ഇന്ന് ഫിബ്രവരി 10: ദേശീയ വിരവിമുക്ത ദിനം! സാറാ ജോസഫിന്റെയും അല്‍ഫോണ്‍സ് പുത്രന്റേയും ജന്മദിനം: ന്യൂഡല്‍ഹി ഇന്ത്യയുടെ തലസ്ഥാനമായതും കേരള സർക്കാരും ലാവ് ലിൻ കമ്പനിയുമായുള്ള വിവാദ കരാർ ഒപ്പിട്ടതും ഇതേ ദിനം തന്നെ : ചരിത്രത്തില്‍ ഇന്ന്

.   ചരിത്രത്തിൽ ഇന്ന് , വർത്തമാനവും …  
    **************

.                    ' JYOTHIRGAMAYA '
.                    ്്്്്്്്്്്്്്്്
.                    🌅ജ്യോതിർഗ്ഗമയ🌅

കൊല്ലവർഷം 1200  
മകരം 28
പുണർതം / ത്രയോദശി
2025 ഫിബ്രവരി 10, 
തിങ്കൾ

ഇന്ന്;

*പതഞ്ജലി മഹർഷി അനുസ്മരണ ദിനം! [ഭാരതീയ തത്ത്വചിന്തയുടെ അടിസ്ഥാനമായി കരുതുന്ന ഷഡ്ദർശനങ്ങളിലൊന്നായ യോഗദർശനത്തിൻ്റെ കർത്താവായ അദ്ദേഹം മനശാസ്ത്ര ദർശനത്തെയും ഈ ദർശനത്തിൽ പറയുന്നുണ്ട്. ഇന്ന് പ്രചാരം നേടിയിട്ടുള്ള യോഗയുടെ അടിസ്ഥാനം പതഞ്ജലി മഹർഷിയുടെ മറ്റൊരു ദർശനം ആണ്]

 *ദേശീയ വിര വിമുക്ത ദിനം! [National Deworming Day - ഫെബ്രുവരി 10 നാണ് ഭാരതത്തിൽ വിരവിമുക്ത ദിനം ആചരിക്കുന്നത്. ഇതിനായി ഒന്നു മുതൽ 19 വയസ്സുവരെയുള്ള കുട്ടികൾക്ക് ആരോഗ്യ വകുപ്പ് അധികൃതരുടെ നേതൃത്വത്തിൽ ഇന്ത്യയിൽ ഓട്ടാകെ ആൽബൻഡസോൾ ഗുളികകൾ നൽകും. ]

* ടോം & ജെറി പിറന്നാൾ !!(Birthday of Tom & Jerry)1940 ഫെബ്രുവരി 10-ന് വില്യം ഹന്നയും ജോസഫ് ബാർബെറയും ചേർന്ന് സൃഷ്ടിച്ച ഒരു അമേരിക്കൻ ആനിമേറ്റഡ്  കാർട്ടൂണും കോമഡി ഷോർട്ട് ഫിലിമുകളുടെ പരമ്പരയുമാണ്  ടോം ആൻഡ് ജെറി . മെട്രോ-ഗോൾഡ്വിൻ-മേയറിന്റെ 161 നാടക ഷോർട്ട് ഫിലിമുകൾക്ക് പേരുകേട്ട ഈ പരമ്പര, ടോം എന്ന പൂച്ചയുടെയും ജെറി എന്ന എലിയുടെയും  ശത്രുതയെ കേന്ദ്രീകരിച്ചുള്ളതാണ്. അവർ തമ്മിൽ പരസ്പരം നല്ല ശത്രുതയുണ്ടെങ്കിലും അത് പലപ്പോഴും അവരെ പരസ്പരം മുച്ചൂടും നശിപ്പിയ്ക്കാനുള്ളതല്ല എന്നുള്ളതാണ് ഈ കാർട്ടൂണിൻ്റെ പ്രത്യേകത. സാഹചര്യങ്ങളുടെ സമ്മർദ്ദത്താൽ പരസ്പരം പോരടിയ്ക്കുന്ന ഈ കഥാപാത്രങ്ങൾ തമ്മിൽ പലപ്പോഴും ഏറ്റുമുട്ടുമ്പോൾ ഒരാൾ അന്യനെ സന്ദർഭം കിട്ടിയാലും കൊല്ലാനോ കഠിനമായ ദേഹോപദ്രവം ഏല്പിയ്ക്കാനോ ശ്രമിയ്ക്കാതെ പരസ്പര ബഹുമാനവും സൗഹൃദവും കാത്തുസൂക്ഷിയ്ക്കുന്നത് നമുക്ക് കാണാനാവും എന്നതാണ് ഈ കാർട്ടൂൺ കഥാപാത്രങ്ങൾക്ക് ആസ്വാദകർക്കിടയിൽ ഇത്ര സ്വീകാര്യത കിട്ടാനിടയായത്.

* എരിട്രിയ : ഫെൻകിൽ ഡേ ![എത്യോപ്യയുമായി ഫെൻകിലിൽ 1990ൽ നടന്ന യുദ്ധത്തിന്റെ ഓർമ്മ ദിനം ]

* ഇറാക്കി -കുർദിസ്ഥാൻ: [Union Day; ഗ്രന്ഥകർത്താക്കളുടെ ഒരുമ ദിനം]
   
* ഇറ്റലി : ഫോയ്ബെ കൂട്ടക്കൊലക്കും നാടുകടത്തിലിന്റെയും ഓർമ്മ ദിനം !

* ചൈനീസ് പുതുവർഷം ![Chinese New Year ;  സമൃദ്ധമായ ചരിത്രത്താലുംസമ്പന്നമായ പൗരബോധത്താലും നിറഞ്ഞ ചൈനയുടെ, ചൈനക്കാരുടെ പ്രഥമവും പ്രധാനവുമായ സ്പ്രിംഗ് സീസൺ ഫെസ്റ്റിവെൽ ആണ് ചൈനീസ് ന്യൂ ഇയർ.]

* ടെഡി ഡേ ![Teddy Day ;  പ്രണയവാരത്തിൻ്റെ അല്ലെങ്കിൽ വാലൻ്റൈൻസ് വാരത്തിൻ്റെ ഭാഗമായി, വാലൻ്റൈൻസ് ഡേയ്‌ക്ക് മുമ്പുള്ള നാലാം ദിവസമാണ് ടെഡി ഡേ ആഘോഷിക്കുന്നത്.  നിങ്ങളുടെ ജീവിതത്തിലെ ആളുകൾക്ക് അവർ എത്രമാത്രം സ്നേഹിക്കപ്പെടുന്നുവെന്ന് കാണിക്കാനുള്ള അവസരമായാണ് ഈ ദിവസം സ്ഥാപിക്കപ്പെട്ടത്, പ്രത്യേകിച്ച്  ടെഡി ബിയറോ മറ്റ് സ്റ്റഫ് ചെയ്ത മൃഗങ്ങളെയോ സമ്മാനിക്കുന്നതിലൂടെ. 'വാലൻ്റൈൻ ടെഡി ഡേ ' എന്നും അറിയപ്പെടുന്നു]

* പ്ലിംസോൾ ദിനം ! [Plimsoll Day ;  കപ്പലുകളുടെ അടിത്തട്ടും ജലനിരപ്പും തമ്മിലുള്ള അനുപാതം തൻ്റെ സമർത്ഥമായ അടയാളം ഉപയോഗിച്ച് ഉറപ്പുവരുത്തിയ സാമുവൽ പ്ലിംസോൾ', കടൽ യാത്രാസുരക്ഷയിൽ വിപ്ലവം സൃഷ്ടിച്ചത്തിന്റെ സ്മരണ.]

കുട ദിനം  ![Umbrella Day ; ആദ്യത്തെ മടക്കാവുന്ന ഒരു കുട 210 എ.ഡിയിൽ പുരാതന ചൈനയിൽ ഉപയോഗിച്ചിട്ടുള്ളതായി  രേഖപ്പെടുത്തപ്പെട്ടിട്ടുള്ളതിൻ്റെ ഓർമ്മയ്ക്കായി ഒരു ദിനം, ക്വിൻ ഷിഹുവാങ്ങിൻ്റെ  ശവകുടീരത്തിൽ ഒരു ടെറാക്കോട്ട പട്ടാള വണ്ടിയിൽ സ്ഥിരമായി തുറന്ന കുട ഘടിപ്പിച്ചിരുന്നുവത്രെ. , പുരാതന ഈജിപ്ത്, ഗ്രീസ് പെർസെപോളിസ്, എന്നിവിടങ്ങളിലും ഇത്തരം കുടകൾ  കണ്ടെത്തിയിട്ടുണ്ടെങ്കിലും അവയൊന്നും 210 എ.ഡി യ്ക്കു ശേഷമുള്ള കാലത്താണ് എന്നാണ് രേഖകൾ പറയുന്നത്.]

* ദേശീയ ക്രീം ചീസ് ബ്രൗണി ദിനം ![National Cream Cheese Brownie Day ; നൂറുകണക്കിന് വർഷങ്ങളായി യൂറോപ്പിലെ പാചക രേഖകളിൽ കാണപ്പെടുന്ന സ്വാദിഷ്ടമായ ക്രീം ചീസ്സിനെ കുറിച്ച് അറിയാൻ ആസ്വദിയ്ക്കാൻ ഒരു ദിനം.]

       *ഇന്നത്തെ മൊഴിമുത്ത് 
      ്്്്്്്്്്്്്്്്്്്‌്‌്
1. ''നമ്മുടെ അയൽക്കാരെ നമ്മളെപ്പോലെ സ്നേഹിക്കുന്നതിൻ്റെ പരസ്പരബന്ധം നമ്മുടെ അയൽക്കാരെ വെറുക്കുന്നതു പോലെ നമ്മെത്തന്നെ വെറുക്കലാണ്."

2.സന്തോഷവും വിജ്ഞാനവും തമ്മിൽ വ്യത്യാസമുണ്ട്: താൻ ഏറ്റവും സന്തുഷ്ടനാണെന്ന് കരുതുന്നവൻ ശരിക്കും അങ്ങനെ തന്നെയാണ്; എന്നാൽ താൻ സ്വയം ഏറ്റവും വലിയ വിജ്ഞാനിയാണെന്ന് കരുതുന്നവൻ പൊതുവെ ഏറ്റവും വലിയ വിഡ്ഢിയുമാണ്
എന്നതാണാ വ്യത്യാസം " 
          
       [ -ഫ്രാൻസിസ് ബേക്കൺ ]
  ************
ഇന്ന് ജന്മദിനമാചരിയ്ക്കുന്നവർ
**********
ആട്ടിയകറ്റപ്പെട്ടവരും സമത്വവും സ്വാതന്ത്ര്യവും നഷ്ടപ്പെട്ടവരുമായ കീഴ്‌ജാതിക്കാരോടും സ്ത്രീകളോടും ഉള്ള കാരുണ്യവും അതിന് കാരണക്കാരായ അധീശ ശക്തികളോടുള്ള ചെറുത്തുനിൽപ്പും ദർശിക്കാവുന്ന കൃതികൾ രചിക്കുന്ന നോവലിസ്റ്റും ചെറുകഥാകൃത്തും, കേരളത്തിലെ ഫെമിനിസ്റ്റ് പ്രസ്ഥാനത്തിന്റെ പ്രധാന സംഘാടകയും പ്രവർത്തകയുമായ സാറാ ജോസഫിന്റെയും (1946),

2013-ൽ പുറത്തിറങ്ങിയ ആദ്യചിത്രം 'നേരം' ,   2015-ൽ പുറത്തിറങ്ങിയ വൻ പ്രേക്ഷകപ്രീതിയും, നിരൂപകപ്രശംസയും കരസ്ഥമാക്കുകയും ചെയ്ത 'പ്രേമം', ദി എയ്ഞ്ചൽ ( തമിഴ്‌ ) തുടങ്ങിയ ചിത്രങ്ങളിലൂടെ ശ്രദ്ധേയനായ ഡിജിറ്റൽ ഫിലിം മേക്കിങ് വിദഗ്‌ദ്ധനും മലയാളചലച്ചിത്ര രംഗത്തെ ഒരു യുവ സംവിധായകനുമായ അൽഫോൺസ് പുത്രന്റേയും (1984),

തന്റെ ഖുർആൻ പാരായണ നൈപുണ്യം കൊണ്ട് ഇസ്‌ലാം മതവിശ്വാസികൾ ക്കിടയിൽ ഏറെ ശ്രദ്ധേയനും മസ്ജിദുൽ ഹറാമിലെ ഇമാമുമായ   അബ്ദുൽ റഹ്മാൻ അൽ  സുദൈസിന്റെയും (1960),

11 ഒളിമ്പിക് മെഡലുകൾ ഉൾപ്പടെ നിരവധി മെഡലുകൾ  ഒമ്പത് തവണ ഒളിമ്പിക് ചാമ്പ്യൻ 1972 - ൽ മ്യൂണിക്കിൽ നടന്ന സമ്മർ ഒളിമ്പിക്സിൽ ഏറ്റവും വിജയിച്ച കായിക താരം, 'നീന്തൽക്കുളത്തിലെ രാജാവ് '
എന്നീ ബഹുമതികൾ പേറുന്ന മുൻ അമേരിക്കൻ  നീന്തൽ താരവുമായ മാർക്ക് ആൻഡ്രൂ സ്പിറ്റ്സിന്റേയും (1950),

ലബനീസ്‌-അമേരിക്കൻ മാധ്യമപ്രവർത്തകയും മുൻ  അഡൽറ്റ് മോഡലും അശ്ലീലചലച്ചിത്രങ്ങളിലെ നായികയുമായിരുന്ന മിയ ഖലീഫ അഥവാ മിയ കാലിസ്റ്റയുടേയും (1993),

ടെലിവിഷനിലും സിനിമയിലും കുട്ടിക്കാലം മുതൽ അഭിനയിക്കുന്ന എമ്മ റോസ് റോബർട്സി
ൻ്റെയും (1991),

നാല് എംടിവി മൂവി & ടിവി അവാർഡുകൾ, രണ്ട് പീപ്പിൾസ് ചോയ്‌സ് അവാർഡുകൾ, രണ്ട് സാറ്റേൺ അവാർഡുകൾ, രണ്ട് യംഗ് ആർട്ടിസ്റ്റ് അവാർഡുകൾ എന്നിവയുൾപ്പെടെ വിവിധ അംഗീകാരങ്ങൾ നേടിയിട്ടുള്ള അമേരിക്കൻ നടി ക്ലോ ഗ്രെസ് മോററ്റ്സിൻ്റെയും (1997),

അഭിനയവും സംവിധാനവും സമന്വയിപ്പിച്ച്, വൈവിധ്യമാർന്ന കഴിവുകൾ പ്രദർശിപ്പിച്ചുകൊണ്ട് ചലച്ചിത്രമേഖലയിലെ യാത്ര അടയാളപ്പെടുത്തുന്ന അറിയപ്പെടുന്ന നടിയും സംവിധായികയുമായ എലിസബത്ത് ബാങ്ക്സിൻ്റെയും (1974),

കഴിഞ്ഞ കുറേ നാളുകളായി നല്ല അഭിനയം ഹോളിവുഡ് സിനിമകളിൽ കാഴ്ചവയ്ക്കുന്ന നടി ലോറാ ഡേണിൻ്റെയും (1967),

ടെലിവിഷൻ ഷോകളായ ഇറ്റ് ടേക്ക്സ് എ തീഫ് (1968–1970), സ്വിച്ച് (1975–1978), ഹാർട്ട് ടു ഹാർട്ട് (1979–1984) എന്നിവയിൽ അഭിനയിക്കുകയും   പിന്നീട്  Two and half Men  (2007–2008), NCIS (2010–2019) എന്നി സീരിയലുകളിൽ ആവർത്തിച്ചുള്ള വേഷങ്ങൾ ചെയ്യുകയും ചെയ്ത ഒരു അമേരിക്കൻ നടനും സ്റ്റേജ്, സ്‌ക്രീൻ, ടെലിവിഷൻ അഭിനേതാവായ റോബർട്ട് ജോൺ വാഗ്നർ ജൂനിയറിൻ്റെയും (1930),

തുടക്കത്തിൽ "ബ്ലാക്ക്-ഇഷ്" എന്ന ടിവി ഷോയിലെ അഭിനയത്തിലൂടെ പെട്ടെന്ന് പ്രശസ്തയാകുകയും, അഭിനയത്തിനപ്പുറം, വിദ്യാഭ്യാസവും സാമൂഹിക പ്രശ്നങ്ങളും പ്രോത്സാഹിപ്പിക്കുന്നതിലും സമയം കണ്ടെത്തുന്ന ഒരു യുവ നടിയും ആക്ടിവിസ്റ്റുമായ യാരാ ഷാഹിദിയുടെയും (2000) ജന്മദിനം!

***********
ഇന്ന് ജന്മദിനം ആചരിയ്ക്കേണ്ട ഇപ്പോൾ നമ്മോടൊപ്പമില്ലാത്ത നമ്മുടെ പ്രമുഖരായ പൂർവ്വികരിൽ ചിലർ
***********
ഡോ. വെള്ളായണി അർജ്ജുനൻ ജ.(1933- 2023)
ചാവറയച്ചൻ ജ. (1805- 1871)
 ഡോ.പി.ആർ പിഷാരോടി ജ. (1910-2002 )
ഒളിമ്പ്യൻ സുരേഷ് ബാബു ജ.  (1953-2011)
വി പി മാധവറാവു  ജ. (1850-1934)
രാജേഷ് പൈലറ്റ് ജ(1945-2000)
ചാള്‍സ് ലാംബ്  ജ. (1775 -1834)
ബെർടോൾഡ് ബ്രെഹ്ത്  ജ.(1898-1956)
മത്ത്യാസ് സിൻഡ്ലർ  ജ. (1903-1939)
ഹാരോൾഡ് മാക്മില്ലൻ ജ. (1894-1986)
റോയ് ഷീഡർ ജ. (1932 - 2008)
ഷെർലി ടെമ്പിൾ ജ. (1928 -2014)

മലയാളത്തിൽ 3 മാസ്റ്റർ ഓഫ് ആർട്‌സ് ബിരുദവും 3 ഡി ലിറ്റ് ബഹുമതികൾ നേടുകയും കൊല്ലം ശ്രീനാരായണ കോളേജിലും, അലിഗഡ് മുസ്ലീം സർവ്വകലാശാലയിലെ ആദ്യത്തെ മലയാളം അദ്ധ്യാപകനായും, സ്റ്റേറ്റ് ഇൻസ്റ്റിറ്റ്യൂട്ട് ഓഫ് എൻസൈക്ലോപീഡിക് പബ്ലിക്കേഷനിൽ 1975 മുതൽ 1988 വരെ ചീഫ് എഡിറ്ററായും 2001 മുതൽ 2004 വരെ രണ്ട് തവണ ഡയറക്ടറായും  സേവനമനുഷ്ഠിക്കുകയും 2008 -ൽ  പദ്മശ്രീ അവാർഡ് ലഭിക്കുകയും ചെയ്തിട്ടുള്ള പ്രമുഖ ഭാഷാപണ്ഡിതനും, എഴുത്തുകാരനുമായ പദ്മശ്രീ ഡോ. വെള്ളായണി അർജ്ജുനൻ (10 ഫെബ്രുവരി 1933-2023 മെയ് 31),

സീറോ മലബാർ കത്തോലിക്ക സഭയിലെ സി.എം.ഐ (കാർമ്മലൈറ്റ്‌സ്‌ ഓഫ്‌ മേരി ഇമ്മാകുലേറ്റ്‌) സന്യാസ സഭയുടെ സ്ഥാപകരിൽ ഒരാളും ആദ്യത്തെ സുപ്പീരിയർ ജനറലും  വാഴ്ത്തപ്പെട്ടവനും പിന്നീട്  വിശുദ്ധൻ ആയി നാമകരണം ചെയ്യപ്പെട്ട കുര്യാക്കോസ്‌ ഏലിയാസ്‌ ചാവറ അഥവാ ചാവറയച്ചൻ ( 1805 ഫെബ്രുവരി 10- 1871 ജനുവരി 3),

ഇന്ത്യൻ മീറ്റിരിയോളജിക്കൽ സൊസൈറ്റി പ്രസിഡൻറ്, സാർവദേശീയ മീറ്റീരിയോളജി ആൻറ് അറ്റ്മോസ്ഫറിക് ഫിസിക്സ് വൈസ് പ്രസിഡൻറ് എന്നീ നിലകളിൽ സേവനമനുഷ്ടിച്ച കാലാവസ്ഥാ ഗവേഷണരംഗത്തെ പ്രശസ്തനായ ഒരു ഭാരതീയ ശാസ്ത്രജ്ഞൻ  . ഡോ.പി.ആർ. പിഷാരോടി (1910ഫെബ്രുവരി 10-2002 സെപ്റ്റംബർ 24),

ലോംഗ് ജമ്പ്, ട്രിപ്പിൾ ജംബ്, ഹൈ ജംബ്എന്നീ മത്സര ഇനങ്ങളിൽ മത്സരിച്ച് രണ്ടു തവണ ഏഷ്യൻ ഗെയിംസിൽമെഡൽ നേടിയിട്ടുള്ള സുരേഷ് ബാബു(10 ഫെബ്രുവരി 1953 - 2011 ഫെബ്രുവരി 19),

മൈസൂർ നാട്ടുരാജ്യത്തിലെ റോയൽ സ്കൂളിൽ ഹെഡ് മാസ്റ്ററും , മൈസൂറിലെ പബ്ലിക് പ്രോസിക്യൂട്ടറും, മൈസൂറിലെ ഇൻസ്പെക്ടർ ജനറൽ ഓഫ് പോലീസ്, പ്ലേഗ് കമ്മീഷണർ,റെവന്യൂ കമ്മീഷണര്‍ എന്നീ തസ്തികകളിലും,തിരുവിതാംകൂറിന്റെ ദിവാനും,ശ്രീമൂലം പ്രജാസഭ ആദ്യയോഗത്തിന്റെ അദ്ധ്യക്ഷനും  മൈസൂറിലെയും ബറോഡയിളെയും  ദിവാനും ആയിരുന്ന വിശ്വനാഥ് പാടൺകർ മാധവ റാവു ഓർഡർ ഓഫ് ദി ഇൻഡ്യൻ എമ്പയർ (സി.ഐ.ഇ.) എന്ന വി പി മാധവറാവു  (1850 ഫെബ്രുവരി 10 - 1934),

 മുൻ കേന്ദ്രമന്ത്രിയും ഇന്ത്യൻ നാഷണൽ കോൺഗ്രസ് നേതാവും,കോൺഗ്രസ് നേതാവ് സച്ചിൻ പൈലറ്റിൻ്റെ അച്ഛനുമായിരുന്ന രാജേഷ് പൈലറ്റ് (10 ഫെബ്രുവരി 1945-11 ജൂൺ 2000)

നൂറു ദീനരോദനത്തേക്കാള്‍ നല്ലത് ഒരു ചിരിയെന്ന്‍ പറഞ്ഞ പ്രസിദ്ധ ഇന്ഗ്ലിഷ് സാഹിത്യകാരന്‍  ചാള്‍സ്  ലാംബ് (10 ഫെബ്രുവരി  1775 – 27 ഡിസംബര്‍  1834), 

ത്രീപെനി ഓപ്പെറാ, കോക്കേഷ്യൻ ചോക്കുവൃത്തം തുടങ്ങിയ കൃതികള്‍ രചിച്ച  എപ്പിക് തിയേറ്റർ എന്ന ആശയത്തിന്‍റെ ഉപഞ്ജാതാവും , വിഖ്യാതനായ ജർമ്മൻ നാടകക്യത്തും സംവിധായകനും കവിയും ആയിരുന്ന  ബെർടോൾഡ് ബ്രെഹ്ത് (10 ഫെബ്രുവരി 1898 – 14 ആഗസ്റ്റ്‌ 1956),

1999ൽ IIFFHS  ഇരുപതാം നൂറ്റാണ്ടിലെ ഏറ്റവും മികച്ച ഓസ്ട്രിയൻ ഫുട്ബോൾ കളിക്കാരനായി തെരഞ്ഞെടുത്ത  ഓസ്ട്രിയൻ ഫുട്ബോൾ കളിക്കാരൻ  മത്ത്യാസ് സിൻഡ്ലർ(10 ഫെബ്രുവരി: 1903 – 23 ജനുവരി 1939),

ഒരു ബ്രിട്ടീഷ് രാഷ്ട്രതന്ത്രജ്ഞനും കൺസർവേറ്റീവ് രാഷ്ട്രീയക്കാരനും, യുണൈറ്റഡ് കിംഗ്ഡത്തിൻ്റെ പ്രധാനമന്ത്രിയും, തൻ്റെ  പ്രായോഗികത, ബുദ്ധി, അനാദരവ് എന്നിവയ്‌ക്ക് പേരുകേട്ടവനുമായിരുന്ന "സൂപ്പർമാക്" എന്ന് വിളിപ്പേരുള്ള മൗറീസ് ഹരോൾഡ് മാക്മില്ലൻ(1st ഏൾ ഓഫ് സ്റ്റോക്ക്ടൺ, )( 10 ഫെബ്രുവരി 1894 – 29 ഡിസംബർ 1986),

ബ്ലൂ തണ്ടർ, ജാസ് തുടങ്ങിയ ചിത്രങ്ങളിൽ അഭിനയിച്ച അമേരിക്കൻ നടനും അമച്വർ ബോക്‌സറുമായിരുന്ന റോയ് റിച്ചാർഡ് ഷീഡർ ( നവംബർ 10, 1932 - ഫെബ്രുവരി 10, 2008),

1930 കളിൽ ബാലതാരമായി പ്രശസ്തി നേടുകയും, പിന്നീട് ഘാനയിലും ചെക്കോസ്ലോവാക്യയിലും യുഎസ് അംബാസഡറായി സേവനമനുഷ്ഠിക്കുകയും ചെയ്ത അമേരിക്കൻ നടിയും, ഗായികയും, നർത്തകിയും, നയതന്ത്രജ്ഞയുമായിരുന്ന ഷിർലി ടെംപിൾ ബ്ലാക്ക് എന്ന ഷെർലി ടെമ്പിൾ.(ഏപ്രിൽ 23, 1928 – ഫെബ്രുവരി 10, 2014) 

ഇന്നത്തെ സ്മരണ !!!
******** 
സാഹിത്യപഞ്ചാനനൻ പി.കെ. നാരായണപിള്ള  മ. (1879-1938 )
രാമു കാര്യാട്ട്‌ മ. (1927-1979)
ഗിരീഷ് പുത്തഞ്ചേരി മ. (1961-2010)
കെ.എൻ . രാജ് മ. (1924- 2010)
സുദാമാ പാണ്ഡേയ്(ധുമില്‍)മ.(1936- 1975 )
 മോഗുബായ് കുർദിക്കർ മ. (1904-2001)
മോണ്ടെസ്ക്യൂ മ. (1689-1755)
അലക്സാണ്ടർ പുഷ്കിന്‍ മ. (1799-1837)
അബ്ദുൽ ഹമീദ് II. മ. (1842-1918 )
 വിൽഹെം റോണ്ട്ജൻ മ. (1845-1923)
എഡ്ഗർ വാലസ് മ. (1875-1932),
ആർതർ മില്ലർ മ. (1915-2005)
എമിൽ ലെൻസ് മ. (1804-1865)
ജോസഫ് ലിസ്റ്റർ മ. (1827-1912)

കവി, ഗദ്യകാരൻ, വാഗ്മി, വിമർശകൻ, വൈയാകരണൻ, ഭാഷാഗവേഷകൻ, സമുദായ പരിഷ്കർത്താവ് എന്നീ നിലകളിലെല്ലാം പ്രശസ്തനും മലയാള സാഹിത്യ വിമർശന പ്രസ്ഥാനത്തിന് പുതിയ വഴി വെട്ടിത്തുറന്ന വിമർശകപ്രതിഭയും ആയിരുന്ന   സാഹിത്യപഞ്ചാനനൻ പി.കെ. നാരായണപിള്ള  (1878 മാർച്ച് 23 -1938 ഫെബ്രുവരി 10),

സാമ്പത്തിക വിജയം ലക്ഷ്യമാക്കിയ മുഖ്യധാരാ ചിത്രങ്ങള്‍ സംവിധാനം ചെയ്തു എങ്കിലും  എങ്കിലും നീല ക്കുയില്‍, ചെമ്മീന്‍ തുടങ്ങിയ  കലാമൂല്യമുള്ള ഒരുപിടി ചിത്രങ്ങൾ മലയാളികൾക്കു സമ്മാനിക്കുവാൻ  കഴിഞ്ഞ രാമു കാര്യാട്ട് (1927 ഫെബ്രുവരി 1 -1979 ഫെബ്രുവരി 10),

ജനപ്രിയ ചലച്ചിത്രഗാന രചയിതാവും, കവിയും, തിരക്കഥാകൃത്തുമായിരുന്നു ഗിരീഷ് പുത്തഞ്ചേരി (1959 — 2010 ഫെബ്രുവരി 10),

ഒന്നാം ധനകാര്യ കമ്മിഷന്റെ അംഗവും,  ഡൽഹി സർ‌വ്വകലാശാലയില്‍  പ്രൊഫസറും  വൈസ്ചാൻസലറും, തിരുവനന്തപുരത്ത് സെന്റർ ഫോർ ഡെവലപ്‌മെന്റ് സ്റ്റഡീസിന് രൂപം കൊടുക്കുകയും അതിന്റെ സ്ഥാപക മേധാവിയാകുകയും ചെയ്ത സാമ്പത്തിക ശാസ്ത്രജ്ഞനായിരുന്ന കെ.എൻ . രാജ് (മേയ് 13 1924 - ഫെബ്രുവരി 10 2010),

സമകാലീന സാമൂഹ്യവ്യവസ്ഥയെ തീക്ഷ്ണമായി പ്രഹരിക്കുന്ന  കവിതകൾ എഴുതുകയും  ഭാഷ,ഭാവം, വിഷയം, ശില്പം എന്നിങ്ങനെ എല്ലാ തലത്തിലും സമകാലിക സാഹിത്യകാരിൽ അതുല്യനായി പരിഗണിക്കപ്പെദുകയും ചെയ്തിരുന്ന ആധുനിക ഹിന്ദി കവി സുദാമാ പാണ്ഡേയ് എന്ന ധുമിൽ
(1936 നവംബർ 9 -1975 ഫെബ്രുവരി 10 ),

ജയ്പൂർ-അത്രൗലി ഘരാനയിലെ പ്രമുഖ ഹിന്ദുസ്ഥാനി ഗായികയായിരുന്ന മോഗുബായ് കുർദിക്കർ (ജൂലൈ 15, 1904 – ഫെബ്രുവരി 10, 2001),

ലോകത്തിലെ പല ഭരണഘടനകളിലും അധികാര വിഭജന സിദ്ധാന്തം നടപ്പിലാക്കിയ ഫ്രഞ്ച് തത്ത്വചിന്തകനായ മോണ്ടെസ്ക്യൂ (18 ജനുവരി 1689 -10 ഫെബ്രുവരി 1755),

റഷ്യൻറൊമാന്റിക്ക് കവിയും,  നാടകം, റൊമാൻസ്,ആക്ഷേപഹാസ്യം എന്നിവ കലർത്തിയ ഒരു കഥാകഥന രീതി ആവിഷ്കരിച്ച് ആധുനിക റഷ്യൻ സാഹിത്യത്തിന്റെ സ്ഥാപകന്‍ എന്ന്‍ അറിയപ്പെടുന്ന അലക്സാണ്ടർ സെർഗിയേവിച്ച് പുഷ്കിൻ (ജൂൺ 6  1799 – ഫെബ്രുവരി 10,1837),

ആദ്യത്തെ ഒട്ടോമൻ ഭരണഘടന  പ്രഖ്യാപിക്കുകയും ഇതനുസരിച്ച് ദ്വിമണ്ഡല നിയമസഭ നിർമ്മിക്കുകയും ചെയ്ത തുർക്കിയിലെ 36-ആമത്തെ ഒട്ടോമൻ സുൽത്താനായിരുന്ന ‍അബ്ദുൽ ഹമീദ് II  (1842 സെപ്റ്റംബർ 22-1918 ഫെബ്രുവരി 10),

എക്സ് റേ കണ്ടെത്തിയ ജർമ്മൻ ഭൗതികശാസ്ത്രജ്ഞന്‍ വിൽഹെം കോൺറാഡ് റോൺട്ജൻ എന്ന  വിൽഹെം റോണ്ട്ജൺ (1845 മാർച്ച് 27 - 1923 ഫെബ്രുവരി 10)  

കിംഗ് കോംഗ് എന്ന കഥാപാത്രത്തെ സൃഷ്ടിക്കുകയും നിരവധി നോവലുകളും തിരക്കഥകളും ചെറുകഥകളും എഴുതുകയും ചെയ്ത ഇംഗ്ലീഷ് നോവലിസ്റ്റും നാടകകൃത്തും പത്രപ്രവർത്തകനുമായിരുന്ന റിച്ചാർഡ് ഹൊറേഷ്യോ എഡ്ഗർ വാലസ് (1 ഏപ്രിൽ 1875 - 10 ഫെബ്രുവരി 1932),

"ഡെത്ത് ഓഫ് എ സേല്‍സ്മാന്‍ ","ആൾ മൈ സൺസ്" തുടങ്ങിയ നാടകങ്ങള്‍ എഴുതിയ   പ്രശസ്ത അമേരിക്കൻ നാടകരചയിതവും എഴുത്തുകാരനും ചലച്ചിത്ര നടി മർലിൻ മൺറോയുടെ  ഭര്‍ത്താവുമായിരുന്ന ആർതർ മില്ലർ(ഒക്ടോബർ 17, 1915 – ഫെബ്രുവരി 10, 2005),

1834-ൽ ഇലക്‌ട്രോഡൈനാമിക്‌സിൽ ലെൻസിൻ്റെ നിയമം രൂപപ്പെടുത്തിയതിൽ ഏറ്റവും ശ്രദ്ധേയനായ ബാൾട്ടിക് ജർമ്മൻ വംശജനായിരുന്ന ഒരു റഷ്യൻ ഭൗതികശാസ്ത്രജ്ഞൻ ഹെൻറിച്ച് ലെൻസ് എന്ന എമിൽ ലെൻസ്  (12 ഫെബ്രുവരി 1804 - 10 ഫെബ്രുവരി 1865),

കാർബൊളിക് ആസിഡ് എന്ന രാസപദാർഥത്തിന്റെ അണുനാശക സ്വഭാവം മനസ്സില്ലാക്കി , അത് ഉപയോഗിച്ച് ശസ്ത്രക്രിയോപകരണങ്ങളും , മുറിവുകളും വൃത്തി യാക്കുക വഴി അണുബാധ വിമുക്തവും സുരക്ഷിതവുമായ ശസ്ത്രക്രിയകളുടെ ഉപജ്ഞാതാവായ ജോസഫ് ലിസ്റ്റർ ( ഏപ്രിൽ 5,1827- ഫെബ്രുവരി 10, 1912),

ചരിത്രത്തിൽ ഇന്ന്…
*******
1258 - മംഗോളിയൻ അധിനിവേശം: ബാഗ്ദാദ് മംഗോളുകൾക്ക് കീഴടങ്ങി, ഇസ്ലാമിക സുവർണ്ണയുഗം അവസാനിപ്പിക്കുകയും ചെയ്തു.

1763 - ഫ്രാൻസും ബ്രിട്ടനും തമ്മിൽ പാരീസ് ഉടമ്പടി ഒപ്പുവച്ചു, 7 വർഷത്തെ യുദ്ധം അവസാനിപ്പിക്കുകയും കാനഡ പോലുള്ള ഫ്രാൻസിൻ്റെ പ്രദേശങ്ങൾ ബ്രിട്ടൻ ഏറ്റെടുക്കുകയും ചെയ്തു.

1837 -  റഷ്യൻ എഴുത്തുകാരനായ അലക്സാണ്ടർ പുഷ്കിൻ തൻ്റെ ഭാര്യയുടെ ബഹുമാനം സംരക്ഷിക്കുന്നതിനുള്ള ഒരു യുദ്ധത്തിൽ കൊല്ലപ്പെട്ടു.

1840 - യുണൈറ്റഡ് കിംഗ്ഡം വിക്ടോറിയ രാജ്ഞി പ്രിൻസ് ആൽബെർട്ട് ഓഫ് സാക്സ്- കോബർഗ്- ഗോദയെ വിവാഹം കഴിച്ചു.

1858 - ന്യൂയോർക്കിൽ YWCA സ്ഥാപിതമായി.

1861 - ജെഫേഴ്സൺ ഡേവിസിനെ ടെലിഗ്രാഫ് മുഖേന അറിയിപ്പ് നൽകി അമേരിക്കയുടെ കോൺഫെഡറേറ്റ് സ്റ്റേറ്റുകളിലെ താൽക്കാലിക പ്രസിഡന്റായി തെരഞ്ഞെടുക്കപ്പെട്ടു.

1870 - ന്യൂയോർക്കിൽ വൈ.എം.സി.എ സ്ഥാപിതമായി.

1921 -  ഇന്ത്യയിലെ ഏറ്റവും വലുതും ജനപ്രിയവുമായ സർവ്വകലാശാലകളിൽ ഒന്നായ മഹാത്മാഗാന്ധി കാശി വിദ്യാപീഠം പൊതു സർവ്വകലാശാല ഉത്തർപ്രദേശിലെ വാരണാസിയിൽ സ്ഥാപിതമായി

1927 - ജെആർഡി ടാറ്റ പൈലറ്റ് ലൈസൻസ് നേടുന്ന ഇന്ത്യയിലെ ആദ്യത്തെ വ്യക്തിയായി.

1929 - ജെ.ആർ.ഡി. ടാറ്റ വിമാനം പറത്താനുള്ള ലൈസൻസ് നേടിയ ആദ്യ ഇന്ത്യക്കാരനായി. ഇന്ത്യൻ വ്യോമഗതാഗതത്തിന്റെ പിതാവ് എന്നറിയപ്പെട്ടു.

1931 - ന്യൂ ഡൽഹി ഇന്ത്യയുടെ തലസ്ഥാനമായി.

1940 - ആദ്യത്തെ ടോം ആൻഡ് ജെറി കാർട്ടൂൺ ഷോർട്ട്, പുസ് ഗെറ്റ്സ് ദ ബൂട്ട്, എംജിഎം പുറത്തിറക്കി

1943 - ഗാന്ധിജി ജയിലിൽ നിരാഹാര സമരം തുടങ്ങി. സത്യാഗ്രഹം 21 ദിവസം നീണ്ടുനിന്നു.

1949 - മഹാത്മജി വധക്കേസ് പ്രതികളായ നാഥുറാം വിനായക് ഗോഡ്സെക്കും, നാരായൺ ആപ്തേക്കും കോടതി വധശിക്ഷ പ്രഖ്യാപിച്ചു.

1949 - പ്രശസ്ത അമേരിക്കൻ നാടകകൃത്ത് ആർതർ മില്ലറുടെ സ്റ്റേജ് ഡ്രാമ, "ഡെത്ത് ഓഫ് എ സെയിൽസ്മാൻ", ലീ ജെ. കോബ്, ആർതർ കെന്നഡി എന്നിവർ അഭിനയിച്ചു, NYC, മൊറോസ്കോ തിയേറ്ററിൽ തുറന്നു. ഇത് 742 പ്രകടനങ്ങൾക്കായി ഓടുകയും ആറ് ടോണി അവാർഡുകളും പുലിറ്റ്‌സർ സമ്മാനവും നേടുകയും ചെയ്തു

1952 - സ്വതന്ത്ര ഇന്ത്യയിലെ ആദ്യ പൊതു തെരഞ്ഞെടുപ്പ്. ജവഹർലാൽ നെഹ്റു പ്രധാനമന്ത്രിയായി വീണ്ടും അധികാരത്തിലേക്ക്.

1962 - പിടിക്കപ്പെട്ട അമേരിക്കൻ U2 ചാരവിമാനം പൈലറ്റ് ഗാരി പവർസ് സോവിയറ്റ് ചാരൻ റുഡോൾഫ് ആബെലിന് കൈമാറി

1992 - അമേരിക്കൻ ബോക്സിംഗ് ഐക്കൺ മൈക്ക് ടൈസൺ മോഡലായ ഡിസൈറി വാഷിംഗ്ടണിനെ ബലാത്സംഗം ചെയ്തതിന് കുറ്റക്കാരനാണെന്ന് കണ്ടെത്തി, ആറ് വർഷത്തെ തടവിന് ശിക്ഷിക്കപ്പെട്ടു.

1996 - റഷ്യൻ ചെസ്സ് ഇതിഹാസം ഗാരി കാസ്പറോവ് IBM നിർമ്മിച്ച 'ഡീപ് ബ്ലൂ ' എന്ന ചെസ്സ് പ്ലേയിംഗ് കമ്പ്യൂട്ടറിനെ 4-2 ന് പരാജയപ്പെടുത്തി.

1997 - കേരള സർക്കാരും ലാവ് ലിൻ കമ്പനിയുമായുള്ള വിവാദ കരാർ ഒപ്പിട്ടു.

2001 - അറ്റ്ലാൻഡീസ് യാത്രികർ ബഹിരാകാശത്തു കൂടി നടന്ന് ഡെസ്റ്റിനി എന്ന പരീക്ഷണ ശാലയെ അന്താരാഷ്ട്ര ബഹിരാകാശ നിലയത്തോടുകൂടി ഘടിപ്പിച്ചു.

2004 -  അമേരിക്കൻ റാപ്പ് ഇതിഹാസം കാനി വെസ്റ്റ് തൻ്റെ ആദ്യ ആൽബമായ "ദ കോളേജ് ഡ്രോപ്പ്ഔട്ട്" പുറത്തിറക്കി, അത് മികച്ച റാപ്പ് ആൽബത്തിനുള്ള ഗ്രാമി അവാർഡ് നേടി

2006 - ഇറ്റലിയിലെ ടൂറിനിൽ നടന്ന XX വിൻ്റർ ഒളിമ്പിക് ഗെയിംസിൽ ഇറ്റാലിയൻ ഓപ്പററ്റിക് ടെനർ ലൂസിയാനോ പാവറോട്ടി തൻ്റെ അവസാനത്തെ പ്രകടനത്തിൽ "നെസ്സൻ ഡോർമ" പാടി

2007 - ഡോ.ഐസക്ക് മാർ ക്ലീമീസ്മലങ്കര കത്തോലിക്കാ സഭയുടെ കാതോലിക്കാ ബാവയായി തെരെഞ്ഞെടുക്കപ്പെട്ടു.

2009 - റഷ്യ – യു എസ് എ ഉപഗ്രഹങ്ങൾ ബഹിരാകാശത്ത് കൂട്ടിയിടിച്ച് തകർന്നു.

2013 - അലഹബാദിലെ കുംഭ മേള ഉത്സവത്തിൽ മുപ്പത്തഞ്ച് പേർ കൊല്ലപ്പെടുകയും 39 പേർക്ക് പരുക്കേൽക്കുകയും ചെയ്തു.

2017 - തുടർച്ചയായി 4 ടെസ്റ്റ് പരമ്പരകളിൽ ഇരട്ട സെഞ്ച്വറി നേടുന്ന ആദ്യ താരമായി വിരാട് കോഹ്‌ലി മാറി.

2018 - പ്രധാനമന്ത്രി നരേന്ദ്രമോദി പാലസ്തീനിലെത്തി ഔദ്യോഗികമായി പാലസ്തീൻ സന്ദർശിക്കുന്ന ആദ്യ ഇന്ത്യൻ പ്രധാനമന്ത്രിയാണ് മോദി.

2020 - ഓസ്‌ട്രേലിയൻ കാട്ടുതീയിൽ ഭൂരിഭാഗവും കനത്ത മഴ മൂലം കെടുത്തി, പക്ഷേ 46 ദശലക്ഷത്തിലധികം ഏക്കർ ഭൂമി കത്തിനശിച്ചു, 34 ആളുകളും ഒരു ബില്യണിലധികം മൃഗങ്ങളും മരിച്ചു

2021 - ശാസ്ത്രീയ സംഗീതരംഗത്തെ സമഗ്ര സംഭാവനയ്ക്കുള്ള കേരള സർക്കാരിന്റെ സ്വാതി പുരസ്കാരം (2 ലക്ഷം) പാലാ സി.കെ.രാമചന്ദ്രൻ (2018), ടി.എം.കൃഷ്ണ (2019) എന്നിവർക്കും നാടകരംഗത്തെ സമഗ്ര സംഭാവനയ്ക്കുള്ള എസ്.എൽ.പുരം സദാനന്ദൻ പുരസ്കാരം (ഒരു ലക്ഷം) കെ.എം.ധർമൻ (2018), വി.വിക്രമൻ നായർ (2019) എന്നിവർക്കും സമ്മാനിച്ചു.

2021 - ദേശീയ ജൂനിയർ അത്‌ലറ്റിക്സിൽ തുടർച്ചയായ 4–ാം തവണയും ഹരിയാന ജേതാക്കളായി

2021 - സ്വദേശാഭിമാനി കേസരി പുരസ്‌കാരം (ഒരുലക്ഷം) യേശു ദാസന് ലഭിച്ചു.

.      By ' ടീം തത്ത്വമസി - ജ്യോതിർഗ്ഗമയ '
.       ************
   Rights Reserved by Team Jyotirgamaya