ഇന്ന് മാര്‍ച്ച് 6: ലോക ലിംഫോഡീമ ദിനം ! രാജേഷ് ടച്ച് റിവറിന്റെയും ജോയ് വര്‍ഗീസിന്റേയും ജന്മദിനം: കലാഭവന്‍ മണിയുടെ ഓര്‍മ്മദിനം: ഓമര്‍ ഖയ്യാം ഇറാനിയന്‍ കലണ്ടര്‍ പൂര്‍ത്തിയാക്കിയതും ഇന്ന്: ചരിത്രത്തില്‍ ഇന്ന്

          🌅ജ്യോതിർഗ്ഗമയ🌅
.                       
1199  കുംഭം 23
പൂരാടം  / ദശമി
2024, മാർച്ച്  6 ബുധൻ,

ഇന്ന്;

  * .   ലോക ലിംഫോഡീമ ദിനം !
[World Lymphoedema Day;  രക്തത്തില്‍ രോഗാണുക്കള്‍ കലര്‍ന്നുണ്ടാകുന്ന മന്തുരോഗം. ലിംഫറ്റിക് രോഗങ്ങളെക്കുറിച്ചുള്ള ബോധവൽക്കരണം. and March is Lymphoedema Awareness Month. ]

• ദേശീയ ദന്തരോഗ  ദിനം !
  .  [ National Dentist’s Day ]
• 

* Hospitality Workers in HealthCare Day !
[ഹോസ്പിറ്റാലിറ്റി സപ്പോർട്ട് സ്റ്റാഫ് ആരോഗ്യ പരിതസ്ഥിതിയിൽ തിരശ്ശീലയ്ക്ക് പിന്നിൽ കഠിനാധ്വാനം ചെയ്യുന്നു. കാര്യക്ഷമവും സമയബന്ധിതവുമായ രീതിയിൽ അലക്കു സേവനങ്ങൾ, ശുചിത്വവും ശുദ്ധവുമായ പരിസര പരിപാലനം, സാംസ്കാരിക ആവശ്യങ്ങൾ, ഭക്ഷണ ആവശ്യകതകൾ, മുൻഗണനകൾ എന്നിവയും അതിലേറെയും ഇതിൽ ഉൾപ്പെടുന്നു.  ആതുരസേവന രംഗത്തെ പാടിപ്പുകഴ്ത്തപ്പെടാത്ത ഇവരെ ഓർമിക്കാനും അഭിനന്ദിക്കാനും ഒരു ദിനം ]

* ദേശീയ വസ്ത്ര ദിനം !
[ National Dress Day ;  പഫി സ്ലീവ് മുതൽ ആഴത്തിലുള്ള വി-കഴുത്ത് വരെ, ഹാൾട്ടർ ടോപ്പുകൾ മുതൽ ഹൂപ്പ് സ്കർട്ടുകൾ വരെ, വസ്ത്രങ്ങൾ വർഷങ്ങളായി എല്ലാത്തരം ആകൃതികളും വലുപ്പങ്ങളും കൈവരിച്ചു.  ഇത് ആഘോഷിക്കാൻ ദേശീയ വസ്ത്ര ദിനം !]

* ദേശീയ ശീതീകരിച്ച ഭക്ഷണ ദിനം ! 
[ National Frozen Food Day ;  ക്രിസ്പി ഫ്രൈകൾ മുതൽ ക്രീം ട്രീറ്റുകൾ വരെ, ശീതീകരിച്ച ഭക്ഷണം സൗകര്യപ്രദമായ പാചക സാഹസികത പ്രദാനം ചെയ്യുന്നു, ഒരു നിമിഷംകൊണ്ട് ആസക്തിയെ തൃപ്തിപ്പെടുത്താൻ പാകത്തിൽ ]

• ഗ്രേറ്റ് ഡാഫോഡിൽ അപ്പീൽ ! 
  [ The Great Daffodil Appeal, Month of March, 2024/ ഒരിനം ചെടിയിലെ മഞ്ഞപ്പൂക്കൾ ; യു. കെയിലുടനീളം മഞ്ഞ നിറത്തിലുള്ള ഒരു തരംഗമായി പുത്തൻ പ്രതീക്ഷ നൽകുന്നു.  മാരകമായ രോഗങ്ങളുമായി പൊരുതുന്നവർക്കുള്ള പ്രതീക്ഷയുടെയും പിന്തുണയുടെയും പ്രതീകമായി പൂക്കൾ പ്രശസ്തമാണ്. 1990-ൽ, ലിവർപൂൾ മേരി ക്യൂറി സൊസൈറ്റിയും ലിവർപൂൾ സിറ്റി കൗൺസിലും ചേർന്ന് നഗരത്തിലെ ചരിത്രപ്രസിദ്ധമായ സെഫ്റ്റൺ പാർക്കിൽ ഒരു ദശലക്ഷം ഡാഫോഡിൽസ് നട്ടുപിടിപ്പിക്കുകയും, ഇപ്പോൾ അറിയപ്പെടുന്ന ആദ്യത്തെ 'പ്രതീക്ഷയുടെ ഫീൽഡ്' സൃഷ്ടിക്കുകയും ചെയ്തു.
• 
          
  * നീതിമാന്മാരുടെ യൂറോപ്യൻ ദിനം !
  [ യൂറോപ്പിയൻ ധാർമ്മിക ദിനം; മനുഷ്യത്വത്തിനും സമഗ്രാധിപത്യത്തിനും എതിരായ കുറ്റകൃത്യങ്ങൾക്കെതിരെ  ധാർമ്മിക ഉത്തരവാദിത്വത്തോടെ നിലകൊണ്ടവരെ അനുസ്മരിക്കാൻ യൂറോപ്യൻ പാർലമെന്റ് 2012 ൽ സ്ഥാപിച്ച ഒരു ആഘോഷമാണ് നീതിമാന്മാരുടെ യൂറോപ്യൻ ദിനം .]

* നോർഫോൾക്ക് ഐലൻഡ് : സ്ഥാപന
   ദിനം !
* ഘാന: സ്വാതന്ത്ര്യ ദിനം !
* ഡ്യൂഡിസം: ഡ്വുഡ് ദിനം !
[ താവോ ഇസത്തിന്റെ ഒരു ആധുനിക വകഭേധം]

*  USA  ;              
* National Oreo Cookie Day !
* National White Chocolate cheesecake
   Day!

.  ഇന്നത്തെ മൊഴിമുത്തുകൾ
  ************
'' മനുഷ്യനെ സ്വർഗ്ഗത്തിലെത്തിക്കുന്ന രണ്ടു ചിറകുകളാണ്‌, പ്രണയവും മരണവും.''

'' ഓരോ ശിലാഖണ്ഡത്തിലും മറഞ്ഞിരിക്കുന്ന പ്രതിമകളെ പുറത്തെടുക്കുക എന്നതാണ്‌ ശില്പിയുടെ ദൗത്യം.''

'' ഞാനൊരു സാധുമനുഷ്യനാണ്‌; എന്റെ ആയുസ്സ് കഴിയുന്നത്ര ദീർഘിപ്പിക്കാൻ ദൈവം എനിക്കനുവദിച്ചുതന്ന ഒരു കലയിൽ പണിയെടുക്കുന്നവൻ.''

''വെണ്ണക്കല്ലിൽ ഞാനൊരു മാലാഖയെ കണ്ടു; അതിനെ സ്വതന്ത്രയാക്കുന്നതു വരെ ഞാനതിൽ പണിയെടുത്തു.''

''എന്റെ വൈദഗ്ധ്യത്തിലേക്കെത്താൻ എത്ര ഞാനദ്ധ്വാനിച്ചിരിക്കുന്നു എന്നറിഞ്ഞെങ്കിൽ അവർക്കിത്ര അത്ഭുതം തോന്നുകയുമില്ല.''

'' ജീവിതം നമുക്കിഷ്ടമാണെങ്കിൽ മരണവും നമുക്കഹിതമാവരുത്: രണ്ടും തരുന്നത് ഒരേ തമ്പുരാന്റെ കൈകൾ തന്നെയാണല്ലോ.''

.            [ - മൈക്കലാഞ്ജലോ ]
     *********** 

ശ്രീലങ്കയിലെ വംശീയ പോരാട്ടത്തിന്റെ പശ്ചാത്തലത്തിൽ ഒരുക്കിയ 'ഇൻ ദ നെയിം ഓഫ് ബുദ്ധ'  എന്ന  ഇംഗ്ലീഷ്   ചിത്രത്തിലൂടെ  ചലച്ചിത്രസംവിധാന മേഖലയിൽ തുടക്കം കുറിക്കുകയും തെലുങ്കിൽ ഏതാനും സിനിമകളും മനുഷ്യാവകാശ പ്രശ്നങ്ങളുമായി ബന്ധപ്പെട്ട ഒട്ടേറെ ഡോക്കുമെൻറ- റികളും നിർമ്മിച്ച രാജേഷ് ടച്ച് റിവറിന്റെയും (1972),

1991 ല്‍ പ്രദര്‍ശനത്തിനെത്തിയ ജോഷി ചിത്രം നക്ഷത്രക്കൂടാരം എന്ന ചിത്രത്തില്‍ അസിസ്റ്റന്റ ഡയറക്ടറായി പ്രവര്‍ത്തിച്ച് ചലച്ചിത്രജീവിതം ആരംഭിക്കുകയും തിരക്കഥാകൃത്ത്, നടന്‍, നിര്‍മ്മാതാവ്, പരസ്യചിത്രകാരന്‍, ഇവന്റ് ഡയറക്ടര്‍ എന്നീ മേഖലകളിൽ പ്രശസ്തനുമായ സിജോയ് വർഗീസിന്റേയും (1971),

മലയാളം സിനിമകളിൽ അഭിനയിച്ച പ്രമുഖ ഹിന്ദി - മറാഠി ചലച്ചിത്ര - നാടക നടനും സംവിധായകനും നിർമ്മാതാവുമായ മകരന്ദ് ദേശ്പാണ്ഡേയുടെയും (1966),

ലോകമെമ്പാടുമുള്ള ആരാധകരെ സമ്പാദിച്ച തൻ്റെ ശക്തമായ ബാസ്‌ക്കറ്റ്ബോൾ കളിയിലൂടെ പ്രശസ്തനും  സംഗീതം, സിനിമ, നർമ്മം, ബിസിനസ്സ് എന്നിവയിൽ  സ്വയം പേരെടുത്ത  മഹത്തായ വ്യക്തിത്വവും  കഠിനാധ്വാനത്തിലൂടെ  തൻ്റെ സ്വപ്നങ്ങളെ യാഥാർത്ഥ്യമാക്കി, കായികരംഗത്തും വിനോദത്തിലും ഇതിഹാസമായ ഷാക്കിൾ ഒ നീലിന്റെയും (1976),

സംഗീതജ്ഞനും നിർമ്മാതാവും ഓഡ് ഫ്യൂച്ചർ എന്ന സ്വന്തം ഗ്രൂപ്പിലൂടെ ഏറെ ശ്രദ്ധയും പ്രശസ്തിയും നേടുകയും, തന്റെ സംഗീതം ക്രിയേറ്റീവ് ബീറ്റുകളുമായി റാപ്പിനെ ഇടകലർത്തി, ലോകമെമ്പാടും  ആരാധകരെ നേടിയെടുക്കുകയും സംഗീതത്തിനു പുറമെ, ഡിസൈനിംഗിലും ( വസ്ത്രങ്ങൾ മുതൽ ഉത്സവങ്ങൾ വരെ)  കഠിനാധ്വാനത്തിലൂടെ ശ്രദ്ധേയനായ ടൈലർ, ദി സ്രഷ്ടാവ് എന്ന  ടൈലർ ഗ്രിഗറി ഒക്കോണിന്റെയും (1991), 

എൻജിനീയറിങ് പഠനത്തോടൊപ്പം പാരച്ച്യൂട്ട് പരിശീലനവും നേടുകയും തുടർന്ന് ആദ്യമായി ബഹിരാകാശ സഞ്ചാരം നടത്തുകയും ചെയ്ത റഷ്യൻ വനിത വാലെന്റീന തെരഷ്ക്കോവയുടേയും (1937),

ഫോസ്ബറി ഫ്ലോപ്പ്എന്ൻ പിൽക്കാലത്ത് പ്രശസ്തമായ, ഇപ്പോൾ എല്ലാവരും ഉപയോഗിക്കുന്ന, പുറം തിരിഞ്ഞു ബാറിനു മുകളിലൂടെ ചാടുന്ന ഹൈജംപ് രീതിയുടെ ഉപജ്ഞാതാവായ അമേരിക്കക്കാരനായ കായികതാരമായ റിച്ചാർഡ് ഡഗ്ലസ് (ഡിക്ക്) ഫോസ്ബറിയുടെയും (1947),

പശ്ചിമജർമ്മൻ ഫുട്ബോൾ കളിക്കാരനും 1982,1986 ലോകകപ്പുകളിൽ ജർമ്മൻ ടീമിൽ അംഗവുമായിരുന്ന ഹരാൾഡ് ആന്റൺ ഷൂമാക്കർ എന്ന ടോണി ഷൂമാക്കറിന്റെയും (1954 ) ജന്മദിനം !!!

ഇന്നത്തെ സ്മരണ  !!!
*********
ഹൈദരലി ശിഹാബ് തങ്ങൾ മ.(1947-2022)
സഹോദരൻ അയ്യപ്പൻ മ.(1889-1968)
എം.കുഞ്ഞുകൃഷ്ണപിള്ള മ.(1927-2012)
കലാഭവൻ മണി മ. (1971-2016)
കണ്ണൻ നായർ (ദേശാഭിമാനി) മ. (-1990)
പേൾ എസ്. ബക്ക് മ.  (1892- 1973)
അയ്ൻ റാൻഡ് മ. (1905 -1982 )
ബാച്ചിയോദ അഗ്നോളോ മ. (1462 -1543)
ഗോട്ട്ലിബ് ഡൈമ്‌ലർ മ(1834-1900)
ലിൻഡെമാൻ മ. (1852-1939)
ലൂയിസ മേ അൽകോട്ട് മ.( 1832-1888)
നാൻസി റീഗൻ മ. (1921-2016)

പി.ആർ. മാധവൻ പിള്ള ജ. (1917 - 1976)
ഹുമയൂൺ മ. (1508-1556 )
ഗബ്രിയേൽ ഗാർസിയ മാർക്വേസ് ജ. (1927 - 2014)
മൈക്കലാഞ്ചലോ ജ. (1475 -  1564)
ആന്ദ്രേ വയ്ദ ജ.(1926-2016)
സിറനോ ദെ ബെർജെറാക് ജ.( 1619-1655)

ചരിത്രത്തിൽ ഇന്ന്…
********
1079 - ഓമർ ഖയ്യാം ഇറാനിയൻ കലണ്ടർ പൂർത്തിയാക്കി

1521 - ഫെർഡിനാൻഡ് മഗല്ലൻ  ഗുവാമിലെത്തി

1775 -  രഘുനാഥ് റാവു സൂറത്ത് ഉടമ്പടി ഒപ്പുവെച്ചു, ഇത് ഒന്നാം ആംഗ്ലോ-മറാത്ത യുദ്ധത്തിന് തുടക്കമിട്ടു.

1836 -  മെക്സിക്കൻ സേനയും ടെക്സൻ പ്രതിരോധക്കാരും തമ്മിലുള്ള ടെക്സസ് വിപ്ലവത്തിനിടെ അലമോ യുദ്ധം നടന്നു, അതിൻ്റെ ഫലമായി മെക്സിക്കൻ വിജയിച്ചു.

1869 -  റഷ്യൻ രസതന്ത്രജ്ഞനായ ദിമിത്രി മെൻഡലീവ് റഷ്യൻ കെമിക്കൽ സൊസൈറ്റിയുടെ യോഗത്തിൽ ആദ്യത്തെ ആവർത്തനപ്പട്ടിക അവതരിപ്പിച്ചു.

1899 -  അസറ്റൈൽസാലിസിലിക് ആസിഡ് (ആസ്പിരിൻ) മരുന്ന് ഫെലിക്സ് ഹോഫ്മാൻ ജർമ്മൻ കമ്പനിയായ ബേയറിൽ പേറ്റൻ്റ് നേടി.

1902 - സ്പാനിഷ് ഫുട്ബോൾ ക്ലബ് റയൽ മാഡ്രിഡ്‌ സ്ഥാപിതമായി

1915 -  മഹാത്മാഗാന്ധിയും രവീന്ദ്രനാഥ ടാഗോറും ആദ്യമായി ശാന്തിനികേതനിൽ വച്ച് കണ്ടുമുട്ടി.

1924 -  ഈജിപ്ഷ്യൻ സർക്കാർ ടട്ട് രാജാവിൻ്റെ മമ്മി ശവകുടീരം തുറന്നു.

1949 - കൗമുദി വാരിക തുടക്കം.

1951 - ശീതയുദ്ധം: എതെൽ, ജൂലിയസ് റോസൻബർഗ് എന്നിവരുടെ വിചാരണ ആരംഭിച്ചു.

1957 - ബ്രിട്ടീഷുകാരിൽ നിന്ന് സ്വാതന്ത്ര്യം നേടിയ ആദ്യത്തെ ഉപ-സഹാറൻ രാജ്യമായി ഘാന .
.
1961 -  ടൈംസ് ഗ്രൂപ്പ്‌ ഇന്ത്യയിൽ ഏറ്റവും പ്രചാരമുള്ള ഇംഗ്ലീഷ് പത്രം സ്ഥാപിച്ചു.

1959 - ബാർബി ഫാഷൻ പാവ അമേരിക്കയിൽ ആദ്യമായി പ്രദർശിപ്പിച്ചു.

1964 - നേഷൻ ഓഫ് ഇസ്ലാം നേതാവ് എലിജ മുഹമ്മദ് ഔദ്യോഗികമായി ബോക്സിംഗ് ചാമ്പ്യൻ കാഷ്യസ് ക്ലേയ്ക്ക് മുഹമ്മദ് അലി എന്ന പേര് നൽകി .

1964 - കോൺസ്റ്റന്റീൻ II ഗ്രീസിലെ രാജാവാകുന്നു.

1967 - ശീതയുദ്ധം: ജോസഫ് സ്റ്റാലിന്റെ മകൾ സ്വെറ്റ്‌ലാന അല്ലിലുയേവ അമേരിക്കയിലേക്ക് കൂറുമാറി .

1968 - മൂന്ന് വിമതരെ റൊഡേഷ്യ വധിച്ചു , UDI ന് ശേഷമുള്ള ആദ്യത്തെ വധശിക്ഷ , അന്താരാഷ്ട്ര അപലപത്തിന് കാരണമായി.

1970 - ഗ്രീൻവിച്ച് വില്ലേജിലെ വെതർ അണ്ടർഗ്രൗണ്ട് സേഫ് ഹൗസിലുണ്ടായ സ്ഫോടനത്തിൽ മൂന്നു പേർ മരിച്ചു.

1971 - ഇന്ത്യൻ ക്രിക്കറ്ററും അനലിസ്റ്റുമായ സുനിൽ ഗവാസ്‌കർ വെസ്റ്റ് ഇൻഡീസിനെതിരെ ടെസ്റ്റ് അരങ്ങേറ്റം നടത്തി.

1975 - ജോൺ എഫ്. കെന്നഡിയുടെ കൊലപാതകത്തിന്റെ സാപ്രൂഡർ ഫിലിം ആദ്യമായി ദേശീയ ടിവി പ്രേക്ഷകർക്ക് മുന്നിൽ റോബർട്ട് ജെ. ഗ്രോഡനും ഡിക്ക് ഗ്രിഗറിയും പ്രദർശിപ്പിച്ചു .

1987 - ഫ്രീ എന്റർപ്രൈസിന്റെ എംഎസ്  ഹെറാൾഡ് എന്ന ബ്രിട്ടീഷ് ഫെറി ഏകദേശം 90 സെക്കൻഡിനുള്ളിൽ മറിഞ്ഞു, 193 പേർ മരിച്ചു .

1991 - കോൺഗ്രസ് പാർട്ടി പിന്തുണ പിൻവലിച്ചതിന് ഏഴ് മാസത്തിന് ശേഷം ഇന്ത്യൻ പ്രധാനമന്ത്രി ചന്ദ്ര ശേഖർ പ്രധാനമന്ത്രി സ്ഥാനത്ത് നിന്ന് രാജിവച്ചു.

1992 - മൈക്കലാഞ്ജലോ വൈറസ്   കമ്പ്യൂട്ടറുകളിൽ പടർന്നു പിടിച്ചു.

1988 - ഓപ്പറേഷൻ ഫ്ലേവിയസിൽ ജിബ്രാൾട്ടറിൽ മൂന്ന് താൽക്കാലിക ഐറിഷ് റിപ്പബ്ലിക്കൻ ആർമി വോളണ്ടിയർമാരെ എസ്എഎസ് വെടിവച്ചു കൊന്നു .

2002 - ബുക്കർ സമ്മാന ജേതാവും പരിസ്ഥിതി പ്രവർത്തകയുമായ അരുന്ധതി റോയിക്ക് സുപ്രീം കോടതി ഒരു ദിവസത്തെ തടവും 2000 രൂപ പിഴയും ശിക്ഷ വിധിച്ചു.

2003 - അൾജീരിയയിലെ തമൻറാസെറ്റിലെ അഗ്യൂനാർ - ഹഡ്ജ് ബേ അഖമോക്ക് എയർപോർട്ടിൽ എയർ അൾഗറി ഫ്ലൈറ്റ് 6289 തകർന്നു , വിമാനത്തിലുണ്ടായിരുന്ന 103 പേരിൽ 102 പേർ മരിച്ചു .

2008 - ബാഗ്ദാദിലെ ഒരു ചാവേർ സ്ഫോടനത്തിൽ 68 പേർ കൊല്ലപ്പെട്ടു.(ആദ്യം പ്രതികരിച്ചവർ ഉൾപ്പെടെ) അന്നു തന്നെ ആ തോക്കുധാരി യെരുശലേമിൽ എട്ടു കുട്ടികളെയും കൊന്നു.

2017 - മൂന്ന് പതിറ്റാണ്ട് ഇന്ത്യൻ സമുദ്ര അതിർത്തി കാത്ത ഐ.എൻ.എസ് വിരാട് വിമാനവാഹിനി കപ്പൽ ഡീകമ്മീഷൻ ചെയ്തു.

2018 - ഫോർബ്സ് ജെഫ് ബെസോസിനെ ലോകത്തിലെ ഏറ്റവും ധനികനായ വ്യക്തിയായി, ആദ്യമായി 112 ബില്യൺ ഡോളർ ആസ്തിയായി നാമകരണം ചെയ്തു . 

2020 - അഫ്ഗാനിസ്ഥാനിലെ കാബൂളിൽ ഒരു ചടങ്ങിന് നേരെ തോക്കുധാരികൾ നടത്തിയ വെടിവെപ്പിൽ 32 പേർ കൊല്ലപ്പെടുകയും 81 പേർക്ക് പരിക്കേൽക്കുകയും ചെയ്തു . ആക്രമണത്തിന്റെ ഉത്തരവാദിത്തം ഇസ്ലാമിക് സ്റ്റേറ്റ് ഏറ്റെടുത്തു. 
*************
ഇന്ന്‍ ; 
ദക്ഷിണേന്ത്യയിലെ കേരളത്തിലെ ഒരു സയ്യിദ് ( തങ്ങൾ ) സമുദായ നേതാവും മത പണ്ഡിതനും 2009 മുതൽ ഇന്ത്യൻ യൂണിയൻ മുസ്ലീം ലീഗ് ദേശീയ രാഷ്ട്രീയ ഉപദേശക സമിതി അംഗവും കേരള സംസ്ഥാന പ്രസിഡൻ്റും (2022 വരെ), കേരളത്തിലെ പ്രധാന സുന്നി - ശാഫിഈ പണ്ഡിതസഭയായ സമസ്ത കേരള ജംഇയ്യത്തുൽ ഉലമ (ഇ.കെ വിഭാഗം) യുടെ വൈസ് പ്രസിഡൻറ് കൂടിയായിരുന്ന പാണക്കാട് സയ്യിദ് ഹൈദരലി ശിഹാബ് തങ്ങളേയും (15 ജൂൺ 1947 - 6 മാർച്ച് 2022),

ഒരു ജാതി ഒരു മതം മനുഷ്യന് എന്ന ശ്രീനാരായണഗുരുവിന്റെ വാക്യങ്ങളെ സാക്ഷാത്കരിക്കാൻ ശ്രമിക്കുകയും ,  ഓജസ്സു നഷ്ടപ്പെട്ട അപകടകരങ്ങളായ ആശയങ്ങളെ നവീകരിച്ച് ജാതിരഹിതവും- വർഗ്ഗരഹിതവുമായ പുതിയ ഒരു സമൂഹത്തെ സൃഷ്ടിക്കാൻ ശ്രമിക്കുകയും ചെയ്ത  ഒരു നവോത്ഥാന നായകനായിരുന്ന സഹോദരൻ അയ്യപ്പനേയും (ഓഗസ്റ്റ് 22, 1889 - മാർച്ച് 6, 1968),

സ്വാതന്ത്ര്യസമരസേനാനിയും  20 വർഷത്തിലധികം കെ.പി.സി.സി നിർവാഹക സമിതി അംഗവും മീറ്റ് പ്രോഡക്ട്‌സ് ഓഫ് ഇന്ത്യ, ഹാൻഡ് ലൂം ഡെവലപ്‌മെന്റ് കോർപ്പറേഷൻ എന്നിവയുടെ ഡയറക്ടറും  കോൺഗ്രസ് തിരുവനന്തപുരം ജില്ലാകമ്മിറ്റി പ്രസിഡന്റ്റും   കേരള നിയമസഭയിൽ വാമനപുരം നിയോജക മണ്ഡലത്തെ പ്രതിനിധീകരിച്ചു നാലാം കേരള നിയമസഭയിൽ അംഗവുമായിരുന്ന എം. കുഞ്ഞുകൃഷ്ണപിള്ളയേയും (മരണം 6 മാർച്ച് 2012)

 കൊച്ചിൻ കലാഭവൻ മിമിക്സ് പരേഡിലൂടെ കലാരംഗത്ത് സജീവമാകുകയും, കോമഡി വേഷങ്ങളിലൂടെ സിനിമയിൽ തുടക്കമിട്ട്, പിൽക്കാലത്ത് നായകനായി വളരുകയും,  നാടൻ പാട്ടുകളുടെ അവതരണം, ആലാപനം എന്നിവയിലും കഴിവ് തെളിയിക്കുകയും ചെയ്ത് അകാലത്തിൽ മരണമടഞ്ഞ കലാഭവൻ മണിയെയും (1 ജനുവരി 1971: മരണം:6 മാർച്ച് 2016)

ഐതിഹാസിക കർഷകസമരങ്ങളായ കോറോം, മുനയൻകുന്ന്‌ സമരങ്ങളിലെ പ്രധാന സേനാനികളിലൊരാളും 
ദേശാഭിമാനിയുടെ കൊച്ചി എഡിഷൻ 1968ൽ ആരംഭിച്ചപ്പോൾ പ്രസിദ്ധീകരണത്തിന്റെ ചുമതല പാർട്ടി ഏൽപിച്ച സഖാവും പത്രത്തിന്റെ വളർച്ചയും സാങ്കേതിക മികവും അത്ഭുതകരമായ രീതിയിൽ വർദ്ധിപ്പിച്ച ദേശാഭിമാനി പത്രത്തിന്റെ ജനറൽ മാനേജരും  ആയിരുന്ന കണ്ണൻ നായരേയും (1921 -1990 മാർച്ച്‌ 6)

 ഈസ്റ്റ് വിൻഡ്:വെസ്റ്റ് വിൻഡ്, ദ് ഗുഡ് എർത്ത്,സൺസ് , എ ഹൌസ് ഡിവൈഡഡ്  തുടങ്ങിയ കൃതികള്‍ രചിച്ച പ്രശസ്തയായ അമേരിക്കൻ എഴുത്തുകാരിയും നോബൽ സമ്മാന ജേതാവുമായിരുന്ന പേൾ എസ്. ബക്ക് എന്ന് പരക്കെ അറിയപ്പെട്ടിരുന്ന പേൾ സിഡൻസ്ട്രൈക്കർ ബക്കിനെയും  ( പേൾ കം‌ഫർട്ട് സിഡൻസ്ട്രൈക്കർ - ജൂൺ 26, 1892- മാർച്ച് 6, 1973)

അറ്റ്ലസ് ഷ്രഗ്ഗ്ഡ്, ഫൗണ്ടൻ ഹെഡ് എന്നി ഏറേ പ്രശസ്തമായ നോവലുകളെഴുതുകയും  ഒബ്ജക്റ്റിവിസം എന്നൊരു തത്ത്വചിന്താ പ്രസ്ഥാനത്തിനു  രൂപം നൽകുകയും ചെയ്ത  പ്രശസ്ത റഷ്യൻ-അമേരിക്കൻ നോവലിസ്റ്റും ചിന്തകയും തിരക്കതാ രചയിതാവുമായിരുന്ന   അയ്ൻ റാൻഡിനെയും  (1905 ഫെബ്രുവരി 2 -1982 മാർച്ച് 6 ),

ദാരുശില്പിയായി ജീവിതം ആരംഭിച്ച്,1491-നും 1502-നും ഇടയ്ക്ക് സാന്താമറിയനൊവെല്ല ദേവാലയത്തിലും വിച്ചിയോ കൊട്ടാരത്തിലും ഒട്ടധികം കൊത്തുപണികൾ നിർവഹിച്ച ഫ്ലോറൻസുകാരനായ ശില്പി ബാച്ചിയോദ അഗ്നോളോയേയും  (1462 മേയ് 15-ന് ജനനം-1543 മാർച്ച് 6 ന് മരണം)

ജർമ്മൻ എഞ്ചിനീയറും വ്യവസായിയുമാണ്, ആധുനിക ഗ്യാസോലിൻ എഞ്ചിൻ്റെയും മോട്ടോർ സൈക്കിളിൻ്റെയും വികസനത്തിലെ പയനിയറിംഗ് പ്രവർത്തനത്തിന് പേരുകേട്ടവനായ ഗോട്‌ലീബ് ഡൈംലർനേയും(1834-1900 മാർച്ച് 6),

പൈ (വലിയ അക്ഷരം Π, ചെറിയ അക്ഷരം π) ഒരു അതീത സംഖ്യയാണെന്ന് കണ്ടുപിടിച്ച ഗണിത ശാസ്ത്ര ഗവേഷകനും ആധുനിക ജർമ്മൻ വിദ്യാഭ്യാസ രീതിയുടെ ആവിഷ്കർത്താക്കളിൽ ഒരാളെന്ന നിലയിലും പ്രശസ്തനായിരുന്ന ഒരു ജർമ്മൻ ഗണിതശാസ്ത്രജ്ഞനായിരുന്ന ലിൻഡെമാൻ എന്ന ഫെർഡിനാന്റ് ലിൻഡെമാനേയും (ഏപ്രിൽ 12, 1852 - മാർച്ച്‌ 6, 1939), 

അമേരിക്കൻ നോവലിസ്റ്റും കവയിത്രിയുമായ അമേരിക്കൻ സാഹിത്യത്തിലെ ക്ലാസിക് ആയി കണക്കാക്കപ്പെടുന്ന "ലിറ്റിൽ വിമൻ" എന്ന നോവലിലൂടെ പ്രശസ്തയായ
ലൂയിസ മേ അൽകോട്ടിനേയും (നവംബർ 29 , 1832 - മാർച്ച് 6, 1888),

അമേരിക്കൻ നടിയും  1981 മുതൽ 1989 വരെ, അവളുടെ ഭർത്താവ് റൊണാൾഡ് റീഗൻ പ്രസിഡൻ്റായിരുന്ന കാലത്ത് അമേരിക്കയിലെ പ്രഥമ വനിതയുമായിരുന്ന നാൻസി റീഗനേയും ( ജൂലൈ 6, 1921 - മാർച്ച് 6, 2016) ,

ഒന്നാം കേരളനിയമസഭയിൽ കുന്നത്തൂർ നിയോജക മണ്ഡലത്തേയും മൂന്നാം നിയമസഭയിൽ കോന്നി നിയോജക മണ്ഡലത്തേയും പ്രതിനിധീകരിച്ച ഒരു സി.പി.ഐ. രാഷ്ട്രീയ നേതാവായിരുന്ന പി.ആർ. മാധവൻ പിള്ള എന്ന പന്തളം പി.ആർ. മാധവൻ പിള്ളയെയും (6 മർച്ച് 1917 - 25 സെപ്റ്റംബർ 1976),

മുഗൾ ചക്രവർത്തി, ബാബറിൻ്റെ മകൻ. പതിനാറാം നൂറ്റാണ്ടിൽ ആധുനിക ഇന്ത്യ, പാകിസ്ഥാൻ, അഫ്ഗാനിസ്ഥാൻ എന്നിവയുടെ ഭാഗങ്ങൾ  ഭരിച്ചു
ഇന്ത്യയിലെ മുഗൾ വംശത്തിലെ രണ്ടാമത്തെ ചക്രവർത്തിയായ ഹുമയൂണിനേയും (1508 മാർച്ച് 6 – 1556 ഫെബ്രുവരി 22),

പ്യേത്താ, ദാവീദ് എന്നീ രണ്ടു പ്രശസ്ത ശില്പങ്ങളും ,  റോമിലെ സിസ്റ്റൈൻ ചാപലിന്റെ മച്ചിന്മേൽ ബൈബിളിലെ സൃഷ്ടിയുടെ കഥയും, ചുവരിന്മേൽ ക്രൈസ്തവ സങ്കല്പത്തിലെ അന്ത്യവിധിരംഗങ്ങളും വരച്ചുചേർത്ത ഇറ്റാലിയൻ ശിൽ‌പിയും ചിത്രകാരനും കവിയും നിർമ്മാണവിദഗ്ദ്ധനും ആയിരുന്ന മൈക്കലാഞ്ചലോ എന്ന ഒറ്റപ്പേരിൽ സാധാരണ അറിയപ്പെടുന്ന മൈക്കലാഞ്ചലോ ഡി ലോഡോവികോ ബുഓണറോട്ടി സിമോണിയെയും  (മാർച്ച് 6, 1475 - മാർച്ച് 18, 1564),

പൈശാചിക നേരത്ത് (In Evil Hour ) ഏകാന്തതയുടെ നൂറ് വർഷങ്ങൾ (100 years of solitude ), കുലപതിയുടെ ശരത്‌ക്കാലം (The Autumn of the Patriarch ), കോളറാകാലത്തെ പ്രണയം (Love in the time of cholera ) ജനറൽ തന്റെ രാവണൻ കോട്ടയിൽ (General in his Labyrinth ), ആരും കേണലിനെഴുതുന്നില്ല (No one writes to the Colonel ) തുടങ്ങിയ കൃതികള്‍ രചിച്ച്  ലോകം എമ്പാടും പ്രശസ്തി ആര്‍ജിച്ച  കൊളംബിയൻ എഴുത്തുകാരനും, പത്രപ്രവർത്തകനും, എഡിറ്ററും,പ്രസാധകനും, രാഷ്ട്രീയ പ്രവർത്തകനുമായിരുന്ന  ഗബ്രിയേൽ ഗാർസിയ മാർക്വേസിനെയും  (1927 മാർച്ച് 6 - 2014 ഏപ്രിൽ 17),

പോളിഷ് ചലച്ചിത്ര, നാടക സംവിധായകൻ ആയിരുന്ന ആന്ദ്രേ വയ്ദയേയും ( 6 മാർച്ച് 1926 പോളണ്ട് - 9 ഒക്ടോബർ 2016) ,

 നോവലിസ്റ്റ്‌, നാടകകൃത്ത് എപ്പിസ്റ്റൊലേറിയൻ എന്നീ നിലകളിൽ പ്രശസ്തനായ 17-ാം നൂറ്റാണ്ടിൽ ജീവിച്ചിരുന്ന ഫ്രഞ്ചു സാഹിത്യകാരനും  ഒപ്പം ഒരു പട്ടാളക്കാരനും ദ്വന്ദ്വയുദ്ധത്തിൽ പങ്കെടുക്കുന്ന വ്യക്തിയുമായിരുന്ന സാവിനിയൻ ദെ സിറനോ ദെ ബെർജെറാക്നേയും (6 മാർച്ച് 1619 – 28 ജൂലൈ 1655)  ഓർമ്മിക്കുന്നു.

.      By ' ടീം തത്ത്വമസി - ജ്യോതിർഗ്ഗമയ '