജനങ്ങളെ അവബോധം വളർത്തുക എന്ന ഉദ്ദേശ്യത്തോടെ വിവിധതരം വർക്ക്ഷോപ്പുകളും ധ്യാന ഗ്രൂപ്പുകളും നടത്തപ്പെടുന്നു]

*നാഷണൽ ഹഗ് & ഹൈ 5  ഡേ![ദേശീയ ഹഗ് & ഹൈ 5 ദിനം എല്ലാവരെയും ആലിംഗനങ്ങളും ഹൈ ഫൈവുകളും പങ്കിടാൻ ക്ഷണിക്കുന്നു, ഊഷ്മളതയും പോസിറ്റിവിറ്റിയും പകരുന്നു. ലളിതമായ ആംഗ്യങ്ങളിലൂടെ സുഹൃത്തുക്കളുമായോ, അയൽക്കാരുമായോ, അപരിചിതരുമായോ ബന്ധപ്പെടാൻ ഈ പ്രത്യേക ദിനം പ്രോത്സാഹിപ്പിക്കുന്നു. ]

* കായികവ്യായാമ ദിനം ! [ Gym Day; ഉള്ളിലെ ശക്തിമാനെ കെട്ടഴിച്ചുവിട്ട്‌ കായികക്ഷമത ഉറപ്പുവരുത്തി, പുതിയ ശക്തി /ഊർജ്ജം സംഭരിക്കുന്നതിനെ പ്രോത്സാഹിപ്പിക്കാനുള്ള ദിനം ]

*ദേശീയ റിപ്പോർട്ട് മെഡികെയർ തട്ടിപ്പ്  ദിനം ![ഒരു മെഡിക്കൽ ബില്ലിൽ എന്തെങ്കിലും കണ്ടെത്തുന്നത് ചെറുതായി തോന്നുമെങ്കിലും, അത് വളരെ വലിയ ഒരു പ്രശ്നം പിടികൂടുന്നതിന് കാരണമാകും.രാജ്യത്തിന് കോടിക്കണക്കിന് നഷ്ടമുണ്ടാക്കുന്ന അഴിമതികൾ തടയുന്നതിലാണ് ദേശീയ റിപ്പോർട്ട് മെഡികെയർ തട്ടിപ്പ് ദിനം ശ്രദ്ധ കേന്ദ്രീകരിക്കുന്നത്. എന്തെങ്കിലും ശരിയായി തോന്നുന്നില്ലെങ്കിൽ സംസാരിക്കാൻ വിദഗ്ധരെ മാത്രമല്ല, ദൈനംദിന ആളുകളെയും ഇത് പ്രോത്സാഹിപ്പിക്കുന്നു. ]

*ജിം ദിനം ![ജിമ്മിൽ പോകാൻ ഇഷ്ടപ്പെടുന്നവർക്കും അല്ലെങ്കിൽ പോകാൻ ആഗ്രഹിക്കുന്നുവെന്ന് അറിയുന്നവർക്കും, ഒരു പ്രാദേശിക ജിമ്മിൽ വ്യായാമം ചെയ്യുന്നതിലൂടെ ലഭിക്കുന്ന പ്രചോദനത്തിനും സമൂഹമനസ്സിനും ആഘോഷവും അഭിനന്ദനവും പ്രകടിപ്പിക്കാൻ ജിം ദിനം ഏറ്റവും അനുയോജ്യമായ സമയമാണ്. ]

*ദേശീയ വനിത പോലീസ്‌ ദിനം ![ National Police Woman Day; 1970കളിൽ ലോകത്ത്‌ 3% ആയിരുന്നു വനിതാ പോലീസിന്റെ പ്രാതിനിധ്യം എങ്കിൽ ഇപ്പോഴും അത്‌ വെറും 13% ശതമാനത്തിൽ ഒതുങ്ങി നിൽക്കുന്നു.  കൂടിയ പ്രാതിനിധ്യത്തിനൊപ്പം വർദ്ധിച്ച സ്നേഹാദരങ്ങളിലേക്കു കൂടി ശ്രദ്ധ ക്ഷണിക്കാനുള്ള ദിവസം ]

 * ദേശീയ പ്രോത്സാഹന ദിനം ! [ National Day of Encouragement ; നമുക്കു ചുറ്റുമുള്ളവരെ എത്ര ചെറിയ കാര്യത്തിലാണെങ്കിലും   ഒരു വേള ശ്രവിക്കുന്നതിലൂടെ, ഒരനല്ല വാക്കുകൊണ്ട്‌…, ഒരു പുഞ്ചിരി കൊണ്ട്‌ പ്രോത്സാഹിപ്പിക്കുന്ന നന്മ പഠിക്കാനുള്ള ദിനം ]

 *ദേശീയ വീഡിയോ ഗെയിംസ്‌ ദിനം! [ National Video Games Day ; ആധുനിക ലോകത്തെ ആധുനിക  വിനോദോപാധിയായ വീഡിയോ ഗെയിംസ്‌ സകുടംബം ആസ്വദിച്ച്‌ ശീലിക്കുന്നതിനുള്ള ദിനം ]

റഷ്യ : ഗർഭം ധരിക്കൽ ദിനം! ( വംശവർദ്ധന ദിനം) ![ഈ ദിനത്തിൽ ഗർഭം ധരിക്കുന്നവർ ജൂൺ 12 നു പ്രസവിക്കുമ്പോൾ കാറും ഫ്രിഡ്ജും ടി വി യും വാഷിങ്ങ് മെഷിനും മറ്റും സമ്മാനമായി പ്രാദേശിക സർക്കാർ നൽകി വരുന്നു.]

*ദേശീയ ചോക്ലേറ്റ് മിൽക്ക് ഷേക്ക്  ദിനം[National Chocolate Milkshake day -ഒരു ചോക്ലേറ്റ് മിൽക്ക് ഷേക്കിനായി പുറത്തുപോകുക, അല്ലെങ്കിൽ ഈ രുചികരമായ ക്രീം ട്രീറ്റുകളിൽ ഒന്ന് സ്വയം ഉണ്ടാക്കുക. ലാക്ടോസ് അസഹിഷ്ണുത? സോയ, ഓട്‌സ് അല്ലെങ്കിൽ നട്ട് മിൽക്ക് എന്നിവ ഉപയോഗിച്ച് പകരം മിൽക്ക് ഷേക്ക് പരീക്ഷിക്കുക.ദേശീയ ചോക്ലേറ്റ് മിൽക്ക് ഷേക്ക്  ദിനം]
***********

      *ഇന്നത്തെ മൊഴിമുത്ത്!
     ്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്  

''ആളുകൾ മൂന്നു തരമാണ്‌: കാണുന്നവർ, കാണിച്ചുകൊടുത്താൽ കാണുന്നവർ, കാണാത്തവർ.''

      [ - ലിയനാർഡോ ഡാ വിഞ്ചി ]
       **********
ഇന്നത്തെ പിറന്നാളുകാർ
..............

മികച്ച ടെലിവിഷന്‍ നടനുള്ള സംസ്ഥാന സര്‍ക്കാറിന്റെ പുരസ്‌കാരമടക്കം നിരവധി പുരസ്‌കാരങ്ങള്‍നേടുകയും   18 ചിത്രങ്ങളിലെ നായകവേഷങ്ങളടക്കം 100 ലധികം ചിത്രങ്ങളില്‍ അഭിനയിച്ചിട്ടുള്ള മലയാള ചലച്ചിത്ര നടനും, ടെലിവിഷന്‍ സീരിയല്‍ അഭിനേതാവും സംസ്ഥാന ചലച്ചിത്ര അക്കാദമി ചെയർമാനുമായ പ്രേം കുമാറിന്റേയും (1967),

തമിഴ്, തെലുങ്ക്, കന്നട, മലയാളം, ഹിന്ദി എന്നീ ഭാഷകളിൽ 50 ഓളം ചിത്രങ്ങളിൽ അഭിനയിച്ച അമല അക്കിനേനിയുടെയും (1968),

2010 ലെ നോബൽ സമ്മാനം ലഭിച്ച ജപ്പാനീസ് രസ തന്ത്രഞ്ജൻ അകിര സുസുക്കിയുടെയും ( 1930) 

ഹിന്ദി ചലചിത്ര നടൻ ആദിത്യ പഞ്ചോളിയുടെയും (1965)

ലോകത്തിലെ ആദ്യത്തെ വനിതാ ബഹിരാകാശ  വിനോദ സഞ്ചാരി, ബഹിരാകാശത്തെത്തിയ ആദ്യത്തെ മുസ്ലിം വനിത, ആദ്യ ഇറാൻ വംശജ എന്നീ ബഹുമതികൾ സ്വന്തമാക്കിയ ഇറാനിയൻ-അമേരിക്കൻ  എഞ്ജിനീയറും പ്രോഡിയ സിസ്റ്റംസിന്റെ  സഹ സ്ഥാപകയും ചെയർ പേഴ്സണുമായ അനൗഷെ അൻസാരിയുടെയും (1966)

ഒരു അഡാർ ലൗ  വിലെ   ഉസ്താദ് പി.എം.എ. ജബ്ബാർ  രചിച്ച   മാണിക്യമലരായ പൂവി എന്ന പാട്ടിലെ   പുരികം  കൊണ്ടും   കണ്ണുകൊണ്ടും  ഉള്ള അഭിനയത്തിലൂടെ  പ്രസിദ്ധയായ ഒരു മലയാള നടി പ്രിയ പ്രകാശ് വാര്യരുടെയും (1999),

ഒരുഅമേരിക്കൻ ഗായികയും അഭിനേത്രിയുമായ എമ്മ റോസ്സമ്മിന്റെയും (1986),

 മൂന്ന് പീബോഡി അവാർഡുകൾ, മൂന്ന് ഗ്രാമി അവാർഡുകൾ, ആറ് പ്രൈംടൈം എമ്മി അവാർഡുകൾ,  ഒരു സ്‌ക്രീൻ ആക്ടേഴ്‌സ് ഗിൽഡ് അവാർഡ് തുടങ്ങിയവ ലഭിച്ച ഒരു അമേരിക്കൻ സ്റ്റാൻഡ്-അപ്പ് ഹാസ്യനടനും, ചലച്ചിത്ര അഭിനേ താവും, നിർമ്മാതാവുമായ ലൂയി സി കെ യുടെയും (1967)

1975 ൽ ജ്യോതി എന്ന തെലുങ്ക് ചിത്രത്തിലൂടെ ഛായാഗ്രഹണസഹായി ആരംഭിച്ച് പിന്നീട് രണ്ട് വർഷം തെലുങ്ക് സിനിമകളിൽ ഛായഗ്രഹണസഹായി ആയി പ്രവർത്തിച്ച്. 1977 ൽ അഗ്നിനക്ഷത്രം എന്ന സിനിമയിൽ നവകാന്തിൻ്റെ സഹായിയായി മലയാള ചലച്ചിത്ര ഛായഗ്രഹണ രംഗത്തെത്തി
 പിന്നീട് മലയാളം, തമിഴ്, തെലുങ്കു, കന്നഡ, പഞ്ചാബി, ഹിന്ദി എന്നീ ഭാഷകളിലായി നൂറ്റി അറുപതിലധികം സിനിമകൾക്ക് ഛായാഗ്രഹണം  നിർവഹിച്ച വ്യക്തിയും ഇന്ത്യൻ സൊസൈറ്റി ഓഫ് സിനിമറ്റോഗ്രഫേർസ് (ISC) ലെ അംഗവുമായ ജയനൻ വിൻസൻ്റിൻ്റെയും (1959) ജന്മദിനം

****
ഇന്ന് ജന്മദിനമാചരിയ്ക്കുന്ന ഇപ്പോൾ നമ്മോടൊപ്പം ഇല്ലാത്തവരായ നമ്മുടെ മുൻഗാമികളിൽ പ്രമുഖരായ ചിലർ
..............................

ആർ. ബാലകൃഷ്ണപിള്ള ജ.(1922 -2013)
ഡോ.കെ.അയ്യപ്പപ്പണിക്കർ ജ. (1930-2006)
വാകയിലച്ചൻ ജ. (1883 -1931 )
കെ.ജി.ചെത്തല്ലൂർ ജ. (1932-2012 )
(പ്രൊഫ. കെ. ഗോപാലകൃഷ്ണൻ)
ഫിറോസ്‌ ഗാന്ധി ജ. (1912-1960)
റോസൻബെർഗ് ജ. (1879 -1947)
ഇറേൻ  ക്യൂറി ജ. (1897-1956 )
ജെസ്സി' ഓവെൻസ്  ജ. (1913-1980) 
പോൾ  വാക്കർ ജ. (1973-2013)

കത്തോലിക്കാസഭയിലെ വിശുദ്ധനായി പ്രഖ്യാപിക്കുന്നതിനുള്ള ആദ്യപടിയായ ദൈവദാസനായി പ്രഖ്യാപിച്ച ജോർജ് വാകയിൽ എന്ന വാകയിലച്ചൻ1883 സെപ്റ്റംബർ 12 -1931 നവംബർ 4),

സി.പി.ഐ.യുടെ തിരുവനന്തപുരം ജില്ലാക്കമറ്റിയംഗവും, നിരവധി തൊഴിൽ സമരങ്ങളിൽ നേതൃത്വം നൽകുകയും, ഒന്നാം കേരളാ നിയമസഭയിൽ ആര്യനാട് നിയോജകമണ്ഡലത്തെ അവിഭക്ത കമ്മ്യൂണിസ്റ്റുകാരനായി പ്രതിനിധീകരിക്കുകയും, പിന്നീട് കോൺഗ്രസ്സിൽ ചേരുകയും, .ബ്ലോക്ക് കോൺഗ്രസ് പ്രസിഡന്റ്, ഡി.സി.സി. അംഗം എന്നീ നിലകളിൽ പ്രവർത്തിക്കുകയും ആർ. ബാലകൃഷ്ണപിള്ള (12സെപ്റ്റംബർ1922 -13 നവംബർ 2013),

ആധുനികതയെ മലയാള സാഹിത്യലോകത്തിനു പരിചയപ്പെടുത്തിക്കൊടുത്ത പ്രഗല്ഭനായ കവിയും, നാടകം, ചിത്രരചന, സിനിമ തുടങ്ങിയ മാധ്യമങ്ങളിൽ സാന്നിധ്യമറിയിക്കുകയും ചെയ് സാഹിത്യ സൈദ്ധാന്തികൻ ഡോ. കെ. അയ്യപ്പപ്പണിക്കർ (സെപ്റ്റംബർ12, 1930 - ഓഗസ്റ്റ്‌ 23, 2006),

മലബാർ ക്രിസ്‌ത്യൻ കോളേജിലും ശ്രീശങ്കരാചാര്യ സംസ്‌കൃത യൂനിവേഴ്‌സിറ്റിയിലും അധ്യാപകനും, കേരളസാഹിത്യസമിതിയുടെ ജനറൽ സെക്രട്ടറിയും, വളളത്തോൾ വിദ്യാപീഠത്തിന്റെ ജോയിന്റ്‌ സെക്രട്ടറിയും, കവനകൗമുദി മാസിക മാനേജിങ് എഡിറ്ററും,  നാലുകൊല്ലത്തോളം കോഴിക്കോട് പൂർണ പബ്ലിക്കേഷൻസ് എഡിറ്ററും മാനേജരും ആയിരുന്ന മലയാള സാഹിത്യകാരനും പ്രഭാഷകനുമായ കെ.ജി.ചെത്തല്ലൂർ എന്ന  കെ. ഗോപാലകൃഷ്ണൻ( സെപ്റ്റമ്പർ 12, 1932-2012 മേയ് 31 )

ദി നാഷണൽ ഹെറാൾഡ്, ദി നവജിവൻ എന്നീ പത്രങ്ങൾ പ്രസിദ്ധീകരിച്ചിരുന്ന പത്രപ്രവത്തകനും ഇന്ത്യൻ രാഷ്ട്രീയ പ്രവർത്തകനും, സ്വാതന്ത്ര്യസമര സേനാനിയും 1950 നും 1952 നും ഇടയിൽ പ്രവിശ്യാ പാർലമെന്റ് അംഗമായും പിന്നീട് ലോക്സാംഗവുമായും മുൻ ഇന്ത്യൻ പ്രധാനമന്ത്രി ഇന്ദിരാഗാന്ധിയുടെ ഭർത്താവും മുൻ പ്രധാനമന്ത്രി രാജീവ്ഗാന്ധിയുടെ പിതാവും കൂടിയായിരുന്ന ഫിറോസ് ഗാന്ധി എന്ന  ഫിറോസ് ജഹാംഗീർ (12സെപ്റ്റംബർ1912 -8 സെപ്റ്റംബർ1960),

കലാ ചരിത്രകാരനും, കലാവസ്തുക്കൾ ശേഖരിക്കുന്നയാളും, പ്രസാധകനും, 20ആം നൂറ്റാണ്ടിലെ ഫ്രെഞ്ച് ചിത്രവിൽപ്പനക്കാരിൽ ആവേശമുണർത്തിയതിലെ പ്രധാന വ്യക്തിയും ആയിരുന്ന ലിയോൻസ് റോസൻബെർഗ് (1879 സെപ്റ്റംബർ 12  - 1947 ജൂലൈ 31),

നോബൽ സമ്മാന ജേതാക്കളായ മേരി ക്യൂറിയുടേയുംപിയറി ക്യൂറിയുടേയും മകളും 1935-ലെ രസതന്ത്രത്തിനുളള നോബൽ പുരസ്കാരം  സഹപ്രവർത്തകനും ഭർത്താവുമായ ഫ്രെഡെറിക് ജോലിയോ ക്യൂറിക്കൊപ്പം പങ്കു വെച്ച ഫ്രഞ്ച് ശാസ്ത്രജ്ഞ ഇറേൻ ജോലിയോ ക്യൂറി (1897സെപ്റ്റംബർ 12 -1956, മാർച്ച് 17 ),

1936-ൽ ജർമനിയിലെ ബർലിൻ ഒളിമ്പിക്സിൽ . 100 മീറ്റർ, 200 മീറ്റർ,ലോങ് ജമ്പ്, 4x100 മീറ്റർ റിലേ  എന്നി ഇനങ്ങളിൽ നാല്‌ സ്വർ‌ണ്ണമെഡലുകൾ കരസ്ഥമാക്കുക വഴി ലോകപ്രശസ്തനായ അമേരിക്കൻ ട്രാക്ക് ആൻഡ് ഫീൽഡ് കായികതാരം ജെയിംസ് ക്ലീവ്ലാൻഡ് 'ജെസ്സി' ഓവെൻസ് (സെപ്റ്റംബർ 12, 1913 – മാർച്ച് 31, 1980),

വാഴ്സിറ്റി ബ്ലൂസ്,  എയ്റ്റ് ബിലോ, ഇൻടു ദ ബ്ലൂ, ഷീ'സ് ഓൾ ദാറ്റ്, ടേക്കേഴ്സ് തുടങ്ങിയ ചലച്ചിത്രങ്ങളിലും, ഫാസ്റ്റ് ആൻഡ് ദ ഫ്യൂരിയസ് ചലച്ചിത്രപരമ്പരയിലെ ബ്രയാൻ ഒ'കോണർ (Brian O'Conner) എന്ന കഥാപാത്രത്തിലൂടെ പ്രശസ്തനാകുകയും കാലിഫോർണിയയിലെ വലൻസിയയിൽ വെച്ചുണ്ടായ കാറപകടത്തിൽ കൊല്ലപ്പെടുകയും ചെയ്ത അമേരിക്കൻ അഭിനേതാവ് പോൾ വില്ല്യം വാക്കർ (1973 സെപ്റ്റംബർ 12 - 2013 നവംബർ 30),

സ്മരണാഞ്ജലി !!!
  ്്്്്്്്്്്
എ.ഡി. ഹരിശർമ്മ മ. (1893 -1972 )
കെമൊയ്തീൻ കുട്ടി ഹാജി മ.(1918-1997)
സ്വർണ്ണലത മ. (1976-2010)
പള്ളം മാധവൻ  മ. (1928 -2012 )
മല്ലികാർജുൻ മൻസൂർ മ. (1911-1992 )
സീതാറാം യെച്ചൂരി   മ . (  1952 -   2024
വിനോദ് റെയ്‌ന മ. ( 2013)
സ്റ്റീവ് ബികോ മ. (1946 - 1977)
നോർമൻ ബോർലോഗ് മ. (1914-2009)
റേ ഡോൾബി മ. (1933-2013)!

അമ്പതുവർഷക്കാലം മലയാളഭാഷയേയും സാഹിത്യത്തേയും പോഷിപ്പിക്കുന്നതിനു പ്രയത്നിച്ച കൊങ്കിണി മാതൃഭാഷയായിട്ടുള്ള സംസ്‌കൃത പണ്ഡിതനും, സാഹിത്യകാരനും ജീവചരിത്രകാരനുമായിരുന്ന എ.ഡി. ഹരിശർമ്മ  (1893 ഓഗസ്റ്റ് 21-1972 സെപ്റ്റംബർ 12 ),

 പബ്ലിക് അക്കൗണ്ട് കമ്മിറ്റിയുടെ ചെയർമാൻ ,  എസ്റ്റിമേറ്റ് കമ്മിറ്റിയുടെ ചെയർമാൻ, കേരള ആഗ്രൊ ഇൻഡസ്ട്രീസ് കോർപരീഷൻ ലിമിറ്റഡിന്റെ ബോർഡംഗം(തവന്നൂർ), മുസ്ലീം ലീഗ് ഹൈപവർ കമ്മിറ്റിയംഗം, മുസ്ലീൽ ലീഗിന്റെ നിയമസഭാകക്ഷി ഉപനേതാവ്, ചീഫ് വിപ്പ്; മുസ്ലീൽ ലീഗിന്റെ കേരള സംസ്ഥാന ഘടകത്തിന്റെ വൈസ് പ്രസിഡന്റ്, മുസ്ലീൽ ലീഗ് സംസ്ഥാന സമിതിയുടെ ജോയിന്റ് സെക്രട്ടറി ഒന്നും, രണ്ടും, മൂന്നും, നാലും, എട്ടും കേരളനിയമസഭകളിൽ തിരൂർ നിയോജകമണ്ഡലത്തെ പ്രതിനിധീകരിച്ച  രാഷ്ട്രീയ നേതാവ് എന്നി നിലകളിൽ സേവനം അനുഷ്ഠിച്ച കെ. മൊയ്തീൻ കുട്ടി ഹാജി (1 ജൂലൈ 1918 - 12 സെപ്റ്റംബർ 1997),

കാതലനിലെ "മുക്കാല മുക്കാബുല", രംഗീലയിലെ "ഹേ രാമ" തുടങ്ങിയ ജനപ്രിയഗാനങ്ങൾ അടക്കം തമിഴ്, മലയാളം, തെലുങ്ക്, ഹിന്ദി, ഉറുദുതുടങ്ങിയ ഭാഷകളിൽ ഒട്ടേറെ ഗാനങ്ങൾ പാടിയ പിന്നണി ഗായിക പാലക്കാട്ടുകാരി   സ്വർണ്ണലത(1976-സെപ്റ്റംബർ 12 2010). 

കലാമണ്ഡലത്തിന്റെ വൈസ് പ്രിൻസിപ്പിളും കഥകളി സംഗീതജ്ഞനും ആയിരുന്ന പള്ളം മാധവൻ
(1928 -2012 സെപ്റ്റംബർ 12),

ബദൽ വിദ്യാഭ്യാസമേഖലയിൽ ശ്രദ്ധേയസംഭാവനകൾ നൽകിയിട്ടുള്ള ഏകലവ്യ എന്ന സംഘടനയ്ക്ക് നേതൃത്ത്വം നൽകുകയും 2009 ലെ വിദ്യാഭ്യാസ അവകാശ നിയമത്തിന്റെ മുഖ്യശില്പികളിലൊരാളും ജനകീയശാസ്ത്രപ്രസ്ഥാനത്തിന്റെ നായകരിലൊരാളുമായിരുന്ന  വിനോദ് റെയ്‌ന(മരണം : 12 സെപ്റ്റംബർ 2013),

ജയ്പൂർ - അത്രൗളി ഘരാനയിലെ പ്രസിദ്ധനായ  ഹിന്ദുസ്ഥാനി ഗായകന്‍ മല്ലികാർജ്ജുൻ ഭീമരായപ്പ മൻസൂർ എന്ന  മല്ലികാർജുൻ മൻസൂർ (1911 ജനുവരി 1 -1992 സെപ്റ്റംബര്‍ 12 ),

 കമ്യൂണിസ്റ്റ് പാർട്ടി ഓഫ് ഇന്ത്യ മാർക്സിസ്റ്റിന്റെ ജനറൽ സെക്രട്ടറിയുമായ സീതാറാം യെച്ചൂരി ( ഓഗസ്റ്റ് 12 1952 -  സെപ്റ്റംബർ 12, 2024 

കറുത്ത വർഗ്ഗക്കാരുടെ ഉന്നമനം ലക്ഷ്യമിട്ടുകൊണ്ട് ബ്ലാക്ക് കോൺഷ്യസ്നസ്സ് മൂവ്മെന്റ് എന്നൊരു പ്രസ്ഥാനം ആരംഭിക്കുകയും, ദക്ഷിണാഫ്രിക്കയിലെ കുപ്രസിദ്ധമായ അപ്പാർത്തീഡ് നിയമത്തിനെതിരേ പോരാടുകയും ചെയ്ത മനുഷ്യാവകാശ പ്രവർത്തകൻ സ്റ്റീഫൻ ബെന്ദു ബികോ എന്ന സ്റ്റീവ് ബികോ(18 ഡിസംബർ 1946 – 12 സെപ്തംബർ 1977)

ഇന്ത്യയിലും പാകിസ്താനിലും ഗോതമ്പുപാടങ്ങളിൽ നൂറു മേനി വിളയിച്ച ഹരിത വിപ്ലവത്തിന്റെ പിന്നിൽ പ്രവർത്തിച്ച കൃഷി ശാസ്ത്രജ്ഞനും, 1970ൽ സമാധാനത്തിനുള്ള നോബൽ സമ്മാന ജേതാവും,  ഹരിതവിപ്ലവത്തിന്റെ പിതാവും ആയ  നോർമൻ ബോർലോഗ് (മാർച്ച് 25, 1914 – സെപ്റ്റംബർ 12, 2009)

ശബ്ദവുമായി ബന്ധപ്പെട്ട് സിനിമയിലും സംഗീതത്തിലും ഇന്ന് ഉപയോഗിക്കുന്ന മിക്ക സാങ്കേതിക വിദ്യകളുടെയും പിതാവും, ശബ്ദസാങ്കേതികരംഗത്തെ അതികായനും ശബ്ദസാങ്കേതികരംഗത്ത് വിപ്ലവകരമായ മാറ്റത്തിന് തുടക്കമിട്ട 'ഡോൾബി' ശബ്ദസംവിധാനത്തിന്റെ ഉപജ്ഞാതാവുമായ റേ ഡോൾബി (ജനുവരി 18, 1933 – സെപ്തംബർ12, 2013)
............................

ചരിത്രത്തിൽ ഇന്ന്
്്്്്്്്്്്്്്

1945 - തിരുവിതാംകൂർ രാജ്യത്തെ ബാങ്കായി ദി ട്രാവൻകൂർ ബാങ്ക് ലിമിറ്റഡ് പ്രവർത്തനമാരംഭിച്ചു.

1959 - സോവിയറ്റ് യൂണിയന്റെ ലൂണ - 2 ചന്ദ്രനിലേക്ക് യാത്രയായി ആദ്യമായാണ് ഒരു പേടകം ചന്ദ്രനിൽ ഇറങ്ങുന്നത്.

1980 - ടർക്കിയിൽ സൈനിക അട്ടിമറി

2011 - ന്യു യോർക്ക് സിറ്റിയിൽ  9/11 മ്യൂസിയം പൊതുജനങ്ങൾക്കായി തുറന്നു.

2013 - ഭക്ഷ്യ സുരക്ഷാ ബിൽ രാഷ്ട്രപതി ഒപ്പിട്ടു.

2013 - വോയേജർ 1 പേടകം നക്ഷത്രാന്തര ബഹിരാകാശത്തേക്ക് പ്രവേശിക്കുന്ന ആദ്യത്തെ മനുഷ്യനിർമിത വസ്തുവായി മാറിയെന്ന് നാസ സ്ഥിരീകരിച്ചു .

2015 - മധ്യപ്രദേശിലെ പട്ടണമായ പെറ്റ്‌ലവാഡിൽ സമീപത്ത് അനധികൃതമായി സൂക്ഷിച്ചിരുന്ന ഖനന ഡിറ്റണേറ്ററുകളിൽ പ്രൊപ്പെയ്ൻ ഉൾപ്പെട്ട സ്ഫോടന പരമ്പരയിൽ 105 പേർ കൊല്ലപ്പെടുകയും 150 - ലധികം പേർക്ക് പരിക്കേൽക്കുകയും ചെയ്തു.

2019 - തെക്കുകിഴക്കൻ ഏഷ്യയിലെ ഏറ്റവും വലിയ സൗരോർജ്ജ ഫാം വിയറ്റ്നാമിൽ ഉദ്ഘാടനം ചെയ്തു. ഹോ ചി മിൻ സിറ്റിയിൽ നിന്ന് 100 കിലോമീറ്റർ അകലെയുള്ള ടെയ് നിൻ പ്രവിശ്യയിൽ 540 ഹെക്ടർ സ്ഥലത്ത് ഇത് സ്ഥിതിചെയ്യുന്നു.

2019 - ചൈന മൂന്ന് ഉപഗ്രഹങ്ങൾ വിജയകരമായി വിക്ഷേപിച്ചു (ഒരു റിസോഴ്സ് സാറ്റലൈറ്റ്- ZY-1 02D, രണ്ട് ചെറിയ ഉപഗ്രഹങ്ങൾ)

2021 - സൈബീരിയൻ ലൈറ്റ് ഏവിയേഷൻ ഫ്ലൈറ്റ് 51 കസാച്ചിൻസ്‌കോയി എയർപോർട്ടിൽ റൺവേയ്ക്ക് കുറുകെ തകർന്നുവീണ് നാല് പേർ മരിച്ചു

.      By ' ടീം തത്ത്വമസി - ജ്യോതിർഗ്ഗമയ '
.       ************
   Rights Reserved by Team Jyotirgamaya