ഇന്ന് ജൂലൈ 15, ദേശീയ ലഘു സമ്പാദ്യ ദിനവും ദേശീയ പ്ലാസ്റ്റിക് സർജറി ദിനവും ഇന്ന്, എം.ടി. വാസുദേവൻ നായരുടെയും നടൻ തിലകന്റെയും നടി രജിഷ വിജയന്റേയും ജന്മദിനം ഇന്ന്, ചന്ദ്രിക വാരിക തുടക്കം കുറിച്ചതും ബോയിങ്ങ് 707ന്റെ കന്നിപ്പറക്കൽ നടന്നതും ഇന്നേ ദിനം തന്നെ, ചരിത്രത്തിൽ ഇന്ന്

.  ചരിത്രത്തിൽ ഇന്ന് , വർത്തമാനവും …  
    **************

.                         ' JYOTHIRGAMAYA '
.                         ്്്്്്്്്്്്്്്്
.                         🌅ജ്യോതിർഗ്ഗമയ🌅

1199 മിഥുനം 31
ചോതി  / നവമി
2024  ജൂലൈ 15,തിങ്കൾ

ഇന്ന് ;

.  * ദേശീയ ലഘു സമ്പാദ്യ ദിനം !.          
[ജൂലൈ 15-ന് ഇന്ത്യയിലുടനീളം പേ റോൾ സേവിംഗ്സ് ഡേ ആഘോഷിക്കുന്നു. ശമ്പളമുള്ള ജീവനക്കാർക്കിടയിൽ ചെറിയ സമ്പാദ്യം പ്രോത്സാഹിപ്പിക്കുന്നതിനുള്ള ദിവസമാണിത്. വിദ്യാർത്ഥികളിൽ ചെറുകിട സമ്പാദ്യശീലം പ്രോത്സാഹിപ്പിക്കുന്നതിനായി എല്ലാ വർഷവും സെപ്തംബർ 15 ന് ആസാമിലെ ഡയറക്‌ടറേറ്റ് ഓഫ് സ്മോൾ സേവിംഗ്സ് സഞ്ചൈക ദിനം ആഘോഷിക്കുന്നു.]

* സോഷ്യൽ മീഡിയ : ഗിവിംഗ്‌ ഡേ !
[ എല്ലാ വർഷവും ജൂലൈ 15-ന് ആചരിക്കുന്ന സോഷ്യൽ മീഡിയ ദിനം ജീവകാരുണ്യ പ്രവർത്തനങ്ങൾക്കും സാമൂഹിക ആവശ്യങ്ങൾക്കും പിന്തുണ നൽകുന്നതിനുള്ള മാർഗമായി ലോകമെമ്പാടുമുള്ള സോഷ്യൽ മീഡിയയുടെ അഗാധമായ സ്വാധീനത്തെ അനുസ്മരിക്കുന്നു]

*ലോക യുവ നൈപുണ്യ ദിനം !
.[ World Youth Skills Day ;തൊഴിൽ, മാന്യമായ ജോലി, സംരംഭകത്വം എന്നിവയ്ക്കായി യുവാക്കളെ സജ്ജരാക്കുന്നതിൻ്റെ തന്ത്രപരമായ പ്രാധാന്യം ആഘോഷിക്കുന്നതിനായി ഐക്യരാഷ്ട്രസഭ നിയോഗിച്ച ദിനം ]

*ദേശീയ പ്ലാസ്റ്റിക് സർജറി ദിനം !             
[അധികം അറിയപ്പെടാത്ത ഈ സൂപ്പർ സ്പെഷ്യാലിറ്റിയെക്കുറിച്ച് അവബോധം സൃഷ്ടിക്കുന്നതിനായി 2011 മുതൽ ജൂലൈ 15 പ്ലാസ്റ്റിക് സർജറി ദിനമായി ആചരിച്ചുവരുന്നു ]

* ബ്രസീൽ : അന്താരാഷ്ട്ര പുരുഷദിനം !
* കിരിബാട്ടി: വൃദ്ധരുടെ ദിനം!
* ബ്രൂണോയ്‌: സുൽത്താന്റെ ജന്മദിനം!
* തുർക്ക്മെനിസ്ഥാൻ: 'ഗല്ല
  ബെയ്റാമി' (ഗോതമ്പുത്സവം)
* ബോട്സ്വാന : പ്രസിഡന്റ് ദിനം !

* USA;
^^^^^^^^^^
*ദേശീയ ഐ ലവ് ഹോഴ്‌സ് ഡേ !
[ National I Love Horses Day
കുതിരകൾ കേവലം ഗതാഗത മാർഗ്ഗമല്ല, കുതിരകൾ വയലുകൾ വൃത്തിയാക്കി, യുദ്ധം ചെയ്തു, കന്നുകാലികളെ നീക്കി. ജീവിതത്തിൻ്റെ പാത ഉൾപ്പെടെയുള്ള നീണ്ട ഏകാന്ത പാതകളിൽ അവർ ഒഴിച്ചുകൂടാനാവാത്ത കൂട്ടാളികളാണ്.]

*ദേശീയ മരച്ചീനി പുഡ്ഡിംഗ് ദിനം !
[ National Tapioca Pudding Day
 (യുണൈറ്റഡ് സ്റ്റേറ്റ്സ്): മരച്ചീനിയിൽ നിന്ന് ഉണ്ടാക്കുന്ന ക്ലാസിക് ഡെസേർട്ട് ആസ്വദിക്കാനും അഭിനന്ദിക്കാനുമുള്ള ഒരു ദിവസം ]

*ദേശീയ വളർത്തുമൃഗങ്ങളുടെ അഗ്നി സുരക്ഷാ ദിനം !
[ National Pet Fire Safety Day
ജൂലായ് 15 ലെ ദേശീയ വളർത്തുമൃഗങ്ങളുടെ അഗ്നി സുരക്ഷാ ദിനം നമ്മുടെ വീടുകളിൽ അഗ്നിശമന മാർഗങ്ങളും സുരക്ഷയും ആസൂത്രണം ചെയ്യുമ്പോൾ നമ്മുടെ വളർത്തുമൃഗങ്ങളെ പരിഗണിക്കണമെന്ന് ഓർമ്മിപ്പിക്കുന്നു]

*ദേശീയ ഗമ്മി വേം ദിനം !
[ National Gummi Worm Day
(യുണൈറ്റഡ് സ്റ്റേറ്റ്സ്): ഗമ്മി പുഴുക്കൾ ആസ്വദിക്കാനും അതിൽ മുഴുകാനും ആളുകളെ പ്രോത്സാഹിപ്പിക്കുന്ന ജനപ്രിയ മിഠായിയുടെ രസകരമായ ആഘോഷം.]

*ദേശീയ ഓറഞ്ച് ചിക്കൻ ദിനം !
[ National Orange Chicken Day
 അതിൻ്റെ യഥാർത്ഥ പ്രശസ്തി എന്തുതന്നെയായാലും, ഓറിയൻറിൽ നിന്നുള്ള മറ്റൊരു സ്വാദിഷ്ടമായ വിഭവം കൊണ്ട് നിങ്ങളെ സന്തോഷിപ്പിക്കാൻ വടക്കേ അമേരിക്കയിലുടനീളമുള്ള ചൈനീസ് റെസ്റ്റോറൻ്റുകളിൽ എത്തിയതിൽ  സന്തോഷമുണ്ട്.]

National Be a Dork Day
National Give Something Away Day

.         ഇന്നത്തെ മൊഴിമുത്തുകൾ
.       ്്്്്്്്്്്്്്്്്്്്്്്്്്

"വിളക്കിന്റെ പ്രകാശത്തിനു നന്ദി പറയുക; എന്നാൽ നിഴലിൽ ക്ഷമയോടെ വിളക്കു പിടിച്ചു നിൽക്കുന്ന ആളെ മറക്കാതിരിക്കയും ചെയ്യുക''.

''ജീവിതം സുന്ദരമാകട്ടെ, വേനല്‌ക്കാലത്തെ പൂക്കളെപ്പോലെ; മരണവും സുന്ദരമാകട്ടെ, ശരത്ക്കാലത്തെ പഴുക്കിലകളെപ്പോലെ''   [ - രബീന്ദ്രനാഥ് ടാഗോർ  ]
നോവലിസ്റ്റ്‌, തിരക്കഥാകൃത്ത്‌, ചലച്ചിത്ര സംവിധായകൻ, സാഹിതൃകാരൻ, നാടകകൃത്ത് എന്നീ നിലകളിൽ പ്രശസ്തനായ  മാടത്ത് തെക്കേപ്പാട്ട് വാസുദേവൻനായർ എന്ന എം.ടി. വാസുദേവൻ നായരുടെയും (1933),

ഇന്ത്യൻ ശാസ്ത്രജ്ഞനും ബ്രഹ്മോസ് പദ്ധതിയുടെ സ്ഥാപക മേധാവിയുമായ എ. ശിവതാണുപിള്ളയുടെയും (1947),

യക്ഷി (മലമ്പുഴ ഡാം), ശംഖ് (വേളി  കടപ്പുറം),  ജലകന്യക (ശംഖുമുഖം  കടപ്പുറം) തുടങ്ങിയ ശിൽപ്പങ്ങൾ നിർമ്മിച്ച കാനായി  കുഞ്ഞിരാമന്റെയും (1937),

മലയാള സാഹിത്യകാരനും ഇസ്‌ലാമിക പണ്ഡിതനും ഗ്രന്ഥകാരനുമായ ഷെയ്‌ക്ക്‌ മുഹമ്മദ് കാരക്കുന്നിന്റെയും (1950),

അനുരാഗ കരിക്കിന്‍ വെള്ളം എന്ന ചിത്രത്തിലൂടെ പ്രേക്ഷകരുടെ പ്രിയപ്പെട്ട താരമായി മാറിയ, ജോര്‍ജ്ജേട്ടന്‍സ് പൂരം, ഒരു സിനിമാക്കാരന്‍, ജൂണ്‍, ഫൈനല്‍സ്, സ്റ്റാന്‍ഡ് അപ്പ് തുടങ്ങി നിരവധി ചിത്രങ്ങളിൽ അഭിനയിക്കുകയും 2016ൽ മികച്ച നടിയ്ക്കുള്ള കേരള സംസ്ഥാന ചലച്ചിത്ര പുരസ്കാരം നേടുകയും ചെയ്ത നടിയും ടെലിവിഷൻ  അവതാരകയുമായ രജിഷ വിജയന്റേയും (1990),
 മോഡലിംഗ് രംഗത്തു സജീവവും മലയാളത്തിലും തമിഴിലുമായി നിരവധി ചിത്രങ്ങള്‍ ചെയ്തിട്ടുള്ള സിനിമാരംഗത്തെ പുതുമുഖ താരവുമായ അന്‍സണ്‍ പോളിന്റേയും  (1988),

ബീഹാർ മുൻ മുഖ്യമന്ത്രിയും മുതിർന്ന കോൺഗ്രസ് നേതാവുമായിരുന്ന സത്യേന്ദ്ര നാരായൺസിൻഹയുടെയും ബിഹാറിലെ വൈശാലി മണ്ഡലത്തിൽനിന്നുള്ള ലോക്‌സഭാംഗമായിരുന്ന കിഷോരി സിൻഹയുടെയും മകനും  കേരളത്തിന്റെ 21-ാം ഗവർണറുമായിരുന്ന നിഖിൽ കുമാറിന്റെയും (1941),

ഇൻഡ്യൻ ഹോക്കി ടീമിന്റെ ക്യാപ്റ്റൻ ആയിരുന്ന സർദാർ സിംഗിന്റയും (1986) ജന്മദിനം !
**********

ഇന്നത്തെ സ്മരണ !
*********
പി.എ (അച്യുത)വാര്യർ മ. (1920-1985)
അമ്പാടി നാരായണപ്പൊതുവാൾ മ. (1871-1936)
ഡോ.കെ.എം.തരകൻ മ. (1930-2003 )  
സുലൈഖ ഹുസൈൻ മ. (1930 -  2014)
ബാനൂ  കോയാജി മ. ( 1918 –  2004) 
ബൊനവന്തുരാ മ.(1221–1274)
ആന്റൺ ചെഖോവ് മ.  (1860 - 1904)
എറിക് ബേൺ മ. (1910 - 1970 )
രാജാ ദക്ഷിണരഞ്ജൻ മുഖർജി മ (1815-1878)

പട്ടം താണുപിള്ള ജ. (1885 -  1970) 
സി.എച്ച്. മുഹമ്മദ് കോയ ജ. (1927-1983)
എൻ. ശ്രീകണ്ഠൻനായർ ജ. (1915-1983)
ഡോ. പി.പി ആന്റണി (കുസുമം) ജ. (1889-1955  )
സി. ഉണ്ണിരാജ ജ. (1917-1995)
എം. കുമാരൻ ജ. (1920-1995)
മങ്കട ടി. അബ്ദുൽ അസീസ് മൗലവി ജ. (1931- 2007)
ഉണ്ണിക്കൃഷ്ണൻ പുതൂർ ജ. (1933 -2014) 
തിലകൻ ജ. (1935 - 2012)
എം.പി. ഗംഗാധരൻ ജ. (1934 -2011)
ടി.സി. ജോൺ ജ. (1947 -2013),
മോഗുബായ് കുർദിക്കർ ജ. (1904-2001)
ബാദൽ സർക്കാർ ജ. (1925- 2011)
റെംബ്രാന്റ് ജ. (1606-1669)
നൂർ മുഹമ്മദ് താരക്കി ജ. (1917-1979 )
ദുർഗ്ഗാഭായ് ദേശ്മുഖ് ജ (1909 - 1981)

സ്മരണകൾ
*******
*പ്രധാനചരമദിനങ്ങൾ!!!

പ്രഗത്ഭനായ അദ്ധ്യാപകനും സഹൃദയനായ നിരുപകനും നല്ല പത്രപ്രവർത്തകനും, നോവലുകളും, ചെറുകഥകളും, വിവർത്തനങ്ങളും, ബാലസാഹിത്യവും, നാടകങ്ങളും ജീവചരിത്രങ്ങളും രചിക്കുകയും ചെയ്ത പുലാക്കാട്ട് വാരിയത്ത് അച്ച്യുതവാര്യർ എന്ന പി എ വാര്യരെയും(1920 ഒക്റ്റോബർ 3- ജൂലൈ 15, 1985) ,

കേരളീയമായ കഥാകഥനരീതിയോട് പാശ്ചാത്യരചനാശൈലികൾ ഇഴ ചേർത്ത് ഒരു പുതിയ സാഹിത്യരൂപം വികസിപ്പിച്ചവരിൽ പ്രധാനിയായ എ.നാരായണപൊതുവാള്‍, എ.ന്‍.പൊതുവാള്‍, എം.രത്നം ബി .എ എന്നീ പേരുകളില്‍ കഥയെഴുതിയ  വേങ്ങയിൽ  അമ്പാടി നാരായണ പൊതുവാളിനെയും(1871 ജൂൺ 6 - ജൂലൈ 15, 1936),

മലയാളത്തിലും ഇംഗ്ലീഷിലുമായി ഒട്ടനേകം കൃതികൾ  രചിച്ച  മലയാളത്തിലെ ഒരു പ്രശസ്ത സാഹിത്യകാരനും നിരൂപകനു മായിരുന്ന ഡോ.കെ.എം. തരകനെയും (1930 ഒക്ടോബർ 6 - 2003 ജൂലൈ 15),

ഉറുദുവിൽ 27 നോവലുകളും അത്രത്തോളം ചെറുകഥ കളുമെഴുതിയ കേരളത്തിലെ ആദ്യ ഉർദു നോവലിസ്റ്റും, കേന്ദ്ര ഉർദു ഫെലോഷിപ്പ് കമ്മിറ്റി അംഗവുമായിരുന്ന സുലൈഖ ഹുസൈനിനെയും (1930 - 15 ജൂലൈ 2014),

ജനസംഖ്യ നിയന്ത്രണ - കുടുംബാസൂത്രണ രംഗത്ത് കേന്ദ്ര സർക്കാരിന്റെ ഉപദേശകയും രാജ്യാന്തര അംഗീകാരം നേടിയ ഭിഷഗ്വരയും സാമൂഹിക പ്രവർത്തകയായിരുന്ന ബാനൂ ജഹാൻഗീർ കോയാജിയെയും (22 ഓഗസ്റ്റ്‌ 1918 – 15 ജൂലൈ 2004),

മദ്ധ്യകാല ഇറ്റാലിയൻ സ്കോളാസ്റ്റിക് ദൈവശാസ്ത്രജ്ഞനും, ദാർശനികനും ഫ്രാൻസിസ്കൻ ചെറിയ സഹോദരന്മാരുടെ സഭയുടെ എട്ടാമത്തെ തലവനും , കർദ്ദിനാളും, വേദപാരംഗതനും ആയിരുന്ന ബൊനവന്തുരാ എന്നറിയപ്പെടുന്ന ജോൺ ഫിഡാൻസായെയും (1221– 15 ജൂലൈ 1274),

ജയരാജിന്   ഈയിടെ മികച്ച പരിസ്ഥിതി ചിത്രത്തിനുള്ള പുരസ്കാരവും, മികച്ച അവലംബിത തിരക്കഥക്കുള്ള പുരസ്കാരവും നേടികൊടുത്ത  ഒറ്റാൽ എന്ന ചലച്ചിത്രത്തിന്‍റെ മൂല ചെറുകഥ  'വാങ്ക'  എഴുതിയ  റഷ്യൻ ചെറുകഥാകൃത്തും നാടക കൃത്തുമായിരുന്ന ആന്റൺ പാവ്ലോവിച്ച് ചെഖോവിനെയും (29 ജനുവരി 1860 -15 ജൂലൈ  1904 ),

വിനിമയ അപഗ്രഥനം (Transactional Analysis) എന്ന മനഃശാസ്ത്ര വിശകലന രീതിയുടെ ഉപജ്ഞാതാവും, നിത്യജീവിതത്തിലെ സാഹചര്യവും സന്ദർഭവും വിശകലനവിധേയമാകുന്ന ഗേംസ് പീപ്പിൾ പ്ലേ എന്ന  പുസ്തകം എഴുതുകയും, വില്പനയിൽ ബെസ്റ്റ്സെല്ലറാവുകയും ചെയ്ത കാനഡയിൽ ജനിച്ച ലോക പ്രശസ്തനായ മനഃശാസ്ത്ര വിദഗ്ദ്ധൻ എറിക് ബേണിനെയും (1910 മേയ് 10 - 1970 ജൂലൈ 15),

പശ്ചിമ ബംഗാളിലെ ശങ്കർപൂരിൽ മുമ്പ് കണ്ടുകെട്ടിയ താലൂക്കിൻ്റെ തലൂഖ്ദാർ. 19-ാം നൂറ്റാണ്ടിലെ ഇന്ത്യയിലെ യംഗ് ബംഗാൾ ഗ്രൂപ്പിൻ്റെ നേതാക്കളിൽ ഒരാളായിരുന്ന രാജാ ദക്ഷിണരഞ്ജൻ മുഖർജിയേയും (2 ഒക്ടോബർ 1815 - 15 ജൂലൈ 1878),

*പ്രധാനജന്മദിനങ്ങൾ!!!

തിരുവിതാംകൂർ സ്റ്റേറ്റ് കോൺഗ്രസ്സിന്റെ സ്ഥാപകനേതാക്കളിൽ സമുന്നതനും, സ്വാതന്ത്ര്യസമരത്തിലെ മുന്നണി പ്പടയാളിയും, ഭരണതന്ത്രജ്ഞനും മുപ്പതുവർഷത്തിലധികം നിയമ സഭാസാമാജികനും, തിരുവിതാംകൂറിലെ ആദ്യത്തെ തെരഞ്ഞെടുക്കപ്പെട്ട സർക്കാരിന്റെ  മുഖ്യമന്ത്രിയും,തിരു-കൊച്ചി സംസ്ഥാനത്തിന്റെ മുഖ്യമന്ത്രിയും,  കേരളത്തിന്റെ രണ്ടാമത്തെ മുഖ്യമന്ത്രിയും   പഞ്ചാബ് ഗവർണറും,  ആന്ധ്രാപ്രദേശ് ഗവർണറും ആയിരുന്ന പട്ടം താണുപിള്ളയെയും (ജൂലൈ-15, 1885 - ജൂലൈ-27, 1970),

മതം ശാസ്ത്രം പൌരോഹിത്യം തുടങ്ങിയ വിഷയങ്ങളെ പറ്റി യുക്തിവാദി,മിതവാദി തുടങ്ങിയ ആനുകാലികങ്ങളില്‍  കുസുമം എന്ന തൂലിക നാമത്തില്‍ കവിതകളും ലേഖനങ്ങളും എഴുതുകയും മഹദ് വ്യക്തികളെ പറ്റി അനുസ്മരണങ്ങൾ,  ഒമർ ഖയാംമിന്റെ റുബിയാത്തിന്റെ പരിഭാഷ എന്നിവ രചിക്കുകയും ചെയ്ത  യുക്തിവാദിയും, ശസ്ത്ര ക്രീയ വിദഗ്ദ്ധനും, തൃശൂരിൽ ധർമ്മോദയം കമ്പനിയുടെയും പബ്ലിക്ക് ലൈബ്രറ റിയുടെയും ചെയർമാനും എതിർക്കുന്നവർക്കു പോലും അറിവിന്റെയും നവ ചിന്തയുടെയും തേൻ തുള്ളികൾ നൽകുക എന്ന ലക്ഷ്യത്തോടെ കുസുമം എന്ന തൂലിക നാമം സ്വീകരിച്ച പാണേങ്ങാടൻ  പാവുണ്ണി ആൻറണി എന്ന ഡോ പി പി ആൻറ്റണിയെയും (1889 ജൂലൈ 15-1955 മാർച്ച് 9 ),

മാറ്റി വെയ്ക്കപ്പെട്ട വേതനമാണ് ബോണസ് എന്ന തത്ത്വം ഇന്ത്യയിൽ ആദ്യമായി അംഗീകരിക്കപ്പെട്ട എച്ച് ആൻഡ് സിയിൽ നടന്ന സമരത്തിന് നേതൃത്വം കൊടുക്കുകയും, മത്തായി മാഞ്ഞൂരാനുമായി ചേർന്ന് കേരള സോഷ്യലിസ്റ്റ് പാർട്ടി രൂപീകരിക്കുകയും പിൽക്കാലത്ത് ആർ എസ് പി യിൽ ലയിക്കുകയും, ഒന്ന്, മൂന്ന്, നാല്, അഞ്ച്, ആറ് ലോക്സഭകളിലേക്ക് തിരഞ്ഞെടുക്കപ്പെടുകയും ചെയ്ത കേരളത്തിലെ പ്രമുഖനായ ട്രേഡ് യൂണിയൻ നേതാവും രാഷ്ട്രീയ പ്രവർത്തകനും എഴുത്തുകാരനു മായിരുന്ന എൻ. ശ്രീകണ്ഠൻ നായരെയും (ജൂലൈ 15, 1915 - ജൂലൈ 20, 1983),

ജനയുഗത്തിന്റെയും നവയുഗത്തിന്റെയും മുഖ്യ പത്രാധിപരായും പ്രാഗിൽ നിന്നും പ്രസിദ്ധീകരിച്ചിരുന്ന വേൾഡ് മാർക്‌സിസ്റ്റ് റിവ്യൂവിന്റെ പത്രാധിപ സമിതിയിലും അംഗമായിരുന്ന കേരളത്തിലെ ആദ്യകാല കമ്മ്യൂണിസ്റ്റ് നേതാവും,കമ്മ്യൂണിസ്റ്റ് സൈദ്ധാന്തികനും ആയിരുന്ന സി.ഉണ്ണിരാജ എന്ന ശിവശർമ്മ രാജയെയും(15 ജൂലൈ 1917 - 28 ജനുവരി 1995),

പ്രൈവറ്റ് മെമ്പേഴ്സ് ബിൽസ് ആന്റ് റെസലൂഷൻ കമ്മിറ്റി ചെയർമാൻ (1976-77), വടകര പഞ്ചായത്തംഗം (1952-62), മലബാർ ജില്ലാബോർഡംഗം (1954-58), വടകര മുനിസിപ്പൽ കൗൺസിലർ (1962-68), കേരള സർവകലാശാല സെനറ്റംഗം (1962-68), സി.പി.ഐ. കോഴിക്കോട് ജില്ലാ കൗൺസിൽ സെക്രട്ടറി, സി.പി.ഐ. എക്സിക്യൂട്ടീവ് കമ്മിറ്റിയംഗം എന്നിനിലകളിൽ സേവനം അനുഷ്ഠിക്കുകയും ന്നാം കേരളനിയമസഭയിൽ പേരാമ്പ്ര നിയോജകമണ്ഡലത്തേയും, നാലാം കേരളനിയമസയിൽ നാദാപുരം നിയോജകമണ്ഡലത്തേയും, പ്രതിനിധീകരിച്ച എം .കുമാരനെയും(15 ജൂലൈ 1920 - 30 മാർച്ച് 1995),

ലീഗിന്റെ കേരളത്തിലെ ഏക മുഖ്യമന്ത്രിയും, കഴിവുറ്റ ഭരണാധികാരിയും പ്രശസ്തനായ പത്രപ്രവർത്തകനും ഒരു ഡസനിലേറെ പുസ്തകങ്ങളുടെ കർത്താവും പ്രശസ്ത വാഗ്മിയും രാഷ്ട്ര തന്ത്രജ്ഞനും മുസ്ലീം ലീഗിന്റെ സമുന്നതനായ നേതാവുമായിരുന്ന സി.എച്ച്. മുഹമ്മദ് കോയയെയും (ജൂലൈ 15, 1927 - സെപ്റ്റംബർ 28, 1983).

ചന്ദ്രിക പത്രത്തിന്റെ മുഖ്യപത്രാധിപർ, വർത്തമാനം പത്രത്തിന്റെ മാനേജിംഗ് എഡിറ്റർ, ചരിത്രകാരൻ, ഇസ്ലാമിക പണ്ഡിതൻ, അറബി ഭാഷാ ഗവേഷകൻ, അദ്ധ്യാപകൻ എന്നീ നിലകളിൽ അറിയപ്പെട്ട  മങ്കട ടി. അബ്ദുൽ അസീസ് മൗലവിയെയും (ജൂലൈ 15, 1931- ആഗസ്റ്റ് 12, 2007),

ഗുരുവായൂർ ദേവസ്വം ലൈബ്രറി എസ്റ്റാബ്ലിഷ്മെന്റിന്റെ വകുപ്പു മേധാവിയും അറുന്നൂറോളം കഥകൾഅടങ്ങിയ  29 കഥാ സമാഹാരങ്ങളും 15 നോവലുകളും ഒരു കവിതാസമാഹാരവും ജീവചരിത്രവും അനുസ്മരണവും ഉൾപ്പെടെ അമ്പതിലേറെ കൃതികൾ രചിച്ചിട്ടുള്ള  എഴുത്തുകാരന്‍   ഉണ്ണിക്കൃഷ്ണൻ പുതൂരിനെയും(15 ജൂലൈ 1933 - 2 ഏപ്രിൽ 2014) ,

കോൺഗ്രസ് പാർലമെന്റ് പാർട്ടി ഉപനേതാവ്, മലപ്പുറം ഡി.സി.സി പ്രസിഡന്റ്, ഐ.എൻ.സി വർക്കിങ് കമ്മറ്റി മെമ്പർ, കെ.പി.സി.സി ജനറൽ സെക്രട്ടറി എന്നീ നിലകളിൽ പ്രവർത്തിക്കുകയും മൂന്ന്, നാല്, അഞ്ച്, ആറ്, ഏഴ്, പതിനൊന്ന് കേരളനിയമസഭയിലെ അംഗവും മുൻ ജലസേചനവകുപ്പ് മന്ത്രിയുമായിരുന്ന എം.പി. ഗംഗാധരനെയും (15 ജൂലൈ 1934 - 31 ഒക്ടോബർ 2011),

ജയ്പൂർ-അത്രൗലി ഘരാനയിലെ പ്രമുഖ ഹിന്ദുസ്ഥാനി ഗായിക യായിരുന്ന മോഗുബായ് കുർദിക്കറിനെയും (ജൂലൈ 15, 1904 – ഫെബ്രുവരി 10, 2001),

പാഗൽഘോഡ,ഏവം ഇന്ദ്രജിത്ത് തുടങ്ങി 50 ഓളം നാടകങ്ങൾ എഴുതുകയും സമകാലിക നാടകത്തെ അതിന്റെ ഉള്ളടക്കം കൊണ്ടും ആവിഷ്ക്കാര രീതി കൊണ്ടും തെരുവും വീട്ടുമുറ്റവുമൊക്കെ തീയറ്ററാക്കി മാറ്റുകയും ചെയ്ത ഭാരതത്തിലെ പ്രമുഖ ജനകീയ നാടക പ്രവർത്തകൻ ആയിരുന്ന ബാദൽ സർക്കാറിനെയും (15 ജൂലൈ 1925-13 മേയ് 2011),

നെതർലന്റ്സിൽ ജീവിച്ചിരുന്ന പ്രശസ്തനായ ചിത്രകാരനും കൊത്തുപണിക്കാരനുമായിരുന്ന റെംബ്രാന്റ് വാങ് റേയ്ൻ എന്ന റെം ബ്രാൻഡിനെയും (ജൂലൈ 15,1606 – ഒക്ടോബർ 4, 1669),

നിരവധി മലയാളം നാടകങ്ങളിലും സിനിമകളിലും അഭിനയിച്ച് തന്റെ പ്രതിഭ തെളിയിച്ച ഒരു പ്രമുഖ അഭിനേതാവായിരുന്ന തിലകൻ എന്ന സുരേന്ദ്രനാഥ തിലകനെയും (1935 ജൂലായ് 15 - 2012 സെപ്റ്റംബർ 24),

ബാലസാഹിത്യകാരനും, നോവലിസ്റ്റും ചലച്ചിത്രഗാന രചയിതാവുമായിരുന്ന ടി.സി. ജോണിനെയും (1947 ജൂലൈ 15-2013 ആഗസ്റ്റ്‌ 25),

1978-ലെ സോർ സൈനിക വിപ്ലവത്തിലൂടെ,  പ്രസിഡന്റ് മുഹമ്മദ് ദാവൂദ് ഖാനെ അട്ടിമറിച്ച് പ്രസിഡണ്ട്, പ്രധാനമന്ത്രി എന്നീ പദവികൾ ഏറ്റെടുക്കുകയും, രാജ്യത്ത് കമ്മ്യൂണിസ്റ്റ് ഭരണത്തിന് തുടക്കം കുറിക്കുകയും,വിദ്യാഭ്യാസം, ഭൂപരിഷ്കരണം, സ്ത്രീപുരുഷസമത്വം, വിവാഹബന്ധങ്ങൾ തുടങ്ങിയ സാമൂഹികമേഖലകളിൽ വിപ്ലവകരമായ പരിഷ്കരണ നടപടികൾ നടപ്പാക്കുകയും ചെയ്ത അഫ്ഗാനിസ്താനിലെ പ്രമുഖ കമ്മ്യൂണിസ്റ്റ് പാർട്ടിയായിരുന്ന പി.ഡി.പി.എ.യുടെ സ്ഥാപകനേതാവും, പാർട്ടിയുടെ ആദ്യ ജനറൽ സെക്രട്ടറിയുമായിരുന്ന  നൂർ മുഹമ്മദ് താരക്കിയെയും(1917 ജൂലൈ 15 - 1979 ഒക്ടോബർ 9),

ഒരു ഇന്ത്യൻ സ്വാതന്ത്ര്യ സമര സേനാനി, അഭിഭാഷകൻ, സാമൂഹിക പ്രവർത്തകൻ, രാഷ്ട്രീയക്കാരി. ഇന്ത്യൻ ഭരണഘടനാ അസംബ്ലിയിലും ഇന്ത്യയുടെ ആസൂത്രണ കമ്മീഷനിലും  അംഗമായിരുന്ന ദുർഗ്ഗാഭായ് ദേശ്മുഖ്നേയും  (15 ജൂലൈ 1909 - 9 മെയ് 1981),
ഓർമ്മിക്കാം!!

ചരിത്രത്തിൽ ഇന്ന്…
*******
1099-ലെ ഈ ദിവസം, ഒന്നാം കുരിശുയുദ്ധത്തിൽ, ക്രിസ്ത്യൻ സൈന്യം ജറുസലേം നഗരം പിടിച്ചെടുക്കുകയും കൊള്ളയടിക്കുകയും ചെയ്തു

 1410-ൽ, മധ്യകാല യൂറോപ്പിലെ ഏറ്റവും വലിയ യുദ്ധങ്ങളിലൊന്നായ ഗ്രൺവാൾഡ് യുദ്ധം സംഭവിച്ചു, അവിടെ പോളിഷ്, ലിത്വാനിയൻ സൈന്യങ്ങൾ ട്യൂട്ടോണിക് നൈറ്റ്‌സിനെ പരാജയപ്പെടുത്തി, 

1482 – മുഹമ്മദ് XII ഇരുപത്തിരണ്ടാമത്തേതും അവസാനത്തേതുമായ നസ്രിദ്  ഗ്രാനഡ രാജാവായി കിരീടമണിഞ്ഞു.

 1815-ലെ ഈ ദിവസം, നെപ്പോളിയൻ ബോണപാർട്ടെ, എച്ച്എംഎസ് ബെല്ലെറോഫോണിൻ്റെ ക്യാപ്റ്റൻ ഫ്രെഡറിക് മൈറ്റ്‌ലാൻഡിന് കീഴടങ്ങി, ഇത് നെപ്പോളിയൻ യുദ്ധങ്ങളുടെ അവസാനത്തെ അടയാളപ്പെടുത്തുകയും യൂറോപ്പിൻ്റെ രാഷ്ട്രീയ ഭൂപ്രകൃതിയെ പുനർനിർമ്മിക്കുകയും ചെയ്തു. 

1834 – സ്പാനിഷ് ഇൻക്വിസിഷൻ ഏകദേശം 356 വർഷത്തിനു ശേഷം ഔദ്യോഗികമായി പിരിച്ചുവിട്ടു.

1904  - അമേരിക്കയിലെ ലോസ് ഏഞ്ചൽസിൽ ഈ ദിവസമാണ് ആദ്യത്തെ ബുദ്ധക്ഷേത്രം നിർമ്മിച്ചത്.

1904  - റഷ്യൻ നാടകകൃത്തും ചെറുകഥാകൃത്തുമായ  ആൻ്റൺ ചെക്കോവ് അന്തരിച്ചു.

1907  - പാരീസിൽ മാലിന്യ പാത്രങ്ങൾ അവതരിപ്പിക്കുകയും അവയുടെ ഉപയോഗം നിർബന്ധമാക്കുകയും ചെയ്ത ഫ്രഞ്ച് അഭിഭാഷകനും നയതന്ത്രജ്ഞനുമായിരുന്നു  യൂജിൻ പൗബെല്ലെ അന്തരിച്ചത്.

1910  - എമിൽ ക്രെപ്ലിൻ അലോയിസ് അൽഷിമറിൻ്റെ പേരിൽ അൽഷിമേഴ്സ് രോഗത്തിന് പേരിട്ടു.

1915  - ലോകത്തിലെ ഏറ്റവും വലിയ ബഹിരാകാശ കമ്പനിയായ ബോയിംഗ് ഈ ദിവസം ആരംഭിച്ചു.

1915  - ആദ്യത്തെ മോട്ടോർ ബസ് സർവീസ് ബോംബെയിൽ (ഇപ്പോൾ മുംബൈ) ആരംഭിച്ചു.

1915  - വനിതാ ക്രിക്കറ്റ് താരം സന്ധ്യ അഗർവാൾ ടെസ്റ്റ് ക്രിക്കറ്റിൽ 190 റൺസ് നേടി ലോക റെക്കോർഡ് സ്ഥാപിച്ചു.

1918  - കനേഡിയൻ ഭൗതികശാസ്ത്രജ്ഞനും നോബൽ സമ്മാന ജേതാവുമായ ബെർട്രാം ബ്രോക്ക്ഹൗസ് ജനിച്ചു.

1919  - ഐറിഷ്, ബ്രിട്ടീഷ് നോവലിസ്റ്റും തത്ത്വചിന്തകനും നോബൽ സമ്മാന ജേതാവുമായ ഐറിസ് മർഡോക്ക് ജനിച്ചു.

1921  - അമേരിക്കൻ ബയോകെമിസ്റ്റും നോബൽ സമ്മാന ജേതാവുമായ റോബർട്ട് ബ്രൂസ് മെറിഫീൽഡ് ജനിച്ചു.

1922  - അമേരിക്കൻ ഭൗതികശാസ്ത്രജ്ഞനും നോബൽ സമ്മാന ജേതാവുമായ ലിയോൺ എം. ലെഡർമാൻ ജനിച്ചു.

1926 - 'BEST' (ബോംബൈ ഇലക്ട്രിക്ക് സപ്ലൈ ആന്റ് ട്രാൻസ്പോർട്ട്) ബസ്സുകൾ മുംബൈയിൽ സർവ്വീസ് തുടങ്ങി.

1941 - ഹോളോകോസ്റ്റ്: നാസി ജർമ്മനി100,000ജൂതന്മാരെ അധിനിവേശ നെതർലാൻഡ്‌സിൽ നിന്ന് ഉന്മൂലനാശ ക്യാമ്പുകളിലേക്ക് നാടുകടത്താൻ തുടങ്ങി

1944  - രണ്ടാം ലോകമഹായുദ്ധസമയത്ത് യുഎസ് സൈന്യം ജപ്പാനിൽ വൻ ബോംബാക്രമണം നടത്തി.

1950 - ചന്ദ്രിക വാരിക തുടക്കം.

1954 - 'ബോയിങ്ങ് 707'ന്റെ കന്നിപ്പറക്കൽ.

1955 - പ്രഥമ രാഷ്ട്രപതി ഡോ. രാജേന്ദ്ര പ്രസാദ് അന്നത്തെ പ്രധാനമന്ത്രി ജവഹർലാൽ നെഹ്‌റുവിന് പരമോന്നത സിവിലിയൻ ബഹുമതിയായ ഭാരതരത്‌ന പ്രഖ്യാപിച്ചു.

1970  - ഇറ്റലിയെ 2-0ന് തോൽപ്പിച്ച് ഡെന്മാർക്ക് ഫുട്ബോൾ ആദ്യ വനിതാ ലോകകപ്പ് നേടി.

1975 - അപ്പോളോ സോയൂസ് ടെസ്റ്റ് പ്രൊജക്റ്റ് - അപ്പോളോ സോയൂസ് എന്ന ബഹിരാകാശവാഹനങ്ങൾ യൂ.എസ്.സോവിയറ്റുമായി ചേരാൻ ബഹിരാകാശത്തേക്ക് പറന്നു.

1979  - ഇന്ത്യയുടെ പ്രധാനമന്ത്രിയായിരുന്ന മൊറാർജി ദേശായി ഈ ദിവസം തൻ്റെ സ്ഥാനം രാജിവച്ചു.

1995 - 'ആമസോൺ.കോം' എന്ന ഓൺലൈൻ സൈറ്റിൽ ആദ്യ വിൽപ്പന നടന്നു.

2003 - AOL ടൈം വാർണർ നെറ്റ്‌സ്‌കേപ്പ് പിരിച്ചുവിടുന്നു.  അതേ ദിവസം തന്നെയാണ് മോസില്ല ഫൗണ്ടേഷൻ സ്ഥാപിതമായത്.

2006 - ലോകത്തിലെ ഏറ്റവും വലിയ സോഷ്യൽ മീഡിയ പ്ലാറ്റ്‌ഫോമുകളിലൊന്നായ ട്വിറ്റർ സമാരംഭിച്ചു.

2010 - ഇന്ത്യൻ രൂപയുടെ ചിഹ്നത്തിന് ഔദ്യോഗിക അംഗീകാരം ലഭിച്ചു.

2011 - ഇന്ത്യ വിജയകരമായി പോളാർ സാറ്റലൈറ്റ് ലോഞ്ച് വെഹിക്കിൾ (പിഎസ്എൽവി) വഴി നൂതന ആശയവിനിമയ ഉപഗ്രഹമായ ജിസാറ്റ്-12 ബഹിരാകാശ ഭ്രമണപഥത്തിലെത്തിച്ചു.

 2011 - നാനോയ്ക്ക് ശേഷം 32,000 രൂപയ്ക്ക് വീട് നൽകുമെന്ന് ടാറ്റ ഗ്രൂപ്പ് പ്രഖ്യാപിച്ചു.

2012  - നേപ്പാളിലെ പാഴ്‌സിയിൽ ഒരു ബസ് അപകടത്തിൽ 40 തീർത്ഥാടകർ മരിച്ചു.

2013 - ഇന്ത്യൻ തപാൽവകുപ്പ്‌ 'ടെലഗ്രാഫ്‌' നിർത്തലാക്കി.

 2016 - ടർക്കിഷ് സായുധ സേനയുടെ വിഭാഗങ്ങൾ ഒരു അട്ടിമറി ശ്രമം നടത്തി പരാജയപ്പെട്ടു

2018 - റഷ്യ ലോകകപ്ല് ഫൈനൽ - ഫ്രാൻസ്‌ , ക്രൊയേഷ്```

.      By ' ടീം തത്ത്വമസി - ജ്യോതിർഗ്ഗമയ '
.       ************
   Rights Reserved by Team Jyotirgamaya