ഇന്ന് നവംബര്‍ 29: ജ്യോതിർഗമയയ്ക്കിന്ന് പിറന്നാൾ : ദിവ്യ സ്പന്ദനയുടെയും മരിയോ സാലിയേരിയുടെയും ജന്മദിനം: അമേരിക്കയില്‍ കാലിഫോര്‍ണിയയില്‍ സാന്‍ ഹൊസെ സ്ഥാപിതമായതും തോമസ് ആല്‍വ എഡിസണ്‍ ആദ്യമായി ഫോണോഗ്രാഫ് പ്രദര്‍ശിപ്പിച്ചതും ഇതേ ദിനം തന്നെ: ചരിത്രത്തില്‍ ഇന്ന്

.   ചരിത്രത്തിൽ ഇന്ന് , വർത്തമാനവും …  
    **************

.                   ' JYOTHIRGAMAYA '
.                  ്്്്്്്്്്്്്്്്
.                  🌅ജ്യോതിർഗ്ഗമയ🌅

കൊല്ലവർഷം 1201
വൃശ്ചികം 13
 പൂരുരുട്ടാതി / നവമി
2025 നവംബർ 29, 
ശനി

ഇന്ന്;

*'ജ്യോതിർഗമയയ്ക്കിന്ന് പിറന്നാൾജ്യോതിർഗമയ ജന്മം കൊണ്ടിട്ട് ഇന്നേയ്ക്ക് 13 വർഷമാകുന്നു !

*കേരളബാങ്ക് : ആറാം വാർഷികം!

* International Day of Solidarity with the Palestinian People ![ പാലസ്തീനിയൻ ജനതയൊക്കൊപ്പം;അന്തഃരാഷ്ട്ര ഐക്യദാർഢ്യ ദിനം -]

* അന്താരാഷ്ട്ര ജാഗ്വാർ ദിനം ! [International Jaguar Day (അമേരിക്കന്‍ കടുവയായ ജഗ്വാറിനെ കുറിച്ച് അറിയാനും മനസ്സിലാക്കാനും ഒരു ദിവസം).]

* യുഗോസ്ലാവിയ: പ്രജാതന്ത്ര ദിനം!
* വാനുആതു : യൂണിറ്റി ഡേ !
* ലൈബീരിയ : വില്യം ടബ്മാന്റെജന്മദിനം!
* നോർവേ : 'ഇസ്ദാൽ ' വനിതാ ദിനം !(Isdal Woman Day; നോർവേയിലെ ഒരു അജ്ഞാത സ്ത്രീയുടെ ദുരൂഹ മരണം പതിറ്റാണ്ടുകളാേളം നോർവയെ പിടിച്ചു കുലുക്കിയതിൻ്റെ ഓർമ്മയ്ക്കായി ഒരു ദിവസം)

* USA ;
ദേശീയ സ്ക്വയർ നൃത്ത ദിനം ! [National Square Dancing Day; -നാടോടി നൃത്തത്തിന്റെ ചതുര നൃത്തരൂപം ആഘോഷിക്കുന്നതിനാണ് ദേശീയ ചതുര നൃത്ത ദിനം നിലനിൽക്കുന്നത്, കൂടാതെ "ഡോസി ഡു" എന്ന നൃത്തരൂപത്തിൽ പങ്കെടുക്കാനും ഇത് ഒരു മികച്ച അവസരമാണ്. നീണ്ട ചരിത്രമുള്ള ഈ രസകരവും ആരോഗ്യകരവും ലളിതവുമായ നൃത്തരൂപത്തിന് തീർച്ചയായും അതിന്റേതായ ഒരു അവധിക്കാലം അർഹിക്കുന്നു, അതിന് ഒന്ന് കൂടിയുണ്ട്!]

* ഡിജിറ്റൽ ആശംസകൾ ദിനം !!!![Electronic Greetings Day ;.]

*സിങ്കി ദിനം ![താങ്ക്സ് ഗിവിംഗ് ദിവസത്തിന് ശേഷമുള്ള ദിവസമാണിത്, തലേ ദിവസത്തെ അത്താഴ വിരുന്നും അതിനാലുണ്ടായ ഡൈനിംഗ് അവശിഷ്ടങ്ങളും കൊണ്ട് നിറഞ്ഞ അടുക്കള പൂർണ്ണമായും ഉപയോഗശൂന്യമാവുമ്പോൾ, ഭക്ഷണം തയ്യാറാക്കാൻ വൃത്തിയുള്ള സ്ഥലമില്ലതാവുന്നു. അങ്ങനെ
 സിങ്കിന് മുകളിൽ വച്ച് ഭക്ഷണം കഴിയ്ക്കേണ്ട ഗതികേട് വരുന്നു ! അങ്ങനെയാണ് ഈ ദിനത്തിന് സിങ്കി ദിനം എന്ന പേര് ഉടലെടുത്തത്.]

* ദേശീയ ചോക്ലേറ്റ് ദിനം ![National Chocolates Day ; നിങ്ങളുടെ ജോലിസ്ഥലത്തോ സ്കൂളിലോ ചോക്ക്ലേറ്റ്ബാറുകൾ, ട്രഫിൾസ്, മിഠായികൾ എന്നിവ വിതരണം ചെയ്യുകയും, സ്വയം കഴിയ്ക്കുകയും ചെയ്ത് കൊണ്ട് നിങ്ങളുടെ മനസ്സ് സംതൃപ്തമാക്കാൻ ഒരു ദിവസം]

* ദേശീയ നാരങ്ങ ക്രീം പൈ ദിനം ![National Lemon Cream Pie Day ;]
 
* നിങ്ങളുടെ ബാക്കി വന്ന ആഹാരം കളയാൻ ഒരു ദിനം !'[Throw Out Your Leftovers Day ; നിങ്ങളുടെ റഫ്രിജറേറ്ററിന്റെ പിൻഭാഗത്ത് കെട്ടിക്കിടക്കുന്ന പഴകിയ ഭക്ഷണങ്ങളും, അത് അവിടെയുണ്ടാകാൻ കാരണമായ കാരണങ്ങൾ ഒഴിവാക്കാനുമുള്ള ഒരു ദിവസം -.]

*ഇസ്ദാൽ വനിതാ  ദിനം ![നോർവേയിൽ ഒരു അജ്ഞാത സ്ത്രീയുടെ ദുരൂഹ മരണം പതിറ്റാണ്ടുകളായി ലോകത്തെ കീഴടക്കി, ഉത്തരം ലഭിക്കാത്ത നിരവധി ചോദ്യങ്ങൾ അവശേഷിപ്പിച്ചു.തർക്ക സാഹചര്യങ്ങളിലോ ദുരൂഹമായ സാഹചര്യങ്ങളിലോ മരിച്ചവരെ, പ്രത്യേകിച്ച് മൃതദേഹങ്ങൾ തിരിച്ചറിയാൻ കഴിയാത്ത സാഹചര്യങ്ങളിൽ മരിച്ചവരെ, ഓർമ്മിക്കാനും ആദരാഞ്ജലികൾ അർപ്പിക്കാനും വേണ്ടിയുള്ള ഒരു ദിനം പ്രദാനം ചെയ്യുന്നതിനാണ് ഇസ്ദാൽ വനിതാ ദിനം കണ്ടുപിടിച്ചത്. അതായത് അവരുടെ വിധി അജ്ഞാതമാണ്. ]

*ചെറുകിട ബിസിനസ്  ശനിയാഴ്ച ![അതുല്യവും വ്യക്തിപരവുമായ ഉൽപ്പന്നങ്ങൾ കണ്ടെത്തുക, അഭിനിവേശമുള്ള സംരംഭകരെ പിന്തുണയ്ക്കുക, സ്വതന്ത്രമായി ഉടമസ്ഥതയിലുള്ള സ്റ്റോറുകളിൽ ഷോപ്പിംഗ് നടത്തി പ്രാദേശിക സമ്പദ്‌വ്യവസ്ഥയ്ക്ക് സംഭാവന നൽകുക.വലിയ കമ്പനികളാൽ വശീകരിക്കപ്പെടുന്ന ഉപഭോക്താക്കൾ പലപ്പോഴും ചെറുകിട ബിസിനസുകളെ അവഗണിക്കുന്നു, മാത്രമല്ല ഇത് പ്രാദേശിക സമ്പദ്‌വ്യവസ്ഥയെ ഉപരിതലത്തിൽ തോന്നുന്നതിനേക്കാൾ കൂടുതൽ പ്രതികൂലമായി ബാധിക്കും. ]

.   ഇന്നത്തെ മൊഴിമുത്ത്
.    ്്്്്്്്്്്്്്്്്്്്
''കുന്നിക്കും കുറയാതെകുന്നൊടുകുശു-
മ്പേറും കുചം പേറിടും
കുന്നിന്‍ നന്ദിനി കുന്ദബാണനുകുല-
ക്കേസ്സൊന്നുപാസ്സായതില്‍
ഒന്നാം സാക്ഷിയതായ നീ കനിവെഴും
വണ്ണം കടക്കണ്ണെടു-
ത്തൊന്നെന്നില്‍ പെരുമാറണേ! പെരുമന-
ത്തപ്പന്റെ തൃപ്പെണ്‍കൊടി''

  [- ശീവൊള്ളി നാരായണന്‍ നമ്പൂതിരി ]
   ***********

ഇന്നത്തെ പിറന്നാളുകാർ
*****
ഇന്ത്യൻ ചലച്ചിത്ര താരവും മുൻ ലോക്സഭാ അംഗവുമായ രമ്യ എന്നറിയപ്പെടുന്ന ദിവ്യ സ്പന്ദനയുടെയും (1982 ),

തന്റെ തലമുറയിലെ ഏറ്റവും മികച്ച കളിക്കാരിൽ ഒരാളായി കണക്കാക്കപ്പെടുന്ന ഒരു വെൽഷ് ഫുട്‌ബോൾ പരിശീലകനും, ക്ലബ് കരിയർ മുഴുവൻ മാഞ്ചസ്റ്റർ യുണൈറ്റഡിന്  വേണ്ടി കളിക്കുകയും ചെയ്ത  റയൻ ജോസഫ് ഗിഗ്സിന്റെയും   (1973),

ഹാസ്യ കഥാപാത്രങ്ങളിൽ, 2000-2006 കാലയളവിൽ 'സ്കെയറി മൂവി' ചലച്ചിത്രപരമ്പരയിൽ സിൻഡി കാംപ്ബെൽ എന്ന പ്രധാന കഥാപാത്രത്തെ അവതരിപ്പിച്ച്  പ്രശസ്തയായ ഒരു അമേരിക്കൻ നടിയും നിർമ്മാതാവുമായ അന്ന കേ ഫാരിസിന്റെയും (1976) ,

രണ്ട് ഗ്രാമി അവാർഡുകൾ , ഒരു ടോണി അവാർഡ് , രണ്ട് ഗോൾഡൻ ഗ്ലോബ് അവാർഡുകൾ , രണ്ട് സ്‌ക്രീൻ ആക്ടേഴ്‌സ് ഗിൽഡ് അവാർഡുകൾ എന്നിവയുൾപ്പെടെ ഒന്നിലധികം അംഗീകാരങ്ങൾ നേടിയുട്ടുള്ള അമേരിക്കൻ നടൻ ഡൊണാൾഡ്  ഫ്രാങ്ക് ചെഡിൽ ജൂനിയർ എന്ന ഡോൺ ചിഡിലിന്റെയും (1964),

 മലയാള സിനിമയിൽ ശ്രദ്ധേയമായ നിരവധി കഥാപാത്രങ്ങളെ  അവതരിപ്പിച്ചിട്ടുള്ള വൈക്കത്തിനടുത്തുള്ള ചെമ്പ് സ്വദേശിയായ ചെമ്പ് അശോകൻ (1960 നവംബർ 29 )

മലയാളത്തിലെ ആദ്യകാല നിർമ്മാതാവും സംവിധായകനും ഛായാഗ്രാഹകനും ആയിരുന്ന, നൃത്തങ്ങളോ, സംഭാഷണമോ ഇല്ലാത്ത മലയാളത്തിലെ ഏകചിത്രമായ ആര്യങ്കാവ് കൊള്ളസംഘം നിർമ്മിച്ച് സംവിധാ‍നം ചെയ്ത ആർ. വേലപ്പൻ നായർ (1907 നവംബർ 29)

ഇറ്റാലിയൻ അശ്ലീലചിത്ര സംവിധായകനും നിർമ്മാതാവുമായ മരിയോ സാലിയേരിയുടെയും (1957),ജന്മദിനം !

ഇന്ന് ജന്മദിനമാചരിയ്ക്കേണ്ട ഇപ്പോൾ നമ്മോടൊപ്പമില്ലാത്ത നമ്മുടെ പ്രമുഖരായ പൂർവ്വികരിൽ ചിലർ
********"
ഡി. ശ്രീമാൻ നമ്പൂതിരി ജ. (1921-2016)
അലി സർദാർ ജാഫ്രി മ .(1916 , 2000),
ഗയിറ്റാനോ ഡോനിസെറ്റി ജ. (1797-1848)
ജോർജ്ജി  പ്ലെഖാനോവ് ജ. (1856-1918 )
വില്യം sബ് മാൻ ജ. (1895-1971)
വാറൺ ആൻഡേഴ്‌സൺ ജ. (1921-2014)
സി എ ബോസ്മാൻ  ജ. (   1976-  ,2020), 
കൊളുത്തൂർ ഗോപാലൻ (1918 - 2019)

ബാലസാഹിത്യം, നോവൽ, കവിത, നാട്ടറിവുകൾ, ആയുർവേദ പഠനങ്ങൾ, ജ്യോതിഷ പഠനം തുടങ്ങിയ മേഖലകളിൽ 60 ലേറെ ഗ്രന്ഥങ്ങൾ രചിച്ച മലയാള കവിയും ആയുർവേദ പണ്ഡിതനുമായ ഡി. ശ്രീമാൻ നമ്പൂതിരി( 29 നവംബർ 1921- 21 ജനുവരി 2016),

ഇന്ത്യയിലെ പ്രമുഖനായ ഉറുദു കവി, ജ്ഞാനപീഠം പുരസ്കാര ജേതാവ് ,നിരവധി തവണ ജയിലിലടക്കപ്പെട്ട , സ്വാതന്ത്ര സമര സേനാനി എന്നി നിലകളിൽ അറിയപ്പെടുന്ന അലി സർദാർ ജാഫ്രി(1916 നവംബർ 29-ഓഗസ്റ്റ് 1, 2000),

ലു ക്രേഷ്യ ബോർഗിയ, ലാ ഫാവോറ്റി, തുടങ്ങിയ  ഓപ്പറകൾ എഴുതി അവതരിപ്പിച്ച്,  റോസിനി, ബെല്ലിനി എന്നിവരോടൊപ്പം സമകാലിക ഓപ്പറാവേദി അടക്കി വാണിരുന്ന ഒരു സംഗീത പ്രതിഭയായിരുന്ന ഇറ്റാലിയൻ സംഗീതജ്ഞനായ ഗയിറ്റാനോ ഡോനിസെറ്റി ( 1797 നവംബർ 29 -1848 ഏപ്രിൽ 8 ),

റഷ്യയിലെ സോഷ്യൽ ഡെമോക്രാറ്റ് പ്രസ്ഥാനത്തിന്റെ സ്ഥാപകരിലൊരാളും  റഷ്യൻ വിപ്ലവകാരിയും മാർക്സിസ്റ്റ് സൈദ്ധാന്തികനുമായിരുന്ന ജോർജ്ജി വാലെന്റിനോവിച്ച് പ്ലെഖാനോവ് (29 നവംബർ 1856- 30 മേയ് 1918 ),

ലൈബിരിയയിൽ 1948 ൽ തിരഞ്ഞെടുക്കപ്പെട്ടതു മുതൽ മരണം വരെ പ്രസിഡന്റായിരുന്ന ആധുനിക ലൈബിരിയയുടെ പിതാവ് എന്ന് അറിയപ്പെടുന്ന വില്യം ടബ്മാൻ (1895 നവംബർ 29- 1971), 

ഭോപ്പാൽ വാതക ദുരന്തമുണ്ടാകുമ്പോൾ യൂണിയൻ കാർബൈഡ് കമ്പനിയുടെ മേധാവിയായിരുന്ന വാറൺ ആൻഡേഴ്‌സൺ (29 നവംബർ 1921- 30 ഒക്ടോബർ, 2014)

രണ്ട് പതിറ്റാണ്ട് നീണ്ട തന്റെ കരിയറിൽ, രണ്ട് സ്‌ക്രീൻ ആക്ടേഴ്‌സ് ഗിൽഡ് അവാർഡുകൾ , ഒരു ഗോൾഡൻ ഗ്ലോബ് അവാർഡ്, ഒരു പ്രൈംടൈം എമ്മി അവാർഡ്, കൂടാതെ ഒരു അക്കാദമി അവാർഡിനുള്ള നാമനിർദ്ദേശം എന്നിവയുൾപ്പെടെ ഒന്നിലധികം അംഗീകാരങ്ങൾ ബോസ്മാന് ലഭിച്ച അമേരിക്കൻ നടൻ ചാഡ്വിക്ക് ആരോൺ ബോസ്മാൻ (  നവംബർ 29, 1976- ഓഗസ്റ്റ് 28 , 2020),

ഒരു ഇന്ത്യൻ പോഷകാഹാര വിദഗ്ദ്ധനും .  ഇന്റഗ്രേറ്റഡ് ചൈൽഡ് ഡെവലപ്മെൻറ് സർവീസസ് (ഐസിഡിഎസ്), സ്കൂൾ കുട്ടികൾക്കുള്ള ഉച്ചഭക്ഷണ പദ്ധതി, ഗോയിറ്റർ പ്രിവൻഷൻ പ്രോഗ്രാം മുതലായ നിരവധി സാമൂഹിക ഇടപെടലുകളിലൂടെ, സ്വതന്ത്ര ഇന്ത്യയിൽ പോഷകാഹാര ഗവേഷണം നടത്തുന്നതിന്റെ ഉത്തരവാദിത്തം വഹിച്ച വ്യക്തിയും, ആയ  FREP, FRS, FAMS, FASc ൻ്റെ യും ജന്മദിനം (29 നവംബർ 1918 - 3 ഒക്ടോബർ 2019)

സ്മരണാഞ്ജലി !!!
്്്്്്്്്്്്്
ജെ.ആർ.ഡി.ടാറ്റ മ. (1904-1993)
ഇ ചന്ദ്രശേഖരൻ നായർ മ. (1928-2017)
ചമ്പത്ത് ചാത്തുകുട്ടി മന്നാടിയാർ മ.(1857-1904 )
ശീവൊള്ളി നാരായണൻ നമ്പൂതിരി മ.(1868 -1905 )
 കട്ടക്കയം ചെറിയാൻ മാപ്പിള മ.(1859 -1936)
മിതവാദി കൃഷ്ണൻ മ. (1867-1938)
സി.എസ്. സുബ്രമണ്യൻപോറ്റി മ.(1875-1954)
ടി. സുബ്രഹ്മണ്യൻ തിരുമുമ്പ് മ. (1906-1984)
ഇന്ദിര ഗോസ്വാമി മ. (1942-2011)
മറിയ തെരേസ മ. (1717 -1780) ,
മൗറീസ്  വിൽക്ക്‌സ് മ. (1913-2010),

സംസ്കൃതത്തിൽ പുഷ്പ്പഗിരിശം സ്തോത്രം, ഹാലാസൃമഹാത്മ്യം കിളിപ്പാട്ട്, ജാനകി പരിണയം, ഭവഭൂതിയുടെ ഉത്തരരാമചരിതം, തുടങ്ങിയ കൃതികൾ രചിച്ച ചമ്പത്ത് ചാത്തുകുട്ടി മന്നാടിയാർ (1857 മാർച്ച് 17 - 1904 നവംബർ 29 ), 

മലയാള കവിയും കഥാകൃത്തും നാടക രചയിതാവും ദാത്യുഹസന്ദേശം എന്ന സന്ദേശകാവ്യം രചിച്ച ശീവൊള്ളി നാരായണൻ നമ്പൂതിരി ( 1868 സെപ്റ്റംബർ9 -1905 നവംബർ 30),

ശ്രീയേശുവിജയം എന്ന മഹാകാവ്യമെഴുതിയ ക്രൈസ്തവ കാളിദാസൻ എന്നറിയപ്പെടുന്ന മഹാകവി കട്ടക്കയം ചെറിയാൻ മാപ്പിള (1859 ഫെബ്രുവരി 24 -1936 നവംബർ‌ 29),

പ്രമുഖനായ സമുദായോദ്ധാരകനും യുക്തിവാദി മാസികയുടെ പത്രാധിപ സമിതി അംഗവും കാലിക്കറ്റ് ബാങ്ക് എന്ന പേരിൽ കോഴിക്കോട് ഒരു ബാങ്കും നടത്തുകയും അധസ്ഥിതരുടെ ബൈബിൾ എന്നറിയപ്പെട്ടിരുന്ന  മിതവാദി പത്രത്തിന്റെ സാരഥിയുമായിരുന്ന മിതവാദി കൃഷ്ണൻ എന്ന C കൃഷ്ണൻ (11 ജൂൺ 1867 - 29 നവംബർ 1938),

മലയാളത്തിൽ വിലാപകാവ്യത്തിന്റെ സങ്കേതങ്ങളെ പൂർണ്ണമായുൾക്കൊണ്ട് രചിക്കപ്പെട്ട ആദ്യ വിലാപ കാവ്യമായ 'ഒരു വിലാപം' രചിക്കുകയും ബങ്കിം ചന്ദ്ര ചാറ്റർജിയുടെ കൃതികൾ ആദ്യമായി മലയാളത്തിലേക്ക് വിവർത്തനം ചെയ്യുകയും,   കരുനാഗപ്പള്ളി ഇംഗ്ലീഷ് സ്കൂളിൽ സംഘടിപ്പിച്ച വിദ്യാലയദിനാ ഘോഷത്തിൽ ബ്രാഹ്മണ-പുലയ വ്യത്യാസമില്ലാതെ എല്ലാ കുട്ടികളേയും ഒരേ പന്തിയിലിരുത്തി നടത്തിയ ആദ്യ  അവർണ-സവർണ വ്യത്യാസമില്ലാതെ സദ്യ നടത്തുകയും  ചെയ്ത, അദ്ധ്യാപകൻ, കവി, വിവർത്തകൻ, സാമൂഹ്യപരിഷ്കർത്താവ് എന്നീ നിലകളിൽ പ്രശസ്തനായ സി.എസ്. സുബ്രമണ്യൻ പോറ്റി ( നവംബർ 29, 1875-നവംബർ 24, 1954),

ഇ എം എസ് പാടുന്ന പടവാൾ എന്ന് വിശേഷിപ്പിച്ചിരുന്ന ആദ്യകാല കമ്മ്യൂണിസ്റ്റു് നേതാക്കളിലൊരാളും കവിയും സ്വാതന്ത്രസമര സേനാനിയുമായിരുന്നു താഴേക്കാട്ടു തിമിരിമനയിൽ സുബ്രഹ്മണ്യൻ തിരുമുമ്പ് എന്ന ടി. എസ്. തിരുമുമ്പ് (12 ജൂൺ 1906 - 29 നവംബർ 1984),

കേരള സംസ്ഥാനത്തിലെ മന്ത്രിയും രാഷ്ട്രീയ നേതാവുമായിരുന്ന ഇ. ചന്ദ്രശേഖരൻ നായർ ( 02 ഡിസംബർ 1928 -  29 നവംബർ 2017),

ജീവിച്ചിരുന്ന സമയത്ത് ഭാരതരത്നം നേടിയ അപൂർ‌വ്വം വ്യക്തികളിലെരാളും ,ഇന്ത്യയിലെ പ്രമുഖ വ്യവസായിയും, വൈമാനികനുമായിരുന്ന ജെഹാംഗീർ രത്തൻ‌ജി ദാദാഭോയ് ടാറ്റ എന്ന ജെ.ആർ.ഡി. ടാറ്റ
 (ജൂലൈ 29 1904-നവംബർ 29 1993),

ഡൽഹി സർവകലാശാലയിൽ അദ്ധ്യാപികയായിരുന്ന അസ്സമീസ് സാഹിത്യകാരിയും, ജ്ഞാനപീഠ പുരസ്ക്കാര ജേതാവും,  സാമൂഹ്യ പ്രവർത്തകയും തീവ്രവാദ സംഘടനയായ ഉൾഫയും ഇന്ത്യൻ കേന്ദ്ര സർക്കാരും തമ്മിലുള്ള 27 വർഷമായി തുടർന്ന പോരാട്ടങ്ങൾ അവസാനിപ്പിക്കുന്നതിനു വേണ്ടിയുള്ള ശ്രമങ്ങളിൽ  പ്രധാന പങ്കു വഹിക്കുകയും ചെയ്ത മമൊനി റെയ്സം ഗോസ്വാമി എന്ന, ഇന്ദിര ഗോസ്വാമി (നവംബർ 14 1942-നവംബർ 29 2011), 2)

ആസ്ട്രിയ, ഹംഗറി, ക്രൊയേഷ്യ, ബൊഹീമിയ, മാന്റുവ, തുടങ്ങി ഹാബ്സ് ബർഗ് ഭരണപ്രദേശങ്ങളുടെ ഏക വനിതാഭരണാധികാരിയായിരുന്ന മറിയ തെരേസ എന്നറിയപ്പെട്ട മറിയ തെരേസ വാൽബുർഗ അമാലിയ ക്രിസ്റ്റീന ചക്രവർത്തിനി (13 മേയ് 1717- 29 നവംബർ1780) ,

മൈക്രൊ പ്രോഗ്രാമിംഗ്, പ്രോഗ്രാമിംഗിൽ പ്രധാന്യമർഹിക്കുന്ന മാക്രോകൾ, സബ്റൂട്ടിൻ ലൈബ്രറികൾ എന്നീ തത്ത്വങ്ങൾ അവതരിപ്പിക്കുക, EDSAC എന്ന പ്രോഗ്രാം സ്വന്തമായി സൂക്ഷിച്ച ആദ്യ കമ്പ്യൂട്ടറിൻറെ സ്രഷ്ടാവ്,  തുടങ്ങി കമ്പ്യൂട്ടർ ലോകത്തിന് ശ്രദ്ധേയമായ സംഭാവനകൾ നൽകിയ   മൗറീസ് വിൻസൻറ് വിൽക്ക്‌സ് (1913 - 29 നവംബർ 2010),

ചരിത്രത്തിൽ ഇന്ന്…
്്്്്്്്്്്്്്്്്്
1777 - അമേരിക്കയിൽ കാലിഫോർണിയയിൽ സാൻ ഹൊസെ സ്ഥാപിതമായി.

1786 - റോമൻ ചക്രവർത്തി Leopold II രാജ്യത്ത് വധശിക്ഷ റദ്ദാക്കി ഉത്തരവിട്ടു.

1877 - തോമസ് ആൽ‌വ എഡിസൺ ആദ്യമായി ഫോണോഗ്രാഫ് പ്രദർശിപ്പിച്ചു.

1899 - സ്പെയിനിലെ ഫുട്ബോൾ ക്ലബ് എഫ്.സി. ബാഴ്സലോണ സ്ഥാപിതമായി.

1910 - ആദ്യത്തെ അമേരിക്കൻ പേറ്റന്റ് ട്രാഫിക് ലൈറ്റിന്റെ നിർമ്മാണത്തിനായി ഏണസ്റ്റ് സിറീന്‌ ലഭിച്ചു.

1922 - പര്യവേഷകൻ ഹോവാർഡ് കാർട്ടർ ഫറവോ തുതൻഖാമന്റെ കല്ലറ പൊതുജനങ്ങൾക്കു തുറന്നു കൊടുത്തു.

1947 - ഐക്യരാഷ്ട്രസഭയുടെ പൊതു സഭ പാലസ്തീൻ വിഭജനത്തിന്‌ അനുകൂലമായി വോട്ടു ചെയ്തു.

1964 - നാസ ആദ്യ ചൊവ്വ പര്യവേക്ഷണ പേടകമായ മറൈനർ വിക്ഷേപിച്ചു.

1990- ബ്രിട്ടന്റെ ഉരുക്കു വനിത മാർഗരറ്റ് താച്ചറുടെ പിൻഗാമിയായി ജോൺ മേജറെ ബ്രിട്ടിഷ് കൺസർവേറ്റീവ് പാർട്ടി നിശ്ചയിച്ചു.

1994 - നോർവേയുടെ യൂറോപ്യൻ യൂണിയൻ പ്രവേശനം സംബന്ധിച്ച ഹിത പരിശോധന.

2017 - 8 മണിക്കൂർ 18 മിനിട്ട് നിണ്ടുനിന്ന മഴവില്ല് തായ് പേയിൽ പ്രത്യക്ഷമായി.

2022 -2021 ലെ സെൻസസ് പ്രകാരം ഇംഗ്ലണ്ടിലെയും വെയിൽസിലെയും പകുതിയിൽ താഴെ ആളുകൾ സ്വയം ക്രിസ്ത്യാനികളാണെന്ന് വിളിക്കുന്നു

2023 -  നേപ്പാൾ പടിഞ്ഞാറൻ ലുംജംഗ് ജില്ലയിൽ ആദ്യത്തെ സ്വവർഗ വിവാഹം രജിസ്റ്റർ ചെയ്തു, അഞ്ച് മാസം മുമ്പ് ഇത് നിയമവിധേയമാക്കിയ രണ്ടാമത്തെ ഏഷ്യൻ രാജ്യമായി
‘
.      By ' ടീം തത്ത്വമസി - ജ്യോതിർഗ്ഗമയ '
.       ************
   Rights Reserved by Team Jyotirgamaya