ഇന്ന് ജൂണ്‍ 5: ലോക പരിസ്ഥിതി ദിനം !യോഗി ആദിത്യനാഥിന്റേയും എ സേതുമാധവന്റേയും ജന്മദിനം: ആറാം കുരിശു യുദ്ധത്തില്‍ ലൂയി ഒന്‍പതാമന്‍ ഈജിപ്റ്റില്‍ ചെന്നിറങ്ങിയതും ഇന്ന്: ചരിത്രത്തില്‍ ഇന്ന്

🌅ജ്യോതിർഗ്ഗമയ🌅

1199 എടവം 22
കാർത്തിക / ചതുർദ്ദശി
2024  ജൂൺ 5, ബുധൻ

ഇന്ന്;

* ഗോൾവർക്കർ ചരമദിനം!

• ലോക പരിസ്ഥിതി ദിനം !
• 

[ World Environment Day ;  പരിസ്ഥിതി മലിനീകരണം, വനനശീകരണം, കാലാവസ്ഥാ വ്യതിയാനം, മഞ്ഞുമലകൾ ഉരുകൽ,  മറ്റ് ഭീഷണികൾ എന്നിവയ്‌ക്കെതിരായ പോരാട്ടത്തിൽ, അവ എങ്ങനെ തടയാൻ സഹായിക്കാമെന്ന് മനസിലാക്കുവാനും അനന്തരഫലങ്ങളെക്കുറിച്ച് ആളുകളെ ബോധവൽക്കരിക്കാൻ സഹായിക്കുന്നതിനും ഐക്യരാഷ്ട്രസഭ ലോക പരിസ്ഥിതി ദിനം സൃഷ്ടിച്ചു.]

* ആഗോള ഓട്ട ദിനം ! 

[ Global Running Day ;  നിങ്ങളുടെ നടപ്പാത, അതിരാവിലെ കാലിനടിയിലെ വായുവിൻ്റെ സ്‌നാപ്പ്, നിങ്ങൾ ഒരു സമയം നീണ്ടു നിൽക്കുന്ന ഒരു ചുവടുവെയ്‌പ്പ്,  ഓടുമ്പോൾ അടിക്കുന്ന താളം, കഴുത്തിലൂടെ വിയർപ്പ് ഒഴുകുന്നു, ചർമ്മത്തിൽ സൂര്യൻ മുത്തമിടുന്നു, നിങ്ങളുടെ ഹൃദയം ഓടുന്ന കാലുകൾ ഉപയോഗിച്ച് കൃത്യസമയത്ത് വേഗതയേറിയതും എന്നാൽ സ്ഥിരതയുള്ളതുമായ ഒരു സ്റ്റാക്കറ്റോയെ സ്പന്ദിക്കുന്നതിനാൽ നിങ്ങളുടെ ശ്വാസകോശം സന്തോഷകരമായ ഉയർച്ചയിൽ കത്തുന്നു. ഇതാണ് ഓട്ടത്തിൻ്റെ ആനന്ദം, ലോകമെമ്പാടുമുള്ള ദശലക്ഷക്കണക്കിന് ആളുകൾ എല്ലാ വർഷവും തുറന്ന റോഡിൽ വിനോദ ഓട്ടത്തിൻ്റെ സന്തോഷവും ആവേശവും വേദനയും അനുഭവിക്കുന്നു.

ഗ്ലോബൽ റണ്ണിംഗ് ഡേ ഈ നിർഭയരായ ആത്മാക്കളെയും ആരോഗ്യത്തിനും വ്യായാമത്തിനുമുള്ള അവരുടെ സമർപ്പണത്തെയും ആഘോഷിക്കുന്നു, ]

* എച്ച്ഐവി  അതിജീവിതരുടെ ദിനം ! 

[ HIV Long-Term Survivors Day ; ഇപ്പോൾ, ശരിയായ ചികിത്സയിലൂടെ, എച്ച്ഐവി പോസിറ്റീവ് ആളുകൾക്ക് ദീർഘവും സാധാരണവുമായ ജീവിതം നയിക്കാൻ കഴിയും. ധൈര്യം, പ്രത്യാശ, അതിജീവനത്തിൻ്റെ അവിശ്വസനീയമായ യാത്ര എന്നിവ ഉയർത്തിക്കാട്ടുന്ന ആ പ്രത്യേക ദിവസം, ജൂൺ 5 ന് ആഘോഷിക്കാം ]

* ഹോട്ട് എയർ ബലൂൺ ദിനം! 

[ Hot Air Balloon Day ;  1783-ൽ മനുഷ്യനെ കയറ്റിയ ആദ്യത്തെ പറക്കലിന് ശേഷം, മനുഷ്യനെ വഹിക്കാൻ ഉപയോഗിക്കുന്ന ഏറ്റവും പഴക്കമുള്ള ഫ്ലൈറ്റ് സാങ്കേതികവിദ്യയാണ് ഹോട്ട് എയർ ബലൂൺ. ബലൂണിൽ തന്നെ ഒരു കവർ അടങ്ങിയിരിക്കുന്നു, അതിൽ ചൂടുള്ള വായു ഉൾക്കൊള്ളാൻ ഉപയോഗിക്കുന്ന ഒരു കവറും യാത്രക്കാരും ഒരു മാർഗവും ഉള്ള ഒരു ഗൊണ്ടോളയും ഉൾപ്പെടുന്നു.  ചൂടുള്ള വായു സൃഷ്ടിക്കുന്നത് സാധാരണയാണ്. കവറിനുള്ളിലെ ചൂടായ വായുവിന് പുറത്തെ തണുത്ത വായുവിനേക്കാൾ സാന്ദ്രത കുറവാണ്, ഇത് ബലൂൺ ഉയരാൻ കാരണമാകുന്നു.     "80 ദിവസത്തിനുള്ളിൽ ലോകമെമ്പാടും" കാണുക എന്നതിനെക്കുറിച്ച് ചിന്തിക്കാം. ഈ ദിനം ഹോട്ട് എയർ ബലൂണുകൾ ചെലുത്തിയ സ്വാധീനത്തെ അടയാളപ്പെടുത്തുന്ന വാർഷിക ആഘോഷമാണ്.]

*  തയ്യൽക്കാരുടെ ദേശീയ ദിനം! 

[ National Tailors Day ; നന്നായി തയ്ച്ച വസ്ത്രങ്ങളിൽ എല്ലാവരും നല്ലതായി കാണപ്പെടുന്നു.  അതിനാൽ നിങ്ങളുടെ ഏറ്റവും മികച്ച സ്യൂട്ട്, ഷർട്ട്, വസ്ത്രങ്ങൾ ധരിക്കുക. ദേശീയ തയ്യൽക്കാരുടെ ദിനം അവരോട് "നന്ദി" പറയാനുള്ള ഏറ്റവും അനുയോജ്യമായ അവസരം മാത്രമാണ്.]

USA ; 

* ദേശീയ മൂൺഷൈൻ ദിനം! 

[ National Moonshine Day ; - ഒരിക്കൽ മദ്യനിരോധനകാലത്ത് നിയമത്തിൽ നിന്ന് രക്ഷപ്പെടാൻ അമേരിക്കയിൽ രഹസ്യമായി വാറ്റിയെടുത്ത ആത്മാവ്.  മൂൺഷൈൻ മദ്യം നിർമ്മിക്കുന്നതിന് പിന്നിലെ കരകൗശലവും സർഗ്ഗാത്മകതയും ഓർമ്മിക്കാനും ആഘോഷിക്കാനും ദേശീയ മൂൺഷൈൻ ദിനം ]

• റാൻഡം ആക്‌ട്‌സ് ഓഫ് കാർഡ്‌നെസ് ദിനം!
• 

[ Random Acts of Cardness Day ; ആളുകളെ സന്തോഷിപ്പിക്കാൻ, അപ്രതീക്ഷിതമായി ഒരു സമയം ഒരു കാർഡ്, ഗ്രീറ്റിംഗ് കാർഡുകൾ അയയ്‌ക്കുന്നതിലൂടെ സ്‌നേഹവും ആഹ്ലാദവും പങ്കിട്ട് ലോകത്തെ അൽപ്പം ശോഭയുള്ളതും മികച്ചതുമായ സ്ഥലമാക്കി മാറ്റുന്നതിൽ ശ്രദ്ധ കേന്ദ്രീകരിക്കുക.  കാർഡ്‌നസ് ഡേയുടെ ക്രമരഹിതമായ പ്രവൃത്തികളിൽ പങ്കെടുത്ത് ആസ്വദിച്ചുകൊണ്ട് കുറച്ച് സന്തോഷം പകരൂ]

*ദേശീയ ജിഞ്ചർബ്രെഡ് ദിനം !

[National Gingerbread Day
 രാജ്യത്തുടനീളമുള്ള ദശലക്ഷക്കണക്കിന് ആളുകൾ ആസ്വദിക്കുന്ന മധുര പലഹാരത്തെ അംഗീകരിക്കുന്നു.]

* National Sausage Roll Day

*ന്യൂസിലാൻഡ്: ആർബർ ഡേ !
  (വൃക്ഷാരോപണ ദിനം)
* ഡെൻമാർക്ക്: ഭരണഘടന ദിനം!
* സുരിനാം: Indian Arrival Day !
* സീഷെൽസ്: വിമോചന ദിനം !
* ഇക്വേറ്ററൽ ഗിനി: പ്രസിഡൻറ്സ്  ഡേ !

          ഇന്നത്തെ മൊഴിമുത്ത്
         **********
''വേലചെയ്യുന്നതഖിലം
കാലത്തിന്നൊത്തിരിക്കണം.
പാലേറ്റം രക്ഷയെന്നാലും
കാലം നോക്കിക്കുടിക്കണം.
പലർക്കുമുള്ള പക്ഷങ്ങൾ
പലതും കേട്ടുകൊള്ളണം.
കുലധർമ്മം മറക്കാതെ
വിലയുള്ളതെടുക്കണം.''

.    [ - ആറ്റൂർ കൃഷ്ണപ്പിഷാരടി ]
     .[നീതിസാരത്തിൽ നിന്ന്]
.                   ****** 

1998 മുതൽ തുടർച്ചയായി അഞ്ച് തവണ ഉത്തർപ്രദേശിലെ ഗോരഖ്പൂർ നിയോജക മണ്ഡലത്തിൽ നിന്നുള്ള പാർലമെൻ്റ് അംഗവും ഉത്തർപ്രദേശിൻ്റെ 22-ാമത്തേതും നിലവിലെ മുഖ്യമന്ത്രിയുമായി സേവനമനുഷ്ഠിക്കുന്ന ഭാരതീയ ജനതാ പാർട്ടി നേതാവ് യോഗി ആദിത്യനാഥ് ന്റേയും (1972),

കഥയ്ക്കും നോവലിനുമുള്ള കേരള സാഹിത്യ അക്കാദമി അവാർഡ്  മുട്ടത്തുവർക്കി അവാർഡ് , മലയാറ്റൂർ അവാർഡ് , വിശ്വദീപം അവാർഡ് , പത്മരാജൻ അവാർഡ്  മാതൃഭൂമി പുരസ്കാരം തുടങ്ങി നിരവധി അംഗീകാരങ്ങൾ നേടിയിട്ടുള്ള, രണ്ട് ബാല സാഹിത്യ കൃതികളുൾപ്പെടെ നാൽപ്പതോളം കൃതികളുടെ രചയിതാവും നാഷണൽ ബുക്ക് ട്രസ്റ്റിന്റെ മുൻ ചെയർമാനുമായിരുന്ന മലയാളത്തിന്റെ പ്രശസ്ത സാഹിത്യകാരൻ സേതു എന്ന എ. സേതുമാധവന്റേയും (1942),

മേലുദ്യോഗസ്ഥർ അനുവാദം നിഷേധിച്ചിട്ടും ഡ്രൈവിംഗ് ലൈസൻസ് നേടി, കാർ വാങ്ങി, കവിതാ പുസ്തകം പ്രസിദ്ധീകരിച്ചു, പുസ്തകത്തിന് പ്രതിഫലം വാങ്ങി, രാത്രി വൈകി മഠത്തിൽ എത്തി, വാർത്താ ചാനലിന്റെ ചർച്ചയിൽ പങ്കെടുത്തു, ഒരു വനിതാ മാധ്യമ പ്രവർത്തകയെ മഠത്തിൽ തന്നോടൊപ്പം താമസിക്കാൻ അനുവദിച്ചു, കന്യാസ്ത്രീയുടെ ശീലം ധരിക്കാതെ പൊതുവേദികളിൽ പ്രത്യക്ഷപ്പെട്ടു തുടങ്ങി 'മത ജീവിത തത്വങ്ങൾക്കും സഭയുടെ നിയമങ്ങൾക്കും' എതിരായ ജീവിതമാണ് നയിക്കുന്നതെന്ന സഭയുടെ കുറ്റാരോപണം നേരിടുന്ന ആക്റ്റിവിസ്റ്റ്‌ കൂടിയായ  വയനാട് മാനന്തവാടിയിലുള്ള ഫ്രാൻസിസ്കൻ ക്ലാരിസ്റ്റ് കോൺഗ്രിഗേഷനിൽ ഉൾപ്പെട്ടിരുന്ന മുൻ കന്യാസ്ത്രീ സിസ്റ്റർ ലൂസി കളപ്പുരയ്ക്കലിന്റേയും (1965),

മലയാളം, തമിഴ്, ഹിന്ദി, ബംഗാളി, ഭോജ്പുരിഎന്നീ ഭാഷകളിൽ നൂറിൽ കൂടുതൽ ചിത്രങ്ങളിൽ അഭിനയിച്ച അമൃത എന്നും പിന്നീട് രംഭ എന്ന പേരിലും അഭിനയിക്കുന്ന വിജയ ലക്ഷ്മിയുടെയും (1974),

ഓമനതിങ്കള്‍ കിടാവോ, പ്രിയം, ഷാര്‍ജ ടു ഷാര്‍ജ, വാര്‍ അന്‍ഡ് ലവ്, സ്വപ്‌നക്കൂട്,  കസ്തൂരിമാന്‍, സൂര്യ കിരീടം, ധരണി, സിങ്കം 3 തുടങ്ങി നിരവധി ചിത്രങ്ങളില്‍ അഭിനയിച്ചിട്ടുള്ള ഒരു വീഡിയോ ജോക്കിയും  മുന്‍ മിസ്സ്  ട്രിവാന്‍ഡ്രവുമായിരുന്ന തെന്നിന്ത്യന്‍ സിനിമാ, സീരിയല്‍ താരം സാന്ദ്ര ആമിയുടേയും (1985), 

 2010ല്‍ പുറത്തിറങ്ങിയ മലര്‍വാടി ആര്‍ട്‌സ് ക്ലബ് എന്ന ചിത്രത്തിലൂടെ വെള്ളിത്തിരയിലെത്തുകയും തുടര്‍ന്ന് ഇന്നാണ് ആ കല്യാണം, മകരമഞ്ഞ്  തുടങ്ങിയ ചിത്രങ്ങളില്‍ പ്രധാന കഥാപാത്രങ്ങളെ അവതരിപ്പിക്കുകയും മലയാളത്തിനു പുറമെ തമിഴ്, കന്നഡ, തെലുങ്ക് എന്നീ ഭാഷകളിലും അഭിനയിക്കുകയും ചെയ്യുന്ന പ്രശസ്ത ചലച്ചിത്ര-ടെലിവിഷന്‍ താരം
മാളവിക വെയില്‍സിന്റേയും (1985),

ഇന്ത്യൻ ടെന്നീസ് പരിശീലകനും മുൻ ടെന്നീസ് താരവുമായ രമേഷ് കൃഷ്ണൻ്റെയും(1961),

ഇന്ത്യക്കു വേണ്ടി ക്രിക്കറ്റ് കളിക്കുന്ന വലംകൈയ്യൻ ബാറ്റ്സ്മാനായ അജിൻക്യ രഹാനെയുടെയും (1988) ജന്മദിനം !

ഇന്നത്തെ സ്മരണ !!!
*********
ആറ്റൂർ കൃഷ്ണപ്പിഷാരടി മ. (1876-1964)
എ.വി.ശ്രീകണ്ഠപൊതുവാൾ മ. (1910-1999)
എം. സി. ജേക്കബ് മ. (1933-2011)
ലോനപ്പൻ നമ്പാടൻ മ. (1935-2013)
പന്മന രാമചന്ദ്രൻ നായർ മ. (1931-2018)
എം. ബാലൻ പണ്ഡിറ്റ് മ. (1926-2013)

മാസ്റ്റർ മദൻ മ. (1927 - 1942)
കൃഷ്ണ ചൈതന്യ മ. (1918-1994)
മാധവ സദാശിവ ഗോൾവൾക്കർ മ. 1906-1973)
കുബേർനാഥ് റായ് മ. (1933-1996)
വില്യം സിഡ്നി പോർട്ടർ മ. (1862- 1910)
ഒ. ഹെൻ‌റി മ. (1862-1910),
കെയ്ൻസ് മ. (1883-1946)
പോൾ കെറസ് മ. (1916-1975),
റൊണാൾഡ് റീഗൻ മ. (1911-2004)
ബോണിഫസ് മ.(754)

ചേലങ്ങാട്ട് ഗോപാലകൃഷ്ണൻ ജ. (1932-2010)
അന്നമനട പരമേശ്വര മാരാർ ജ. (1952-2019)
നാരായൺ മൽഹാർ ജോഷി ജ (1879-1955)
എം. മുഹമ്മദ് ഇസ്മായിൽ ജ. (1896-1972)
ആഡം സ്മിത്ത് ജ. (1723-1790)
ലോർക ജ. (1898-1936)
*************
കേരളശാകുന്തളം എന്നപേരിലുള്ള ശാകുന്തളവിവർത്തനവും സംഗീതചന്ദ്രിക എന്ന സംഗീതശാസ്ത്രഗ്രന്ഥവും രചിച്ച ഗവേഷകൻ, പ്രസാധകൻ, മലയാള-സംസ്കൃത പണ്ഡിതൻ, കവി, വിവർത്തകൻ, സംഗീതജ്ഞൻ, എന്നിങ്ങനെ വിവിധനിലകളിൽ പ്രശസ്തനായ ആറ്റൂർ കൃഷ്ണപ്പിഷാരടിയെയും (1876 ഒക്ടോബർ 4- 1964 ജൂൺ 5),

കവിയും നാടകകൃത്തും, സ്വാതന്ത്ര്യസമര സേനാനിയും ഭൂദാനപ്രസ്ഥാനം, സര്‍വോദയസംഘം, ഖാദി, മദ്യനിരോധന പ്രസ്ഥാനം എന്നിവയുടെ നായകനായിരുന്ന എ.വി. ശ്രീകണ്ഠപൊതുവാളിനെയും (1910 ആഗസ്റ്റ് 14-ജൂൺ 5, 1999),

ആലുവായ്ക്കു സമീപമുള്ള കിഴക്കമ്പലത്തെ അന്നാ-കിറ്റക്‌സ് ഗ്രൂപ്പ് കമ്പനികളുടെ ഉടമയും,വ്യവസായ രംഗത്തെ സമഗ്ര സംഭാവനകൾക്ക് കേരളാ സംസ്ഥാന സർക്കാർ സമ്മാനിക്കുന്ന പ്രഥമ പുരസ്കാരം കരസ്ഥമാക്കുകയും ചെയ്ത  എം. സി. ജേക്കബിനെയും (ഏപ്രിൽ 22, 1933 - ജൂൺ 5, 2011),

1965 മുതൽ ആറുതവണ നിയമസഭാംഗമായി തെരഞ്ഞെടുക്കപ്പെടുകയും  സംസ്ഥാനമന്ത്രിയും പിന്നീട് പാർലമെന്റംഗമായും, കർഷകനും, നാടകനടനും ആയി തിളങ്ങിയ രാഷ്ട്രീയ പ്രവർത്തകനും അധ്യാപകനുമായിരുന്ന ലോനപ്പൻ നമ്പാടനെയും (13 നവംബർ 1935 - 5 ജൂൺ 2013),

ഭാഷാ സംബന്ധിയായും സാഹിത്യ സംബന്ധിയായുമുള്ള നിരവധി പുസ്തകങ്ങൾ എഴുതിയിട്ടുള്ള ഭാഷാപണ്ഡിതനും എഴുത്തുകാരനുമായ പന്മന രാമചന്ദ്രൻ നായരെയും (1931- ജൂൺ 5, 2018),

സ്വാതന്ത്ര്യത്തിനു മുമ്പുള്ള ഇന്ത്യയിൽ നിന്നുള്ള പ്രതിഭാധനനായ ഗസൽ ഗാനഗായകനും. 1930 കളിൽ കൗമാരപ്രായത്തിൽ പ്രശസ്തിയിലേക്ക് ഉയർന്ന ഒരു കലാകാരനായിരുന്ന 
മാസ്റ്റർ മദൻനേയും (28 ഡിസംബർ 1927 - 5 ജൂൺ 1942),

കേരളീയനായ പ്രമുഖ ക്രിക്കറ്റ് താരമായിരുന്ന  1951ൽ കേരളം ആദ്യമായി രഞ്ജി ട്രോഫി കളിച്ചപ്പോൾ (അന്നത്തെ തിരുകൊച്ചി ടീം) കേരളത്തിന്റെ മുഖ്യ ബാറ്റ്സ്മാനും വിക്കറ്റ് കീപ്പറുമായിരുന്ന എം. ബാലൻ പണ്ഡിറ്റ്നേയും (ജനനം :16 ജൂൺ 1926 - 5 ജൂൺ 2013).

കലാ സംഗീത നിരൂപകനും സാഹിത്യ ചരിത്രകാരനും ചിന്തകനുമായിരുന്ന കൃഷ്ണ ചൈതന്യ എന്ന തൂലികാ നാമത്തിലെഴുതിയിരുന്ന കെ. കൃഷ്ണൻ നായരേയും (24 നവംബർ 1918 - 05 ജൂൺ 1994),

ഇന്ത്യൻ രാഷ്ട്രീയത്തെയും മതത്തെയും കുറിച്ചുള്ള ബൗദ്ധിക വ്യാഖ്യാനത്തിന് പേരുകേട്ട രാഷ്ട്രീയ സ്വയംസേവക് സംഘിൻ്റെ (RSS) രണ്ടാമത്തെ തലവനും രാഷ്ട്രീയ സ്വയംസേവക സംഘത്തിലെ ഏറ്റവും സ്വാധീനമുള്ള വ്യക്തികളിൽ ഒരാളായി പരിഗണിക്കപ്പെടുകയും ചെയ്യുന്ന ഗോൾവാൾക്കർ എന്ന മാധവറാവു  സദാശിവറാവു ഗോൾവാൾക്കറേയും  (19 ഫെബ്രുവരി 1906 - 5 ജൂൺ 1973), 

ഗന്ധ മദൻ, പ്രീയ നീലകാന്തി, രാസ് ആഖേതക്, വിഷാദ് യോഗ്, നിഷാദ് ബാസുരി, പർണ്ണ മുകുട് മുതലായ കൃതികൾ രചിച്ച ഹിന്ദി ലേഖകനും, സംസ്കൃത പണ്ഡിതനും, മൂർത്തി ദേവി പുരസ്കാരം ലഭിക്കുകയും ചെയ്ത കുബേർനാഥ് റായ് യെയും (March 26, 1933 – June 5, 1996)

നർമ്മത്തിനും വാക്ചാതുരിക്കും കഥാപാത്ര ചിത്രീകരണത്തിനും സമർത്ഥമായി ഉപയോഗിച്ചിരിക്കുന്ന പ്രതീക്ഷിക്കാത്ത അന്ത്യങ്ങൾക്കും പ്രശസ്തമായ ദി ഗിഫ്റ്റ് ഓഫ് ദി മാഗി (The Gift of the Magi), ദി ലാസ്റ്റ് ലീഫ് (The Last Leaf), എ റിട്രീവ്ഡ് ഇൻഫർമേഷൻ (A Retrieved Information),ദി കോപ് ആൻഡ് ദി ആൻതം (The Cop and the Anthem) ആഫ്റ്റർ റ്റ്വന്റി യേർസ് (After Twenty Years) അടക്കം 400 ഓളം ചെറുകഥകൾ  എഴുതിയ അമേരിക്കൻ സാഹിത്യകാരനായ  ഒ. ഹെൻ‌റി എന്ന തൂലികാനാമത്തിൽ എഴുതിയിരുന്ന വില്യം സിഡ്നി പോർട്ടറെയും (സെപ്റ്റംബർ 11, 1862- ജൂൺ 5, 1910),

സാമ്പത്തിക മേഖലയിൽ സർക്കാറുകളുടെ ഇടപെടൽ സിദ്ധാന്തത്തിനു (interventionist) വേണ്ടി വാദിക്കുകയും, സർക്കാർ ഇടപെടലിന്റെ മുഖ്യമേഖലയായ നികുതി നയത്തിലൂടെയും സാമ്പത്തിക നയത്തിലൂടെയും (fiscal and monetary) വാണിജ്യചക്രത്തിന്റെ ദൂശ്യഫലങ്ങളായ സാമ്പത്തിക പ്രതിസന്ധിയുടേയും മാന്ദ്യത്തിന്റെയും അളവിനെ കുറച്ചുകൊണ്ടുവരാൻ കഴിയുമെന്ന് വിലയിരുത്തുകയും, കെയ്നീഷ്യൻ സാമ്പത്തികശാസ്ത്രം (Keynesian economics) എന്നറിയപ്പെടുന്ന സാമ്പത്തിക പഠനസരണിയുടെ(school of thought) അടിസ്ഥാനം ഇടുകയും, ആധുനിക സ്ഥൂലസാമ്പത്തിക ശാസ്ത്രത്തിന്റെ സിദ്ധാന്തത്തിലും പ്രയോഗത്തിലും നിർണ്ണായക സ്വധീനം ചെലുത്തിയ ഒരു ബ്രിട്ടീഷ് ധനശാസ്ത്രജ്ഞനായിരുന്ന ജോൺ മെയനാഡ് കെയ്ൻസ് എന്ന കെയ്ൻസിനെയും(5 ജൂൺ 1883 – 21 ഏപ്രിൽ 1946),

1930 മുതൽ 1960 വരെയുള്ള കാലഘട്ടത്തിലെ ശക്തരായ കളിക്കാരിൽ ഒരാളും ഒരിയ്ക്കൽ പോലും ലോകചാമ്പ്യൻ ആകാൻ കഴിഞ്ഞിട്ടില്ലെങ്കിലും 9 ലോക ചാമ്പ്യന്മാരെ പരാജയപ്പെടുത്താൻ കഴിയുകയും ചെയ്ത  ചെസ്സിലെ രാജകുമാരൻ എന്ന് വിശേഷിപ്പിക്കപ്പെടുന്ന സോവിയറ്റ് അധീന എസ്റ്റോണിയയിൽ ജനിച്ച ചെസ് ഗ്രാൻഡ് മാസ്റ്റർ ആയ പോൾ കെറസിനെയും ( ജനുവരി 7, 1916 –ജൂൺ 5, 1975),

കാലിഫോർണിയയുടെ ഗവർണറും അമേരിക്കൻ ഐക്യനാടുകളുടെ നാല്പതാമത് പ്രസിഡന്റ്റും ആയിരുന്ന  റൊണാൾഡ് വിൽസൺ റീഗൻ എന്ന റൊണാൾഡ് റീഗനെയും  (ഫെബ്രുവരി 6,1911- ജൂൺ 5 , 2004),

റോമൻ കത്തോലിക്ക സഭയിലെ ഒരു വിശുദ്ധനായ ബോണിഫസിനേയും .മ (ജൂൺ 5, 754 )

* പ്രധാന ജന്മദിനങ്ങൾ !!

ലോകസിനിമയുടെ ചരിത്രം, ചലച്ചിത്രനിർമ്മാണം കേരളത്തിൽ, സിനിമാ കണ്ടുപിടുത്തങ്ങളുടെ കഥ, സിനിമാക്കാരും പാട്ടുകാരും, ഓണത്തിന്റെ ചരിത്രം, മറക്കപ്പെട്ട വിപ്ലവകാരികൾ, ജെ.സി. ഡാനിയലിൻെറ ജീവിതകഥ തുടങ്ങിയ കൃതികൾ ഉൾപ്പെടെ ചലച്ചിത്രം, ചരിത്രം, ബാലസാഹിത്യം, നോവൽ, കഥകൾ, തൂലികാ ചിത്രങ്ങൾ, പുനരാഖ്യാനം എന്നീ വിഭാഗങ്ങളിലായി 77 പുസ്തകങ്ങളും രണ്ടായിരത്തിലേറെ ലേഖനങ്ങളും  എഴുതുകയും, തിരക്കഥാകൃത്ത്‌, പ്രൊഡക്‌ഷൻ മേൽനോട്ടക്കാരൻ എന്നീ നിലകളിൽ പ്രവർത്തിക്കുകയും, ഫിലിം അവാർഡ്‌ കമ്മറ്റി, ചലച്ചിത്രോപദേശക സമിതി, പൊതുമേഖലാഫിലിം സ്‌റ്റുഡിയോ ഉപദേശക കമ്മറ്റി തുടങ്ങിയവയിൽ അംഗവും ആയിരുന്ന  മലയാളസിനിമാ ചരിത്രകാരനും ചലച്ചിത്രനിരൂപകനും പത്ര പ്രവർത്തകനും ആയ  ചേലങ്ങാട്ട് ഗോപാലകൃഷ്ണനെയും (1932 ജൂൺ 5 - 2010 ജൂൺ 4),

പഞ്ചവാദ്യരംഗത്ത് തിമിലവിദഗ്ദ്ധരിൽ പ്രഥമഗണനീയനായ കലാകാരനായ കേരള സംഗീത നാടക അക്കാദമിയുടേതടക്കം നിരവധി പുരസ്കാരങ്ങൾ ലഭിച്ചിട്ടുള്ള
അന്നമനട പരമേശ്വര മാരാർറേയും 
 (ജൂൺ 5,1952-2019). 

ഇന്ത്യയിലെ 'ട്രേഡ് യൂണിയൻ പ്രസ്ഥാനത്തിൻ്റെ' പിതാവ്,1920-ൽ 'ഓൾ ഇന്ത്യ ട്രേഡ് യൂണിയൻ കോൺഗ്രസ്' മാറ്റി, 1929 വരെ അതിൻ്റെ സെക്രട്ടറിയായിരുന്ന നാരായൺ മൽഹാർ ജോഷിയേയും (5 ജൂൺ 1879 - 30 മെയ് 1955),

ഒരു ഇന്ത്യൻ രാഷ്ട്രീയക്കാരനും സാമൂഹിക പ്രവർത്തകനും ബ്രിട്ടീഷ് ഇന്ത്യയുടെ വിഭജനത്തിനു ശേഷം ഇന്ത്യൻ യൂണിയൻ മുസ്ലീം ലീഗിൻ്റെ സ്ഥാപകനുമായ എം. മുഹമ്മദ് ഇസ്മായിൽനേയും (5 ജൂൺ 1896—5 ഏപ്രിൽ 1972),

സാമ്പത്തികശാസ്ത്രത്തിലെ ആദ്യത്തെ ആധുനികകൃതിയായി കണക്കാക്കപ്പെടുന്ന വെൽത്ത് ഓഫ് നാഷൻസ് എന്ന ചുരുക്കപ്പേരില റിയപ്പെടുന്ന ആൻ ഇൻക്വയറി ഇന്റു ദി നേച്ചർ ആൻഡ് കോസസ് ഒഫ് ദി വെൽത്ത് ഓഫ് നാഷൻസ് രചിച്ച ആധുനിക സാമ്പത്തികശാസ്ത്രത്തിന്റെ പിതാവായറിയപ്പെടുന്ന സ്കോട്ടിഷ് തത്ത്വശാസ്ത്രജ്ഞൻ ആഡം സ്മിത്തിനെയും (5 ജൂൺ 1723- ജൂലൈ 17, 1790),

സ്പാനിഷ് കവിയും നാടകകൃത്തും നാടക സംവിധായകനുമാണ് ഫ്രെഡറികോ ഗാർഷ്യ ലോർകയെയും (5 ജൂൺ 1898 – 19 ആഗസ്റ്റ് 1936)
ഓർമ്മിക്കുന്നു.
 
ചരിത്രത്തിൽ ഇന്ന്…
*********

1249 - ആറാം കുരിശുയുദ്ധത്തിൽ കൂയി ഒൻപതാമൻ ഈജിപ്റ്റിൽ ചെന്നിറങ്ങി.

1305 - ക്ലെമന്റ് അഞ്ചാമൻമാർപ്പാപ്പയായി തെരഞ്ഞെടുക്കപ്പെട്ടു.

1883 ജൂൺ 5-ന് ആദ്യത്തെ 'എക്‌സ്‌പ്രസ് ഡി'ഓറിയൻ്റ്' പാരീസിൽ നിന്ന് വിയന്നയിലേക്ക് പുറപ്പെട്ടു.

1900 - രണ്ടാം ബോയർ യുദ്ധം: ബ്രിട്ടീഷ് സൈനികർ പ്രിട്ടോറിയ പിടിച്ചെടുത്തു.

1915 - സ്ത്രീകൾക്ക് വോട്ടവകാശം നൽകിക്കൊണ്ട് ഡെന്മാർക്ക് ഭരണഘടന ഭേദഗതി ചെയ്തു.

1968 - അമേരിക്കൻ പ്രസിഡണ്ട് സ്ഥാനാർത്ഥി റോബർട്ട് എഫ്. കെന്നെഡിയെ ലോസ് ഏഞ്ചൽസിലെ അമ്പാസഡർ ഹോട്ടലിൽ വച്ച് സിർഹാൻ സിർഹൻ എന്ന പാലസ്തീൻ‌കാരൻ വെടിവച്ചു. കെന്നഡി തൊട്ടടുത്ത ദിവസം മരണ മടഞ്ഞു.

1975 - അറുപതുദിവസയുദ്ധത്തിനു ശേഷം സൂയസ് കനാൽ ആദ്യമായി തുറന്നു.

1977 - ആദ്യ പ്രായോഗിക പെഴ്സണൽ കമ്പ്യൂട്ടർ ആയ ആപ്പിൾ രണ്ട്    വില്പ്പന യാരംഭിച്ചു.

1984 - സുവർണക്ഷേത്രത്തിലേക്ക്  സൈനികനടപടി ആരംഭിക്കുന്നതിന്‌ ഇന്ത്യയുടെ പ്രധാനമന്ത്രി ഇന്ദിരാഗാന്ധി ഉത്തരവിട്ടു.

2006 - സെർബിയ മോണ്ടിനെഗ്രോയിൽ  നിന്ന് സെർബിയ സ്വാതന്ത്ര്യം പ്രഖ്യാപിച്ചു

1985 - "പഞ്ചാബ് മോഡൽ പ്രസംഗം" എന്ന ആരോപണത്തെ തുടർന്ന് ആർ ബാലകൃഷ്ണപിള്ള മന്ത്രിസ്ഥാനം രാജിവച്ചു.

1997 - ബ്രഹ്മപുരം ഡീസൽ വൈദ്യുത നിലയം പ്രവർത്തനമാരംഭിച്ചു.

2006 - സെർബിയ മോണ്ടിനെഗ്രോയിൽ നിന്ന് സെർബിയ സ്വാതന്ത്ര്യം പ്രഖ്യാപിച്ചു.

2017 - ഇന്ത്യ തദ്ദേശീയമായി വികസിപ്പിച്ച ക്രയോജനിക് സാങ്കേതിക വിദ്യ ഉപയോഗിച്ചുള്ള ആദ്യ വിക്ഷേപണം ശ്രീഹരിക്കോട്ടയിൽ നടന്നു.

2017 - മോണ്ടെനെഗ്രോ നാറ്റോയുടെ 29-ാമത്തെ അംഗമായി.

2017 - ആറ് അറബ് രാജ്യങ്ങളായ ബഹ്‌റൈൻ, ഈജിപ്ത്, ലിബിയ, സൗദി അറേബ്യ, യെമൻ, യുണൈറ്റഡ് അറബ് എമിറേറ്റ്സ് എന്നിവ ഖത്തറുമായുള്ള നയതന്ത്ര ബന്ധം വിച്ഛേദിച്ചു.

2020 - ഏഷ്യൻ ഫുട്ബോൾ കോൺഫെഡറേഷൻ (എഎഫ്‌സി) 1979 ന് ശേഷം ആദ്യമായി എ‌എഫ്‌സി വിമൻസ് ഏഷ്യൻ കപ്പ് 2022 ന്റെ ഹോസ്റ്റിംഗ് അവകാശം ഇന്ത്യക്ക് നൽകി.

2020 - ഐക്യരാഷ്ട്ര സംഘടനയുടെ വികസനത്തിനും സമാധാനത്തിനുമായി ദരിദ്രരുടെ ഗുഡ്‌വിൽ അംബാസഡറായി മധുര സ്വദേശിനിയായ 13 വയസ്സുള്ള  നേത്രയെ നിയമിച്ചു.

' ടീം തത്ത്വമസി - ജ്യോതിർഗ്ഗമയ