ഇന്ന് മാര്‍ച്ച് 14; ലോക വൃക്ക ദിനം! റീനയുടെയും ജിലു ജോസഫിന്റെയും ജന്മദിനം: ജന്മഭൂമി ദിനപ്പത്രം ആരംഭിച്ചതും ഇന്ന്: ചരിത്രത്തില്‍ ഇന്ന്

         🌅ജ്യോതിർഗ്ഗമയ🌅
.                       
1199  മീനം 1
ഭരണി  / ശ്രീപഞ്ചമി
2024 മാർച്ച് 14, വ്യാഴം
ഇന്ന്;
 * ലോക വൃക്ക ദിനം!!!
[ലോകമെമ്പാടുമുള്ള 10 പേരിൽ ഒരാൾക്ക് ഒരു പരിധിവരെ വിട്ടുമാറാത്ത വൃക്കരോഗം ഉണ്ട്, ഇത് ഏത് പ്രായത്തിലും വികസിക്കാം. ജനിതകപരമായി, ദക്ഷിണേഷ്യൻ, (ഇന്ത്യ, പാകിസ്ഥാൻ, ബംഗ്ലാദേശ്, ശ്രീലങ്ക ) മേഖലകളിൽ നിന്നുള്ള ആളുകൾക്ക് വിട്ടുമാറാത്ത വൃക്കരോഗം പിടിപെടാനുള്ള സാധ്യത കൂടുതലാണ്, പ്രത്യേകിച്ച് പ്രമേഹവും രക്തസമ്മർദ്ദവും വർദ്ധിക്കുന്ന നിരക്ക്.]

*    പൈ ദിനം !
[പൈ: ഒരു വൃത്തത്തിന്റെ  ചുറ്റളവിൽ നിന്ന് വ്യാസത്തിലേക്കുള്ള    അനുപാതത്തെ  പ്രതിനിധീകരിക്കുന്ന സ്ഥായി സംഖ്യ 22/7 ]

*         ലോക ശാസ്ത്രജ്ഞരുടെ ദിനം !
(ആൽബർട്ട് ഐൻസ്റ്റൈന്റെ ജൻമദിനം)
  
*      അന്തഃരാഷ്ട്ര നദീ സംരക്ഷണ ദിനം !
 .                  (ഡാം വിരുദ്ധ ദിനം)

*ചോദ്യങ്ങൾക്കുള്ള അന്താരാഷ്ട്ര ദിനം !
[ International Ask a Question Day ; ജിജ്ഞാസ നൂതനത്വത്തെ ജ്വലിപ്പിക്കുന്നു, അറിവ് വർദ്ധിപ്പിക്കുന്നു, ബന്ധം വളർത്തുന്നു.  ചോദ്യങ്ങളിലൂടെ ഉത്തരങ്ങൾ തേടി  അറിവും സർഗ്ഗാത്മകതയും ജ്വലിപ്പിക്കുക.]

* ക്രൗഡ് ഫണ്ടിംഗ് ദിനം !
[ Crowdfunding Day ; പ്രത്യേക ആവശ്യങ്ങൾക്കും പ്രൊജക്ടുകൾക്കുമായി പണം സ്വരൂപിക്കുന്നതിനുള്ള ഫലപ്രദമായ മാർഗ്ഗം.  ആളുകളിൽ നിന്ന്  ചെറിയ തുകകൾ സംഭരിച്ച്  ഒരു വലിയ പ്രോജക്ടിന് ഫണ്ട് ചെയ്യുന്ന രീതി ]

* ഡ്രിബിൾ ടു വർക്ക് ഡേ ! 
[ Dribble to Work Day ; ഏതു പ്രവർത്തിക്കും തുടക്കമായി താളാത്മകമായ ബൗൺസ് 
 പ്രതിധ്വനിക്കുന്ന ദൃഢനിശ്ചയം, മുന്നിലുള്ള വെല്ലുവിളികളുടെ ദൈനംദിന ആമുഖം, ചെറുത്തുനിൽപ്പിന് ഒരു നിശബ്ദ സല്യൂട്ട്.  ബാസ്‌ക്കറ്റ്‌ബോൾ കളിക്ക് മുൻപായി കളിക്കാർ പന്ത് പതുക്കെപ്പതുക്കെ തട്ടി പരീക്ഷിക്കുകയും ഡ്രിബിൾ ചെയ്യുകയും ചെയ്യുന്നതുപോലെ. ]

* അന്താരാഷ്ട്ര ഗണിതശാസ്ത്ര ദിനം!
[ international mathematics Day ]
പ്രവർത്തിക്കും ഗണിതശാസ്ത്രത്തിൽ ശക്തമായ അടിത്തറ അനിവാര്യമാണ്.

* ചിലന്തി സംരക്ഷണ ദിനം !
 [ Save a Spider day - വംശ നാശം നേരിടുന്ന ചിലന്തികളെ സംരക്ഷിക്കുന്നതിനായി ആചരിക്കുന്നു. പ്രധാനമായും അമേരിക്കയിൽ]

*ലോക വൈറ്റ് ഡേ.! 
[World White Day ; സ്ത്രീകൾ തങ്ങൾ ഇഷ്ടപ്പെടുന്നവർക്ക് ചോക്ലേറ്റ് സമ്മാനങ്ങൾ നൽകുന്ന വാലൻ്റൈൻസ് ദിനം ആചരിക്കുന്ന രാജ്യങ്ങളിൽ, ആ സമ്മാനത്തിന്  അവർക്ക്  തിരികെ ലഭിക്കുന്ന ദിവസമാണ് വൈറ്റ് ഡേ.]

* ശാസ്ത്ര വിദ്യാഭ്യാസ  ദിനം !
[Science Education Day ; പ്രശ്‌നങ്ങൾ പരിഹരിക്കുന്നതിനും ചുറ്റുമുള്ള ലോകത്തെ മനസ്സിലാക്കുന്നതിനും നമ്മുടെ ഭാവിയെ രൂപപ്പെടുത്തുന്ന അറിവോടെയുള്ള തീരുമാനങ്ങൾ എടുക്കുന്നതിനുമുള്ള ഉപകരണങ്ങളുമായി ശാസ്ത്ര പഠനം നിങ്ങളെ സജ്ജരാക്കുന്നു.]

• നിശാശലഭങ്ങൾക്കായി ഒരു ദിനം !
  [ Today’s Moth-er Day ;  ഇന്നത്തെ മാതൃദിനം, ലോകമെമ്പാടുമുള്ള നിശാശലഭങ്ങളുടെ കണ്ടെത്തലിനും അവയുടെ ആകർഷകമായ സ്വഭാവത്തിനുമായി സമർപ്പിച്ചിരിക്കുന്നു.  രസകരവും കൗതുകകരവുമായ   നിശാശലഭങ്ങളുടെ ലോകത്തേക്ക് നോക്കാം.]
• 

* National Days in USA; 
ചിത്രശലഭങ്ങളെ കുറിച്ച് ദേശീയ പഠന ദിനം!
[Learn About Butterflies Day ; 
അതിജീവനത്തിനായി പൂക്കളെയും മറ്റ് പ്രകൃതിദത്ത ഉറവിടങ്ങളെയും ആശ്രയിക്കുന്ന ചിത്രശലഭങ്ങൾക്ക് അതിജീവിക്കാൻ നമ്മുടെ സഹായം ആവശ്യമാണ്. കൂടുതൽ പൂക്കൾ നട്ടുപിടിപ്പിച്ച് നമുക്ക് അവരെ സഹായിക്കാം.]

* ദേശീയ കുട്ടികളുടെ കരകൗശല ദിനം !
[Children’s Craft Day ; വലിയ ദേശീയ കരകൗശല മാസത്തിൻ്റെ ഭാഗമായ ഈ അവധി, കരകൗശലത്തിൻ്റെ ഊർജ്ജസ്വലമായ ലോകത്തേക്ക് കുട്ടികളെ പരിചയപ്പെടുത്തുന്നതിനും അതിൽ കൈകോർക്കാൻ അവരെ പ്രോത്സാഹിപ്പിക്കുന്നതിനുമായി രൂപകൽപ്പന ചെയ്‌തതാണ്. ]

* ഉരുളക്കിഴങ്ങ് ചിപ്‌സ് ദിനം !
[Potato Chip Day;  ഇംഗ്ലീഷ് സംസാരിക്കുന്ന രാജ്യങ്ങളിൽ, പ്രത്യേകിച്ച് അമേരിക്കയിൽ, ലഘുഭക്ഷണ വിപണിയുടെ ഒരു പ്രധാന ഭാഗമാണ് ഉരുളക്കിഴങ്ങ് ചിപ്‌സ്]

* ദേശീയ റൈറ്റ് യുവർ സ്റ്റോറി ദിനം!
[Write Down Your Story Day;  ഈ ദിവസം വ്യക്തികളെ അവരുടെ സ്വകാര്യ യാത്രകളെ കുറിച്ച് ചിന്തിക്കാനും അവരുടെ അതുല്യമായ അനുഭവങ്ങളും കാഴ്ചപ്പാടുകളും എഴുതാനും പ്രോത്സാഹിപ്പിക്കുന്നു. എഴുത്തിലൂടെ ആത്മപ്രകാശനം പ്രോത്സാഹിപ്പിക്കുക എന്ന ലക്ഷ്യത്തോടെ 2009-ൽ നാഷണൽ റൈറ്റിംഗ് പ്രോജക്ടാണ് ഇത് ആദ്യമായി സ്ഥാപിച്ചത് ]

* Legal Assistance Day! 
* Professional Speakers Celebration Day! 
* Popcorn Lover’s Day!

* സിഖ് മതം: നാനക് ശാഹി ദിനം!
  [ചേട്ട് മാസത്തിലെ ഒന്നാം തീയതി ]
* അൻഡോറ: ഭരണഘടന ദിനം
* എസ്റ്റോണിയ: മാതൃഭാഷ ദിനം
* അൽബേനിയ : വസന്ത ദിനം
*ജപ്പാൻ / കൊറിയ: വൈറ്റ് ഡേ !

• ഇന്ത്യയിലെ സംസാരിക്കുന്ന ആദ്യ ചലച്ചിത്രമായ ആലം ആരയ്ക്ക് 93 വയസ്സ് (1931)*
  ***********
      ഇന്നത്തെ മൊഴിമുത്ത്
  "നെയ്തുകാരൻ തുണിനെയ്യുന്നതു പോലെയാണു എട്ടുകാലി വലകെട്ടുന്നതു്‌. ശില്പി ശില്പമുണ്ടാക്കുന്നതു പോലെയാണു്‌ തേനീച്ച കൂടുകൂട്ടുന്നതു്‌. പക്ഷേ ഏറ്റവും മോശക്കാരനായ ശില്പിയേയും ഏറ്റവും വിദഗ്ദ്ധനായ തേനീച്ചയേയും വേർതിരിക്കുന്നതു്‌, ശില്പി യഥാർത്ഥത്തിൽ ശില്പമുണ്ടാക്കുന്നതിനു മുമ്പുതന്നെ ഭാവനയിൽ അതു കാണുന്നു എന്നതാണു്‌."
            [ - കാൾ മാർക്സ് ]
     ************
  തെന്നിന്ത്യൻ സിനിമാരംഗത്ത് 90 ഓളം ചിത്രങ്ങളിൽ അഭിനയിച്ച നടിയും നിർമ്മാതാവും സംവിധായകയുമായ റീനയുടെയും (1958),
• 

ഔദ്യോഗിക രംഗത്ത് നല്ലൊരു പ്രൊഫഷണലും ഇപ്പോൾ പ്രധാനമായും ടെലിവിഷൻ വ്യവസായത്തിൽ  പ്രവർത്തിക്കുന്ന നടിയും കലാരംഗത്തെ സംഭാവനകൾക്ക് 2022-ൽ ഡോ. സുകുമാർ അഴീക്കോട് പുരസ്കാരം നേടുകയും ചെയ്ത മെർലിൻ റീനയുടേയും, 

ചലച്ചിത്രനടി, എഴുത്തുകാരി, കവയിത്രി, ഗാനരചയിതാവ്, കോളമിസ്റ്റ്, എയർ ഹോസ്റ്റസ് എന്നീ നിലകളിൽ പ്രവർത്തിക്കുന്ന ജിലു ജോസഫിന്റെയും   (1990),

മലയാളചലച്ചിത്ര അഭിനേതാവും കേരളത്തിലെ അറിയപ്പെടുന്ന ഒരു മിമിക്രി കലാകാരനുമായ ടിനി ടോം എന്ന
ടിനി ടോം ദേവസിയുടേയും (1972),

അനേകം ചലച്ചിത്ര ഗാനങ്ങളും, ഭക്തി ഗാനങ്ങളും മാപ്പിള പാട്ടുകളും പാടിയ പിന്നണി ഗായകൻ അഫ്സലിന്റെയും (1973),

മണിപ്പൂർ സംസ്ഥാനത്ത് നിലവിലുള്ള, പട്ടാളത്തിന്റെ പ്രത്യേക അധികാര നിയമം (ആംഡ് ഫോഴ്സസ് സ്പെഷ്യൽ പവേഴ്സ്- ആക്ട് 1958) പൂർണ്ണമായും പിൻവലിക്കണമെന്ന് ആവശ്യപ്പെട്ട് 16 വർഷങ്ങളോളം  നിരാഹാര സമരം നടത്തിയിരുന്ന മണിപ്പൂരിലെ ഒരു കവയിത്രിയും, പത്രപ്രവർത്തകയും, സന്നദ്ധപ്രവർത്തകയുമായ  ഇറോം ചാനു ശർമ്മിളയുടെയും (1972),

സർഫറോഷ്, ലഗാൻ, താരെ ജമീൻ പർ, ത്രി ഇഡിയറ്റ്സ് തുടങ്ങിയ  പ്രേക്ഷകശ്രദ്ധ നേടിയ അനേകം ചിത്രങ്ങളിലൂടെ   ഹിന്ദി ചലച്ചിത്ര രംഗത്തെ ഒന്നാംകിട നടനും സംവിധായകനും നിർമ്മിതാവും ആയ ആമിർ ഖാൻ എന്ന അമീർ ഹുസൈൻ ഖാന്റെയും (1965) ജന്മദിനം !               

ഇന്നത്തെ സ്മരണ !
*********
പരവൂർ ജി. ദേവരാജൻ മ. (1927-2006)
പി. ജെ. ആന്റണി  മ. (1925-1979)
 കെ.സി. എബ്രഹാം മ. ‌(1899-1986)
വിന്ദാ കരന്ദികർ മ. (1918-2010 )
കാൾ മാർക്സ്  മ. (1818-1883)
ജോർജ്ജ് ഈസ്റ്റ്മാൻ മ. (1854-1932)
സ്റ്റീഫൻ ഹോക്കിങ് മ. (1942-2018)
എഡ്വേർഡ് അബേ മ. (1927-1989)
ഫ്രെഡറിക് ജാക്സൺ ടേണർ മ. (1861-1932)

ആയില്യം തിരുനാൾ രാമവർമ്മ മഹാരാജാവ്. ജ.(1832-1880)
എസ്.കെ. പൊറ്റെക്കാട്ട് ജ. (1913-1982)
കെ വി മഹാദേവൻ ജ. (1918-2001)
സിയ മൊഹിയുദ്ദീൻ ഡാഗർ ജ.(1929-1990)
ആൽബർട്ട് ഐൻസ്റ്റൈൻ ജ.( 1879-1955)
 ഡബ്ല്യു.എച്ച്. ഡിക്രൂസ് ജ. (1902-1970)
മാഗ്ഡേബർഗിൽ ജ. (1681-1767)

ചരിത്രത്തിൽ ഇന്ന് …

********
1489 - സൈപ്രസ് രാജ്ഞി കാതറിൻ കൊർണാറോ അവരുടെ രാജ്യം വെനീസിന് വിറ്റു.

1794 - പരുത്തി റാട്ട് യന്ത്രത്തിന്റെ പേറ്റന്റ് ഏലി വിറ്റ്നി സ്വന്തമാക്കി.

1887 - ചരിത്രത്തിലെ ആദ്യത്തെ ടെസ്റ്റ് ക്രിക്കറ്റ് മത്സരം മെൽബണിൽ നടന്നു. ഇംഗ്ലണ്ടും ഓസ്ട്രേലിയയും തമ്മിൽ ആയിരുന്നു ഈ മത്സരം.

1889 - ആകാശഗമനത്തിനുള്ള ബലൂണിന്റെ പേറ്റന്റ് ഫെർഡിനാന്റ് വോൻ സെപ്പെല്ലിൻ സ്വന്തമാക്കി.

1913 - മറ്റ് മതവിഭാഗങ്ങളിൽ കടുത്ത പ്രതിഷേധം വിളിച്ചു വരുത്തി ദക്ഷിണാഫ്രിക്കൻ സുപ്രീംകോടതി, ക്രിസ്ത്യൻ രീതിയിലല്ലാത്ത മുഴുവൻ വിവാഹങ്ങളും അസാധുവാക്കി.

1923 - വാറൻ ജി. ഹാർഡിങ് അമേരിക്കയിലെ നികുതി അടയ്ക്കുന്ന ആദ്യ പ്രസിഡന്റ് ആയി.

1931 - ഇന്ത്യയിലെ സംസാരിക്കുന്ന ആദ്യ ചലച്ചിത്രം ആലം ആര പ്രദർശനം തുടങ്ങി.

1942 - പെനിസിലിൻ ഉപയോഗിച്ച് ആദ്യമായി ഒരു രോഗിയുടെ ജീവൻ നിലനിർത്തിയ ചരിത്ര സംഭവം.

1958 - ആഫ്രിക്കൻ നാഷണൽ കൊൺഗ്രസിനെ ദക്ഷിണാഫ്രിക്കൻ സർക്കാർ നിരോധിച്ചു.

1960 - ചെഷേറിലെ ജോർഡൽ ബാങ്കിൽ സ്ഥാപിച്ചിരുന്ന റേഡിയോ ടെലിസ്കോപ്പിലൂടെ ബഹിരാകാശത്തുള്ള പയനിയർ -5 മായി ആശയവിനിമയം നടത്തി.

1960 - രണ്ടാം ലോക മഹായുദ്ധം അവസാനിച്ച് 15 വർഷത്തിന് ശേഷം ആദ്യമായി ജർമനി ഇസ്രയേൽ കൂടിക്കാഴ്ച.

1971 - കെൻ റോസ്‌വാൾ ഓസ്ട്രേലിയൻ ഓപ്പൺ ടെന്നീസ് കിരീടം നേടി… ഏതെങ്കിലും ഒരു ഗ്രാൻഡ് സ്ലാം ടെന്നീസ് ടൂർണമെന്റിലെ ഒരു സെറ്റ് പോലും നഷ്ടപ്പെടാതെ കിരീടം നേടിയ ആദ്യ വ്യക്തി.

1975 - ജന്മഭൂമി ദിനപ്പത്രം ആരംഭിച്ചു.

1978 - ഓപ്പറേഷൻ ലിറ്റാനി എന്ന സൈനികനടപടിയോടനുബന്ധിച്ച് ഇസ്രയേലി സൈന്യം ലെബനനിലേക്ക് അധിനിവേശം നടത്തി.

1979 - ചൈനയിൽ വിമാന ദുരന്തം, 200ലേറെ മരണം

1980 - പോളണ്ടിലെ ഒരു വിമാനാപകടത്തിൽ 14 അമേരിക്കൻ ബോക്സിങ് സംഘാംഗങ്ങളടക്കം 87 പേർ മരിച്ചു. വാഴ്‌സക്കടുത്ത് വിമാനം അടിയന്തരമായി ഇറക്കാൻ ശ്രമിക്കുമ്പോഴാണ് അപകടം സംഭവിച്ചത്.

1988 - ശ്രീലങ്കയിലെ IPKF സേവനത്തിനിടെ തമിഴ്പുലികളാൽ വധിക്കപ്പെട്ട മലയാളിയായ മേജർ പരമേശ്വരൻ പരം വീര ചക്ര നേടുന്ന ആദ്യ മലയാളിയായി.

1989 - ആസാമിലെ മാനസ് ബയോസ്ഫിയർ റിസർവ് നിലവിൽ വന്നു.

1990 -  മിഖായേൽ ഗോർബച്ചേവ് സോവിയറ്റ്‌ കോൺഗ്രസ് പ്രസിഡന്റ് ആയി അധികാരമേറ്റു.

1995 - ഡി ഡി ഇന്റർനാഷണൽ ചാനൽ സംപ്രേഷണം തുടങ്ങി.

1994 - ലിനക്സ് വികസനം: ലിനക്സ് കെർണൽ 1.0.0 പുറത്തിറങ്ങി.

1996- സംസ്ഥാന വനിതാ കമ്മിഷൻ നിലവിൽ വന്നു. സുഗതകുമാരി ആദ്യ അദ്ധ്യക്ഷ.

2004 - വ്ലാഡിമിർ പുടിൻ റഷ്യൻ പ്രസിഡണ്ടായി വീണ്ടും തിരഞ്ഞെടുക്കപ്പെട്ടു.

2008 - ഹൈദരാബാദിലെ രാജീവ് ഗാന്ധി അന്താരാഷ്ട്ര വിമാനത്താവളത്തെ ഇന്ത്യയിലെ ആദ്യത്തെ ഗ്രീൻഫീൽഡ് എയർപോർട്ട് ആയി പ്രഖ്യാപിച്ചു.

2013 - 266-ാമത്തെ മാർപാപ്പയായി അർജന്റീനയിലെ കർദിനാൾ ബെർഗോളിയോ തിരഞ്ഞെടുക്കപ്പെട്ടു.

2013 - ഷി ജിൻപിങ് ചൈനയുടെ പ്രസിഡണ്ടായി തിരഞ്ഞെടുക്കപ്പെട്ടു.

2016 - ചൊവ്വയിലെ ജീവ സാന്നിദ്ധ്യം തേടി എക്സോ മാർസ് ട്രെയിസ് ഗാസ് ഓർബിറ്റർ (ടി ജി ഒ ) വിക്ഷേപിച്ചു.

2016 - റഷ്യൻ പട്ടാളത്തെ സിറിയയിൽ നിന്നു പിൻവലിച്ചു.

2018 - ഏയ്ൻജല മെർക്കൽ നാലാം തവണയും ജർമൻ ചാൻസലർ ആയി അധികാരമേറ്റു.

2018 - ലോക സന്തോഷ റിപ്പോർട്ട് (World Happiness Report) പ്രകാരം ലോകത്തിലെ ഏറ്റവും സന്തോഷം ഉള്ള രാജ്യമായി 'ഫിൻലൻഡ്‌' പ്രഖ്യാപിക്കപ്പെട്ടു. ബുറുണ്ടി ഏറ്റവും സന്തോഷമില്ലാത്ത രാജ്യവും.

2019 - ഇഡായ് ചുഴലിക്കാറ്റ് മൊസാംബിക്കിലെ ബെയ്‌റയ്ക്ക് സമീപം കരയിൽ പതിക്കുകയും , വിനാശകരമായ വെള്ളപ്പൊക്കത്തിനും 1,000-ത്തിലധികം മരണങ്ങൾക്കും കാരണമായി. 

2021 - ബർമീസ് സുരക്ഷാ സേന 65 സിവിലിയന്മാരെങ്കിലും ഹലിംഗ്‌തയ കൂട്ടക്കൊലയിൽ കൊല്ലപ്പെട്ടു 
***********
ഇന്ന്‍ ;
മുന്നൂറിലേറെ മലയാള ചലച്ചിത്രങ്ങൾക്ക്   പുറമേ നാടകങ്ങൾക്കും 20 തമിഴ് ചലച്ചിത്രങ്ങൾക്കും 4 കന്നഡ ചലച്ചിത്രങ്ങൾക്കും ഈണം പകർന്ന   പ്രശസ്ത ചലച്ചിത്ര സംഗീത സംവിധായകൻ  പരവൂർ ഗോവിന്ദൻ ദേവരാജൻ എന്ന  ദേവരാജൻ മാസ്റ്ററെയും  (1925 സെപ്റ്റംബർ 27 - 2006 മാർച്ച് 14),

മലയാള ചലച്ചിത്ര - നാടക രംഗത്തെ അതുല്യ നടനും  , രാഷ്ട്രപതിയുടെ സ്വർണ്ണമെഡലിന്‌ അർഹമായ   നിർമ്മാല്യം എന്ന ചിത്രത്തിലെ വെളിച്ചപ്പാടിനെ അവതരിപ്പിച്ച് ഭരത് അവാർഡുനേടിയ പി. ജെ. ആന്റണി (1925-മാർച്ച് 14, 1979),

അധ്യാപകനും , ഗാന്ധിയnum ആന്ധ്രാപ്രദേശിന്റെ പതിനൊന്നാമത് ഗവർണ്ണറും  ഞാറക്കൽ നിയമസഭാ മണ്ഡലത്തിൽ നിന്നും കോൺഗ്രസ്  നിയമസഭ  പ്രതിനിധിയും  തിരുക്കൊച്ചി  നിയമസഭ അംഗവും,  കോൺഗ്രസ് വർക്കിംഗ് കമ്മിറ്റിയംഗവും,   കെ.പി.സി.സി.   പ്രസിഡന്റും ആയിരുന്ന  കൊച്ചാക്കൻ ചാക്കോ എബ്രഹാം  എന്ന കെ.സി. എബ്രഹാമിനെയും ‌(20 ജനുവരി 1899 - 14 മാർച്ച് 1986),

കവിത, ഉപന്യാസം, നിരൂപണം, പരിഭാഷ തുടങ്ങിയ മേഖലകളിലെല്ലാം വ്യക്തിമുദ്ര പതിപ്പിച്ച  ഇന്ത്യയിലെ  ഏറ്റവും ഉന്നതമായ സാഹിത്യ പുരസ്കാരങ്ങളായ  സാഹിത്യ അക്കാദമി ഫെല്ലോഷിപ്പും (1996-ൽ) ജ്ഞാനപീഠ പുരസ്കാരവും (2003-ൽ) ലഭിച്ച  മറാത്തി സാഹിത്യകാരന്‍ ഗോവിന്ദ് വിനായക കരന്ദികർ എന്ന വിന്ദാ കരന്ദികറെയും  
(ഓഗസ്റ്റ് 23, 1918 - മാർച്ച് 14, 2010),

തത്ത്വചിന്തകൻ, ചരിത്രകാരൻ, രാഷ്ട്രീയ,  സാമ്പത്തിക വിദഗ്ദ്ധൻ, രാഷ്ട്രീയ സൈദ്ധാന്തികൻ എന്നീ നിലകളിലെല്ലാം  ശോഭിച്ചിരുന്ന ലോകമെങ്ങുമുള്ള കമ്യൂണിസ്റ്റ് പ്രസ്ഥാനങ്ങൾ പിന്തുടരുന്ന കാഴ്ചപ്പാടുകളുടെ അടിത്തറ പാകിയ  സിദ്ധാന്തങ്ങളുടെ ഉപജ്ഞാതാവും  മാർക്സിയൻ തത്ത്വശാസ്ത്രത്തിന്റെ ശില്പിയും ആയ  കാൾ മാർക്സ് എന്ന കാൾ ഹെൻറിച്ച് മാർക്സിനെയും (മേയ് 5, 1818-
മാർച്ച് 14, 1883) ,

ഈസ്റ്റ്‌മാൻ-കോഡാക്ക്‌ കമ്പനിയുടെ സ്ഥാപകനും ഫോട്ടോഗ്രാഫിക്ക് ഫിലിം റോളിന്റെ  കണ്ടുപിടുത്തത്തിലൂടെ ഫോട്ടോഗ്രാഫിയെ മുഖ്യധാര യിലെത്തിക്കുകയും ചെയ്ത  ‌ ജോർജ്ജ് ഈസ്റ്റ്മാനെയും (ജൂലൈ 12, 1854 – മാർച്ച് 14, 1932),

വിഖ്യാതനായ ബ്രിട്ടീഷ് ഭൗതിക ശാസ്ത്രജ്ഞനായിരുന്ന,   നക്ഷത്രങ്ങൾ നശിക്കുമ്പോൾ രൂപം കൊള്ളുന്ന തമോഗർത്തങ്ങളെക്കുറിച്ച് ഇന്നു ലഭ്യമായ വിവരങ്ങളിൽ പലതും  ഗവേഷണങ്ങളിലൂടെ കണ്ടെത്തിയ ബ്രിട്ടനിലെ കേംബ്രിഡ്ജ് യൂണിവേഴ്സിറ്റിയിലെ പ്രപഞ്ച ശാസ്ത്ര വിഭാഗത്തിലെ ഡയറക്ടറായിരുന്ന സ്റ്റീഫൻ വില്യം ഹോക്കിങ്ങ്സിനേയും (8 ജനുവരി 1942-14 മാർച്ച് 2018) ,

പരിസ്ഥിതി പ്രശ്നങ്ങൾ പൊതുജന മദ്ധ്യത്തിൽ അവതരിപ്പിയ്ക്കുന്നതിൽ പ്രസിദ്ധനായിരുന്ന അമേരിക്കൻ എഴുത്തുകാരനും ഉപന്യാസ കർത്താവും ആയിരുന്ന എഡ്വേർഡ് പോൾ അബേയേയും
 (1927 ജനുവരി 29 – 1989 മാർച്ച് 14),

അമേരിക്കൻ ചരിത്രകാരനായിരുന്ന യു.എസ്. ചരിത്രപഠനരീതിക്ക് കാതലായ മാറ്റത്തിനു വഴിതെളിച്ച ഫ്രോണ്ടിയർ ഹൈപ്പോത്തെസിസ് (frontier hypothesis) എന്ന രീതി ശാസ്ത്രത്തിന്റെ ഉപജ്ഞാതാവ്, ഇത് ടേണർ തീസിസ് എന്ന പേരിലും അറിയപ്പെടുന്ന ഫ്രെഡറിക് ജാക്സൺ ടേണർ (14 നവംബർ, 1861-1932 മാർച്ച് 14),

മലയാളനാടകത്തിന് തുടക്കം കുറിച്ച ശാകുന്തളം പരിഭാഷ എഴുതുകയും , ആധുനിക മലയാളസാഹിത്യത്തിന് മികച്ച സാഹിത്യ സംഭാവനകൾ  നൽകുകയും , തിരുവനന്തപുരം നഗരത്തിലെ പുത്തൻ കച്ചേരി, ആലപ്പുഴയിലെ വിളക്കുമരം, ശുചീന്ദ്രം, തിരുവനന്തപുരം എന്നീ സ്ഥലങ്ങളിലെ ക്ഷേത്ര ഗോപുരങ്ങളുടെ നിർമ്മാണം  പൊതുമരാമത്ത് വകുപ്പ് സ്ഥാപിക്കുകയും , പത്മതീർത്ഥം  ശുചീകരിക്കുവാൻ നടപടി സ്വീകരിക്കുകയും  തിരുവനന്തപുരം ആർട്സ് കോളേജ് നിർമ്മാണം പൂർത്തീകരിക്കുകയും, കൂടാതെ തിരുവനന്തപുരത്തും സമീപ പ്രദേശങ്ങളിലുമായി ഗവ. ആർട്സ് കോളേജ്, സയൻസ് കോളേജ്, വെർണാക്കുലർ സ്കൂൾ, ലോ കോളേജ്, സർവ്വേ സ്കൂൾ, ട്രെയിനിംഗ് സ്കൂൾ, ഗേൾസ് സ്കൂൾ, ബുക്ക് സെലക്ഷൻ കമ്മിറ്റി, ആശുപത്രികൾ, മനോരോഗാശുപത്രി എന്നിവ സ്ഥാപിക്കുകയും , രോഗ പ്രതിരോധത്തിനായി വാക്സിനേഷൻ ഏർപ്പെടുത്തുകയും,  പുനലൂർ തൂക്കുപാലം  നിർമ്മിക്കുകയും,  വർക്കല തുരങ്കംസ്ഥാപിക്കുകയും ചെയ്ത  തിരുവിതാംകൂർ  ഭരിച്ചിരുന്ന ആയില്യം തിരുനാൾ രാമവർമ്മ മഹാരാജാവിനെയും .(1832 മാർച്ച് 14 -1880 മേയ് 30),

യൂറോപ്പ്‌, ആഫ്രിക്ക, അമേരിക്ക, ദക്ഷിണേഷ്യ, പൂർവേഷ്യഎന്നിവിടങ്ങളിലെ മിക്ക രാജ്യങ്ങളും പല തവണ സന്ദർശിക്കുകയും ഓരോ സ്ഥലത്തെയും സാമാന്യ മനുഷ്യരുമായി ഇടപഴകുകയും  മലയാളത്തിനു ഏറെക്കുറെ നവീനമായ യാത്രാവിവരണ സാഹിത്യശാഖയ്ക്ക് വിലപ്പെട്ട  സംഭാവനകൾ നല്‍ക്കുകയും  നോവലുകളും ചെറുകഥകളും,കവിതകളും  എഴുതിയ  ജ്ഞാനപീഠപുരസ്കാരം ലഭിച്ച സാഹിത്യകാരന്‍  ശങ്കരൻകുട്ടി കുഞ്ഞിരാമൻ പൊറ്റെക്കാട്ട് എന്ന എസ്.കെ. പൊറ്റെക്കാട്ടിനെയും (മാർച്ച് 14, 1913–ഓഗസ്റ്റ് 6,1982),

ശങ്കരാഭരണം, പദ്മ തീർത്ഥം, കായലും കയറും, രാഗം തുടങ്ങിയ ചിത്രങ്ങൾക്ക് സംഗീതം നൽകിയ പ്രമുഖ ദക്ഷിണേൻഡ്യൻ സംഗീത സംവിധായകൻ കെ വി മഹാദേവൻ എന്ന കൃഷ്ണൻകോവിൽ വെങ്കടാചലം മഹാദേവനെയും (14 മാർച്ച് 1918 – 21 ജൂൺ 2001), 

ധ്രുപദ് ശൈലി  പിന്തുടർന്നിരുന്ന  ഹിന്ദുസ്ഥാനി സംഗീതത്തിലെ  പ്രമുഖ രുദ്രവൈണികരിലൊരാളായിരുന്ന ഡാഗർ സംഗീതകുടുംബത്തിലെ പത്തൊൻപതാം തലമുറയിൽപ്പെട്ട  സിയ മൊഹിയുദ്ദീൻ ഡാഗറിനെയും  (14 മാർച്ച് 1929 – 28 സപ്തം: 1990 ),

ആധുനിക ഭൗതിക ശാസ്ത്രത്തിലെ രണ്ടു അടിസ്ഥാനശിലകളിലൊന്നായി കണക്കാക്കപ്പെടുന്ന സാമാന്യ  ആപേക്ഷികതാ സിദ്ധാന്തത്തിനു  (ക്വാണ്ടം മെക്കാനിക്സ്) രൂപം നൽകിയ ഭൗതിക ശാസ്ത്രജ്ഞനും   ഇരുപതാം നൂറ്റാണ്ടിലെ ഏറ്റവും പ്രതിഭാധനനായ ശാസ്ത്രഗവേഷകനും, പ്രസിദ്ധമായ ദ്രവ്യവും–ഊർജ്ജവും തമ്മിലുള്ള ബന്ധത്തെ പ്പറ്റിയുള്ള    സമവാക്യ( E = mc2  ) ത്തിന്‍റെ ഉപന്ജ്ഞാതാവും  ആൽബർട്ട് ഐൻസ്റ്റൈൻ ണിനെയും(1879 മാർച്ച് 14 – 1955 ഏപ്രിൽ 18),

നൗകാഭാണ്ഡവാഹകരുടെ അസോസിയേഷൻ പ്രസിഡന്റ്, ഓൾ ഇന്ത്യ ആംഗ്ലോഇന്ത്യൻ അസോസിയേഷൻ (കൊച്ചി) പ്രസിഡന്റ്, കപ്പൽത്തുറയിലെ തൊഴിലാളി ബോർഡംഗം എന്നീ നിലകളിൽ പ്രവർത്തിക്കുകയും ഒന്നാം കേരള നിയമസഭയിലേക്ക് ആദ്യമായി നാമനിർദ്ദേശം ചെയ്യപ്പെടുകയും ചെയ്ത  നിയമസഭാ സാമാജികന്‍  ഡബ്ല്യു.എച്ച്. ഡിക്രൂസിനെയും  (14 മാർച്ച് 1902 - 11 മേയ് 1970),

സംഗീതവിദ്യാഭ്യാസമൊന്നും ചെറുപ്പത്തിൽ ലഭിച്ചില്ലെങ്കിലും പിന്നീട് എല്ലാം സ്വയം പഠിക്കുകയും 12-ാം വയസ്സിൽത്തന്നെ ഒരു ഓപ്പറ രചിച്ച16-ാം വയസ്സിൽ ഹിൽഡെഷെയിമിലെ ഒരു പള്ളിയിൽ സംഗീതപ്രകടനനിർവഹണം നടത്തി, 1704-ൽ ഓർഗനിസ്റ്റാവുകയും യുവാക്കളുടെ ഒരു സംഘം (കൊളീജിയം മ്യൂസിക്കം) രൂപീകരിച്ച് സംഗീതപ്രവർത്തനങ്ങൾ കൂടുതൽ വ്യാപിപ്പിക്കുകയും ചെയ്ത ഒരു ജർമൻ സംഗീതജ്ഞനായ ജോർജ് ഫിലിപ്പ് ടെലിമാൻ അഥവാ മാഗ്ഡേബർഗിൽ (1681 മാർച്ച് 14 -1767 ജൂൺ 25) സ്മരിക്കുന്നു.!

' ടീം തത്ത്വമസി - ജ്യോതിർഗ്ഗമയ '