ഇന്ന് മാര്‍ച്ച് 1: ലോക സംഗീത ചികിത്സ ദിനം: സ്റ്റാലിന്റേയും സയനോര ഫിലിപ്പിന്റേയും ജന്മദിനം: എല്‍ബായിലേക്കുള്ള നാടുകടത്തലിനു അന്ത്യം കുറിച്ചുകൊണ്ട് നെപ്പോളിയന്‍ ഫ്രാന്‍സിലേക്ക് മടങ്ങിയതും പോർച്ചുഗീസുകാർ ബ്രസീലിലെ റിയോ ഡി ജനീറോ നഗരം സ്ഥാപിച്ചതും ഇതേ ദിനം തന്നെ : ചരിത്രത്തില്‍ ഇന്ന്

.   ചരിത്രത്തിൽ ഇന്ന് , വർത്തമാനവും …  
    **************

.                 ' JYOTHIRGAMAYA '
.                ്്്്്്്്്്്്്്്്
.               🌅ജ്യോതിർഗ്ഗമയ🌅
.                       
കൊല്ലവർഷം 1200  
കുംഭം 17
പൂരുരുട്ടാതി  /  ദ്വിതീയ
2025, മാർച്ച്  1 
ശനി

ഇന്ന്;

* ശ്രീരാമകൃഷ്ണ ജയന്തി !

  *ലോക സംഗീത ചികിത്സ ദിനം *[  World Music Therapy Day ; ചികിത്സയിൽ സംഗീതത്തിൻ്റെ സാന്നിദ്ധ്യം ആവശ്യകത ഉപയോഗം ഉപകാരം എന്നിവയെപ്പറ്റി അറിയാൻ പഠിയ്ക്കാൻ ഒരു ദിനം.]

.  * വിവേചന രഹിത ദിനം *[Zero descrimination day ; സീറോ ഡിസ്‌ക്രിമിനേഷൻ ഡേയുടെ ഉദ്ദേശം "വർണ്ണ വർഗ്ഗ ലിംഗ വിവേചനമില്ലാതെ എല്ലാവരുടെയും ആരോഗ്യം സംരക്ഷിക്കുക, എല്ലാവരുടെയും അവകാശങ്ങൾ സംരക്ഷിക്കുക എല്ലാവരുടെയും ജീവിത നിലവാരം ഉയർത്തുക" എന്നതാണ്.]

* ലോക സൈനികേതര സുരക്ഷ ദിനം ![World Civil Defence Day ;ഈ ദിനത്തിൻ്റെ  ഉദ്ദേശം
 "പൊതു സമൂഹത്തിനകത്തെ വീരരെ ബഹുമാനിക്കുക, അവരിലുള്ള സുരക്ഷാ കഴിവുകൾ പ്രോത്സാഹിപ്പിക്കുക" എന്നതാണ്.  നാട്ടിനു നേരിടേണ്ടി വരുന്ന ദുരന്തസമയത്ത് നമ്മുടെ സമൂഹത്തെ സംരക്ഷിക്കുന്നതിന്നാവശ്യമായ ധീരരായ പുരുഷന്മാരെയും സ്ത്രീകളെയും സജ്ജരാക്കിയെടുക്കുക എന്നതാണ്.]

*എൻഡോമെട്രിയോസിസ് അവബോധ  ദിനം![എൻഡോമെട്രിയോസിസ് എന്നാൽ ഗർഭാശയത്തിന്റെ ആവരണത്തിന് സമാനമായ ടിഷ്യു അത് ഉൾപ്പെടാത്ത മറ്റ് സ്ഥലങ്ങളിൽ വളരാൻ കാരണമാകുന്നു എന്നതാണ്. ഇത് പെൽവിക് വേദനയ്ക്കും അമിതമായ ആർത്തവത്തിനും, അതുപോലെ തന്നെ പ്രത്യുൽപാദന പ്രവർത്തനങ്ങളലെ പ്രശ്‌നങ്ങൾക്കും കാരണമാകും. എൻഡോമെട്രിയോസിസിനുള്ള ചികിത്സയിൽ മരുന്ന്, ശസ്ത്രക്രിയ അല്ലെങ്കിൽ രണ്ടിന്റെയും സംയോജനം എന്നിവ ഉൾപ്പെടുന്നു.ഇതിനെക്കുറിച്ചുള്ള അറിവിനും പെതുജനാവബോധത്തിനുമായി ആണ്ഈ ദിനം ആചരിയ്ക്കുന്നത്.]

*ലോക അഭിനന്ദന ദിനം ![World Complement Day ; അന്യർക്ക് അഭിനന്ദനം അർപ്പിയ്ക്കാൻ ഒരു ദിനം. എത്ര നിസ്സാരമായ പ്രവൃത്തി ആയാലും അതിന് അഭിനന്ദനം ലഭിയ്ക്കുക എന്നത് ഏതൊരാൾക്കും ആനന്ദം നൽകുന്നതാണ്. കൂടെയുള്ളവർക്ക് ആനന്ദം നൽകാനായാൽ നമുക്കും ആനന്ദത്തോടെ ഇരിയ്ക്കാനാവും. അതിനാൽ അവനവന് ആനന്ദത്തോടെ ഇരിയ്ക്കാനായിട്ടാണെങ്കിലും അന്യരെ വെറുതെ അഭിനന്ദിയ്ക്കുക. ]

* അന്താരാഷ്ട്ര വീൽചെയർ ദിനം ![ International Wheelchair Day ;  വീൽചെയറിനെ ആശ്രയിക്കുന്നവരുടെ അവസ്ഥയെ കണ്ടറിഞ്ഞ് അവരെ ബഹുമാനിക്കുക, അവരുടെ മനോധൈര്യത്തെ അംഗീകരിക്കുക, പ്രോത്സാഹിപ്പിയ്ക്കുക, അവരെ നമ്മോടൊപ്പം ചേർത്തു പിടിയ്ക്കുക അതിനായി ഒരു ദിനം.]

*ലോക കടൽപ്പുല്ല്  ദിനം![ ലോക കടൽപ്പുല്ല് ദിനം, കടലിനകത്തും ഒരു ആവാസവ്യവസ്ഥയുണ്ട് 
ആ ആവാസവ്യവസ്ഥയിൽ ഒരു പുല്ല് വളരുന്നുണ്ടെന്നും ആ കടൽപ്പുല്ലിന്റെ പ്രാധാന്യം ആ ആവാസവ്യവസ്ഥയ്ക്ക് അത്യന്താപേക്ഷതമാണെന്നും തിരിച്ചറിയാൻ, അതിലെ ജൈവവൈവിധ്യം, കാലാവസ്ഥാ വ്യതിയാനം, എന്നിവയക്കുറിച്ച് അറിയാൻ പഠിയ്ക്കാൻ ഒരു ദിനം.]

* അൺപ്ലഗ്ഗിംഗിൻ്റെ ആഗോള ദിനം ![ Global Day of unplugging ; സ്വന്തം ജീവിത പ്രാരാബ്ദങ്ങൾ കാരണം 24 മണിക്കൂറും നാം മുഴുകിയിരിയ്ക്കുന്ന ഇലക്‌ട്രോണിക് ലോകത്ത് നിന്നും പതിയെ അൺപ്ലഗ് ചെയ്യുക - കുട്ടിക്കാലത്ത് നാം കണ്ടപ്രകൃതിയെ അതേപടി അനുഭവിക്കുക, ആളുകളോട് സംസാരിക്കുക, കുറച്ച് സമയത്തേയ്ക്കെങ്കിലും സ്‌ക്രീനുകളില്ലാത്ത ഒരു ജീവിതം നയിക്കുക. അതിനായി ഒരു ദിനം ]

*മൗണ്ടൻ ഹെയർ  ദിനം![മല മുയൽ ദിനംസ്കോട്ട്ലൻഡിന്റെ ഹൃദയഭാഗത്തെ പർവ്വതത്തിൽ വസിയ്ക്കുന്ന മുയലിനും ഒരു ദിനം. വംശനാശ ഭീഷണിയുള്ള ഈ വന്യജീവിയെ സംരക്ഷിയ്ക്കാൻ ശ്രമിയ്ക്കുന്നതോടൊപ്പം തന്നെ, പ്രകൃതി നമുക്കു നൽകിയ നമ്മുടെ പൈതൃകം സംരക്ഷിക്കുന്നതിൽ നമ്മൾ ഓരോരുത്തരും വഹിക്കുന്ന പങ്കിനെ കുറിച്ചുള്ള ഓർമ്മപ്പെടുത്തൽ കൂടിയാണ് ഇന്ന് ഈ ദിനാചരണം കൊണ്ട് അവർ ഉദ്ദേശിയ്ക്കുന്നത്.]

*ദേശീയ ബാരിസ്റ്റ  ദിനം![National Tea master Day -സമൂഹത്തിൽ അടിയന്തര സേവനം നടത്തുന്ന ജീവനക്കാരുടെ പ്രവർത്തനത്തെ ഞങ്ങൾ പതിവായി ആഘോഷിക്കാറുണ്ടെങ്കിലും,ചായക്കടയിൽ, വീട്ടിൽ, ചായയുണ്ടാക്കുന്നവരുടെ  കഠിനാധ്വാനത്തെക്കുറിച്ച് ചിന്തിക്കാൻ നമ്മൾ അധികം സമയം ചെലവഴിക്കാറില്ല! അതിനായി ഒരു ദിവസം, അവർക്കായി ഒരു ദിവസം ]

*ബാബ മാർത്ത  ദിനം![ബൾഗേറിയയിൽ ആഘോഷിക്കുന്ന ബാബ മാർത്ത ദിനം, ശൈത്യകാലത്ത് നിന്ന് വസന്തകാലത്തിലേക്കുള്ള ആ സമൂഹത്തിൻ്റെ പരിവർത്തനത്തെ ഇത് അടയാളപ്പെടുത്തുന്നു.വളരെ സജീവവും വർണ്ണാഭമായതുമായ ഒരു പാരമ്പര്യമാണ് ഇത്.
ആളുകൾ മാർട്ടനിറ്റ്സകൾ എന്നറിയപ്പെടുന്ന ചുവപ്പും വെള്ളയും നിറത്തിലുള്ള വളകൾ പരസ്പരം കൈ മാറ്റുകയും ധരിക്കുകയും ചെയ്യുന്നു. ലളിതവും എന്നാൽ അർത്ഥവത്തായതുമായ ഈ ആചാരങ്ങൾ നല്ല ആരോഗ്യം, സന്തോഷം, വരാനിരിക്കുന്ന വർഷത്തിനായുള്ള പ്രതീക്ഷ എന്നിവയെ പ്രതീകപ്പെടുത്തുന്നു. ]

*പൊതുജന അപകട നിയന്ത്രണ അവബോധ  ദിനം![പൊതു സ്ഥാപനങ്ങളെയും സമൂഹങ്ങളെയും ബാധിക്കുന്ന അപകടസാധ്യതകൾ തിരിച്ചറിഞ്ഞ് കൈകാര്യം ചെയ്യേണ്ടതിന്റെ പ്രാധാന്യം പബ്ലിക് റിസ്ക് മാനേജ്മെന്റ് അവബോധ ദിനം എടുത്തുകാണിക്കുന്നു.
വിവിധ അപകടസാധ്യതകൾ വിലയിരുത്തുന്നതിനും കുറയ്ക്കുന്നതിനും കൈകാര്യം ചെയ്യുന്നതിനും വ്യക്തികളെയും സ്ഥാപനങ്ങളെയും ബോധവൽക്കരിക്കുന്നതിൽ ഇത് ശ്രദ്ധ കേന്ദ്രീകരിക്കുന്നു.]

*സ്വയം പരിക്ക് അവബോധ  ദിനം![സ്വയം ഉപദ്രവിക്കുന്നതിനെക്കുറിച്ചോ സ്വയം മുറിവേൽപ്പിക്കുന്നതിനെക്കുറിച്ചോ ഉള്ള സ്ഥിതിവിവരക്കണക്കുകൾ വളർന്നുകൊണ്ടിരിക്കുമ്പോൾ, പ്രത്യേകിച്ച് യുവാക്കൾക്കിടയിൽ, ഈ വിഷയത്തെക്കുറിച്ച് അവബോധം വളർത്തുകയും സ്വയം മുറിവേൽപ്പിക്കുന്നവർക്ക് പിന്തുണ നൽകുകയും ചെയ്യേണ്ടത് പ്രധാനമാണ്. സ്വയം മുറിവേൽപ്പിക്കുന്ന ആളുകളിലേക്ക് എത്തിച്ചേരാനും അങ്ങനെ ചെയ്യാത്തവരെ ബോധവൽക്കരിക്കാനും സ്വയം പരിക്ക് ബോധവൽക്കരണ ദിനം അവസരം നൽകുന്നു. ]

*ദേശീയ പഴ കമ്പോട്ട്  ദിനം![National Fruit Compote Day -മധുരപലഹാരങ്ങൾ ഇഷ്ടപ്പെടുന്ന ആളാണെങ്കിൽ, നിങ്ങൾ തീർച്ചയായും ഫ്രൂട്ട് കമ്പോട്ടിന്റെ ആരാധകനായിരിക്കും. പഴങ്ങളോ ബെറികളോ പഞ്ചസാരയോ ചേർന്ന ഒരു രുചികരമായ മിശ്രിതം, ഗ്രീക്ക് തൈരിന് ഒരു രുചികരമായ രുചി നൽകുന്നു, ഒരു ഫുൾ കോഴ്‌സ് ഭക്ഷണത്തിന് ഫലപ്രദമായ ഒരു അവസാനം, അല്ലെങ്കിൽ നിങ്ങളുടെ പ്രഭാത ധാന്യത്തിന് ഒരു മധുരം ചേർക്കുന്നു. ]

*ഏഷ്യാറ്റിക് ഫ്ലീറ്റ് മെമ്മോറിയൽ  ദിനം ![വെല്ലുവിളി നിറഞ്ഞ സമയങ്ങളിൽ ഏഷ്യാറ്റിക് കപ്പലിൽ സേവനമനുഷ്ഠിച്ച ധീരരായ നാവികരെ ആദരിക്കുന്നതിനുള്ള ഒരു ദിവസമാണ് ഏഷ്യാറ്റിക് ഫ്ലീറ്റ് മെമ്മോറിയൽ ദിനം.]

*ഓപ്പൺ ഡാറ്റ  ദിനം![ഓപ്പൺ ഡാറ്റ താരതമ്യേന പുതിയൊരു ആശയമാണെങ്കിലും, ഓപ്പൺ ഡാറ്റ ദിനം അത് വിശദീകരിക്കാനും, താൽപ്പര്യമുള്ള ആളുകളെ അറിയിക്കാനും, സർക്കാർ നയങ്ങളെക്കുറിച്ച് സ്വയം ബോധവൽക്കരിക്കാനുള്ള അവസരം നൽകാനും സഹായിക്കുന്നു, അതുവഴി അവർക്ക് അവരുടെ സമൂഹത്തെ നന്നായി മനസ്സിലാക്കാൻ കഴിയും.]

*ദേശീയ വിവാഹ ആസൂത്രണ  ദിനം ![  National Wedding Planning Day - വിവാഹം  ആസൂത്രണം ചെയ്യുന്നതിനോളം ആവേശകരവും - ഒരുപക്ഷേ ഭയപ്പെടുത്തുന്നതുമായ - മറ്റൊന്നില്ല!
പലരും ജീവിതകാലം മുഴുവൻ വിവാഹത്തെക്കുറിച്ച് സ്വപ്നം കാണുന്നു, പക്ഷേ വിവാഹദിനം സാധ്യമാക്കുന്നതിന് ആവശ്യമായ എല്ലാ വിശദാംശങ്ങളും അവർ സങ്കൽപ്പിക്കുന്നത് വളരെ അപൂർവമാണ്.]

*പീസ് കോർപ്സ്  ദിനം![പീസ് കോർപ്സ് വളണ്ടിയർമാരുടെ സമർപ്പണത്തെയും കഠിനാധ്വാനത്തെയും ആദരിക്കുന്ന ഒരു പ്രത്യേക അവസരമാണ് പീസ് കോർപ്സ് ദിനം.വിവിധ രാജ്യങ്ങളിൽ സേവനമനുഷ്ഠിക്കുന്നതിനും വിദ്യാഭ്യാസം, ആരോഗ്യം, കൃഷി തുടങ്ങിയ മേഖലകളിലെ പദ്ധതികളിൽ സമൂഹങ്ങളെ സഹായിക്കുന്നതിനും ഈ വ്യക്തികൾ പ്രതിജ്ഞാബദ്ധരാണ്.അവരുടെ സേവനം അവർ സഹായിക്കുന്ന സമൂഹങ്ങളെ സാരമായി സ്വാധീനിക്കുകയും അവർ തിരിച്ചെത്തുമ്പോൾ അവരുടെ മാതൃ സമൂഹങ്ങളെ സമ്പന്നമാക്കുകയും ചെയ്യുന്നു. അവരുടെ പരിശ്രമങ്ങൾക്കും ലോകമെമ്പാടും അവർ വളർത്തിയെടുക്കുന്ന നല്ല മാറ്റങ്ങൾക്കും ഈ ദിനം ഒരു ആദരാഞ്ജലിയാണ്. ]

*ദേശീയ പന്നി  ദിനം ![National Pig Day -നമ്മൾ എവിടെ പോയാലും, പന്നി നമ്മുടെ ദൈനംദിന ജീവിതത്തിന്റെ ഭാഗമാണ്.നമ്മൾ പണം ലാഭിക്കാൻ ഉപയോഗിക്കുന്ന ചെറിയ പോർസലൈൻ നാണയ പാത്രങ്ങൾ ആയാലും, വെള്ളിത്തിരയിൽ നമ്മുടെ ഹൃദയം കവർന്ന പന്നികൾ ആയാലും (ബേബ്, ഷാർലറ്റ്സ് വെബിലെ വിൽബർ ) അല്ലെങ്കിൽ നമ്മുടെ ഫാം സന്ദർശനങ്ങളിൽ നമ്മൾ കണ്ട ഭംഗിയുള്ള ചെറിയ മൃഗങ്ങൾ ആയാലും, ഈ ഓമനത്തമുള്ള ചെറിയ പന്നിയിറച്ചികൾ നമ്മുടെ ഓരോ ചുവടുവയ്പ്പിലും നമ്മുടെ ജീവിതത്തെ മഹത്തരമാക്കിയിട്ടുണ്ട്. ]

*ദേശീയ കുതിര സംരക്ഷണ  ദിനം ![National Horse Protection Day -ഗാംഭീര്യമുള്ള കുതിരയെ പണ്ടേ മനുഷ്യന്റെ അടുത്ത കൂട്ടുകാരനായും നമ്മുടെ ജീവിവർഗങ്ങളുടെ പുരോഗതിക്ക് ഒരു പ്രധാന സംഭാവന നൽകുന്നതായും കണക്കാക്കുന്നു. കുതിരകൾ നേരിടുന്ന വിവിധ ദുരവസ്ഥകളെക്കുറിച്ച് അവബോധം വളർത്തുന്നതിലൂടെയും ദുരുപയോഗം, ചൂഷണം, അവഗണന എന്നിവയിൽ നിന്ന് അവയെ സംരക്ഷിക്കുന്നതിലൂടെയും നമ്മുടെ നാല് കാലി സുഹൃത്തുക്കളുടെ സ്നേഹം തിരികെ നൽകുന്നതിനാണ് ദേശീയ കുതിര സംരക്ഷണ ദിനം.]

*ദേശീയ മിനസോട്ട  ദിനം![National Minnesota Day -തടാകങ്ങൾ, വനങ്ങൾ, ഊർജ്ജസ്വലമായ നഗരങ്ങൾ എന്നിവയുടെ നാട്, പുറം സാഹസികതകൾ, സാംസ്കാരിക ആനന്ദങ്ങൾ, അതുല്യമായ ഒരു സൗഹൃദ മനോഭാവം എന്നിവ വാഗ്ദാനം ചെയ്യുന്നു.ചിലപ്പോൾ നോർത്ത് സ്റ്റാർ സ്റ്റേറ്റ്, 10,000 തടാകങ്ങളുടെ നാട്, ഗോഫർ സ്റ്റേറ്റ് അല്ലെങ്കിൽ ബ്രെഡ് ആൻഡ് ബട്ടർ സ്റ്റേറ്റ് എന്നിങ്ങനെ വിളിക്കപ്പെടുന്ന മിനസോട്ട, 1200 ചതുരശ്ര മൈലിലധികം വിസ്തൃതിയുള്ള അതിന്റെ എല്ലാത്തരം ആകർഷണീയതയും സ്വഭാവവും കൊണ്ട് വ്യാപിച്ചിരിക്കുന്നു.ദേശീയ മിനസോട്ട ദിനം ഈ സംസ്ഥാനത്തോടും ഇവിടെ നിന്നുള്ളവരോടും നന്ദി പ്രകടിപ്പിക്കാൻ കുറച്ച് സമയം ചെലവഴിക്കാൻ ഒരു മികച്ച അവസരം നൽകുന്നു!]

*ഐസ് ലാൻഡ്: ബിയർ ദിനം ![1989-ൽ ബിയർ നിരോധനം നിർത്തലാ ക്കിയതിന്റെ ഓർമ്മയ്ക്ക്.]
*ബോസ്നിയ & ഹെർസെഗോവിന: സ്വാതന്ത്ര്യ ദിനം !
* യാപ് രാജ്യം: യാപ് ദിനം !

    ഇന്നത്തെ മൊഴിമുത്ത്
    ്്്്്്്്്്്്്്്്്്‌്‌്‌്
''വായിച്ചുവളരുക, 
ചിന്തിച്ചു വിവേകം നേടുക''

.      [ - പി.എന്‍. പണിക്കര്‍ ]
     ***********
ഇന്നത്തെ പിറന്നാളുകാർ
********
തമിഴ്‌നാടിന്റെ എട്ടാമത്തെ മുഖ്യമന്ത്രിയും ദ്രാവിഡ മുന്നേറ്റ കഴകത്തിന്റെ പ്രസിഡന്റും  1996 മുതൽ 2002 വരെ ചെന്നൈ നഗരസഭയുടെ മേയറായും 2009 മുതൽ 2011 വരെ തമിഴ്‌നാടിന്റെ ആദ്യത്തെ ഉപമുഖ്യമന്ത്രിയായും പ്രവർത്തിച്ചിട്ടുള്ള എം.കെ. സ്റ്റാലിൻ എന്ന മുത്തുവേൽ കരുണാനിധി സ്റ്റാലിന്റേയും (1953),

 സിനിമാഗാന നിരൂപകൻ:,  'രാഷ്ട്രപ്രഭ'  'ഫിലിം മാഗസിൻ' എന്നിവയിൽ ഗാനവിമര്‍ശനം ഒരു എഴുത്ത് ശാഖയായി മലയാളത്തില്‍ തുടങുകയും,  മലയാള ഗാനലോകത്തിലെ മുത്തുകളായ 100 പാട്ടുകള്‍ തെരഞ്ഞെടുത്ത് അതിനുള്ള ആസ്വാദനങൾ 'കാവ്യഗീതിക' എന്ന പേരിൽ  പുസ്തകം ആയി പ്രസിദ്ധീകരിക്കുകയും ഫുഡ്‌കോര്‍പ്പറേഷന്‍ ഓഫ് ഇന്ത്യയിലെ ഔദ്യോഗിക ജീവിതത്തില്‍നിന്ന് അടുത്തിടെ വിരമിക്കുകയും ചെയ്ത ടി.പി ശാസ്തമംഗലത്തിന്റേയും (1955),

ഓൾ ഇന്ത്യാ ഫോർവേഡ് ബ്ലോക്ക് സംസ്ഥാന ജനറൽ സെക്രട്ടറിയും കേന്ദ്രകമ്മിറ്റി അംഗവുമായ അഡ്വ റ്റി മനോജ് കുമാറിൻ്റെയും (1970)

2018-ൽ ജീൻ മാർക്കോസ് സംവിധാനം ചെയ്ത കുട്ടൻപിള്ളയുടെ ശിവരാത്രി' എന്ന ചിത്രത്തിലൂടെ  അരങ്ങേറ്റം നടത്തുകയും വെട്ടം, പ്രജാപതി, ഉദാഹരണം സുജാത, ബിഗ് ബി തുടങ്ങി നിരവധി ചിത്രങ്ങളിലെ ഗാനങ്ങള്‍ ആലപിക്കുകയും ചെയ്തിട്ടുള്ള മലയാളത്തിലെ പ്രശസ്ത ചലച്ചിത്ര പിന്നണി ഗായിക സയനോര ഫിലിപ്പിന്റേയും (1984),

സൗരോർജ്ജത്താൽ പ്രകാശിക്കുന്ന വൈദ്യുത വിളക്കുകൾ നിർമ്മിക്കുന്ന സെൽകോ എന്ന പ്രമുഖ സ്ഥാപനത്തിന്റെ  സ്ഥാപകനും (1995)(ഇന്ത്യയിലെ 120,000 വീടുകളിൽ ഇന്ന് ഈ സാങ്കേതികത ഉപയോഗിച്ചു ഇന്ന് വെളിച്ചം തെളിയുന്നു.) കർണാടകത്തിൽ നിന്നുള്ള ഒരു സാമൂഹ്യ സംരംഭകനുമായ ഹരീഷ് ഹാൻഡെയുടേയും (1967),

തമിഴ്നാട്ടിലെ ഭാരതീയ ജനതാ പാർട്ടിനേതാവും മോദി സർക്കാരിലെ വൻകിട വ്യവസായ, ഖനിവകുപ്പിന്റെ സംസ്ഥാനതല ചുമതലയുള്ള മന്ത്രി യുമായ പൊൻ രാധാകൃഷ്ണന്റെയും  (1952),

ഏക പാർലമെന്റ്‌ സീറ്റുള്ള മിസോറാമിലെ മിസോറം നിയോജകമണ്ഡലത്തിൽ നിന്നുള്ള പതിനേഴാമത് ലോക്സഭയിലെ  അംഗവും മിസോ നാഷണൽ ഫ്രണ്ട് നേതാവുമായ സി. ലാൽറോസംഗയുടേയും (1957),

ആറു പ്രാവശ്യം ലോക ബോക്സിങ്ങ് ജേതാവ് ആയ ഒരേ ഒരു വനിതയായ   മണിപ്പൂരിൽ   നിന്നുമുള്ള   ബോക്സിങ്  കായിക താരം മേരി കോമിന്റെയും (1983),

ഇന്ത്യക്കു വേണ്ടി കോമൺവെൽത്ത് ഗെയിംസിൽ സ്വർണ്ണ മെഡൽ നേടിയ   ഭാരോദ്വഹന താരമായ  കുഞ്ചറാണി ദേവിയുടെയും (1968),

അമേരിക്കയിലെ പ്രശസ്തനായ സംഗീതജ്ഞനും, പാട്ടുകാരനും, അഭിനേതാവും പൊതു പ്രവർത്തകനുമായ   ഹാരോൾഡ് ജോർജ് "ഹാരി" ബെലഫൊണ്ടെ ജൂനിയറിന്റെയും (1927),

പാകിസ്താൻ ക്രിക്കറ്റ് കളിക്കാരൻ ശഹീദ് അഫ്രിദിയുടെയും (1980),

2014 ൽ ബാല സാഹിത്യത്തിനുള്ള കേന്ദ്ര സാഹിത്യ അക്കാദമി പുരസ്കാരം നേടിയ ആസാമീസ് സാഹിത്യകാരനും ശാസ്ത്രജ്ഞനുമായ ദിനേഷ് ചന്ദ്ര ഗോസ്വാമിയുടെയും (1949),

 ഗായകൻ, ഗാനരചയിതാവ്, നിർമാതാവ്, അഭിനേതാവ് എന്നീ നിലകളിൽ പ്രസിദ്ധനായ ജസ്റ്റിൻ ബീബറിന്റെയും (1994) ജന്മദിനം !!!

*********
ഇന്ന് ജന്മദിനമാചരിയ്ക്കേണ്ട ഇപ്പോൾ നമ്മോടൊപ്പമില്ലാത്ത നമ്മുടെ പ്രിയങ്കരരായ പ്രമുഖരിൽ ചിലർ
*********
എം.കെ.അർജുനൻ മാസ്റ്റർ ജ. (1936-2020)
ടി.കെ വേലുപ്പിള്ള ശാസ്ത്രി ജ. (1882)
വി സി ബാലകൃഷ്ണപണിക്കർ ജ.(1889-1912)
പ്രവിത്താനം പി എം ദേവസ്യ ജ. (1903)
പി എന്‍ പണിക്കര്‍ ജ. (1909 -1995)
അടൂർ ഭാസി ജ. (1927- 1990)
എൻ. നീലകണ്ഠര് പണ്ടാരത്തിൽ  ജ. (1917 -2007)
കെ.എ. ബാലൻ ജ.(1921-2001)
തുപ്പേട്ടൻ. ജ (1929- 2019)
രാമപ്രസാദ് ഗോയങ്ക ജ. (1930 -2013)
ജോൺ ഡി ബ്രിട്ടോ ജ. (1647-1693)
അകുതാഗാവ ര്യൂനോസുകേ ജ.(1892-1927)

അർജ്ജുനൻ മാസ്റ്റർ എന്ന അപരനാമത്തിൽ അറിയപ്പെടുന്ന  നൂറ്റിയമ്പതോളം മലയാളചലച്ചിത്രങ്ങൾക്കും നിരവധി നാടകങ്ങൾക്കും ആൽബങ്ങൾക്കും സംഗീതസംവിധാനം നിർവ്വഹിച്ച, മാനത്തിൻ മുറ്റത്ത്, ഹൃദയമുരുകി നീ, പൗർണ്ണമിച്ചന്ദ്രിക തൊട്ടുവിളിച്ചു, യദുകുല രതിദേവനെവിടെ, നിൻ മണിയറയിലെ, പാലരുവിക്കരയിൽ, കസ്തൂരി മണക്കുന്നല്ലോ, ചന്ദ്രോദയം കണ്ട്, ചെട്ടികുളങ്ങര ഭരണിനാളിൽ, ആയിരം അജന്താശില്പങ്ങളിൽ, രവിവർമ്മച്ചിത്രത്തിൻ രതിഭാവമേ തുടങ്ങി നിരവധി ഹിറ്റ് ഗാനങ്ങൾക്ക് സംഗീതം നൽകിയ മലയാളചലച്ചിത്രരംഗത്തെ ഒരു സംഗീത സംവിധായകനായിരുന്ന മാളിയേയ്ക്കൽ കൊച്ചുകുഞ്ഞ് അർജ്ജുനൻ എന്ന എം.കെ. അർജ്ജുനൻ(മാർച്ച് 1 1936 ഏപ്രിൽ 6, 2020 ),

മാലി മാധവൻ നായരുടെ പിതാവ് സദസ്യ തിലകൻ വേലുപ്പിള്ള ശാസത്രി (മാർച്ച് 1,1882-),

തന്റെ ഹൃസ്വ ജീവിതകാലത്തിൽകേരളചിന്താമണി, മലബാറി, ചക്രവർത്തി തുടങ്ങിയ പ്രസിദ്ധീകരണങ്ങളുടെ പത്രാധിപരും പരമ്പരാഗത ശൈലിയിൽ നിന്നും കാൽപനികതയിലേക്കുള്ള പരിവർത്തനത്തിൽ   നിർണായക സ്വാധീനം ചെലുത്തിയ കവിതകൾ എഴുതി കവി വി സി ബാലകൃഷ്ണപണിക്കർ (മാർച്ച് 1,1889- ഒക്റ്റോബർ 17, 1912),

മഹാകവി പ്രവിത്താനം പി എം ദേവസ്യാ (മാർച്ച് 1  1903- 1986 ഡിസംബർ 22)

നീലമ്പേരൂരിൽ  "സനാതനധർമ്മം" എന്ന വായനശാല സ്ഥാപിക്കുകയും  അഹോരാത്രം പ്രവർത്തിച്ച്  കേരള ഗ്രന്ഥശാല സംഘം സ്ഥാപിക്കുകയും, ആയിരക്കണക്കിന് ഗ്രന്ഥശാലകളെ സംഘത്തിന്റെ കീഴിൽ കൊണ്ടുവരുത്തുകയും  ഗ്രന്ഥശാല പ്രസ്ഥാനത്തിന്റെ നായകൻ  എന്ന് അറിയപ്പെടുകയും ചരമദിനം വായനാദിനമായി ആചരിക്കപ്പെടുകയും ചെയ്യുന്ന പുതുവായിൽ നാരായണ പണിക്കർ എന്ന പി എന്‍ പണിക്കർ  (1909 മാർച്ച് 1-1995 ജൂൺ 19 ),

 മലയാള സിനിമാ ഹാസ്യത്തിന് ഒരു പുതിയ ദിശ നൽകുകയും ആദ്യ കാല ബ്ലാക്ക് & വൈറ്റ് മലയാളചിത്രങ്ങളിലെ ഹാസ്യത്തിന്റെ ഒരു അവിഭാജ്യഘടകമായിരുന്ന നടനും അഭിനയം കൂടാതെ രചയിതാവ്, പത്ര പ്രവർത്തകൻ, ഗായകൻ , നിർമാതാവ് എന്നീ നിലകളിലും  പ്രവർത്തിച്ച   സി.വി. രാമൻപിള്ളയുടെ കൊച്ചുമകൻ കൂടിയായ അടുർ ഭാസി ( 1927 മാർച്ച് 1-1990 മാർച്ച് 29 ),

ഒന്നും, രണ്ടും കേരളനിയമസഭകളിൽ നെടുമങ്ങാട് നിയോജകമണ്ഡലത്തെ പ്രതിനിധീകരിച്ച ഒരു കമ്മ്യൂണിസ്റ്റ് നേതാവായിരുന്നു എൻ. നീലകണ്ഠര് പണ്ടാരത്തിൽ(1 മാർച്ച് 1917 - 18 സെപ്റ്റംബർ 2007), 

സ്വാതന്ത്ര്യ സമരപ്രസ്താനവുമായി ബന്ധപ്പെട്ടു പ്രവർത്തിക്കുകയും,  ചെത്തു തൊഴിലാളി ഫെഡറേഷന്റെ പ്രസിഡന്റ്,വടക്കേക്കര ഗ്രാമപഞ്ചായത്ത് പ്രസിഡന്റ്,സി.പി.ഐ. സംസ്ഥാന കൗൺസിലംഗം, എന്നി നിലകളിലും  വടക്കേക്കര നിയോജകമണ്ഡലത്തെ കേരളനിയമസഭയിൽ പ്രതിനിധീകരിക്കുകയും ചെയ്ത  അഭിഭാഷകനായിരുന്ന   കെ.എ. ബാലൻ (01 മാർച്ച് 1921 - 08 നവംബർ 2001),

കേരള സാഹിത്യ അക്കാഡമി പുരസ്ക്കാരം നേടിയ നാടകകൃത്തും സംവിധായകനുമായ തുപ്പേട്ടൻ എന്ന എം.സുബ്രഹ്മണ്യൻ നമ്പൂതിരി (1929 മാർച്ച് 1 - 2019 ഫെബ്രുവരി 1),

പ്രമുഖ വ്യവസായിയും ആർ.പി.ജി എൻറർപ്രൈസസ് ഗ്രൂപ്പിന്റെ ഉടമയുമായിരുന്നു രാമപ്രസാദ് ഗോയങ്ക.( 1930 മാർച്ച് 1- 2013 ഏപ്രിൽ 14),

ക്രിസ്തുമത പ്രചാരകരിൽ നിന്ന് വ്യത്യസ്തനായി ഹൈന്ദവ സന്യാസിമാരെ അനുകരിച്ച് കാഷായ വേഷം ധരിക്കുകയും സസ്യഭുക്കാകുകയും ,"അരുൾ ആനന്ദർ" എന്ന പേരു സ്വീകരിക്കുകയും സമൂഹത്തിൽ തിരസ്‌കൃതരായിപ്പോയ നിരവധിയാളുകളെ സഭയിൽ ചേർക്കുകയും, വധശിക്ഷക്ക് വിധിച്ച്, പ്രേഷിതവഴിയിൽ ഭാരതത്തിൽവച്ചു രക്തസാക്ഷിത്വം വരിച്ച ചുരുക്കം വിശുദ്ധരിൽ ഒരാളായിരുന്ന ജോൺ ഡി ബ്രിട്ടോ(മാർച്ച് 1, 1647-1693 ഫെബ്രുവരി 11),

റാഷോമൻ എന്ന ചെറുകഥ എഴുതുകയും  ചലച്ചിത്രമായി ലോകശ്രദ്ധയാകർഷിക്കുകയും ചെയ്ത അകാലത്തില്‍ ആത്മഹത്യ ചെയ്ത ജാപ്പനീസ് ചെറുകഥാകൃത്തും കവിയും ഉപന്യാസകാരനുമായ അകുതാഗാവ ര്യൂനോസുകേ(1മാർച്ച് 1892 - 24  ജൂലൈ 1927) 
*********
ഇന്നത്തെ സ്മരണ  !!!
*********
വസന്ത് ദാദ പാട്ടീൽ മ.(1917- 1989)
താരക് മേത്ത മ (1930-2017 )
ബംഗാരു ലക്ഷ്മൺ മ. (1939-2014)
ജേക്കബ്സ്  വാൻഹോഫ് മ. (1911)
ആർതർ കൊസ്ലർ  മ. (1905-1983)

മഹാരാഷ്ട്രയിലെ ആദ്യത്തെ ശക്തതനായ മറാത്ത നേതാവും,  മുഖ്യമന്ത്രിയും രാജസ്ഥാൻ ഗവർണറും ആയിരുന്ന വസന്ത് ദാദ പാട്ടീൽ ( 13 നവംബർ 1917- മാർച്ച് 1, 1989),

പ്രമുഖ ഗുജറാത്തി കോളമിസ്റ്റും, ഹാസ്യസാഹിത്യകാരനും നാടകകൃത്തുമായ താരക് മേത്ത (1930-2017 മാർച്ച് 1)

കേന്ദ്രമന്ത്രിസഭയിൽ സംസ്ഥാന റെയിൽവേ മന്ത്രിയുമായിരുന്ന ബംഗാരു ലക്ഷ്മൺ (17 മാർച്ച് 1939 – 1 മാർച്ച് 2014)

രസതന്ത്രത്തിനുള്ള ആദ്യ നോബൽ സമ്മാനം നേടിയ ശാസ്ത്രജ്ഞൻ ആണ് ജേക്കബ്സ് ഹെൻറിക്കസ് വാൻ ഹോഫ്(30 ഓഗസ്റ്റ് 1852 – 1 മാർച്ച് 1911),

ഡാർക്നസ്സ് അറ്റ് നൂൺ (Darkness at Noon) എന്ന സോവിയറ്റ് വിരുദ്ധകൃതി രചിച്ച ജർമ്മൻ കമ്മ്യൂണിസ്റ്റ് പാർട്ടി അംഗത്വം  സ്റ്റാലിൻവിരുദ്ധതകാരണം രാജിവച്ച സാഹിത്യകാരനും പത്രപ്രവർത്തകനും  ഹംഗറിയിലെ ബുഡാപെസ്റ്റിൽ ജനിച്ച  ആർതർ കോസ്ലർ ( 5 സെപ്റ്റംബർ 1905 – 1 മാർച്ച് 1983) ,
********
ചരിത്രത്തിൽ ഇന്ന്…
*********
589 - വിശുദ്ധ ദാവീദ്, വെയിത്സിന്റെ,  രക്ഷാധികാരിയായി കരുതിപ്പോരുന്ന പുണ്യവാളൻ, അന്തരിക്കുന്നു.

1565 - പോർച്ചുഗീസുകാർ ബ്രസീലിലെ റിയോ ഡി ജനീറോ നഗരം സ്ഥാപിച്ചു.

1692 - മസാച്യുസെറ്റ്‌സിലെ സേലത്തിൽ വെച്ച് സാറാ ഗുഡ്, സാറാ ഓസ്‌ബോൺ, ടിറ്റുബ എന്നിവരെ അറസ്റ്റ് ചെയ്തതോടെ സേലം മന്ത്രവാദിനി വിചാരണ ആരംഭിച്ചു. 

1790 -  ആദ്യത്തെ യുണൈറ്റഡ് സ്റ്റേറ്റ്സ് സെൻസസ് നടത്തി, മൊത്തം ജനസംഖ്യ 3,929,214 രേഖപ്പെടുത്തി.

1815 - എൽബായിലേക്കുള്ള നാടുകടത്തലിനു അന്ത്യം കുറിച്ചുകൊണ്ട് നെപ്പോളിയൻ ഫ്രാൻസിലേക്ക് മടങ്ങുന്നു.

1847 - മിഷിഗൺ സംസ്ഥാനം   വധശിക്ഷ ഔദ്യോഗികമായി റദ്ദാക്കുന്നു.

1858 - തലശ്ശേരിയിൽ കേരളത്തിലെ ആദ്യത്തെ ഇംഗ്ലീഷ് പാഠശാല ആരംഭിച്ചു. ബാസൽ ജർമൻ മിഷൻ സ്കൂൾ എന്ന് ഇതറിയപ്പെടുന്നു.

1872 -  യെല്ലോസ്റ്റോൺ ദേശീയോദ്യാനം ലോകത്തിലെ ആദ്യത്തെ ദേശീയോദ്യാനമായി സ്ഥാപിതമായി.

1896-ൽ ഹെൻറി ബെക്വറൽ യുറേനിയം ലവണങ്ങളുമായി പ്രവർത്തിക്കുമ്പോൾ റേഡിയോ ആക്ടിവിറ്റി കണ്ടെത്തി.

1917 - അവർണർക്ക് സഞ്ചാര സ്വാതന്ത്ര്യം നിഷേധിച്ചതിൽ പ്രതിഷേധിച്ച് മിതവാദി പത്രാധിപർ സി.കൃഷ്ണൻ വക്കീൽ മഞ്ചേരി രാമയ്യർ എന്ന ബ്രാഹ്മണ യുവാവിന്റെ തോളിൽ കയ്യിട്ടു നടന്നു.

1917 - ജർമ്മൻ സാമ്രാജ്യം പുറപ്പെടുവിച്ച രഹസ്യ നയതന്ത്ര ആശയവിനിമയമായ സിമ്മർമാൻ ടെലിഗ്രാം, അമേരിക്കയിൽ പ്രസിദ്ധീകരിക്കപ്പെട്ടു, ഇത് യുഎസിനെ ഒന്നാം ലോകമഹായുദ്ധത്തിലേക്ക് കൊണ്ടുവരാൻ സഹായിച്ചു.

1935 - പള്ളിവാസൽ ജലവൈദ്യുത പദ്ധതിക്ക് ശ്രീചിത്തിര തിരുനാൾ മഹാരാജാവ് തറക്കല്ലിട്ടു.

1946 - ബാങ്ക് ഓഫ് ഇംഗ്ലണ്ട്  ദേശീയവത്കരിച്ചു.

1947 - അന്താരാഷ്ട്ര നാണയനിധി (IMF) പ്രവർത്തനമാരംഭിക്കുന്നു.

1955 -  കറാച്ചിയിലെ നാഷണൽ സ്റ്റേഡിയത്തിൽ നടന്ന അഞ്ചാം ക്രിക്കറ്റ് ടെസ്റ്റിൽ ഇന്ത്യയും പാക്കിസ്ഥാനും സമനിലയിൽ പിരിഞ്ഞു പരമ്പര 0-0ന് അവസാനിപ്പിച്ചു.

1961 - ലോകമെമ്പാടും സമാധാനവും ധാരണയുംപ്രോത്സാഹിപ്പിക്കുന്നതിനായി പ്രസിഡൻ്റ് ജോൺ എഫ്. കെന്നഡി,  പീസ് കോർപ്സ് സംഘടന സ്ഥാപിച്ചു.

1966 - സിറിയയിൽ ബാത്ത് പാർട്ടി  അധികാരമേൽക്കുന്നു.

1973 - ഇംഗ്ലീഷ് റോക്ക് ബാൻഡ് പിങ്ക് ഫ്ലോയിഡ് അവരുടെ ഏറ്റവും പ്രശസ്തമായ ആൽബം "ഡാർക്ക് സൈഡ് ഓഫ് ദി മൂൺ" പുറത്തിറക്കി, ലോകമെമ്പാടും 45 ദശലക്ഷത്തിലധികം കോപ്പികൾ വിറ്റു.

1975 - സിക്കിമിനെ ഇന്ത്യയിലെ ഇരുപത്തി രണ്ടാമത്തെ സംസ്ഥാനമായി അംഗീകരിച്ചു.

1981 -  ഐറിഷ് റിപ്പബ്ലിക്കൻ ആർമി അംഗം ബോബി സാൻഡ്സ് വടക്കൻ അയർലൻഡ് ജയിലിൽ നിരാഹാര സമരം തുടങ്ങി.

1992  ബോസ്നിയയും ഹെർസഗോവിനയും സോഷ്യലിസ്റ്റ് ഫെഡറൽ റിപ്പബ്ലിക് ഓഫ് യുഗോസ്ലാവിയയിൽ നിന്ന് സ്വാതന്ത്ര്യം പ്രഖ്യാപിച്ചു.

1998 -  ജെയിംസ് കാമറൂണിൻ്റെ റൊമാൻസ് ഇതിഹാസം ടൈറ്റാനിക് ലോകമെമ്പാടും $1 ബില്യൺ നേടിയ ആദ്യ സിനിമയായി.

1997 - പ്യൂർട്ടോ റിക്കോയുടെ ഹെക്ടർ കാമാച്ചോ അമേരിക്കൻ ബോക്സിംഗ് ഇതിഹാസം ഷുഗർ റേ ലിയോനാർഡിനെ ആദ്യമായി പുറത്താക്കുകയും കായികരംഗത്ത് നിന്ന് സ്ഥിരമായി വിരമിക്കുകയും ചെയ്തു. ഇന്ന് കലാ സാംസ്കാരിക പരിപാടികൾ

2002 - അഫ്ഗാനിസ്ഥാനിലെ അമേരിക്കൻ അധിനിവേശം ആരംഭിക്കുന്നു.

2014 -  ചൈനയിൽ കുൻമിംഗ് റെയിൽവേ സ്റ്റേഷനിൽ കുത്തേറ്റ് 29 പേർ കൊല്ലപ്പെടുകയും 130 പേർക്ക് പരിക്കേൽക്കുകയും ചെയ്തു.

.      By ' ടീം തത്ത്വമസി - ജ്യോതിർഗ്ഗമയ '
.       ************
   Rights Reserved by Team Jyotirgamaya