ഇന്ന് ഡിസംബര്‍ 23 : ദേശീയ കര്‍ഷക ദിനം ! സുഗതകുമാരി ടീച്ചറിന്റെയും രതീഷിന്റെയും ഓർമ്മദിനം ഇന്ന്. രബീന്ദ്രനാഥ ടാഗോര്‍ സ്ഥാപിച്ച വിശ്വഭാരതി സര്‍വ്വകലാശാല ഉദ്ഘാടനം ചെയ്തതും കൊളംബിയ ബ്യൂണസ് അയേഴ്സ് പകർപ്പവകാശ ഉടമ്പടിയിൽ ഒപ്പു വെച്ചതും ഇതേ ദിനം തന്നെ: ചരിത്രത്തില്‍ ഇന്ന്

.   ചരിത്രത്തിൽ ഇന്ന് , വർത്തമാനവും …  
    **************

.                   ' JYOTHIRGAMAYA '
.                   ്്്്്്്്്്്്്്്്
.                    🌅ജ്യോതിർഗ്ഗമയ🌅

കൊല്ലവർഷം 1200 
ധനു 8
അത്തം  / അഷ്ടമി
2024 ഡിസംബർ 23, 
തിങ്കൾ

ഇന്ന്;

* പുതുപ്പള്ളി ഓർമ്മപെരുന്നാൾ

* ദേശീയ കര്‍ഷക ദിനം !  [Indian Farmer's Day; മുൻ പ്രധാനമന്ത്രി ചൗധരി ചരൺസിംഗിന്റെ ജന്മദിനം ]

* Germany: National Pfeffernusse Day !ജർമ്മനിയിലെ സുഗന്ധവ്യഞ്ജന കുക്കിയായ (പലഹാരമായ)  പിഫെർനസ് (Pfeffernusse) നെ കുറിച്ച് അറിയാൻ ആസ്വദിയ്ക്കാൻ ഒരു ദിവസം.]

*ദേശീയ ക്രിസ്മസ് മൂവി മാരത്തൺ  ദിനം![ രസകരമായ ഒരു സിനിമാ മാരത്തണിലൂടെ ക്രിസ്മസ് അവധിക്കാലം ആസ്വദിയ്ക്കാൻ ഒരു ദിനം.]

* ജപ്പാൻ: അകിഹിതൊ ചക്രവർത്തിയുടെ ജന്മദിനം!
* സ്വീഡൻ: ഔദ്യോഗിക പതാകദിനം !
* അമേരിക്ക : ഹ്യുമൻ ലൈറ്റ് - മതേതര  മാനവികത !
* ഈജിപ്റ്റ്: വിജയ ദിനം !

* USA;ദേശീയ കുടുംബവേരുകൾ (തേടും)ദിനം! [National Roots Day ; വ്യക്തികളുടെ കുടുംബ ചരിത്രം കണ്ടെത്തി അവരവരുടെ ഭൂതകാലത്തിന്റെ സമ്പന്നമായ ഒരു രേഖയുണ്ടാക്കുന്നതിന് ഓരോ വ്യക്തികളുടെയും സ്വന്തം വ്യക്തിത്വത്തിൻ്റെ ഉറവിടമായ പാരമ്പര്യങ്ങളെ അറിഞ്ഞ് അനുഭവിച്ച് ആസ്വദിയ്ക്കുന്നതിന് ഒരു ദിനം.]

* ഫെസ്റ്റിവസ്  ![Festivus ;  ലളിതമായ ഭക്ഷണവും അലങ്കാരങ്ങളും ആസ്വദിച്ചും പരാതികളും ഗുസ്തിയും ആസ്വദിച്ചുകൊണ്ട് സീൻഫെൽഡിൽ ചിത്രീകരിച്ചിരിക്കുന്നതുപോലെ ക്രിസ്മസിനെ വാണിജ്യേതരമായ ഒരു കാഴ്ചപ്പാടിൽ കണ്ടാസ്വദിയ്ക്കാൻ ഒരു ദിനം.]

 മൊഴിമുത്ത്
.  ്്്്്്്്്
" ഒന്നും വേണ്ടാതായിക്കഴിയുമ്പോഴാണല്ലോ
നമുക്ക് പണ്ടൊരിയ്ക്കൽ മോഹിച്ചതൊക്കെ കിട്ടുക !
എന്തും കിട്ടുമെന്നാവുമ്പോൾ
ഏതിൻ്റെയും വില കെടുന്നു !
അല്ലെങ്കിലും
കാലം കെടുത്താത്ത
തീ ഏതുണ്ട് ?!

സുഗതകുമാരി
******

ഇന്ന് ജന്മദിനമാചരിയ്ക്കുന്നവർ
*******
ദ കോമൺ, ടെനാസിറ്റി ഓഫ് മൂൺ,   പഞ്ചതന്ത്ര, ഇന്റിമേറ്റ് റവലേഷൻസ്,   ഓപ്പൺ ഐഡ് ഡ്രീംസ് തുടങ്ങിയ ചിത്രങ്ങൾ വരച്ച പ്രമുഖ കേരളീയ ചിത്രകാരി ശോശ ജോസഫിന്റെയും (1971),

ഒപ്റ്റിക്കൽ സൂക്ഷ്മദർശിനിയുടെ വികസനവുമായി ബന്ധപ്പെട്ട പഠനങ്ങൾക്ക് 2014 ലെ   രസതന്ത്രത്തിനുള്ള  നോബൽ സമ്മാനം   നേടിയ മാക്സ് പ്ലാങ്ക് ഇൻസ്റ്റിറ്റ്യൂട്ടിലെ ഗവേഷകൻ സ്റ്റെഫാൻ ഹെയ്ലിന്റെയും   (1962),

കേരള ബ്ലാസ്റ്റേഴ്സിനു വേണ്ടി സ്ട്രൈക്കറായി കളിച്ച  ഇംഗ്ലീഷ് പ്രൊഫഷണൽ ഫുട്ബോൾ കളിക്കാരൻ റോക്കി മൈക്കൽ ചോപ്രയുടെയും (1983),

ജപ്പാൻ ചക്രവർത്തിയായിരുന്ന ദിവംഗതനായ ഹിരോഹിതോയുടെ സീമന്തപുത്രനും 30 ഏപ്രിൽ 2019നു 1817 നു ശേഷം ആദ്യമായി സ്വമേധയാ സ്ഥാനത്യാഗം ചെയ്ത  ചക്രവർത്തി  അകിഹിതോയുടെയും (1933),

തമിഴ്, തെലുങ്ക് എന്നീ ഭാഷകളിലെ ചലച്ചിത്രങ്ങളിൽ സജീവമായ അഭിനേത്രിയും മോഡലുമായ പിയ ബാജ്പേയിയുടെയും (1993)
ജന്മദിനം !
*******
ഇന്ന് ജന്മദിമാചരിയ്ക്കേണ്ട ഇപ്പോൾ നമ്മോടൊപ്പമില്ലാത്ത നമ്മുടെ പൂർവ്വികരിൽ ചിലർ
*******"
ആർ. സുഗതൻ ‌ ജ. ( 1901- 1970)
സി.എം. സ്റ്റീഫൻ ജ. (1918-1984)
ഇടശ്ശേരി ഗോവിന്ദൻ നായർ ജ.(1906 -1974)
ടി.കെ.സി. വടുതല ജ. (1921-1988)
ചൗധരി ചരൺസിംഗ് ജ. (1902 -1987)
റാഷ് ബിഹാരി ഘോഷ് ജ. (1845-1921)
റിച്ചാർഡ് ആർക്ക് റൈറ്റ് ജ. (1732-1792)

മുതിർന്ന കമ്മ്യൂണിസ്റ്റ് നേതാവും കേരളത്തിലെ ആദ്യകാല ട്രേഡ് യൂണിയൻ പ്രവർത്തകനുമായിരുന്ന സുഗതൻ സാർ എന്നറിയപ്പെട്ടിരുന്ന ആർ. സുഗതൻ ‌( 23 ഡിസംബർ 1901 മ: 14 ഫെബ്രുവരി 1970), 

പൂതപ്പാട്ട്‌, കാവിലെപ്പാട്ട്, പുത്തൻകലവും അരിവാളും, ബുദ്ധനും നരിയും ഞാനും തുടങ്ങിയ കവിതകൾ എഴുതി കാല്പനികതയിൽ നിന്നുള്ള വഴിപിരിയലിനു് തുടക്കം കുറിച്ച കവിയും നാടകകൃത്തുമായിരുന്ന ഇടശ്ശേരി ഗോവിന്ദൻ നായർ(ഡിസംബർ 23, 1906 - ഒക്ടോബർ 16, 1974),

ദേശീയതലത്തിൽ ശ്രദ്ധേയനായ കേരളത്തിൽനിന്നുള്ള  രാഷ്ടീയ പ്രവർത്തകനും, തൊഴിലാളി നേതാവും, ജേർണലിസ്റ്റും പാർലമെന്റേറിയനും ,  എ.ഐ.സി.സി ജനറൽ സെക്രട്ടറിയും, പ്രതിപക്ഷ നേതാവും കേന്ദ്ര മന്ത്രിയുമായിരുന്ന സി.എം. സ്റ്റീഫൻ (ഡിസംബർ 23 1918 – ജനുവരി 161984),

മുൻ രാജ്യ സഭാംഗവും  മലയാള സാഹിത്യകാരനുമായിരുന്ന    ടി.കെ.ചാത്തൻ എന്ന ടി.കെ.സി. വടുതല(23 ഡിസംബർ 1921 - 1 ജൂലൈ 1988), 

ഇന്ത്യയുടെ അഞ്ചാമത്തെ പ്രധാനമന്ത്രിയായിരുന്ന ചൗധരി ചരൺസിംഗ് (ഡിസംബർ 23, 1902 - മേയ് 29, 1987), 

ഒരു ഇന്ത്യൻ രാഷ്ട്രീയ പ്രവർത്തകനും അഭിഭാഷകനും സാമൂഹ്യ പ്രവർത്തകനും നാഷണൽ കൗൺസിൽ ഓഫ് എഡ്യുക്കേഷന്റെ ആദ്യത്തെ പ്രസിഡന്റുമായിരുന്ന സർ റാഷ് ബിഹാരി ഘോഷ് സി.എസ്.ഐ, സി.ഐ.ഇ (23 ഡിസംബർ 1845 – 1921).

സ്പിന്നിംഗ് ഫ്രെയിം കണ്ടുപിടിച്ച ഇംഗ്ലീഷ് വ്യവസായി, തുണി വ്യവസായത്തിൽ വിപ്ലവം സൃഷ്ടിക്കുകയും, വസ്ത്രങ്ങൾ നിർമ്മിക്കുന്നതിനുള്ള വേഗതയേറിയതും വിലകുറഞ്ഞതുമായ മാർഗ്ഗം അവതരിപ്പിക്കുകയും ചെയ്ത സർ റിച്ചാർഡ് ആർക്ക്‌റൈറ്റ (23 ഡിസംബർ 1732 - 3 ഓഗസ്റ്റ് 1792)
******
സ്മരണാഞ്ജലി !!!
്്്്്്്്്്്്്
കെ കരുണാകരൻ മ. (1918 -2010 )
സുഗതകുമാരി മ. (1934- 2020)
കെ.ബാലചന്ദർ മ. ‍(1930 - 2014)
രതീഷ് മ. (1954-2002)
സ്വാമി ശ്രദ്ധാനന്ദ് മ. (1856-1926)
പി വി നരസിംഹറാവു മ. (1921-2004)
നൂർ ജഹാൻ മ. (1926 -1996)
ജി.എസ്.ശിവരുദ്രപ്പ മ. (1926-2013)
ജയാ ബെൻ ദേശായി മ. (1933-2010)
ആനന്ദ് അഭയങ്കർ മ. (1963-2012)
ഹിദേക്കി ടോജോ മ. (1884- 1948) 
ആൻഡ്രി  ടൂപൊലെഫ്  മ. (1888-1972)
ഗ്രിഗറി ബക്ലാനോവ് മ. (1923-2009) 
മിഖായേൽ  കലഷ്‌നികോവ് മ. (1919-2013)
ക്യൂൻ അല്ലിക്വിപ്പ മ. (1670-1754)

നാലുതവണ കേരള മുഖ്യമന്ത്രിയും ദീർഘകാല കോൺഗ്രസ് നേതാവും പല കോൺഗ്രസ് തൊഴിലാളി സംഘടനകളുടെ നേതാവും ഐക്യ ജനാധിപത്യ മുന്നണിയുടെ മുഖ്യ ശില്പിയുമായിരുന്ന കണ്ണോത്ത് കരുണാകരൻ മാരാർ എന്ന "ലീഡർ " കെ കരുണാകരൻ
 (ജൂലൈ 5, 1918-ഡിസംബർ 23, 2010 ), 

മലയാളത്തിലെ പ്രശസ്ത   കവയിത്രിയും    നാടിന്റെ പ്രശ്നങ്ങളിൽ ശ്രദ്ധാലുവായ സാമൂഹിക, പാരിസ്ഥിതിക പ്രവർത്തകയുമായിരുന്ന സുഗതകുമാരി (1934 ജനുവരി 22- ഡിസംബർ 23, 2020),

150-ലേറെ മലയാളചലച്ചിത്രങ്ങളിൽ അഭിനയിച്ചിട്ടുള്ള നടൻ രതീഷ് ((11 സെപ്റ്റംബർ 1954–2002 ഡിസംബർ 23) ,) ,

ദയാനന്ദ സരസ്വതിയുടെ ഉപദേശങ്ങൾ പ്രചരിപ്പിച്ച ഇന്ത്യൻ സ്വാതന്ത്ര്യ സമര പ്രവർത്തകനും ആര്യസമാജ സന്യാസിയും  ഗുരുകുൽ കംഗ്രി സർവകലാശാല പോലുള്ള വിദ്യാഭ്യാസ സ്ഥാപനങ്ങൾ സ്ഥാപിക്കുന്നതും 1920 കളിലെ ഹിന്ദു പരിഷ്കരണ പ്രസ്ഥാനമായ സംഗതൻ (ഏകീകരണവും സംഘടനയും), ശുദ്ധി (പുനർ പരിവർത്തനം) എന്നിവയിൽ പ്രധാന പങ്കുവഹിച്ച ഒരു വിദ്യാഭ്യാസ വിദഗ്ദ്ധനായിരുന്ന മഹാത്മാ മുൻഷി രാം വിജ് എന്നും അറിയപ്പെടുന്ന സ്വാമി ശ്രദ്ധാനന്ദ് (22 ഫെബ്രുവരി 1856 - 23 ഡിസംബർ 1926)

ഇന്ത്യയുടെ ഒൻപതാമത്തെ പ്രധാനമന്ത്രിയും ബഹുഭാഷാ പണ്ഡിതനും, എഴുത്തുകാരനും, താരപ്രഭ തെല്ലുമില്ലാതെ അധികാര രാഷ്ട്രീയത്തിന്റെ ഉയർന്ന പടികൾ ചവിട്ടിക്കയറിയ തന്ത്രശാലിയും, ഇന്ത്യയിലെ സാമ്പത്തിക പരിഷ്കാരങ്ങളുടെ പിതാവും ആയിരുന്ന പാമൂലപാർഥി വെങ്കിട നരസിംഹറാവു എന്ന പി വി നരസിംഹറാവു ( 28 ജൂൺ 1921-23 ഡിസംബർ 2004),

ഹിന്ദി-ഉർദു- പഞ്ചാബി ചലച്ചിത്രങ്ങളിലെ നടിയും ഗായികയും ആയിരുന്ന നൂർ ജഹാൻ ( 1926 സെപ്റ്റംബർ 21- 23 ഡിസംബർ 1996),

കമലഹാസൻ, രജനികാന്ത്, പ്രകാശ് രാജ്, വിവേക് തുടങ്ങി തുടങ്ങി ഒട്ടേറെ പ്രശസ്ത നടന്മാരെ സിനിമയിൽ അവതരിപ്പിച്ച ചലച്ചിത്ര നിർമ്മാതാവും സംവിധായകനും തിരക്കഥാകൃത്തുമായിരുന്ന കെ.ബാലചന്ദർ(9 ജൂലൈ 1930 - 23 ഡിസംബർ 2014), 

ബ്രിട്ടീഷ് തൊഴിലാളി നേതാവായ ഇന്ത്യൻ വംശജയും സാരിക്കാരി നേതാവെന്ന് ലോകമെമ്പാടും അറിയപ്പെട്ടിരുന്ന ജയാ ബെൻ ദേശായി (2 ഏപ്രിൽ 1933–23 ഡിസംബർ 2010),

സ്പന്ദൻ, ബാൽ ഗന്ധർവ, മാത്തീച്ച ചൂളി, വാസ്തവ്, ജിസ് ദേശ് മെ ഗംഗാ രഹത്തി ഹൈ തുടങ്ങിയ സിനിമകളിലും ടെലിവിഷൻ സീരിയലുകളിലും,  തിയേറ്ററിലും അഭിനയിച്ച ഒരു കാർ ആസിഡൻറ്റിൽ അകാലത്തിൽ മരിച്ച മറാത്തി അഭിനേതാവ് ആനന്ദ് അഭയങ്കർ
 (2 ജൂൺ 1963 – 23 ഡിസംബർ 20),

ആദ്യത്തെ സൂപ്പർസോണിക് യാത്രാ വിമാനമുൾപ്പെടെ മുൻ സോവിയറ്റ് യൂണിയനിൽ വിൻഡ്-ടണൽ, പൂർണ-ലോഹ വിമാനം എന്നിവ നിർമ്മിക്കാൻ മുൻകയ്യെടുത്ത റഷ്യൻ വിമാന ശില്പി ആൻഡ്രി നിക്കോളെവിച്ച് ടൂപൊലെഫ് (  1888 നവംബർ 10-1972 ഡിസംബർ 23),
     2) റഷ്യ ഹീറോ ഓഫ് റഷ്യ ബഹുമതിയും ഓർഡർ ഓഫ് ലെനിൻ പുരസ്കാരവും ലഭിച്ച മുൻ റഷ്യൻ ജനറലും എ.കെ-47 തോക്ക് രൂപകല്പന ചെയ്ത വ്യക്തിയുമായ മിഖായേൽ ടിമൊഫ്യെവിച്ച് കലഷ്‌നികോവ് ( നവംബർ 10 1919 – ഡിസംബർ 23 2013),

ലോകമഹായുദ്ധത്തെപ്പറ്റിയുള്ള നോവലുകൾ എഴുതുകയും ഗോർബചേവിന്റെ കാലത്ത് സ്നാമ്യ എന്ന സാഹിത്യമാസികയുടെ പത്രാധിപരാകുകയും,  ഗ്ലാസ്നോസ്റ്റിനെ പിന്തുണച്ച സാഹിത്യകാരനായിരുന്ന ഗ്രിഗറി ബക്ലാനോവ് (സെപ്റ്റംബർ 11, 1923 – ഡിസംബർ 23, 2009) ,

 
 പതിനെട്ടാം നൂറ്റാണ്ടിൽ അമേരിക്കൻ ഇന്ത്യക്കാരിലെ സെനെക്ക വർഗ്ഗത്തിൻറെ നേതാവായിരുന്നു ക്യൂൻ അലിക്വിപ്പ  ( 1670-1754 ഡിസംബർ 23)

കർണ്ണാടകാ സർക്കാർ 'രാഷ്ട്രകവി ' എന്ന ബഹുമതി നൽകി ആദരിക്കുകയും കേന്ദ്ര സാഹിത്യ അക്കാദമി, കർണ്ണാടക സാഹിത്യ അക്കാദമി പുരസ്കാരങ്ങൾ നേടുകയും ആധുനിക കന്ന‍ഡ സാഹിത്യത്തിന്റെ രൂപീകരണത്തിൽ പങ്കുവഹിച്ചവരിൽ പ്രമുഖനും കവിയും, സാഹിത്യ വിമർശകനും, അധ്യാപകനും നല്ല ഒരു സഞ്ചാര സാഹിത്യകാരനും കൂടിയായിരുന്ന ജി.എസ്.ശിവരുദ്രപ്പ എന്ന ഗുഗ്ഗാരി ശാന്തവീരപ്പ ശിവരുദ്രപ്പ(7 ഫെബ്രുവരി 1926-23 ഡിസംബർ 2013)

ജപ്പാനിലെ നാല്പതാമത്തെയും (രണ്ടാം ലോകമഹായുദ്ധ കാലത്തും -ഒക്ടോബർ 17, 1941 മുതൽ ജൂലൈ 22, 1944വരെ)  ജപ്പാൻ പ്രധാനമന്ത്രിയും ഇംപീരിയൽ ജാപ്പനീസ് ആർമിയുടെ ജനറൽ, ഇംപീരിയൽ റൂൾ അസോസിയേഷൻ ലീഡർ എന്നീ നിലകളിലും അറിയപ്പെടുകയും ജപ്പാൻറെ പ്രധാനമന്ത്രി എന്ന നിലയിൽ പേൾ ഹാർബർ ആക്രമണത്തിന്റെ  ഉത്തരവാദിയും ആയിരുന്ന ഹിദേക്കി ടോജോ (ഡിസംബർ 30, 1884- ഡിസംബർ 23, 1948)
****** .
. ചരിത്രത്തിൽ ഇന്ന്…

1815-ൽ ഇംഗ്ലീഷ് എഴുത്തുകാരി ജെയ്ൻ ഓസ്റ്റന്റെ ക്ലാസിക് നോവൽ "എമ്മ" പ്രസിദ്ധീകരിച്ചു

1888 - മാനസിക വിഭ്രാന്തിയിലകപ്പെട്ട പ്രശസ്ത ഡച്ച് ചിത്രകാരൻ വിൻസെന്റ് വാൻഗോഗ് ഇടത് ചെവി സ്വയം വെട്ടിയെടുത്തു.

.1912 -  റാഷ് ബിഹാരി ബോസിന്റെ നേതൃത്വത്തിലുള്ള ഒരു ഇന്ത്യൻ വിപ്ലവ സംഘം ഇന്ത്യയുടെ വൈസ്രോയി ഹാർഡിംഗ് പ്രഭുവിനെ നാടൻ ബോംബ് എറിഞ്ഞ് കൊലപ്പെടുത്താൻ ശ്രമിച്ചു. ബ്രിട്ടീഷ് ഇന്ത്യയുടെ തലസ്ഥാനം കൽക്കട്ടയിൽ നിന്ന് ന്യൂഡൽഹിയിലേക്ക് മാറ്റുന്നത് അടയാളപ്പെടുത്താൻ ഹാർഡിംഗ് പ്രഭു ആനപ്പുറത്ത് എത്തിയിരുന്നു.

1914 - ഒന്നാം ലോകമഹായുദ്ധം ഓസ്ട്രേലിയൻ, ന്യൂസിലാൻഡ് സൈന്യം ഈജിപ്തിൽ കെയ്റോയിൽ എത്തി.

1919 - സെക്സ് ഡിസ്ക്വാളിഫിക്കേഷൻ (റിമൂവൽ) ആക്റ്റ് ബ്രിട്ടനിൽ നിയമം ആയി മാറി.

1919 - ഗവർമെൻറ് ഓഫ് ഇന്ത്യാ ആക്ട് നിലവിൽ വന്നു.

1921 - രബീന്ദ്രനാഥ ടാഗോർ സ്ഥാപിച്ച വിശ്വഭാരതി സർ‌വ്വകലാശാല ഉദ്ഘാടനം ചെയ്തു.

1936 - കൊളംബിയ ബ്യൂണസ് അയേഴ്സ് പകർപ്പവകാശ ഉടമ്പടിയിൽ ഒപ്പു വെച്ചു.

1941 - രണ്ടാം ലോകമഹായുദ്ധം: 15 ദിവസത്തിനു ശേഷം, ഇംപീരിയൽ ജാപ്പനീസ്  ആർമി വേക്ക് ദ്വീപ് പിടിച്ചെടുത്തു.

1946 - ഭരണഘടനാ നിർമണ സഭയുടെ ആദ്യ യോഗം നടന്നു.

1947 -  ജോൺ ബാർഡീൻ, വാൾട്ടർ എച്ച്. ബ്രാട്ടൺ, വില്യം ഷോക്ക്ലി എന്നിവർ ചേർന്ന് ബെൽ ലാബിൽ ട്രാൻസിസ്റ്റർ കണ്ടുപിടിച്ചു.

1954 - മസാച്യുസെറ്റ്‌സിലെ ബോസ്റ്റണിലുള്ള പീറ്റർ ബെന്റ് ബ്രിഗാം ഹോസ്പിറ്റലിൽ ഡോ. ജോസഫ് ഇ. മുറെ ആദ്യത്തെ മനുഷ്യ വൃക്ക മാറ്റിവയ്ക്കൽ ശസ്ത്രക്രിയ നടത്തി.

1958 - 333 മീറ്റർ ഉയരമുള്ള ടോക്യോ ടവർ പൊതുജനങ്ങൾക്കായി തുറന്ന് കൊടുക്കാൻ തീരുമാനിച്ചു.

1968 -  ഫ്രാങ്ക് ബോർമാൻ, ജിം ലോവൽ, വില്യം ആൻഡേഴ്‌സ് എന്നിവർ ചന്ദ്രനെ ഭ്രമണം ചെയ്ത ആദ്യ മനുഷ്യരായി

1975 - അളവ് തൂക്കത്തിന് മെട്രിക്ക് രീതിയിലേക്ക് മാറാതിരുന്ന USA, ലൈബിരിയ, ബർമ എന്നിവയിൽ USA മാറാൻ തീരുമാനമെടുത്തു.

1979 - സോവിയറ്റ്-അഫ്ഗാൻ യുദ്ധം: അഫ്ഗാൻ തലസ്ഥാനമായ കാബൂളിനെ സോവിയറ്റ് യൂണിയൻ സൈന്യം പിടിച്ചെടുത്തു.

1987 - മിൽമയുടെ സെൻട്രൽ പ്രോഡക്റ്റ്സ് ഡയറി ആലപ്പുഴയിൽ സ്ഥാപിച്ചു.

1990 - യുഗോ സ്ലേവ്യ യയിൽ നിന്നും സ്വാതന്ത്ര്യം നേടാൻ സ്ലോവാനിയയിൽ ഹിത പരിശോധന.

1991 - സ്ലോവാനിയയിൽ പുതിയ ഭരണഘടന നിലവിൽ വന്നു.

1993 - MPLAD (പാർലമെൻറംഗങ്ങളുടെ വികസന ഫണ്ട് ) പദ്ധതിക്ക് തുടക്കമിട്ടു.

1994 -  കുപ്രസിദ്ധ അമേരിക്കൻ മോബ്സ്റ്റർ ജെയിംസ് വൈറ്റി ബൾഗർ എഫ്ബിഐയുടെ അറസ്റ്റ് ഭയന്ന് ബോസ്റ്റണിൽ നിന്ന് പലായനം ചെയ്യുകയും 16 വർഷത്തേക്ക് അവരെ വിജയകരമായി ഒഴിവാക്കുകയും ചെയ്തു

1996 - ജമൈക്കയിൽ Anglican history യുടെ ചരിത്രത്തിൽ ആദ്യമായി വനിതകളെ പുരോഹിതക ളാക്കി ഉത്തരവിറങ്ങി.

1997 - ബാഴ്‌സലോണയും ബ്രസീൽ സ്‌ട്രൈക്കർ റൊണാൾഡോയും തന്റെ ആദ്യത്തെ ബാലൺ ഡി ഓർ പുരസ്‌കാരം നേടി, സിനദീൻ സിദാനെയും പ്രെഡ്രാഗ് മിജാറ്റോവിച്ചിനെയും മറികടന്ന് യൂറോപ്പിലെ ഏറ്റവും മികച്ച ഫുട്‌ബോൾ കളിക്കാരനായി

2000 - ന്യൂസിലൻഡ് ഓസ്‌ട്രേലിയയെ 4 റൺസിന് തോൽപ്പിച്ച് ക്രിക്കറ്റ് വനിതാ ലോകകപ്പ് നേടി

2002 - ഒരു ഡ്രോണും ഒരു യുദ്ധവിമാനവും തമ്മിലുള്ള ആദ്യത്തെ യുദ്ധ ഇടപെടൽ നടന്നു. ഇറാഖി MiG-25 ഒരു യുഎസ് MQ-1 പ്രിഡേറ്ററിനെ വെടിവച്ചു വീഴ്ത്തി

2007 - മഹാഗ്രഹയോഗം. ബുധൻ, ഭൂമി, ചൊവ്വ, വ്യാഴം, ക്ഷീരപഥ കേന്ദ്രം എന്നിവ ഒരേ രേഖയിൽ വരുന്ന അപൂർ‌വ്വ സംഗമം.

2007 - നേപ്പാൾ സാമ്രാജ്യം അവസാനിപ്പിക്കുന്നതിനുള്ള ഒരു കരാർ സൃഷ്ടിച്ചു. ഫെഡറൽ റിപ്പബ്ലിക് ആയിത്തീർന്ന രാജ്യത്തിൻറെ തലവൻ പ്രധാനമന്ത്രിയായി.

2015 - തദ്ദേശിയമായി നിർമിച്ച ആദ്യ യുദ്ധക്കപ്പലായ INS ഗോദാവരി ഡീ കമ്മിഷൻ ചെയതു.

2016 - ബംഗാളി കവി ശംഖാഘോഷിന് 2016 ലെ ജ്ഞാനപീഠ പുരസ്കാരം ലഭിച്ചു.

2020 - അമേരിക്കയിലെ ഉന്നത സൈനിക ബഹുമതിയായ ‘ദ് ലീജിയൻ ഓഫ് മെറിറ്റ്’ പ്രധാനമന്ത്രി നരേന്ദ്ര മോദിക്ക് സമ്മാനിച്ചു. 

2020 - ഒരു ക്ലബ്ബിനു വേണ്ടി ഏറ്റവും കൂടുതൽ  ഗോൾ നേടുന്ന താരമെന്ന റെക്കോർഡ് 644 ഗോളുകളുമായി എഫ്സി ബാർസിലോന താരം ലയണൽ മെസ്സിക്ക്. പെലെ ബ്രസീലിയൻ ക്ലബ് സാന്റോസിനു വേണ്ടി 643 ഗോൾ നേടിയിരുന്നു. 

.      By ' ടീം തത്ത്വമസി - ജ്യോതിർഗ്ഗമയ '
.       ************
   Rights Reserved by Team Jyotirgamaya