ഇന്ന് ഒക്ടോബര്‍ 16: ലോക ഭക്ഷ്യദിനം: പൃഥ്വിരാജിന്റെയും ഹേമ മാലിനിയുടേയും അലീഷ മുഹമ്മദിന്റേയും ഹേമ മാലിനിയുടേയും ജന്മദിനം: മലയാളിപത്രം ആരംഭിച്ചതും വീരപാണ്ഡ്യകട്ടബൊമ്മനെ ബ്രിട്ടീഷുകാര്‍ തമിഴ്‌നാട്ടിലെ കയ്ത്താര്‍ എന്ന സ്ഥലത്ത് വച്ച് തൂക്കിക്കൊന്നതും ഇതേദിനം തന്നെ, ചരിത്രത്തിൽ ഇന്ന്

.   ചരിത്രത്തിൽ ഇന്ന് , വർത്തമാനവും …  
    **************

.                   ' JYOTHIRGAMAYA '
.                  ്്്്്്്്്്്്്്്്
.                   🌅ജ്യോതിർഗ്ഗമയ🌅
.                       
കൊല്ലവർഷം 1201
കന്നി 30
ആയില്യം / ദശമി
2025/ ഒക്ടോബര്‍ 16, 
വ്യാഴം

ഇന്ന്;

  *ലോക ഭക്ഷ്യദിനം ![ 1945ൽ ഇന്നേ ദിവസമാണ് UNന് കീഴിൽ FA0 (food and agricultural organisation) നിലവിൽ വന്നത് . ആളുകൾക്ക് കൊണ്ടാടാൻ മാത്രം പ്രാധാന്യമുള്ള  അത്ഭുതകരമായ നമ്മുടെ ഭക്ഷണത്തെ ഭക്ഷണശീലത്തെ അതിലെ വൈവിധ്യത്തെ നാം കൊണ്ടാടുക മാത്രമല്ല ഇന്ന് ചെയ്യേണ്ടത്, മറിച്ച് അതിന് കഴിയാത്ത അത്തരം സൗകര്യങ്ങളില്ലാത്ത ആളുകൾക്ക് അതിനെക്കുറിച്ചുള്ള അവബോധം വളർത്തുകയുമാണ്. ലോകമെമ്പാടുമുള്ള ആളുകൾ പട്ടിണികൊണ്ട് കഷ്ടപ്പെടുമ്പോൾ. പല രാജ്യങ്ങളിലും പട്ടിണി ഒരു വലിയ പ്രശ്‌നമാണ് എന്ന കാര്യത്തെ കുറിച്ചറിയാനും, അത് ചെറുക്കാനുമാണ് നാം ഇന്നേ ദിവസം കൂടുതലായി പ്രയത്നിയ്ക്കേണ്ടത്. ആരോഗ്യകരമായ ഭക്ഷണക്രമങ്ങളെക്കുറിച്ചും ശരീരത്തിന് എന്താണ് വേണ്ടതെന്നതിനെക്കുറിച്ചും ഉള്ള അവബോധം വളർത്തി, ലോക ഭക്ഷ്യദിനം നമുക്ക് പ്രയോജനപ്പെടുത്താം. അടുത്ത കാലത്തായി, ആരോഗ്യകരമായ ഭക്ഷണക്രമങ്ങളെക്കുറിച്ചും ആരോഗ്യകരമോ അനാരോഗ്യകരമോ ആയ ഭക്ഷണസാധനങ്ങളെക്കുറിച്ചും നമ്മുടെ ജനതയ്ക്ക് മനസ്സിലാക്കി കൊടുക്കത്തക്ക വിധം നമ്മുടെ വിദ്യാഭ്യാസം വളർന്നു, പക്ഷേ  ഇതുവരെ അവിടെ എത്തിയിട്ടില്ലാത്ത നാടുകളിൽ ഈ മേഖലയിൽ കൂടുതൽ വിദ്യാഭ്യാസത്തിനും ബോധവൽക്കരണത്തിനുമുള്ള മികച്ച അവസരമാണ് ലോക ഭക്ഷ്യദിനം നമുക്ക് പ്രദാനം ചെയ്യുന്നത്. "Hand in Hand for Better Foods and a Better Future" -  എന്നതാണ് 2025 ലെ ഈ ദിനത്തിൻ്റെ തീം ]

*ആഗോള എത്തിക്‌സ് ദിനം![ധാർമ്മികതയെ നമ്മുടെ ശക്തിയായി സ്വാംശീകരിക്കുക എന്ന ലക്ഷ്യത്തോടെ, ആളുകൾക്ക് അവരുടെ ജീവിതം മെച്ചപ്പെടുത്തുന്നതിനും മെച്ചപ്പെട്ട കമ്മ്യൂണിറ്റികൾ കെട്ടിപ്പടുക്കുന്നതിനുമുള്ള സജീവമായ ഒരു പ്രക്രിയയായി ആഗോള എത്തിക്‌സ് ദിനം നമുക്ക് ധാരാളം അവസരങ്ങൾ പ്രദാനം ചെയ്യുന്നു. ചില വിഷയത്തിൽ ആളുകൾ പരസ്പരം വിയോജിക്കുന്ന സാഹചര്യങ്ങളിലോ പക്ഷപാതപരവും ദേശീയത നിറഞ്ഞ സന്ദർഭങ്ങളിൽ പോലുമോ, പരസ്പരം കേൾക്കാനും സഹകരിച്ച് പ്രവർത്തിക്കാനും ഈ ലോകത്തെ മികച്ചതാക്കാനുള്ള വഴികൾ നൽകാൻ ആഗോള നൈതിക ദിനം ശ്രമിക്കുന്നു. Ethics Re-envisioned എന്നതാണീ വർഷത്തെ തീം]

*ലോക അലർജി അവബോധ  ദിനം![അലർജി ബാധിതർ നേരിടുന്ന വെല്ലുവിളികളിലേക്ക് ലോക അലർജി അവബോധ ദിനം ശ്രദ്ധ ക്ഷണിക്കുന്നു. ഈ അവസ്ഥകൾ എത്രത്തോളം സാധാരണമാണെന്നും അവ ദൈനംദിന ജീവിതത്തെ എങ്ങനെ ബാധിക്കുമെന്നും ഇത് കാണിക്കുന്നു. ]

*ആഗോള പൂച്ച ദിനം![മനുഷ്യർക്കും പൂച്ചകൾക്കും വളരെ നീണ്ടതും ചിലപ്പോൾ സങ്കീർണ്ണവുമായ ബന്ധമുണ്ട്. ഈജിപ്ഷ്യൻ കാലത്ത് മനുഷ്യർ പൂച്ചകളെ ആരാധിക്കുന്നത് മുതൽ മധ്യകാലഘട്ടത്തിൽ അവയെ ഭയപ്പെടുന്നത് വരെ ആയിരക്കണക്കിന് വർഷങ്ങളായി ആളുകൾ ഈ ചെറിയ ജീവിയുമായി നിരന്തരം ബന്ധപ്പെട്ടിരിക്കുന്നു."Cat Friendly Every Day," എന്നതാണ്  2025 ലെ ഈ ദിനത്തിൻ്റെ തീം ]

 *ലോക അനസ്തീഷ്യ ദിനം ![വേദനയില്ലാത്ത യുഗത്തിന്റെ തുടക്കം -ആരോഗ്യപരിപാലനത്തിൽ അനസ്തേഷ്യ വഹിക്കുന്ന നിർണായക പങ്ക് എടുത്തുകാട്ടുന്നതിനുള്ള ഒന്നാണ് . രോഗികൾക്ക് എളുപ്പത്തിലും കുറഞ്ഞ വേദനയിലും ഓപ്പറേഷനുകളും വൈദ്യചികിത്സകളും നടത്താമെന്ന് ഉറപ്പാക്കുന്നതിൽ നിർണായക പങ്ക് വഹിക്കുന്ന അനസ്‌തെറ്റിസ്റ്റുകൾ അല്ലെങ്കിൽ അനസ്‌തേഷ്യോളജിസ്റ്റുകൾ എന്നറിയപ്പെടുന്ന ആരോഗ്യ പ്രവർത്തകർക്ക് നന്ദി അർപ്പിക്കാനുള്ള അവസരമാണ് ഈ പ്രത്യേക ദിനം നൽകുന്നത്. Anaesthesiology in Health Emergencies എന്നതാണീ 2025 ലെ ഈ ദിനത്തിൻ്റെ തീം]

* ലോക നട്ടെല്ല് ദിനം ![World Spine day, Love Your spine -ലോക നട്ടെല്ല്  ദിനം ലോകത്ത് ഏകദേശം ഒരു ബില്യൺ ആളുകൾ നട്ടെല്ല് വേദന അനുഭവിക്കുന്നു. ലോക നട്ടെല്ല് ദിനം നട്ടെല്ലിൻ്റെ ഫലപ്രദമായ പ്രതിരോധവും പരിപാലനവും പ്രോത്സാഹിപ്പിക്കുന്നതിനായി ശ്രമിക്കുന്നു, ആളുകളെ അവരുടെ നട്ടെല്ലിനോട് ദയ കാണിക്കാൻ പ്രോത്സാഹിപ്പിക്കുന്നു!"Invest in Your Spine എന്നതാണ് 2025 ലെ ഈ ദിന തീം ]

*അന്താരാഷ്ട്ര സർവ്വനാമ  ദിനം ![International Pronouns Day -"അവൾ", "അവൻ" അല്ലെങ്കിൽ "അവർ" തുടങ്ങിയ വാക്കുകൾ പരസ്പരം സംസാരിക്കുമ്പോൾ നമ്മൾ എങ്ങനെ ഉപയോഗിക്കുന്നു എന്നതിനെക്കുറിച്ചാണ് അന്താരാഷ്ട്ര സർവ്വനാമ ദിനം.ശരിയായ സർവ്വനാമങ്ങൾ ഉപയോഗിക്കുന്നത് ആളുകളെ ബഹുമാനിക്കാൻ സഹായിക്കുന്നു എന്ന ലളിതമായ ആശയത്തിലേക്ക് ഇത് ശ്രദ്ധ ക്ഷണിക്കുന്നു. ]

*അന്താരാഷ്ട്ര ക്രെഡിറ്റ് യൂണിയൻ  ദിനം![സാമ്പത്തിക സഖ്യകക്ഷികളായ ഈ കമ്മ്യൂണിറ്റി അധിഷ്ഠിത സഹകരണ സ്ഥാപനങ്ങൾ ന്യായമായ നിരക്കുകൾ, കമ്മ്യൂണിറ്റി ശ്രദ്ധ, വ്യക്തിഗതമാക്കിയ സാമ്പത്തിക പരിഹാരങ്ങൾ എന്നിവയിലൂടെ ശാക്തീകരിക്കുന്നു.പൊതുവായുള്ള വിവിധ സാമ്പത്തിക ലക്ഷ്യങ്ങൾക്കായി പ്രവർത്തിക്കുന്ന സമൂഹങ്ങളിലെ ആളുകളാണ് ക്രെഡിറ്റ് യൂണിയനുകൾ. അന്താരാഷ്ട്ര ക്രെഡിറ്റ് യൂണിയൻ ദിനം ആഘോഷിക്കുന്നതിനായി ലോകത്തിന്റെ എല്ലാ കോണുകളിൽ നിന്നുമുള്ള ആളുകളെ എല്ലാ വർഷവും ഒരുമിച്ച് കൊണ്ടുവരുന്നു! ]

  
* റീസ്റ്റാർട്ട് എ ഹാർട്ട് ഡേ ![ ഇത് വ്യക്തികൾക്കും ഗ്രൂപ്പുകൾക്കും CPR ടെക്നിക്കുകളും ജീവൻ രക്ഷിക്കാനുള്ള കഴിവുകളും പഠിക്കാനും പരിശീലിക്കാനും അനുയോജ്യമായ അവസരം നൽകുന്നു."Two hands can save a life" എന്നതാണീ 2024 ദിനത്തിലെ തീം]

*ദേശീയ ഫോസിൽ  ദിനം ![പുരാതന ജീവികളുടെ അവശിഷ്ടങ്ങൾ സംരക്ഷിക്കുന്നതിലൂടെ നിരവധി വർഷങ്ങളായി ചരിത്രം നിരീക്ഷിക്കുന്നതിൻ്റെ രസത്തിൽ പങ്കുചേരുക. ഭൂമിയുടെ ഭൂതകാലത്തിലേക്ക് വളരെയധികം വെളിച്ചം വീശുന്ന ഈ പ്രതിഭാസത്തെ പഠിക്കാനും നിരീക്ഷിക്കാനും വിദ്യാഭ്യാസം നൽകാനും ആഘോഷിക്കാനുമാണ് ദേശീയ ഫോസിൽ ദിനം.]

*SUDEP ആക്ഷൻ  ഡേ![അപസ്മാരം ബാധിച്ചവരെ ബാധിക്കുന്ന പെട്ടെന്നുള്ള മരണമാണ് SUDEP. ഇതിന് ചികിത്സയില്ലെങ്കിലും, ഇതിനെ കുറിച്ചുള്ള ബോധവൽക്കരണം ഇതിൻ്റെ പ്രതിരോധത്തിലേക്കും മെച്ചപ്പെട്ട ചികിത്സയിലേക്കും നമ്മെ നയിക്കും.അപസ്മാരം ബാധിച്ച ഒരാൾ പെട്ടെന്ന് അകാലത്തിൽ മരിക്കുന്നതിനെയാണ് അപസ്മാരത്തിലെ പെട്ടെന്നുള്ള അപ്രതീക്ഷിത മരണം (SUDEP) എന്നു പറയുന്നത്. ലോകത്ത് ഏകദേശം 50 ദശലക്ഷം ആളുകൾക്ക് ഈ രോഗം ഉണ്ട്, ഇത് ലോകത്തിലെ ഏറ്റവും സാധാരണമായ ന്യൂറോളജിക്കൽ രോഗങ്ങളിൽ ഒന്നാണ്. ]

*സംഘർഷ പരിഹാര  ദിനം ![ചെറുതും വലുതുമായ സ്കെയിലുകളിൽ നമുക്ക് ലഭ്യമായ നിരവധി സമാധാനപരവും അക്രമരഹിതവുമായ സംഘർഷ പരിഹാര രീതികളെക്കുറിച്ച് അവബോധം വളർത്താൻ പരിഗണിക്കുകയും സഹായിക്കുകയും ചെയ്യുക.സമാധാനം ക്ഷണികമായിരിക്കാം, പക്ഷേ അതിനുവേണ്ടി പ്രവർത്തിക്കുന്നത് മൂല്യവത്താണ്. ലോകമെമ്പാടുമുള്ള മനുഷ്യർക്ക്, കുടുംബവുമായും സഹപ്രവർത്തകരുമായും പ്രാദേശിക തലത്തിലായാലും ആഗോള തലത്തിലായാലും, ലോകസമാധാനത്തിന് അവർ എങ്ങനെ സംഭാവന നൽകുന്നുവെന്ന് പരിഗണിക്കാനുള്ള അവസരം സംഘർഷ പരിഹാര ദിനം നൽകുന്നു. ലോകത്തെ മുഴുവൻ കൂടുതൽ സമാധാനപരമായ ഒരു സ്ഥലമാക്കി മാറ്റാൻ കഴിയുന്ന കഴിവുകൾ വളർത്തിയെടുക്കുന്നതിനും പുതിയ ശീലങ്ങൾ സൃഷ്ടിക്കുന്നതിനും ശരിയായ ദിശയിൽ ചില ചെറിയ ചുവടുകൾ മാത്രമേ ഇത് എടുക്കൂ. ]

*ഹാഗ്ഫിഷ് ദിനം!കടലിലെ ഏറ്റവും വിചിത്രമായ ജീവികളിൽ ഒന്നായ ഹഗ്ഫിഷ് പ്രകൃതിയിലെ എല്ലാ വിചിത്രമായ ചെറിയ ജീവികളെയും പ്രതിനിധീകരിക്കുന്നു.നമ്മുടെ ലോകത്തെ ആരോഗ്യകരവും ചലനാത്മകവുമായി നിലനിർത്താൻ പരിസ്ഥിതിശാസ്ത്രത്തിന് എല്ലാത്തരം ആവശ്യങ്ങളും ആവശ്യമാണെന്ന് ഹാഗ്ഫിഷ് ദിനം നമ്മെ ഓർമ്മിപ്പിക്കുന്നു, ]

* ദേശീയ ബോസ് ദിനം ![ചിലപ്പോഴൊക്കെ നമ്മൾ നമ്മുടെ ബോസിനെക്കുറിച്ചോ അല്ലെങ്കിൽ അവർ അനുഭവിക്കുന്ന കാര്യങ്ങളെക്കുറിച്ചോ വേണ്ടത്ര ചിന്തിക്കുന്നില്ല, നമ്മളെ ജോലിയിൽ തുടരാനും നമ്മുടെ വേതനം ലഭിക്കുന്നുണ്ടെന്ന് ഉറപ്പാക്കാനും ഇവർ സഹായിക്കും. ഒരു ദിവസം കൊണ്ട് നമുക്ക് എന്ത് ചെയ്യാനാകുമെന്ന യാഥാർത്ഥ്യബോധമില്ലാത്ത എന്നാൽ പ്രതീക്ഷകളുള്ള അടിമകളോ ഡ്രൈവർമാരോ ഇവരെ എതിരാളികളായിട്ടാണ്  പലപ്പോഴും കാണുന്നത്.]

USA ;
*ദേശീയ നിഘണ്ടു ദിനം  [National Dictionary Day-ദേശീയ നിഘണ്ടു  ദിനം-ലോക നിഘണ്ടു ദിനത്തിൽ നിങ്ങൾ നിങ്ങളുടെ പദാവലി വിപുലീകരിയ്ക്കുക. നിങ്ങൾക്ക് ഇതിനകം ഒരു നിഘണ്ടു സ്വന്തമായില്ലെങ്കിൽ, ഒരു നിഘണ്ടു വാങ്ങി പുതിയ പുതിയ വാക്കുകൾ പഠിക്കുവാൻ ശ്രമിയ്ക്കുക.]

*Department Store Day ![ഡിപ്പാർട്ട്‌മെൻ്റ് സ്റ്റോറുകൾ ലോക സമ്പദ്‌വ്യവസ്ഥയുടെ ശക്തികേന്ദ്രങ്ങളായി മാറിയിരിക്കുന്നു, ഒന്നിലധികം വിഭവങ്ങൾ സംയോജിപ്പിച്ച് എളുപ്പത്തിൽ സഞ്ചരിക്കാവുന്ന ഒരു സ്റ്റോറായി ഇത് മാറി. ഒന്നിലധികം ചെറിയ സ്‌പെഷ്യാലിറ്റി സ്റ്റോറുകളിൽ പോകുന്നതിനുപകരം, നിങ്ങൾക്ക് ആവശ്യമുള്ളതെല്ലാം ഒരിടത്ത് ലഭിക്കുന്നു എന്നതാണ്, ഡിപ്പാർട്ട്‌മെൻ്റ് സ്റ്റോറുകളുടെ പ്രത്യേകത. ]

*Steve Jobs Day ![ നാട്ടിലെ സംഗീതജ്ഞരും കലാകാരന്മാരും ആപ്പിൾ ഉൽപ്പന്നങ്ങളുടെ ശക്തവും വിശ്വസനീയവുമായ ടൂളുകളെ ആശ്രയിക്കുന്നു എന്നതിനാൽ. സ്റ്റീവ് ജോബ്‌സ് ഡേ അവിശ്വസനീയമായ തരത്തിൽ നൂതനത്വത്തെ അംഗീകരിക്കുന്നു എന്ന് വരുന്നു, കൂടാതെ നമ്മൾ ജീവിക്കുന്ന ലോകത്തെ മാറ്റുന്നതിനും നിർവചിക്കുന്നതിനും സ്റ്റീവ് ജോബ്സ് ചെയ്തതെല്ലാം ഓർക്കുന്നതിനു കൂടിയുള്ളതാണ് ഈ ദിനം]

*National Feral Cat Day ![ ദേശീയ കാട്ടുപൂച്ച ദിനം -2001 ഓഗസ്റ്റിൽ, Alley Cat Allies അവരുടെ പത്താം വാർഷികം ആഘോഷിക്കുകയും, കാട്ടുപൂച്ചകളുടെ കോളനികളെക്കുറിച്ചും അവയെ എങ്ങനെ പരിപാലിക്കാമെന്നും  ഉള്ള അവബോധം വളർത്തുന്നതിനായി ഒന്നാം വാർഷിക ദേശീയ കാട്ടുപൂച്ച ദിനം ആരംഭിച്ചു. ]

*National Liqueur Day ![ദേശീയ മദ്യ  ദിനം -ലഹരിപാനീയങ്ങളുടെ ലോകത്തിലെ സവിശേഷമായ ഒരു വിഭാഗമായ മദ്യം, ഒരു വാറ്റിയെടുത്ത സ്പിരിറ്റാണ്. പേര് സമാനമാണെങ്കിലും മദ്യം മദ്യത്തിൽ നിന്ന് വ്യത്യസ്തമാണ്, കാരണം അത് മധുരമാണ്. മിക്സഡ് പാനീയങ്ങളിൽ പ്രധാനമായും ഒരു ഫ്ലേവറിംഗ് ഏജൻ്റായി മദ്യം ഉപയോഗിക്കുന്നു. ]

* ചിലി : അദ്ധ്യാപക ദിനം !
* ബൾഗേറിയ : വായുസേന ദിനം !

^^^^^^^^^^^***

ഇന്നത്തെ മൊഴിമുത്തുകൾ
്്്്്്്്്്്്്്്്്്്്്്്്്്
''അനുചിതമായ ഒരു വികാരവുമുണ്ടാകാതിരിക്കുക എന്നതാണ് ജീവിതത്തിന്റെ വിജയരഹസ്യം.''

''ദൗർഭാഗ്യങ്ങൾ നമുക്കു സഹിക്കാം: അവ പുറത്തു നിന്നു വരുന്നവയാണ്‌, തികച്ചു യാദൃച്ഛികവുമാണ്. പക്ഷേ സ്വന്തം കൈപ്പിഴകൾ കൊണ്ടുണ്ടായ യാതന സ്വയം തിന്നുക, ഹാ! അതാണു ജീവിതത്തിന്റെ വിഷദംശനം!''

    [ - ഓസ്കാർ വൈൽഡ് ]
************
ഇന്നത്തെ പിറന്നാളുകാർ
...............
2006ലും 2013ലും മികച്ച നടനുള്ള സംസ്ഥാന ചലച്ചിത്ര പുരസ്ക്കാരം,  നവാഗത സംവിധായകനുള്ള സൈമ അവാര്‍ഡ് 2019 (ചിത്രം: ലൂസിഫര്‍) തുടങ്ങി നിരവധി പുരസ്കാരങ്ങൾ നേടിയ, അഭിനയം കൊണ്ടും നിലപാടുകള്‍ കൊണ്ടും യുവനടന്മാരില്‍ ശ്രദ്ധേയനായ നടനും സംവിധായകനുമായ  പൃത്ഥ്വിരാജ് സുകുമാരന്റെയും (1982),

മമ്മൂട്ടിയുടെ നായികയായി 2013 ൽ പുറത്തിറങ്ങിയ മലയാള ചലച്ചിത്രമായ 'കടൽ കടന്നൊരു മാത്തുക്കുട്ടി'യിലൂടെ   സിനിമാലോകത്തേക്ക് അരങ്ങേറ്റം കുറിച്ച അലീഷ മുഹമ്മദിന്റേയും( 1987),

 ബോളിവുഡ് ചലച്ചിത്രരംഗത്തെ ഒരു നടിയും, എഴുത്തുകാരിയും സംവിധായികയും നിർമ്മാതാവും ഭരതനാട്യ നർത്തകിയും സർവ്വോപരി ഒരു രാഷ്ട്രീയക്കാരിയുമായ ഹേമ മാലിനിയുടേയും(1948),

മന നവലലു- മന കതനികലു  എന്ന സാഹിത്യനിരൂപണ ഗ്രന്ഥത്തിന്റെ രചനയ്ക്ക് 2014 ൽ നിരൂപണത്തിനുള്ള കേന്ദ്ര സാഹിത്യ അക്കാദമി പുരസ്കാരം നേടുകയും പതിമൂന്നോളം നോവലുകളും പതിനൊന്ന് ചെറുകഥാ സമാഹാരങ്ങളുടെ ഗ്രന്ഥകർത്താവും തെലുഗു സാഹിത്യകാരനും അദ്ധ്യാപകനുമായ രാച്ചപലം ചന്ദ്രശേഖര റെഡ്‌ഡി(1948) യുടേയും,

കേരള രഞ്ജി ടീമിന്റെ മുൻക്യാപ്റ്റനും ഒരു വലംകൈയൻ ബാറ്റ്സ്മാനും വലംകൈയ്യൻ മീഡിയം ഫാസ്റ്റ് ബൗളറുമായ റൈഫി വിൻസെന്റ് ഗോമസിന്റെയും (1985),

ജമാഅത്തെ ഇസ്ലാമി സംസ്ഥാന സമിതിയംഗവും കേന്ദ്ര പ്രതിനിധി സഭാംഗവും വെൽഫെയർ പാർട്ടി ഓഫ് ഇന്ത്യ കേരള ഘടകത്തിന്റെ പ്രഥമ പ്രസിഡന്റും സോളിഡാരിറ്റി പ്രഥമ സംസ്ഥാന പ്രസിഡന്റുമായിരുന്ന    ഡോ.കൂട്ടിൽ മുഹമ്മദാലിയുടെയും (1964 ),

ഏറ്റവും കൂടൂതൽ ടെസ്റ്റ് സെഞ്ച്വറി എന്ന പട്ടികയിൽ സച്ചിനും റിക്കി പോണ്ടിങിനും പിന്നിലായി നിൽക്കുന്ന ക്രിക്കറ്റ് ലോകം കണ്ട ഏറ്റവും മികച്ച ഒരു ഓൾ റൗണ്ടറും ദക്ഷിണാഫ്രിക്കൻ ഒരു ക്രിക്കറ്റ് താരമായ ജാക്ക്വസ് ഹെൻറി കാലിസിന്റേയും (1975)ജന്മദിനം ,

***** 
ഇന്ന് ജന്മദിനമാചരിയ്ക്കേണ്ട ഇപ്പോൾ നമ്മോടൊപ്പമില്ലാത്ത നമ്മുടെ പ്രമുഖരായ മുൻഗാമികളിൽ ചിലർ
.................................

വള്ളത്തോൾ നാരായണമേനോൻ ജ. (1878  -1958 )
തിക്കുറിശ്ശി സുകുമാരൻ നായർ ജ.(1916-1997)
ഓസ്കാർ വൈൽഡ് ജ. (1854-1900)
ഡേവിഡ് ബെൻഗൂരിയൻ ജ(1886-1973 )
യൂജീൻ ഒനീൽ ജ. (1888 -1953)
മരിയ ഗൊരെത്തി ജ( 1890 - 1902)
ഗുന്തർ ഗ്രാസ്സ് ജ. (1927 -2015)
റെമി ഒക്ലിക് ജ. (1983 - 2012)

കാവ്യശൈലിയിലെ ശബ്ദസൗന്ദര്യം കൊണ്ടും, സർഗ്ഗാത്മകതകൊണ്ടും അനുഗൃഹീതനായ മഹാകവിയും, തികഞ്ഞ മനുഷ്യസ്നേഹിയും, മതസൗഹാർദ്ദത്തിന്റെ വക്താവും, സ്വാതന്ത്ര്യലബ്ധിക്കായ് തൂലിക പടവാളാക്കി മാറ്റി ബ്രിട്ടീഷുകാർക്കെതിരെ സമരകാഹളം മുഴക്കുന്നതിന് ഭാരതജനതയെ ഒന്നടക്കം ആവേശഭരിതരാക്കുകയും, മഹാത്മജിയുടെ ആദർശങ്ങളിൽ അടിയുറച്ചു വിശ്വസിക്കുകയും, ഗാന്ധിജിയെ ഗുരുനാഥനായി സ്വീകരിക്കുകയും, മലയാളഭാഷയെ ലോകത്തിനു മുമ്പിൽ ധൈര്യമായി അവതരിപ്പിക്കുകയും, മലയാളത്തിന്റെ തനത് കലയായ കഥകളിയെ പരിപോഷിപ്പിക്കുകയും, ലോകജനതക്കു മുമ്പിൽ സമർപ്പിക്കുകയും അതുവഴി മലയാളവും, കഥകളിയും അന്താരാഷ്ട്ര പ്രസിദ്ധി നേടികൊടുക്കുകയും ചെയ്ത    കേരള കലാമണ്ഡലത്തിന്റെ സ്ഥാപകൻ മഹാകവി വള്ളത്തോൾ നാരായണമേനോൻ (1878 ഒക്ടോബർ 16 -1958 മാർച്ച് 13),

നിമിഷകവിയും നാടകരചയിതാവും സിനിമാഗാനരചയിതാവും മലയാള സിനിമയുടെ ആദ്യത്തെ സൂപ്പർസ്റ്റാറും സം‌വിധായകനുമായിരുന്ന തിക്കുറിശ്ശി സുകുമാരൻ നായർ (ഒക്ടോബർ 16 1916 -മാർച്ച് 11 1997)

മൂർച്ചയേറിയഹാസ്യത്തിനു പ്രശസ്തനായ   ഐറിഷ്   നാടകകൃത്തും, നോവലിസ്റ്റും,   കവിയും, ചെറുകഥാകൃത്തും ആയിരുന്ന ഓസ്കാർ ഫിൻ‌ഗൽ ഒ ഫ്ലഹെർട്ടി വിൽസ് വൈൽഡ് എന്ന ഓസ്കാർ വൈൽഡ് (ഒക്ടോബർ 16, 1854– നവംബർ 30, 1900)

ചെറുപ്പം മുതലേ സയണിസത്തോട് കടുത്ത അനുഭാവം പ്രകടിപ്പിക്കുകയും ഇസ്രായേൽ രാഷ്ട്രം സ്ഥാപിക്കുന്നതിൽ  പ്രധാന പങ്കു വഹിക്കുകയും ചെയ്ത ഇസ്രായലിന്റെ ആദ്യത്തെ പ്രധാനമന്ത്രി ഡേവിഡ് ബെൻഗൂരിയൻ(ഒക്ടോബർ 16 1886 - ഡിസംബർ 1 1973) /

ശുഭസ്വപ്നങ്ങൾ കാണാൻ ശ്രമിച്ച് പരാജിതരായി നിരാശയിൽ മുങ്ങിപ്പോകുന്ന സാധാരണക്കാരെ പറ്റി കഥ യെഴുതുകയും  രണ്ടു തവണ പുലിസ്റ്റർ പുരസ്കാരവും നോബൽ പ്രൈസും ലഭിച്ച അമേരിക്കൻ  നാടകകൃത്തായ യൂജീൻ ഒനീൽ ( 1888 ഒക്ടോബർ - 1953 നവംബർ 27),

തന്റെ കന്യകാത്വം സംരക്ഷിക്കുന്നതിനു വേണ്ടി പന്ത്രണ്ടാം വയസ്സിൽ രക്തസാക്ഷിയാകുകയും, പിന്നീട് കത്തോലിക്ക സഭ വിശുദ്ധയായി പ്രഖ്യാപിക്കുകയും ചെയ്ത മരിയ ഗൊരെത്തി(ഒക്ടോബർ 16, 1890 - ജൂലൈ 6, 1902),

ഇന്ത്യയുമായി അടുത്തബന്ധം പുലർത്തിയിരുന്ന 'ദ പ്ലെബിയൻസ് റിഹേഴ്‌സ് ദ അപ്‌റൈസിങ്' എന്ന നാടകവും,   'ഷോ യുവർ ടങ്' എന്ന  ഇൻഡ്യൻ സ്മരണകളും, ദി ടിൻഡ്രം എന്ന നോവലടക്കം പല കൃതികളും രചിച്ച ഗുന്തർ ഗ്രാസ് (16 ഒക്ടോബർ 1927 - 13 ഏപ്രിൽ 2015),

സിറിയയിലെ ആഭ്യന്തര കലാപം ചിത്രീകരിക്കുന്നതിനിടെ പരിക്കേറ്റ് മരണമടഞ്ഞ പ്രമുഖനായ ഒരു ഫ്രഞ്ച് ഫോട്ടോ ജേണലിസ്റ്റായ റെമി ഒക്ലിക്  (Rémi Ochlik) (16 ഒക്ടോബർ 1983– 22 ഫെബ്രുവരി  2012) 
*******

സ്മരണാഞ്ജലി !!!
്്്്്്്്്്്്
ദൈവദാസൻ തേവർപറമ്പിൽ കുഞ്ഞച്ചൻ മ. (1891-1973)
ചെമ്പൈ വൈദ്യനാഥ ഭാഗവതർ മ. (1896-1974 )
പി.സി. ദേവസ്യ മ.(1906 -2006)
ഇടശ്ശേരി ഗോവിന്ദൻ നായർ മ.(1906-1974)
തൃക്കൊടിത്താനം സച്ചിദാനന്ദൻ/ സജിത് കുമാർ മ.(1962- 2014).
വീരപാണ്ട്യ കട്ടബൊമ്മൻ മ. (‍1760-1799)
ഹരീഷ്‌ ചന്ദ്ര മ. (1923 - 1983)
പ്രൊഫ. ഗോവിന്ദ്  ദേശ്പാണ്ഡെ മ. (1938-2013)
ജോർജ്ജ് കാറ്റ് ലറ്റ്  മാർഷൽ (ജൂ) മ. ( 1880-1959)
ലിയാഖത്ത് അലി ഖാൻ മ. (1895 -1951)
മോഷേ ദയാൻ മ. (1915 -1981)
കിഗെലി അഞ്ചാമൻ മ.  (1936 2016)
മാർട്ടി അഹ്‌തിസാരി മ ( 1937- 2023 )
ജോൺ പോസ്റ്റൽ. മ. (1943 -1998) 

സീറോ മലബാർ കത്തോലിക്കാ സഭ വാഴ്ത്തപ്പെട്ടവനായി പ്രഖ്യാപിച്ച കേരളത്തിലെ ഒരു പുരോഹിതനായ ദൈവദാസൻ തേവർപറമ്പിൽ കുഞ്ഞച്ചൻ ( ഏപ്രിൽ 1, 1891- ഒക്റ്റോബർ 16, 1973)

ശാസ്ത്രീയ സംഗീതത്തിലെ അഗാധ പാണ്ഡിത്യം, അദ്വിതീയമായ സ്വരശുദ്ധി, അചഞ്ചലമായ ശ്രുതിബദ്ധത, മധുരമായ ഉയർന്ന ആവൃത്തിയിലുള്ള ശബ്ദം എന്നിങ്ങനെ  ധാരാളം പ്രത്യേകതകൾ ഉള്ള സംഗീതജ്ഞനും,  70 വർഷത്തെ സംഗീത തപസ്യയിലൂടെ കർണാടക സംഗീതത്തെ പ്രശസ്തിയിലൂടെ നടത്താനും, രസികപ്രിയരിൽ ആനന്ദത്തിന്റെ ശ്രുതിമഴ പെയ്യിക്കാനും, ശിഷ്യഗണങ്ങളെ അറിവും വാത്സല്യവും കൊടുത്തു വളർത്താനും ഒപ്പം വിനയാന്വിതമായ വ്യക്തി ജീവിതം നയിക്കാനും ഒക്കെ ഒരേ സമയം കഴിഞ്ഞിരുന്ന ചെമ്പൈ വൈദ്യനാഥ അയ്യർ (1896 സെപ്റ്റംബർ 14-1974, ഒക്ടോബർ 16),

കവിത, കഥ, ഉപന്യാസം, വ്യാകരണം എന്നീ മേഖലകളിലെ കൃതികളിലൂടെ മലയാളത്തിലും സംസ്കൃതത്തിലും  വ്യക്തിമുദ്ര പതിപ്പിക്കുകയും 1980ൽ "ക്രിസ്തുഭാഗവതം"എന്ന സംസ്കൃത മഹാകാവ്യത്തിന് മികച്ച സംസ്കൃത കൃതിയ്ക്കുള്ള കേന്ദ്ര സാഹിത്യ അക്കാദമി പുരസ്കാരവും 1993ൽ സമഗ്രസംഭാവനയ്ക്കുള്ള കേരള സാഹിത്യ അക്കാദമി പുരസ്കാരവും നേടിയ സംസ്കൃത-മലയാള സാഹിത്യകാരൻ മഹാകവി പ്രൊഫസർ പി.സി. ദേവസ്യ (1906 മാർച്ച് 24-ഒക്റ്റോബർ 16, 2006),

പൂതപ്പാട്ട്‌, കാവിലെപ്പാട്ട്, പുത്തൻകലവും അരിവാളും, ബുദ്ധനും നരിയും ഞാനും തുടങ്ങിയ കവിതകൾ എഴുതി കാല്പനികതയിൽ നിന്നുള്ള വഴിപിരിയലിനു് തുടക്കം കുറിച്ച കവിയും നാടകകൃത്തുമായിരുന്ന ഇടശ്ശേരി ഗോവിന്ദൻ നായർ(ഡിസംബർ 23, 1906 - ഒക്ടോബർ 16, 1974),

പഴയകാല നാടക-സിനിമാ ഗാനങ്ങൾ കച്ചേരിയുടെ രൂപത്തിൽ വേദിയിൽ അവതരിപ്പിച്ച , നടനും ഗായകനുമായിരുന്നു തൃക്കൊടിത്താനം സച്ചിദാനന്ദൻ എന്നറിയപ്പെട്ടിരുന്ന സജിത് കുമാർ (14 ജൂലൈ 1962-16 ഒക്ടോബർ 2014)

പചാളന്‍കുറിച്ചിയുടെ രാജാവും   ബ്രിട്ടീഷ് ഈസ്റ്റ്‌ ഇന്ത്യ കമ്പനിയുടെ മേൽ കോയ്മയെ നിരാകരിക്കുകയും ചെയ്ത, പുതുകോട്ടൈ രാജാവ്  വിജയ രഘുനാഥ തോണ്ടമാൻ ഒറ്റുകൊടുത്തതിനാല്‍ അറസ്റ്റ് ചെയ്യപ്പെടുകയും തൂക്കി കൊല്ലപ്പെടുകയും ചെയ്ത വീരപാണ്ട്യ കട്ടബൊമ്മൻ (‍3 ജനുവരി 1760-16 ഒക്ടോബര്‍ 1799)

ഇന്ത്യൻ-അമേരിക്കൻ ഗണിതശാസ്ത്രജ്ഞനും ഭൗതികശാത്രജ്ഞനും മാതൃക സിദ്ധാന്തത്തിന്റെ(representation theory) ,പ്രതേകിച്ച്‌ സ്വരചേർച്ച വിശകലനം(harmonic analysis) സെമി സിമ്പിൾ ലീ . ഗ്രൂപി (semisimple Lie groups)ന്റെ അടിസ്ഥാന പഠനങ്ങൾ നടത്തിയ വ്യക്തിയായ  ഹരീഷ്‌ ചന്ദ്ര(11 ഒക്റ്റോബർ 1923 -16 ഒക്റ്റോബർ 1983)

മറാത്തി സാഹിത്യകാരനും രാഷ്ട്രീയ ചിന്തകനും കവിയും  സംസ്കൃതം, ഉർദു, ചൈനീസ്, ഫ്രഞ്ച്, ഇംഗ്ലീഷ് എന്നീ ഭാഷകളിലും അവഗാഹമുണ്ടായിരുന്ന പണ്ഡിതനുമായിരുന്ന ഗോപു എന്നും ജിപിഡി എന്നും അറിയപ്പെടുന്ന പ്രൊഫ. ഗോവിന്ദ് പുരുഷോത്തം ദേശ്പാണ്ഡെ (1938 -16 ഒക്ടോബർ 2013),

രണ്ടാം ലോകമഹായുദ്ധസമയത്ത് സഖ്യകക്ഷിയുടെ സൈന്യത്തെ നയിച്ച അമേരിക്കൻ . ചീഫ് ഓഫ് സ്റ്റാഫും സെക്രട്ടറി ഒഫ് സ്റ്റെ റ്റും സെക്രട്ടറി ഓഫ് ഡിഫന്സും ആയി സേവനമനുഷ്ഠിച്ച ജോർജ്ജ് കാറ്റ് ലറ്റ് മാർഷൽ ജൂനിയർ(ഡിസംബർ 31, 1880 – ഒക്റ്റോബർ 16, 1959),

പാകിസ്ഥാനെ മാതൃരാജ്യമായി സ്വീകരിച്ച് മുഹമ്മദ് അലി ജിന്നയ്ക്കൊപ്പം വ്യത്യസ്ത മുസ്ലീം രാഷ്ട്രത്തിനായി വാദിച്ച സ്വാതന്ത്ര്യ സമര പ്രവർത്തകരിൽ ഒരാളും,  സ്വാതന്ത്ര്യം ലഭിക്കുന്നതിനു മുൻപ് ഇന്ത്യയുടെ ആദ്യ ധനകാര്യ മന്ത്രിയും, പാകിസ്താന്റെ ആദ്യ പ്രധാനമന്ത്രിയും ആയിരുന്ന ലിയാഖത്ത് അലി ഖാ (1895 ഒക്ടോബർ -1951 ഒക്ടോബർ 16),

ഇസ്രയേലിലെ പ്രമുഖ സൈനിക ജനറലും രാഷ്ട്രീയ നേതാവുമായിരുന്നു മോഷേ ദയാൻ( 20 മേയ് 1915 - 16 ഒക്ടോബർ 1981)

ദീർഘകാലം റുവാണ്ടയിൽ അധികാരം കൈയാളിയിരുന്ന തുത്‌സി ന്യൂനപക്ഷവിഭാഗത്തിലെ അവസാന രാജാവായിരുന്ന  ബോൺ ജീൻ ബാപ്തിസ്റ്റ് ണ്ടഹിന്ദുർവ - (Born Jean-Baptiste Ndahindurwa) എന്ന കിഗെലി അഞ്ചാമൻ(1936 ജൂൺ 29 -2016 ഒക്ടോബർ 16 )

വർഷങ്ങളായി നിലനിന്ന കൊസോവ - സെർബിയ സംഘർഷങ്ങൾ പരിഹരിക്കാനായി ഐക്യരാഷ്ട്രസഭ നടത്തിയ ശ്രമങ്ങൾക്ക്‌ നേതൃത്വം നൽകിയത്‌ പരിഗണിച്ച് 2008ലെ സമാധാനത്തിനുള്ള നോബൽ പുരസ്‌കാരം ജേതാവായ ഫിൻലാന്റ് മുൻ പ്രസിഡന്റായിരുന്ന മാർട്ടി അഹ്‌തിസാരി (23 ജൂൺ 1937- 2023 ഒക്ടോബർ 16)

ഇൻറർനെറ്റിൻറെപ്രവർത്തനത്തിൽ നിർണായക സ്റ്റാൻഡേർഡുകൾ രൂപപ്പെടുത്തുന്നതിൽ പ്രധാന പങ്ക് വഹിച്ച ജോൺ പോസ്റ്റൽ   എന്ന   ജോനാതൻ ബ്രൂസ് പോസ്റ്റൽ(ഓഗസ്റ്റ് 6, 1943 - ഒക്ടോബർ 16, 1998)
*******
ചരിത്രത്തിൽ ഇന്ന്…
്്്്്്്്്്്്്്്്്്
1793 - ഫ്രാൻസിലെ ലൂയി പതിനാറാമൻ രാജാവിന്റെ ഭാര്യം മേരി ആന്റോയ്‌നെറ്റ് ചെയ്തെന്ന് പറയുന്ന കുറ്റങ്ങൾക്ക് തെളിവില്ലാഞ്ഞിട്ട് പോലും ഗില്ലറ്റിൽ ഉപയോഗിച്ച് വധിക്കപ്പെട്ടു.

1799 - വീരപാണ്ഡ്യകട്ടബൊമ്മനെ  ബ്രിട്ടീഷുകാർ തമിഴ്നാട്ടിലെ കയ്ത്താർ എന്ന സ്ഥലത്ത് വച്ച് തൂക്കിക്കൊന്നു.

1834 - മധ്യ കാലഘട്ടത്തിൽ നിർമിച്ച ഇംഗ്ലണ്ടിലെ തെയിംസ് നദീതീരത്ത് സ്ഥിതി ചെയ്തിരുന്ന വെസ്റ്റ്മിൻസ്റ്റർ കൊട്ടാരം തീപിടിച്ച് നശിച്ചു.

1868 - ആൻഡമാൻ നിക്കോബാർ ദ്വീപുകൾ ബ്രിട്ടിഷുകാർക്ക് കൈമാറി ഡെൻമാർക് കാർ ഇന്ത്യ വിട്ടു.

1885 - മലയാളിപത്രം ആരംഭിച്ചു.

1888 - തിരുവിതാംകൂർ അഞ്ചൽ വകുപ്പ് ആദ്യമായി ഒട്ടിക്കാവുന്ന സ്റ്റാമ്പുകൾ പുറത്തിറക്കി.

1905 - വിഭജിച്ചു ഭരിക്കുക എന്ന ഗൂഢലക്ഷ്യത്തിന്റെ ഭാഗമായി ബ്രിട്ടിഷുകാർ ലോർഡ് കഴ്സെന്റെ നിർദ്ദേശപ്രകാരം ബംഗാൾ വിഭജനം നടപ്പിലാക്കി.

1923 - വാൾട്ട് ഡിസ്നി കമ്പനി സ്ഥാപിതമായി.

1923 - ഡിസ്നി സഹോദരൻമാരായ വാൾട്ടും, റോയിയും ചേർന്ന് വാൾട്ട് ഡിസ്നി കമ്പനി സ്ഥാപിച്ചു…

1934 - മാവോയുടെ നേതൃത്വത്തിലുള്ള ലോങ്ങ് മാർച്ച് ചൈനയിൽ തുടങ്ങി.

1942 - ബംഗാളിൽ ചുഴലിക്കാറ്റ് ,… 40000 ലേറെ മരണം.

1951 - പാകിസ്താന്റെ ആദ്യ പ്രധാനമന്ത്രിയായിരുന്ന ലിയാഖത് അലി ഖാൻ റാവൽ‌പിണ്ടിയിൽ വധിക്കപ്പെട്ടു

1964 - ചൈന അഞ്ചാമത് ആണവ രാഷ്ട്രമായി..

1978 - പോളണ്ട് കർദ്ദിനാൾ ആയ കരോൾ വോജ്‌തൈല ജോൺ പോൾ രണ്ടാമൻ മാർപ്പാപ്പ ആയി നിയമിക്കപ്പെട്ടു.

1984 - ആർച്ച് ബിഷപ്പ് ഡെസ്‌മണ്ട് ടുട്ടു സമാധാനത്തിനുള്ള നോബൽ സമ്മാനാർഹനായി.

1986 - ഇറ്റലിക്കാരനായ Rein messner 8000 മീറ്ററിൽ കൂടുതൽ ഉയരമുള്ള ലോകത്തിലെ 14 കൊടുമുടികളും കീഴടക്കുന്ന ആദ്യ വ്യക്തിയായി…

1989 - ഇന്ത്യയിലെ ഇലക്ഷൻ കമ്മിഷൻ 3 അംഗ കമ്മിഷനായി ഉയർത്തി.

1916 - അമേരിക്കയിലെ ബ്രൂക്ക്‌ലിനിൽ ലോകത്തിലെ ആദ്യത്തെ ജനനനിയന്ത്രണ ക്ലിനിക് ആരംഭിച്ചു. മാർഗരറ്റ് സാംഗർ എന്ന സാമൂഹിക പ്രവർത്തകയാണ് ഇതിനു മുൻകൈ എടുത്തത്.

1945 - ഐക്യരാഷ്ട്രസംഘടനയുടെ ഭക്ഷ്യ കാർഷിക സംഘടനയായ FAO റോം ആസ്ഥാനമായി രൂപീകരിക്കപ്പെട്ടു.

2013 - ലാവോ എയർലൈൻസ് ഫ്ലൈറ്റ് 301ലാവോസിലെ പാക്സെ അന്തഃരാഷ്ട്ര വിമാനത്താവളത്തി- ലേക്കുള്ള യാത്രാമധ്യേ അപകടത്തിൽ 49 പേർ മരിച്ചു.

2017 - ഒഫെലിയ കൊടുങ്കാറ്റ് യു‌കെ, അയർലൻഡ് എന്നിവിടങ്ങളിൽ വലിയ നാശനഷ്ടങ്ങൾ വരുത്തി

2018-ൽ അന്ന ബേൺസിന് "മിൽക്ക്മാൻ" എന്ന നോവലിന് മാൻ ബുക്കർ സമ്മാനം ലഭിച്ചു, ഈ പുരസ്കാരം ലഭിക്കുന്ന വടക്കൻ അയർലണ്ടിൽ നിന്നുള്ള ആദ്യ എഴുത്തുകാരിയായി.

2021-ൽ സൂര്യനെ ചുറ്റുന്ന എട്ട് ട്രോജൻ ഛിന്നഗ്രഹങ്ങളെ ചുറ്റി സഞ്ചരിക്കാനുള്ള ഒരു ദൗത്യത്തിനായി നാസ അന്വേഷണം ലൂസി ആരംഭിച്ചു
.      By ' ടീം തത്ത്വമസി - ജ്യോതിർഗ്ഗമയ '
.       ************
   Rights Reserved by Team Jyotirgamaya