ഇന്ന് ഫിബ്രവരി 18: ലോക തിമിംഗല ദിനം: അന്‍വര്‍ സാദത്തിന്റേയും രാജീവ് ഗോവിന്ദ പിള്ളയുടെയും ജന്മദിനം: ബ്രിട്ടീഷ് പൊതുസഭയില്‍ വിന്‍സ്റ്റണ്‍ ചര്‍ച്ചില്‍ തന്റെ ആദ്യ പ്രസംഗം നടത്തിയതും ഇന്ന്: ചരിത്രത്തില്‍ ഇന്ന്

1199  കുംഭം 5
രോഹിണി  / നവമി
2024, ഫിബ്രവരി 18, ഞായർ

ഇന്ന്;

* പ്ലൂട്ടോ ദിനം ! 
*********
(Pluto Day - 1930 ജനുവരിയിൽ ചിത്രീകരിച്ച ചില ഫോട്ടോഗ്രാഫുകൾ പഠിക്കുന്നതിനിടയിൽ, ക്ലൈഡ് ടോംബോ പ്ലൂട്ടോയെ കണ്ടെത്തിയത് ഇന്നേ ദിവസമായിരുന്നു.)

• ലോക തിമിംഗല ദിനം
  [ World Whale Day ; വിശാലമായ നീലക്കടലിൽ പാടുകയും നൃത്തം ചെയ്യുകയും നീന്തുകയും ചെയ്യുന്ന ഭീമാകാരമായ ജീവികൾ, തിമിംഗലങ്ങൾ നമ്മുടെ ഹൃദയങ്ങളിൽ അത്ഭുതവും ഭയവും നിറയ്ക്കുന്ന മഹത്തായ ജീവികളാണ്.]
• 

* ദേശീയ ബാറ്ററി ദിനം! 
[National Battery Day  ; വൈദ്യുത ബാറ്ററി കണ്ടുപിടിച്ച ഇറ്റാലിയൻ ഭൗതിക ശാസ്ത്രജ്ഞനും രസതന്ത്രജ്ഞനുമായ അലസ്സാൻഡ്രോ വോൾട്ടയുടെ ജന്മദിനം : 1745]

*  വീഞ്ഞ് നുകരാൻ ഒരു ദേശീയ ദിനം! 
[ National Drink Wine ഡേ ;  വീഞ്ഞിൻ്റെ ചരിത്രം 8,000 വർഷത്തിലേറെ പഴക്കമുള്ളതാണ്, ഇപ്പോൾ ജോർജിയയിലെ യുറേഷ്യൻ മേഖലയിലെ വൈൻ നിർമ്മാതാക്കളുടെയും.  അന്നുമുതൽ സമൂഹത്തിൽ ലഹരിപാനീയം ഒരു പ്രധാന പങ്ക് വഹിക്കുകയും ലോകത്തിൻ്റെ നാല് കോണുകളിലും നിരവധി തലമുറകളായി മദ്യപിക്കുകയും ചെയ്തു.  ബാൽക്കണിലെ ഇറാനികൾ, ഇറ്റലിക്കാർ, യൂറോപ്യന്മാർ എന്നിവർക്കെല്ലാം വൈൻ ഉൽപാദനത്തിൻ്റെ സമ്പന്നമായ ചരിത്രങ്ങളുണ്ട്, അത് പുരാതന കാലം മുതലുള്ളതാണ്, അതേസമയം ചൈന 7,000 ബിസിയിൽ തന്നെ സമാനമായ ലഹരിപാനീയങ്ങൾ സൃഷ്ടിച്ചു.]

*  പ്രഭാതഭക്ഷണത്തോടൊപ്പം ഐസ് ക്രീം! 
[ National Eat Ice Cream for Breakfast ഡേ ; 
 "ജീവിതം ചെറുതാണ്, ആദ്യം മധുരപലഹാരം കഴിക്കൂ" എന്നത് പല കാരണങ്ങളാൽ  ഗൗരവമേറിയ ഒരു വാചകമാണ്. ഇത് കുട്ടിക്കാലത്തെ ക്യാൻസറിനെ കുറിച്ചുള്ള അവബോധം വർദ്ധിപ്പിക്കുന്നതിന് സഹായിക്കുന്നു.]

USA ;

* യഥാർത്ഥ ബ്രെഡ് ആഴ്ച!
[ Real Bread week  ;  Feb 17th, - Feb 25ത് ]
 യഥാർത്ഥ റൊട്ടി കാണുന്നത് ഒരു സന്തോഷമാണ്. പ്രകൃതിദത്തമായ ചേരുവകൾ ഉപയോഗിച്ച് ഉണ്ടാക്കി, പൂർണ്ണതയിലേക്ക് ചുട്ടെടുക്കുന്നത്, ഓരോ കടിയും ഒരു സ്വർഗ്ഗീയ അനുഭവമാണ്.]

* നാഷണൽ ക്രാബ് സ്റ്റഫ്ഡ് ഫ്ലൗണ്ടർ ഡേ!
[NATIONAL CRAB STUFFED FLOUNDER DAY ;  ഞണ്ടും ഫ്‌ളൗണ്ടറും( ഒരുതരം പരന്ന മത്സ്യം) കൂടിച്ചേരുമ്പോഴുള്ള അതുല്യവും സ്വാദുള്ളതുമായ ആനന്ദം ഈ ദിവസം തിരിച്ചറിയുന്നു. ]

* ഇന്ത്യൻ നാവിക കലാപം ആരംഭിച്ചു.

അരീക്കൽ വർഗ്ഗീസ് രക്ത സാക്ഷി ദിനം!

.             ്്്്്്്്്്്്്്്്്്്്
             
* ഐസ്‌ലാൻഡ്‌  : കൊനുഡാഗുർ പത്നി
  ദിനം!
* നേപ്പാൾ : ദേശീയ ജനാധിപത്യ ദിനം!
* ജപ്പാൻ: ദ്വീപ് ഭാഷ ദിനം!
* ഗാംബിയ: സ്വാതന്ത്ര്യ ദിനം !
* ഇറാക്ക് (കുർദിസ്ഥാൻ): കുർദിഷ് !
   വിദ്യാർത്ഥി  സംഘടന ദിനം !

           ഇന്നത്തെ മൊഴിമുത്ത്
.         ്്്്്്്്്്്്്്്്്്്്‌്
.
''എല്ലാ സ്ത്രീകളിലും ദേവി അധിവസിക്കുന്നുവെന്ന് അമ്മ തന്നെ എനിക്ക് കാണിച്ചുതരികയുണ്ടായി. അതിനാൽ എല്ലാ സ്ത്രീകളെയും ദേവിയെപ്പോലെ കാണുവാൻ ഞാൻ അഭ്യസിച്ചുകഴിഞ്ഞിരിക്കുന്നു.'' 

. [ - ശ്രീരാമകൃഷ്ണ പരമഹംസർ ]
  ************

2011 മുതൽ ആലുവ നിയമസഭാ മണ്ഡലത്തെ പ്രതിനിധീകരിക്കുന്ന നിയമസഭാ സമാജികനായ അൻവർ സാദത്തിന്റേയും (1975),

ചലച്ചിത്രനടനും മോഡലും ക്രിക്കറ്റ് കളിക്കാരനുമായ രാജീവ് ഗോവിന്ദ പിള്ളയുടെയും (1982),

2015ൽ അൽഫോൺസ് പുത്രൻ രചനയും സംവിധാനവും നിർവഹിച്ച പ്രേമം എന്ന മലയാളചിത്രത്തിൽ മേരി എന്ന കഥാപാത്രത്തെ അവതരിപ്പിച്ചുകൊണ്ട്‌  സിനിമാ രംഗത്ത് ചുവടുറപ്പിച്ച അഭിനേത്രി അനുപമ പരമേശ്വരന്റേയും (1996),

കേരളത്തിൽ നിന്നും ഇന്ത്യൻ ക്രിക്കറ്റ് ടീമിൽ എത്തിയ ആദ്യത്തെ പൂർണ്ണ മലയാളി ടിനു യോഹന്നാന്റെയും (1979),

ജാപ്പനീസ് ഗായികയും കലാകാരിയും സമാധാന പ്രവർത്തകയും ജോൺ ലെനനുമായുള്ള ബന്ധത്തിന് പ്രശസ്തയും ബീറ്റിൽസിൻ്റെ തകർച്ചയ്ക്ക് കാരണക്കാരിയുമായ യോക്കോ ഓനോയുടേയും (1933),

50 ഓളം സ്ത്രീകളെ  ക്രൂരമായി കൊലപ്പെടുത്തി യുണൈറ്റഡ് സ്‌റ്റേറ്റ്‌സ് ചരിത്രത്തിലെ രണ്ടാമത്തെ സീരിയൽ കില്ലറും ലൈംഗിക കുറ്റവാളിയുമായി മാറിയ 'ഗ്രീൻ റിവർ കില്ലർ' എന്നറിയപ്പെടുന്ന ഒരു അമേരിക്കൻ കൊലപാതകി ഗാരി ലിയോൺ റിഡ്‌വേയുടേയും (ജ. 1949)  ജന്മദിനം !

ഇന്നത്തെ സ്മരണ !!!
********
എ. (അരീക്കൽ) വർഗ്ഗീസ് മ. (1938-1970)
കെ. ശ്രീധരൻ മ. (1939-2012)
ചെറുശേരി സൈനുദ്ദീന്‍ മുസ്‌ലിയാര്‍ മ.(1937- 2016)
ദഗ്ഗുഭട്ടി രാമനായിഡു മ.( 1936-2015)
അഗ്രിപ്പ ഫോൺ നെറ്റേഷീം മ.
(1486-1535)
മാർട്ടിൻ ലൂഥർ മ. (1483-1546)
എഫ്. ഇ. പർഗിറ്റർ മ. (1852-1927)
റോബർട്ട് ഓപ്പൻ‌ഹൈമർ മ.(1904-1967)
കുബ്ലായ് ഖാൻ മ. (1215-1294 )
ആൽബർട്ട് II, മെക്ലെൻബർഗ് ഡ്യൂക്ക് മ. (1318-1379)
എങ്കുറാൻഡ് ഏഴാമൻ മ. ( 1340-1397 )
ജോസഫ് ഗിൽബർട്ട് ഹാമിൽട്ടൺ മ.
(1907 - 1957)
കാൾ ഗുസ്താവ് ജേക്കബ് ജേക്കബ് മ.
(1804 1851)

ശ്രീരാമകൃഷ്ണ പരമഹംസൻ ജ. (1836-1886)
എൽ.പി.ആർ വർമ്മ ജ.(1926-2003)
ഡോ. കെ.ജി അടിയോടി ജ. (1937 -1987)
മുഹമ്മ രമണൻ ജ. (1943-2020)
നിമ്മി (നവാബ് ബാനു) ജ. (1933-2030)
ജീബനാനന്ദ ദാസ് ജ.(1899- 1954)
നിക്കോസ് കസൻ‌ദ്സക്കിസ് ജ.
(1883 -1957)
ടോണി മോറിസൺ ജ (1931-2019)
ലൂയിസ് കംഫർട്ട് ടിഫാനി ജ. (1848 -1933)
മേരി ടുഡോർ  മേരി ജ.  1516 -  1558),
അലസ്സാൻഡ്രോ വോൾട്ട,  (1745 - 1827)
ജോഹാൻ ഫ്രെഡ്രിക്ക് കാൾ ആസ്പർജ ജ. (1906 - 1980)

ചരിത്രത്തിൽ ഇന്ന്…
********
ബി.സി.ഇ. 3102 - ഹൈന്ദവ വിശ്വാസപ്രകാരം കലിയുഗത്തിന്റെ ആരംഭം.

1229 - വിശുദ്ധ റോമൻ ചക്രവർത്തിയായ ഫ്രെഡറിക് രണ്ടാമൻ, അൽ- കാമിലുമായി പത്തുവർഷത്തെ ഉടമ്പടിയിൽ ഒപ്പുവച്ചു, ആറാം കുരിശുയുദ്ധത്തിൽ ജറുസലേം, നസ്രത്ത്, ബെത്‌ലഹേം എന്നിവ തിരിച്ചുപിടിച്ചു.

1332/1329 - എത്യോപ്യയുടെ ചക്രവർത്തി അംദ സെയോൺ ഒന്നാമൻ ദക്ഷിണ മുസ്ലീം പ്രവിശ്യകൾക്കു നേരെയുള്ള സൈനികനടപടികൾ ആരംഭിച്ചു.

1519 - തെക്കേ അമേരിക്കയുടെ കോളനിവൽക്കരണത്തിന് ഉത്തരവാദിയായ സ്പാനിഷ് കോൺക്വിസ്റ്റഡോർ ഹെർണൻ കോർട്ടെസ് ക്യൂബയിൽ നിന്ന് 11 കപ്പലുകളും 500 ആളുകളുമായി മെക്സിക്കോയിലെ യുകാറ്റൻ പെനിൻസുലയിലേക്ക് പുറപ്പെട്ടു.

1797 - റാൽഫ് ആബെർക്രോംബിയുടെ നേതൃത്വത്തിലുള്ള ബ്രിട്ടീഷ് പടയോട് ട്രിനിഡാഡ് കീഴടങ്ങി.

1814 - മോണ്ടിറോ യുദ്ധം

1861 - ഇറ്റലിയുടെ ഏകീകരണം ഏറെക്കുറേ പൂർത്തീകരിച്ച്, വിക്റ്റർ ഇമ്മാനുവൽ രണ്ടാമൻ രാജാവ്, ഇറ്റലിയുടെ രാജാവ് എന്ന നാമധേയം സ്വീകരിച്ചു.

1885 - മാർക്ക് ട്വയിന്റെ അഡ്വഞ്ചേഴ്സ് ഓഫ് ഹക്കിൾബറി ഫിൻ പ്രസിദ്ധീകരിച്ചു.

1901 - ബ്രിട്ടീഷ് പൊതുസഭയിൽ വിൻസ്റ്റൺ ചർച്ചിൽ തന്റെ ആദ്യ പ്രസംഗം നടത്തി.

1905 -  ശ്യാംജി കൃഷ്ണവർമ ലണ്ടനിൽ ഇന്ത്യാ ഹോം റൂൾ സൊസൈറ്റി സ്ഥാപിച്ചു.

1911 -  ബ്രിട്ടീഷ് ഇന്ത്യയിലെ അലഹബാദിൽ നിന്ന് നൈനിയിലേക്ക് ആദ്യത്തെ ഔദ്യോഗിക മെയിൽ ഫ്ലൈറ്റ് നടന്നു, ഫ്രഞ്ച് പൈലറ്റ് ഹെൻറി പെക്വെറ്റ് തൻ്റെ ഹംബർ ബൈപ്ലെയിനിൽ 6,000 കാർഡുകളും കത്തുകളും എത്തിച്ചു

1913 - റയ്മണ്ട് പോയിൻ‌കേറി ഫ്രാൻസിന്റെ പ്രസിഡണ്ടായി.

1913 -  ഫ്രഞ്ച് കലാകാരനായ മാർസെൽ ഡുഷാംപ് ന്യൂയോർക്കിൽ "നഗ്നത ഇറങ്ങുന്ന ഒരു സ്റ്റെയർകേസ്" എന്ന മോഡേണിസ്റ്റ് പെയിൻ്റിംഗ് കാരണം വിവാദം സൃഷ്ടിച്ചു.

1929 – ആദ്യ അക്കാദമി അവാർഡ് (ഓസ്കാർ അവാർഡ്) പ്രഖ്യാപിച്ചു.

1930 - ജനുവരിയിൽ ചിത്രീകരിച്ച ചില ഫോട്ടോഗ്രാഫുകൾ പഠിക്കുന്നതിനിടയിൽ, ക്ലൈഡ് ടോംബോ പ്ലൂട്ടോയെ കണ്ടെത്തി.

1932 - മഞ്ചൂറിയ ചൈനയിൽ നിന്നും സ്വാതന്ത്ര്യം പ്രാപിച്ചതായി ജപ്പാൻ സാമ്രാജ്യം പ്രഖ്യാപിച്ചു.

1933 - പള്ളിവാസൽ ജലവൈദ്യുത പദ്ധതിക്ക് തിരുവിതാംകൂർ ഗവൺമെൻറ് അംഗീകാരം നൽകി. ഇത് കേരളത്തിലെ ആദ്യത്തെ ജലവൈദ്യുത പദ്ധതിയാണ്

1943 - വൈറ്റ് റോസ് പ്രസ്ഥാനത്തിലെ അംഗങ്ങളെ നാസികൾ അറസ്റ്റ് ചെയ്തു.

1946 -  റോയൽ ഇന്ത്യൻ നേവി കലാപം മുംബൈയിൽ  ആരംഭിച്ചു, താമസിയാതെ ബ്രിട്ടീഷ് ഇന്ത്യയുടെ മറ്റ് ഭാഗങ്ങളിലേക്ക് വ്യാപിച്ചു, 20,000 നാവികർ പങ്കെടുത്തു.

1965 - ഗാംബിയ യു.കെ.യിൽ നിന്നും സ്വാതന്ത്ര്യം നേടി.

1971 - അർവി സാറ്റലൈറ്റ് സ്റ്റേഷൻ വഴി ബ്രിട്ടനുമായി ഇന്ത്യ ആദ്യമായി ഉപഗ്രഹ ബന്ധം സ്ഥാപിച്ചു.

1979 - സഹാറാ മരുഭൂമിയിൽ ആദ്യമായി തെക്കൻ അൾജീരിയ പ്രദേശത്ത് ഹിമപാതം. രേഖപ്പെടുത്തിയിട്ടുള്ള ചരിത്രത്തിൽ ആദ്യത്തേയും അവസാനത്തേയുമായിരുന്നു  ഈ സംഭവം.

1981 - 20-കാരനായ എഡ്മൻ്റൺ സെൻ്റർ വെയ്ൻ ഗ്രെറ്റ്‌സ്‌കി, ഭാവിയിലെ ഐസ് ഹോക്കി ഇതിഹാസം, 21 വയസ്സിന് മുമ്പ് അഞ്ച് കരിയർ ഹാട്രിക്കുകൾ നേടിയ എൻഎച്ച്എൽ ചരിത്രത്തിലെ ആദ്യത്തെ കളിക്കാരനായി.

2000 - സ്റ്റ്ജെപാൻ മെസിക് ക്രൊയേഷ്യയുടെ രണ്ടാമത്തെ പ്രസിഡണ്ടായി.

2001 - സോവ്യറ്റ് യൂണിയനു വേണ്ടി ചാരപ്രവർത്തനം നടത്തി എന്നാരോപിച്ച്, എഫ്.ബി.ഐ. ഏജന്റ്‍ റോബർട്ട് ഹാൻസനെ അറസ്റ്റ് ചെയ്തു. ഇദ്ദേഹത്തെ പിന്നീട് ജീവപര്യന്തം തടവിനു ശിക്ഷിച്ചു.

2003 - ദക്ഷിണകൊറിയയിൽ ഡാഗ്യൂ സബ്‌വേ തീപിടുത്തത്തിൽ ഇരുനൂറോളം പേർ മരിച്ചു.

2006 - ഇന്ത്യയും പാകിസ്ഥാനുമിടയിൽ സർവീസ് നടത്തിയിരുന്ന താർ എക്സ്പ്രസ് വീണ്ടും ഓടിത്തുടങ്ങി.

2007 - ഇന്ത്യ-പാക് ട്രെയിനായ സംഝോത എക്‌സ്പ്രസിന് നേരെയുണ്ടായ ഭീകരാക്രമണത്തിൽ 70 പേർ കൊല്ലപ്പെട്ടു.

2014 - ഉക്രേനിയൻ വിപ്ലവം പോലീസും പ്രകടനക്കാരും തമ്മിൽ മാരകമായ ഏറ്റുമുട്ടലുകൾക്ക് കാരണമായി. 76 പേർ കൊല്ലപ്പെട്ടു, പ്രസിഡൻ്റ് വിക്ടർ യാനുകോവിച്ചിനെ പാർലമെൻ്റ് പുറത്താക്കി.

2021 - സംസ്ഥാന അത്‌ലറ്റിക് ചാമ്പ്യൻഷിപ്പിൽ സീനിയർ വിഭാഗത്തിൽ കോട്ടയവും ജൂനിയറിൽ പാലക്കാടും ചാംപ്യൻ‌മാർ‌.

2021-ൽ, നാസയുടെ പെർസെവറൻസ് റോവർ പുരാതന ജീവൻ്റെ അടയാളങ്ങൾ തേടുന്നതിനും പാറ സാമ്പിളുകൾ ശേഖരിക്കുന്നതിനുമായി ചൊവ്വയിൽ വിജയകരമായി ഇറങ്ങി.
*************
ഇന്ന് ; 
ആദ്യം സി.പി.ഐ.എം നു വേണ്ടി പ്രവർത്തിക്കുകയും, വയനാട്ടിലെ ആദിവസികൾക്കിടയിലെ പ്രവർത്തന കാലത്ത് നക്സലൈറ്റ് പ്രസ്ഥാനത്തിലേക്ക് മാറുകയും പോലീസ് പിടിയിലായി  പോലീസുമായുള്ള ഏറ്റുമുട്ടലിൽ കൊല്ലപ്പെട്ടെന്നു ആദ്യം ഔദ്യോഗിക വിശദീകരണം വന്നെങ്കിലും  മരിച്ച് 18 വർഷങ്ങൾക്കു ശേഷം പോലീസ് പിടിയിൽ വെടിവെച്ചു കൊല്ലപ്പെട്ടതാണെന്ന് വെളിപ്പെട്ട നക്സ‌ലൈറ്റു് നേതാവ്   അരീക്കൽ വർഗ്ഗീസ് എന്ന എ. വർഗ്ഗീസിനെയും (ജൂൺ 14, 1938  - ഫെബ്രുവരി 18, 1970) , 

പൊന്നാനി താലൂക്കിൽ കമ്യൂണിസ്റ്റ് പാർട്ടി കെട്ടിപ്പടുക്കുന്നതിൽ മുഖ്യപങ്കു വഹിക്കുകയും ആറാം കേരള നിയമ സഭയിലെ അംഗവും, അവസാനകാലത്ത് പാർട്ടിക്കനഭിമതനാകുകയും ചെയ്ത കെ. ശ്രീധരനെയും ( 15 സെപ്റ്റംബർ 1939 - 18 ഫെബ്രുവരി2012),

സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് വൈസ് പ്രസിഡന്റ്, പരീക്ഷാ ബോര്‍ഡ് വൈസ് ചെയര്‍മാന്‍, സുന്നി മഹല്ല് ഫെഡറേഷന്‍ സംസ്ഥാന പ്രസിഡന്റ്, താനൂര്‍ ഇസ്‌ലാഹുല്‍ ഉലൂം അറബിക് കോളജ് മാനേജര്‍, നിരവധി മഹല്ലുകളുടെ ഖാസി എന്നിങ്ങനെ വിവിധ പദവികൾ അലങ്കരിച്ച  ദാറുല്‍ ഹുദാ ഇസ്‌ലാമിക് യൂനിവേഴിസിറ്റിയുടെ  പ്രോ ചാന്‍സലറായിരുന്ന  ചെറുശേരി സൈനുദ്ദീന്‍ മുസ്‌ലിയാരെയും (1937-2016 ഫെബ്രുവരി 18),

13 ഭാഷകളിലായി150 സിനിമകൾ നിർമ്മിച്ച് ഏറ്റവും കൂടുതൽ സിനിമ നിർമ്മിച്ച വ്യക്തി എന്ന നിലയിൽ ഗിന്നസ് ബുക്കിൽ കയറിയ തെലുഗ് സിനിമ നിർമ്മിതാവും, സുരേഷ് പ്രൊഡക്ഷൻസിന്റെ സ്ഥാപകനും ബാപ ടാല യിൽ നിന്നും ലോകസഭ അംഗവും ആയിരുന്ന ദഗ്ഗുഭട്ടി രാമനായിഡുവിനെയും (6 ജൂൺ 1936–18 ഫെബ്റുവരി 2015),

വിശുദ്ധ റോമൻ ചക്രവർത്തിയായ മാക്സിമിലിയൻ ഒന്നാമന്റെയും, ഇറ്റലിയിൽ മൊൺഫെററ്റോയിലെ വില്യം ആറാമന്റെയും സാവോയിയിലെ ചാൾസ് മൂന്നാമന്റെയും കീഴിൽ സേവനമനുഷ്ഠിക്കുകയും,. മന്ത്രവാദം തുടങ്ങിയ നിഗൂഢവിദ്യകളിലുള്ള താത്പര്യം നിമിത്തം സഭയുടെ എതിർപ്പിനു പാത്രീഭവിച്ചതിനെ ത്തുടർന്ന്  വൈദ്യ വൃത്തിയിൽ ഏർപ്പെടുകയും സാവോയിയിലെ മാർഗററ്റ് പ്രഭ്വിയുടെ ആസ്ഥാനഗ്രന്ഥപ്പുര സൂക്ഷിപ്പുകാരനായും ഔദ്യോഗിക ചരിത്രകാരനായും, സൈനികന്‍, വൈദ്യന്‍, മാന്ത്രികൻ എന്നീ നിലകളിലും പ്രസിദ്ധനായ  
ജർമൻ സാഹിത്യകാരൻ ‍അഗ്രിപ്പ ഫോൺ നെറ്റേഷീം (1486 സെപ്റ്റംബർ 14 - ഫെബ്രുവരി 18, 1535),

പതിനാറാം നൂറ്റാണ്ടിൽ ജർമ്മനിയിൽ ജീവിച്ചിരുന്ന  പുരോഹിതനും ദൈവശാസ്ത്രജ്ഞനും സർവകലാശാലാദ്ധ്യാപകനും സഭാനവീകർത്താവുമായിരുന്ന മാർട്ടിൻ ലൂഥറിനെയും (10 നവംബർ 1483- 18 ഫെബ്രുവരി 1546),

ചന്ദ്രഗുപ്തമൗര്യന്റെ കാലഘട്ടത്തെയും അക്കാലത്തെ സാമൂഹ്യജീവിതത്തെയും കുറിച്ച്  ആധികാരികമായ വിവരങ്ങൾ ശേഖരിച്ച പൗരസ്ത്യപൈതൃക ഗവേഷകനും ബ്രിട്ടീഷ് ഇന്ത്യയിലെ ഉയർന്ന സിവിൽ ഉദ്യോഗസ്ഥനുമായിരുന്ന എഫ്. ഇ. പർഗിറ്റർ എന്ന ഫ്രെഡറിക് ഈഡൻ പർഗിറ്ററെയും (1852 - 18 ഫെബ്:1927) ,

പ്രശസ്തനായ അമേരിക്കൻ സൈദ്ധാന്തിക ഭൗതികശാസ്ത്രജ്ഞനും, ആദ്യത്തെ അണുബോംബ് നിർമ്മാണപദ്ധതിയായിരുന്ന മൻ‌ഹാട്ടൻ പദ്ധതിയുടെ ഡയറക്ടറും ആയിരുന്ന ജെ. റോബർട്ട് ഓപ്പൻ‌ഹൈമറെയും (ഏപ്രിൽ 22, 1904 – ഫെബ്രുവരി 18, 1967),

മംഗോളിയൻ സാമ്രാജ്യത്തിലെ യുവാൻ രാജവംശത്തിൻ്റെ സ്ഥാപകനും ആദ്യത്തെ ചക്രവർത്തിയുമായിരുന്ന, ക്ഷേത്ര നാമത്തിൽ യുവാനിലെ ഷിസു ചക്രവർത്തി എന്നും ഭരണനാമമായ 
സെറ്റ്സൻ ഖാൻ എന്നും അറിയപ്പെട്ടിരുന്ന കുബ്ലായ് ഖാനേയും  (23 സെപ്റ്റംബർ 1215 - 18 ഫെബ്രുവരി 1294),

ഈശ്വരസാക്ഷാത്കാരത്തിന്‌ മതങ്ങളല്ല, കർമ്മമാണ്‌ പ്രധാനം എന്നു കരുതിയ ആധുനിക ആദ്ധ്യാത്മികാചാര്യൻമാരിൽ ഏറ്റവും പ്രമുഖനും സ്വാമി വിവേകാനന്ദന്റെ ഗുരുവും ആയിരുന്ന  ശ്രീരാമകൃഷ്ണ പരമഹംസനെയും(ഫെബ്രുവരി 18, 1836 - ഓഗസ്റ്റ് 16, 1886),

ചലച്ചിത്ര ഗാനരചയിതാവും,  കവിയും,  സംഗീത സംവിധായകനും,  ഗായകനും,  കർണാടക സംഗീത  വിദ്വാനും ലക്ഷ്മിപുരം കൊട്ടാരം പൂരം തിരുനാൾ രവിവർമ്മ എൽ.പി.ആർ വർമ്മയെയും  (ഫെബ്രുവരി 18, 1926-2003 ജൂലൈ 6) , 

പ്രമുഖനായ ജന്തു ശാസ്ത്രജ്ഞനും,  ശാസ്ത്ര സാഹിത്യകാരനും,  UPSC യിലെ ആദ്യ മലയാളി മെബറും, കേരള ശാസ്ത്രസാഹിത്യ പരിഷത്തിന്റെ സ്ഥാപകരിലൊരാളും ആയിരുന്ന കേണോത്ത് ഗോവിന്ദൻ അടിയോടി എന്ന ഡോ. കെ.ജി അടിയോടിയെയും (1937 ഫെബ്രുവരി 18 – 2001 മേയ് 28),

ധാരാളം കവിതകളും ചെറുകഥകളും നോവലുകളും എഴുതി ബംഗാളി സാഹിത്യലോകത്ത് പ്രത്യേക മുദ്ര പതിപ്പിച്ചിട്ടുളള കവിയും കഥാകൃത്തുമായ ജീബനാനന്ദ ദാസിനെയും (18 ഫെബ്രുവരി 1899 – 22 ഒക്ടോബർ 1954) ,

ഗ്രീക്കുകാരൻ സോബ്രാ" (Zorba the Greek -1946), "ഗ്രീക്ക് പീഡാനുഭവം" (The Greek Passion -1948), "ക്യാപ്റ്റൻ മിക്കാലിസ്" (Captain Michalis -1950), "യേശുവിന്റെ അന്ത്യപ്രലോഭനം" (The Last Temptation of Christ -1951) , അസീസ്സിയിലെ ഫ്രാൻസിസിന്റെ ജീവിതത്തെ ആധാരമാക്കി എഴുതിയ "ദൈവത്തിന്റെ നിസ്വൻ" (God's Pauper - 1956),  തുടങ്ങിയ കൃതികൾ രചിച്ച ഇരുപതാം നൂറ്റാണ്ടിലെ ഏറ്റവും പ്രധാനപ്പെട്ട ഗ്രീക്ക് എഴുത്തുകാരനും ദാർശനികനുമായിരുന്ന നിക്കോസ് കസൻ‌ദ്സക്കിസിനെയും  (1883, ഫെബ്രുവരി 18- 1957 ഒക്ടോബർ 26) ,

പുലിറ്റ്സർ പുരസ്ക്കാരവും   സാഹിത്യത്തിനുള്ള നോബൽ സമ്മാനവും നേടിയിട്ടുള്ള നോവലിസ്റ്റും എഡിറ്റർ, പ്രൊഫസ്സർ എന്നീ നിലകളിൽ പ്രശസ്തിയും ആർജിച്ച ആഫ്രോ-അമേരിക്കൻ സാഹിത്യകാരി ടോണി മോറിസണിനെയും (1931- 2019) ഓർമ്മിക്കുന്നു.

 ടീം തത്ത്വമസി - ജ്യോതിർഗ്ഗമയ '