ഇന്ന് ജനുവരി 17. ഇന്ത്യൻ ചലച്ചിത്ര നടി രസിക ദുഗാലിന്റേയും മിഷേൽ ഒബാമയുടെയും ജന്മദിമം. ഇന്ത്യയിലെ ഏറ്റവും വലിയ നാവിക അക്കാദമിയായ ഏഴിമല നാവിക അക്കാദമിക്ക് പ്രധാനമന്ത്രി രാജിവ് ഗാന്ധി തറക്കല്ലിട്ടതും ഇതേ ദിനം. ചരിത്രത്തിൽ ഇന്ന്

 .   ചരിത്രത്തിൽ ഇന്ന് , വർത്തമാനവും 
    **************

.                 ' JYOTHIRGAMAYA '
.                 ്്്്്്്്്്്്്്്്
.                 🌅ജ്യോതിർഗ്ഗമയ🌅

കൊല്ലവർഷം1201  
മകരം 3
മൂലം  / ചതുർദശി
2026 ജനുവരി 17, 
ശനി

ഇന്ന്;

*അന്താരാഷ്ട്ര ഉപദേശക  ദിനം!

[ പഴയ കാലത്തെ അപേക്ഷിച്ച് ഇന്ന് ലോകം മുഴുവൻ ബാഹ്യമായി എത്തിപ്പെടാൻ, സഞ്ചരിയ്ക്കാൻ മണിക്കൂറുകൾ മാത്രം മതി എന്നതിനാൽ വ്യക്തികൾ തമ്മിലും സമൂഹം തമ്മിലും പരസ്പരം ഉള്ള ദൂരം വളരെ കുറവാണെങ്കിലും, മാനസീകമായി മുമ്പത്തേക്കാൾ ഒറ്റപ്പെട്ടതായി തോന്നുന്നുവെങ്കിൽ അതിൽ തെറ്റുപറയാനാവില്ല

അതായത് പല സന്ദർഭങ്ങളിലും സാഹചര്യത്തിലും തലമുറകൾ തമ്മിൽ പരസ്പരം ഉണ്ടായിട്ടുള്ള അകൽച്ച ഇന്ന് വളരെ വലുതാണ്. അതുകൊണ്ടു തന്നെ പഴയ കാലം പോലെ ഇവർ തമ്മിൽ ആരും  സ്വയം പഠിയ്ക്കാനോ ആരെയും പഠിപ്പിയ്ക്കാനോ മിനക്കെടാറില്ല.

'എന്നാൽ ജീവിതപാതയിൽ സ്വൽപ്പം മുൻപേ പിറന്ന ഒരാളിൽ നിന്നും നമുക്ക് കുറച്ചെങ്കിലും പഠിക്കാനുണ്ട് എന്ന ചിന്തയിൽ, തങ്ങളേക്കാൾ സ്വൽപ്പം പ്രായവും അനുഭവ പരിചയവുമുള്ള ഒരു വ്യക്തിയുമായി അതിനടുത്ത തലമുറയിലുള്ളവർ ഒരു മാർഗനിർദേശക ബന്ധത്തിൽ ഏർപ്പെടുന്നത് നന്നായിരിയ്ക്കും എന്ന ഒരു സുപ്രധാനമായ ആശയത്തെ മുൻനിർത്തി , എല്ലാവരുടെയും ജീവിതത്തിൽ ഒരു ഉപദേഷ്ടാവ് ഉണ്ടായിരിക്കുന്നതിൻ്റെ ആവശ്യകതയെ ചൂണ്ടിക്കാണിയ്ക്കാനാണ് ഈ ദിനം കൊണ്ടാടുന്നത്.!]

*ഇൻ്റർനാഷണൽ വീ ആർ നോട്ട് ബ്രോക്കൺ  ഡേ!

[പാടുകൾ വൃത്തികെട്ടതാണെന്ന സമ്പ്രദായം മാറ്റാൻ ലക്ഷ്യമിട്ട്, ലോകമെമ്പാടുമുള്ള ആളുകളെ അവരവരുടെയും അന്യരുടെയും മുറിവുകളെ ബഹുമാനിക്കാനും അന്യരുടെ രോഗങ്ങൾക്ക് ശാന്തി പകരുമ്പോൾ അവരവരുടെ പാടുകൾ പങ്കിടാനും  ഈ ദിനാചരണം കൊണ്ട് ഉദ്ദേശിയ്ക്കുന്നു.

 ട്രോമ അതിജീവിച്ചവർ, ട്രോമ രോഗികൾ, മറ്റ് മാനസികാരോഗ്യ പ്രശ്‌നങ്ങൾ ഉള്ളവർ ഉൾപ്പെടെ എല്ലാ ആളുകളും അന്തസ്സോടെ പരിഗണിക്കപ്പെടാൻ അർഹരാണെന്നും ആരും ആരെയും “തകർന്നവരായി” കണക്കാക്കരുതെന്നും ഉള്ള ഒരു അവബോധം സൃഷ്ടിക്കുന്നതിനാണ് 2019 ൽ ഇൻ്റർനാഷണൽ വി ആർ നോട്ട് ബ്രോക്കൺ ഡേ ആരംഭിച്ചത്. നിക്കോള കോട്ടോയുടെ സ്ഥാപകനായ വീ ആർ നോട്ട് ബ്രോക്കൺ (WANB) ഓർഗനൈസേഷൻ്റെ ആഭിമുഖ്യത്തിലാണ് ഈ ഇവൻ്റ് സ്ഥാപിച്ചത്.]

* കലയുടെ ജന്മദിനം !

[Art’s Birth Day;-കലയാണ് ജീവിതത്തെ കലയെക്കാൾ രസകരമാക്കുന്നത്" എന്ന - റോബർട്ട് ഫിലിയൂ എന്ന കലാകാരൻ്റെ ഈ ഉദ്ധരണി എല്ലാ വർഷവും ജനുവരി 17 ന് ആഘോഷിക്കുന്ന കലയുടെ ജന്മദിനം അല്ലെങ്കിൽ ആനിവേഴ്സയർ ഡി ആർട്ട് എന്നിവയുടെ അന്തസത്തയെ യഥാർത്ഥത്തിൽ ഉൾക്കൊള്ളുന്നു. 
നമ്മുടെ ദൈനംദിന ജീവിതത്തിൽ കലയുടെ സാന്നിധ്യം അതിൻ്റെ വിവിധ രൂപങ്ങളിൽ ആഘോഷിക്കുന്നതിനാണ് ഈ ദിനാചരണം.

1963-ൽ, ഫ്രഞ്ച് ഫ്ലക്സസ് ആർട്ടിസ്റ്റ് റോബർട്ട് ഫിലിയോ സ്വയമേവ സ്വന്തം ജന്മദിനം കലയുടെ  വാർഷികമായി പ്രഖ്യാപിച്ചു. അദ്ദേഹം അത് അവിസ്മരണീയവും എന്നാൽ അതേ സമയം - അല്ലെങ്കിൽ ഒരുപക്ഷേ അത് കാരണവും - രസകരമായ ഒരു കഥ പറഞ്ഞു:

ഒരു ദശലക്ഷം വർഷങ്ങൾക്ക് മുമ്പ് ഇവിടെ ഒരു കലയും ഉണ്ടായിരുന്നില്ല. എന്നാൽ ഒരു ദിവസം, 999,963 ജനുവരി 17 ന്, ആരോ ഒരാൾ ഉണങ്ങിയ ഒരു സ്പോഞ്ച് ഒരു ബക്കറ്റ് വെള്ളത്തിലേക്ക് ഇട്ടു - അങ്ങനെ മനുഷ്യ സംസ്കാരത്തിൻ്റെ ഒരു സുപ്രധാന ഭാഗമായ കല ഈ മണ്ണിൽ പിറവിയെടുത്തു. അതിനെ അനുസ്മരിയ്ക്കാൻ ഒരു ദിനം.]

* കേബിൾ കാർ ദിനം !

[Cable Car Day ; 1871-ന്റെ തുടക്കത്തിൽ ബ്രിട്ടീഷുകാരൻ, യുഎസിലെ താമസക്കാരനായ ആൻഡ്രൂ സ്മിത്ത് ഹാലിഡിക്ക് കേബിൾ കാറുമായി ബന്ധപ്പെട്ട് ആദ്യത്തെ പേറ്റന്റ് ലഭിച്ചു,   സാൻഫ്രാൻസിസ്കോയിലെ കുത്തനെയുള്ള ജാക്സൺ സ്ട്രീറ്റിൽ കാറുകൾ വലിക്കാൻ ശ്രമിക്കുന്നതിനിടയിൽ കുതിരകൾ വീഴുന്നതും മരിക്കുന്നതും കണ്ടപ്പോഴാണ് ഹാലിഡിയുടെ കേബിൾ-പ്രൊപ്പൽഡ് ട്രാൻസിറ്റ് രൂപകൽപന ഉണ്ടായത്. അതിൻ്റെ അനുസ്മരണാർത്ഥമാണ് ഈ ദിനം ആചരിയ്ക്കുന്നത്.]

USA ;* ദേശീയ കൗമാര കണ്ടുപിടുത്തക്കാരുടെ ദിനം !

[National Kid Inventors Day ;

യുവ മനസ്സുകൾ മിനി ശാസ്ത്രജ്ഞരെ പോലെയാണ്, അവരുടെ അതിരുകളില്ലാത്ത ജിജ്ഞാസയും സർഗ്ഗാത്മകതയും ഉപയോഗിച്ച് ദൈനംദിന പ്രശ്നങ്ങൾക്ക് സമർത്ഥമായ പരിഹാരങ്ങൾ സൃഷ്ടിക്കുവാൻ കഴിയും അതിനായി അവരെ ആദരിയ്ക്കാൻ ഒരുദിനം.]

* ദേശീയ ക്ലാസ്സി ദിനം ![National Classy Day ;.]

* ദേശീയ ഹോട്ട് ബട്ടേഡ് റം ദിനം ![National Hot Buttered Rum Day ; 

 ഈ ദിനത്തിന്  17-ാം നൂറ്റാണ്ടിന്റെ മധ്യത്തിൽ ജമൈക്കയിൽ നിന്ന് യുണൈറ്റഡ് സ്‌റ്റേറ്റ്‌സിലേക്ക് മദ്യപാനീയമായ 'റം' വഴിമാറി വന്ന ഒരു കഥാ പശ്ചാത്തലമുണ്ട്.  അധികം താമസിയാതെ, ആളുകൾ ഇത് പാനീയങ്ങളിൽ ചേർക്കാനും ശീതളപാനീയങ്ങളിലോ ചൂടുള്ള പാനീയങ്ങളിലോ പല തരത്തിലും ഉപയോഗിക്കാനും തുടങ്ങി. ഒടുവിൽ ഇത് ' ചൂടുള്ള  'ബട്ടർ റം' ആയി മാറുകയും ചെയ്തു.]

*ദേശീയ ബൂട്ട്ലെഗർ ദിനം ![National Bootlegger’s Day ;

'ബൂട്ട്‌ലെഗർ' എന്ന പദം 1880-കളിൽ യുണൈറ്റഡ് സ്റ്റേറ്റ്സിൽ ആരംഭിച്ചത്, മിഡ്‌വെസ്റ്റേൺ വെള്ളക്കാർ തങ്ങളുടെ ബൂട്ടിനുള്ളിൽ മദ്യത്തിന്റെ ഫ്ലാസ്കുകൾ ഒളിപ്പിച്ച്‌,  തദ്ദേശീയരായ അമേരിക്കക്കാർക്ക്  അനധികൃതമായി വ്യാപാരം ചെയ്തിരുന്നതിൻ്റെ ഓർമ്മയ്ക്കായാണ്. മദ്യനിരോധന സമയത്ത് അനധികൃത മദ്യം നിർമ്മിക്കുകയും വിൽക്കുകയും ചെയ്തിരുന്ന ഗുണ്ടാസംഘങ്ങളുടെയും ധൈര്യശാലികളായ മദ്യപാനികളുടെയും ഈ കഥയെ അനുസ്മരിയ്ക്കാൻ ഒരു ദിനം. ]

*ഡിച്ച് ന്യൂ ഇയർ റെസലൂഷൻസ് ഡേ ! [Ditch New Year’s Resolutions Day ;

എല്ലാ പുതുവത്സരത്തിലും ഒരു വിധം എല്ലാവരും എടുക്കുന്ന സദുദ്ദേശത്തോടെ എടുക്കുന്ന തീരുമാനങ്ങളിൽ നിന്ന് ജീവിതാന്ത്യത്തിൽ നമുക്ക് നന്മയുണ്ടാവാം തിന്മയുണ്ടാവാം എന്നാലും നമ്മൾ ഈ തീരുമാനങ്ങൾ എടുത്തു കൊണ്ടെ ഇരിയ്ക്കും അതിനായി ഒരു ദിവസം.]

*പോപ്പേയ് ദിനം ![Popeye Day ;

വിചിത്രമായ സാഹസികതകളും ആകർഷകമായ വാചകങ്ങളും കൊണ്ട് തലമുറകളെ രസിപ്പിച്ച പ്രിയപ്പെട്ട സ്പിനാച്ച് സ്കാർഫിംഗ് കാർട്ടൂൺ കഥാപാത്രത്തെ അറിയാൻ ആസ്വദിയ്ക്കാൻ ഒരു ദിനം.]

*മ്യൂസിയം സെൽഫി ദിനം !]Museum Selfie Day ;

ലോകത്തിന്റെ പുരാതന ചരിത്രവും സെൽഫികൾ എടുക്കുന്ന രസകരമായ ആധുനിക പ്രവണതയും സംയോജിപ്പിക്കുന്നതിന്ന്, പ്രോജക്ട് കോർഡിനേറ്ററും മ്യൂസിയങ്ങളിൽ തത്പരനുമായ മാർ ഡിക്‌സൺ 2015 ൽ ഈ കാമ്പെയ്‌ൻ സൃഷ്ടിച്ചതാണ് ഈ ദിനാചരണം ]

*ബെഞ്ചമിൻ ഫ്രാങ്ക്ലിൻ ദിനം !Benjamin Franklin Day ;  

യുണൈറ്റഡ് സ്റ്റേറ്റ്സിന്റെ സ്ഥാപക നേതാക്കളിൽ ഒരാളായിരുന്നു ബെഞ്ചമിൻ ഫ്രാങ്ക്ലിൻ. ശാസ്ത്രജ്ഞൻ, എഴുത്തുകാരൻ, പ്രസാധകൻ, രാഷ്ട്രിയ പ്രവർത്തകൻ, രാഷ്ട്രിയ തത്ത്വചിന്തകൻ, പോസ്റ്റ്മാസ്റ്റർ, സംഗീതജ്ഞൻ, ആക്ഷേപഹാസ്യക്കാരൻ, പൊതുപ്രവർത്തകൻ, ഭരണകർത്താവ്, വ്യവസായി, നയതന്ത്രജ്ഞൻ, ഉപജ്ഞാതാവ് എന്നീനിലകളിലെല്ലാം പ്രശസ്തമായ രീതിയിൽ കഴിവ് തെളിയിച്ച  ബഹുമുഖ പ്രതിഭയുടെ ജന്മദിനം (1707)

* മെനോർക്ക, സ്പെയ്ൻ: ദേശീയ ദിനം!

* ഗ്രീസ്: പത്രാസ് കാർണിവൽ!

* ഗവ. വിമൻസ് കോളേജിൻ്റെ 125മത് വാർഷികത്തോടനുബന്ധിച്ച് കോഗ്നറ്റോപിയ

    ഇന്നത്തെ മൊഴിമുത്ത്
.    ്്്്്്്്്്്്്്്്്്‌്‌്‌
''ഞാൻ നിനക്കു നല്കിയതെന്തെന്ന്
എനിക്കറിയാം,
നിനക്കു കിട്ടിയതെന്തെന്ന്
എനിക്കറിയില്ല''
 
 [ -അന്തോണിയോ പോർചിയ ]
* ഇറ്റലിയിൽ ജനിച്ച് അർജന്റീനയിൽ താമസമാക്കി സ്പാനിഷ് ഭാഷയിൽ എഴുതിയ വ്യത്യസ്തനായ ഒരു സാഹിത്യകാരൻ]

 **********
ഇന്ന് ജന്മദിനം ആചരിയ്ക്കുന്നവർ
**********
2007-ലെ മികച്ച സംവിധായകനുള്ള കേരള സർക്കാറിന്റെ പുരസ്കാരം   അടയാളങ്ങൾ   എന്ന ചലച്ചിത്രത്തിലുടെ  നേടിയ ചലച്ചിത്ര നാടക സംവിധായകൻ എം.ജി ശശിയുടെയും (1964 ),

ഗണിതസംബന്ധിയായ നൂറോളം പുസ്തകങ്ങളുടെ കർത്താവും, കണ്ണൂർ സയൻസ് പാർക്കിന്റെ  മുൻ ഡയറക്റ്ററും, കേരള സംസ്ഥാന ബാലസാഹിത്യ ഇൻസ്റ്റിറ്റ്യൂട്ട്  ഡയറക്ടറും ആയ പള്ളിയറ ശ്രീധരന്റെയും (1950), 

'ബുദ്ധ നെവർ സ്‌മൈല്ഡ്' എന്ന മുഴുനീള ചിത്രം, മലയാളത്തിൽ ഗുഡ് ബൈ ഡിസംബർ എന്നീ ചിത്രങൾ സംവിധാനം ചെയ്തുകൊണ്ട്‌ ചലച്ചിത്രമേഖലയിൽ ചുവടുറപ്പിച്ച, ഇന്ത്യൻ ടെലിവിഷൻ പരിപാടികളുടെ നിർമ്മാതാവ്, സ്‌ക്രിപ്റ്റ് റെറ്റർ, ഫിലിം മേക്കർ എന്നീ മേഖലകളിൽ പ്രവർത്തിക്കുന്ന സജീദ് എയുടേയും
(1990)
'
 രാജീവ് രവി സംവിധാനം ചെയ്ത കമ്മാട്ടിപാടം എന്ന ചിത്രത്തിലൂടെ മലയാളത്തിനു സുപരിചിതയായ, ബോളിവുഡ് ചിത്രങ്ങളിലും ഇന്ത്യൻ- ജർമ്മൻ നാടകങ്ങളിലും അഭിനയിച്ചിട്ടുള്ള ഇന്ത്യൻ ചലച്ചിത്ര നടി രസിക ദുഗാലിന്റേയും (1985),

എഴുത്തുകാരുടെ കുടുംബത്തിലെ ഏഴാം തലമുറയിലെ അംഗവും,   എഴുപതുകളിലേയും   എൺപതുകളിലേയും നിരവധി ബോളിവുഡ് ബോക്സ് ഓഫീസ് ഹിറ്റുകൾക്ക് തിരക്കഥ എഴുതുകയും, പത്മവിഭൂഷൺ ലഭിച്ച രാജ്യസഭ അംഗം, ഉറുദു കവി,ചലച്ചിത്രഗാന രചയിതാവ്, തിരക്കഥാകൃത്ത് എന്നീ നിലകളിൽ‍ പ്രശസ്തനുമായ ജാവേദ് അക്തറിന്റെയും (1945),

മുൻ അമേരിക്കൻ പ്രസിഡന്റ് ബറാക് ഒബാമയുടെ പത്നിയും  ദാരിദ്ര്യ നിർമാർജ്ജനത്തിനു വേണ്ടിയും, സ്ത്രീകൾക്കുവേണ്ടിയുമുള്ള പ്രവർത്തനങ്ങളിൽ പങ്കാളിയുമായ മിഷേൽ ലാവാഗൻ റോബിൻസൺ   ഒബാമയുടെയും (1964 ),

കനേഡിയൻ-അമേരിക്കൻ ചലച്ചിത്ര നടനും ഹാസ്യകലാകാരനുമായ   ജെയിംസ് യൂജീൻ "ജിം" ക്യാരിയുടെയും (1962 )  ,

1999-ൽ മംഫോർഡ് എന്ന ചിത്രത്തിലും കാമറോൺ ക്രോയുടെ 'അലോസ് ഫാഷസ്' (2000) എന്ന ചിത്രത്തിലും അഭിനയിച്ച ഒരു അമേരിക്കൻ ഗായികയും നടിയുമാണ് സോയി ഡേഷനലിന്റെയും (1980) ,

അമേരിക്കൻ ടെലിവിഷൻ അവതാരകനും നടനും എഴുത്തുകാരനും നിർമ്മാതാവും ഹാസ്യനടനുമായ ബ്രോഡറിക് സ്റ്റീഫൻ ഹാർവി, സീനിയർ എന്ന സ്റ്റീവ് ഹാർവി ( 1957) 

1960 കളിലും 1970 കളിലും ചിക്കാനോ സിവിൽ റൈറ്റ്സ് മൂവ്‌മെന്റിലും ചിക്കാന ഫെമിനിസ്റ്റ് പ്രസ്ഥാനത്തിലും പ്രവർത്തിച്ച ലൈബ്രേറിയനും എഴുത്തുകാരിയും സാമൂഹ്യപ്രവർത്തകയും, ആയ മെക്സിക്കോക്കാരിയായ അമേരിയ്ക്കൻ ആക്റ്റിവിസ്റ്റ്  മാർത്ത പി കൊട്ടേറ (1938) '

 അമേരിക്കയിൽ സ്ഥിരതാമസമാക്കിയ ഒരു മലയാളി ശാസ്ത്രജ്ഞനും, ലിഥിയം അയൺ, ലിഥിയം അയൺ പോളിമർ ബാറ്ററികളിൽ അംഗീകൃത വിദഗ്ദ്ധനും, കൂടാതെ അൾട്രാഹി എനർജി ഡെൻസിറ്റി ലിഥിയം എയർ ബാറ്ററിയുടെ ഉപജ്ഞാതാവും. ആയ അബ്രഹാം കുഴിക്കാലായിലിൻ്റെയും (1945) ജന്മദിനം

ഇന്ന് ജന്മദിനമാചരിയ്ക്കുന്ന ഇപ്പോൾ നമ്മോടൊപ്പമില്ലാത്ത നമ്മുടെ പ്രമുഖരായ പൂർവ്വികർ
*********
എം ജി രാമചന്ദ്രൻ  ജ. (1917-1987)
വി കെ മാധവൻകുട്ടി ജ. (1934-2005)
റുസി മോഡി ജ. (1918-2014)
'ബാബു ഗുലാബ്രായി - ജ(1888 -1963)
ഹെയ്സ്നം കനൈലാൽ' ജ. (1941-2016)
'ബഞ്ചമിൻ ഫ്രാങ്ക്ളിൻ ജ.(1706-1790)
കാത്തറീൻ ബൂത്ത് ജ.(1829-1890)
മുഹമ്മദ് അലി ജ. (1942- 2016)
എർത്ത മേ കിറ്റിനെയും ജ. (1927 –2008)
'അൽഫോൺസ് ഗബ്രിയേൽ "അൽ" കപോൺ (1899 -1947).
ബെറ്റി വൈറ്റിനെയും ജ. ( 1922-2021)
ഡഗ്ലസ് റോസ് ഹൈഡ് ജ. (1860 - 1949).

തമിഴ് സിനിമയിലെ പ്രമുഖ നടന്മാരിൽ ഒരാളും, തമിഴ്നാടിന്റെ മുഖ്യമന്ത്രിയുമായിരുന്ന എം.ജി.ആർ എന്നപേരിൽ പ്രശസ്തനായ പുരൈട്ചി തലൈവർ (വിപ്ലവ നായകൻ)  ഭാരതരത്ന,മരതൂർ ഗോപാല മേനോൻ രാമചന്ദ്രൻ 
(ജനുവരി 17, 1917–ഡിസംബർ 24, 1987),

മാതൃഭൂമി ദില്ലി ലേഖകൻ മാതൃഭൂമി ബ്യൂറോ ചീഫ്,  പത്രാധിപർ, ഏഷ്യാനെറ്റ് ഡയറക്ടർ,  ചീഫ് കറസ്പോണ്ടന്റ്,തുടങ്ങിയ നിലയിൽ പ്രവർത്തിച്ച പത്രപ്രവർത്തകനും സാഹിത്യകാരനും ആയിരുന്ന വി കെ മാധവൻകുട്ടി'
  (1934 ജനവരി 17 -  നവംബർ 1,2005 ),

ടാറ്റ സ്റ്റീലിന്റെ ചെയർമാനും മാനേജിങ്ങ് ഡയറക്റ്ററും ടാറ്റ ഗ്രൂപ്പിന്റെ പ്രധാന മെംബറും, ഒരിക്കൽ ആൽബർട്ട് ഐൻസ്റ്റീൻ വയലിൻ വായിച്ചപ്പോൾ കൂടെ പിയാനൊ വായിക്കാൻ ഭാഗ്യം സിദ്ധിച്ച ആളും  ആയിരുന്ന റുസി മോഡി 
(17 ജനുവരി 1918 – 16 മെയ് 2014),

ആധുനിക ഹിന്ദി സാഹിത്യത്തിലെ ഒരു പ്രധാന വ്യക്തിയായിരുന്ന ബാബു ഗുലാബ്രായി
 (17 ജനുവരി 1888 - 13 ഏപ്രിൽ 1963).

മരണാനന്തരം രണ്ടാമത് അമ്മന്നൂർ പുരസ്‌കാരം ലഭിച്ച  പ്രമുഖ മണിപ്പൂരി നാടക പ്രവർത്തകനും സംവിധായകനുമായിരുന്ന ഹെയ്സ്നം കനൈലാൽ
 (17 ജനുവരി 1941 – 6 ഒക്റ്റോബർ 2016)
 
ശാസ്ത്രജ്ഞൻ, പ്രമുഖ എഴുത്തുകാരൻ, പ്രസാധകൻ, രാഷ്ട്രിയ പ്രവർത്തകൻ, രാഷ്ട്രിയ തത്ത്വചിന്തകൻ, പോസ്റ്റ്മാസ്റ്റർ, സംഗീതജ്ഞൻ, ആക്ഷേപഹാസ്യക്കാരൻ, പൊതുപ്രവർത്തകൻ, ഭരണകർത്താവ്, വ്യവസായി, നയതന്ത്രജ്ഞൻ, ഉപജ്ഞാതാവ് എന്നീനിലകളിൽ പ്രശസ്തമായ രീതിയിൽ കഴിവ് തെളിയിച്ച ഒരു ബഹുമുഖ പ്രതിഭയും യുണൈറ്റഡ് സ്റ്റേറ്റ്സിന്റെ സ്ഥാപക നേതാക്കളിൽ ഒരാളുമായിരുന്ന ബെഞ്ചമിൻ ഫ്രാങ്ക്ലിൻ
 (ജനുവരി 17, 1706 -ഏപ്രിൽ 17, 1790)

സാൽവേഷൻ ആർമിയെന്ന പേരിൽ (രക്ഷാസൈന്യം) ലോകം മുഴുവൻ വ്യാപിച്ചുകിടക്കുന്ന ഒരു ശൃംഖല രൂപപ്പെടുത്തി  പാവപ്പെട്ടവരെ  യേശുവിൽ എത്തിക്കുന്നതിനു വേണ്ടി  അധ്യാത്മിക ബോധം നൽകുകയും, ഇന്ത്യ ഉൾപ്പെടെ ലോകം മുഴുവൻ മതപരിവർത്തനത്തിൽ മുഴുകിയ വില്യം ബൂത്തിന്റെ ഭാര്യയും, ഒരു നല്ല വക്താവും ഉപദേശിയും ആയിരുന്ന സാൽവേഷൻ ആർമ്മിയുടെ അമ്മ എന്നറിയപ്പെടുന്ന കാത്തറീൻ ബൂത്ത്
 (17 ജനുവരി 1829 – 4 ഒക്റ്റോബർ 1890),

മൂന്നു തവണ ലോക ഹെവി വെയ്റ്റ് ചാമ്പ്യനായും, ഒളിമ്പിക് ചാമ്പ്യനായും തിരഞ്ഞെടുക്കപ്പെട്ടിട്ടുള്ള അമേരിക്കൻ ബോക്സിംഗ് താരം മുഹമ്മദ് അലി എന്ന കാഷ്യസ് മേർ‌സിലസ് ക്ലേ ജൂനിയർ 
  (ജനുവരി 17 1942-2016 ജൂൺ 3 ),

വളരെ വ്യതിരിക്തമായ ആലാപന ശൈലിക്കും 1953-ലെ "C'est si bon" ന്റെയും ക്രിസ്മസ് നൂതന ഗാനം "Santa Baby"യുടെയും റെക്കോർഡിംഗുകൾക്കു പേരുകേട്ട ഒരു അമേരിക്കൻ ഗായികയും അഭിനേത്രിയും ആയിരുന്ന എർത്ത മേ കിറ്റ് ( കീത്ത്;)
 ( ജനുവരി 17, 1927 – ഡിസംബർ 25 2008),

പ്രൊഹിബിഷൻ യുഗത്തിൽ ചിക്കാഗോ ഔട്ട്ഫിറ്റ് എന്ന കുറ്റവാളി സംഘത്തിന്റെ തലവൻ എന്ന പദവിയിലൂടെ കുപ്രസിദ്ധിയാർജ്ജിച്ച ഒരു അമേരിക്കൻ സംഘത്തലവനായിരുന്ന അൽഫോൺസ് ഗബ്രിയേൽ "അൽ" ക പോൺ
 (ജനുവരി 17, 1899 - ജനുവരി 25, 1947) 

അമേരിക്കൻ ടെലിവിഷൻ രംഗത്തെ വിസ്മയകരമായ സാന്നിധ്യവും, ഏഴ് പതിറ്റാണ്ടിലേറെ നീണ്ടുനിന്ന തന്റെ കരിയറിലൂടെ ടെലിവിഷൻ ചരിത്രത്തിൽ ഏറ്റവും കൂടുതൽ കാലം പ്രവർത്തിച്ച വനിത എന്ന ഗിന്നസ് വേൾഡ് റെക്കോർഡ് സ്വന്തമാക്കിയ വ്യക്തിത്വവുമായ.  ബെറ്റി വൈറ്റിൻ്റെയും ജന്മദിനം
' (1922 ജനുവരി 17-ന് -: 2021 ഡിസംബർ 31)

ഒരു ഐറിഷ് സർവ്വകലാശാല അദ്ധ്യാപകനും ഭാഷാശാസ്ത്രജ്ഞനും ഐറിഷ് ഭാഷാ പണ്ഡിതനും രാഷ്ട്രതന്ത്രജ്ഞനും അയർലൻ്റിൻ്റെ ആദ്യ രാഷ്ട്രത്തലവനും ആയിരുന്ന ഡഗ്ലസ് റോസ് ഹൈഡ്
(17 ജനുവരി1860 – 12 ജൂലൈ 1949), 

സ്മരണഞ്ജലി !!!
്്്്്്്്്്്്
എസ്. ബാലകൃഷ്ണൻ മ.. (1948-2019)
പണ്ഡിറ്റ് ഗോപാലൻ നായർ മ.(1868-1968)
പ്രൊഫ.എം.കെ പ്രസാദ് മ.(1932-2022)
നന്ദിത കെ എസ് മ. (1969-1999 )
പി.ആർ. കുറുപ്പ്  മ. (1915-2001)
ജ്യോതി ബസു മ. (1914-2010)
സുചിത്ര സെൻ മ. (1931 -2014)
സുനന്ദ പുഷ്കർ മ. (1962-2014 )
രോഹിത് വെമുല മ (1989 - 2016)
ചക്രവർത്തി തിയോഡാഷ്യസ് ഒന്നാമൻ മ. (395)
കാർലോ ഡോൾസി  മ. (1616-1686 )
യോസ ബുസോൺ മ. (1716-1784)
ആങ്ക്വെറ്റി ദ്യൂപറോ മ.  (1731-1805)
അലക്സാണ്ടർ ആൻഡേഴ്സൺ മ. (1775-1870)
ലൂയിസ് കംഫർട്ട് ടിഫാനി മ.(1848-1933 )
ലിയോനാർഡ് ഡിക്സൺ മ. (1874-1954 )
പാട്രിസ് ലുമുംബ മ. ((1925-1961)
ബോബി ഫിഷർ മ. (1943-2008)
ഉസ്താദ് ഗുലാം മുസ്തഫാ ഖാൻ.
മ. (1931 – 2021)
എ.സി.എൻ. നമ്പ്യാർ മ.(1896 -1986).

എണ്ണത്തിൽ കുറവെങ്കിലും സൂപ്പർഹിറ്റുകളായി മാറിയ 'ഒരായിരം കിനാക്കളാൽ', 'ഉന്നം മറന്ന് തെന്നിപ്പറന്ന', 'ഏകാന്തചന്ദ്രികേ', 'നീർപ്പളുങ്കുകൾ', 'പവനരച്ചെഴുതുന്നു', 'പാതിരാവായി നേരം' തുടങ്ങിയ ഗാനങ്ങളടക്കം പത്തിലധികം മലയാള ചലച്ചിത്രങ്ങൾക്ക് സംഗീത സംവിധാനം നിർവഹിച്ച  സംഗീതജ്ഞൻ  എസ്. ബാലകൃഷ്ണൻ 
(നവംബർ 8, 1948 - 2019 ജനുവരി 17).

പുരാണങ്ങളിലും ഉപനിഷത്തുക്കളിലും അഗാധപരിജ്ഞാനം ഉണ്ടായിരുന്ന ബഹുഭാഷാ പണ്ഡിതനും, എഴുത്തുകാരനുമായിരുന്ന  സാഹിത്യ കുശലൻ  പണ്ഡിറ്റ്  ഗോപാലൻ നായർ
 (1868 ഏപ്രിൽ 18 -1968 ജനുവരി 17),

എറണാകുളം മഹാരാജാസ് കോളേജ് പ്രിസിപ്പിൾ, കാലിക്കറ്റ് യൂണിവേഴ്സിറ്റി പ്രോ വൈസ് ചാൻസലർ എന്നീ പദവികൾ വഹിച്ച അദ്ധ്യാപകനും  കേരളത്തിലെ പ്രകൃതി സംരക്ഷണ പ്രവർത്തനത്തിന് അടിത്തറ പാകിയ കേരള ശസ്ത്രസാഹിത്യ പരിഷത്തിനൊപ്പം സേവ് സൈലന്റ് വാലി എന്ന ശ്രദ്ധേയമായ ഒരു കാമ്പെയിനിന് മുൻനിരയിൽനിന്ന് പ്രവർത്തിക്കുകയും പ്രകൃതി സംരക്ഷണത്തിന്റേയും സുസ്ഥിര വികസനത്തിന്റേയും ഇന്ത്യയിലെ അറിയപ്പെടുന്ന ഒരു പ്രഭാഷകനും, പ്രകൃതി സ്നേഹിയും പരിസ്ഥിതി പ്രവർത്തകനും അദ്ധ്യാപകനുമായിരുന്ന പ്രൊഫസർ എം കെ പ്രസാദ്
 (1932 - 17 ജനുവരി 2022),

മലയാളത്തിലും ഇംഗ്ലീഷിലും കവിതകൾ എഴുതിയ ഒരു കവിയും പ്രഭാഷകയും അദ്ധ്യാപികയും അജ്ഞാതമായ കാരണങ്ങളാൽ സ്വയം ജീവനൊടുക്കുകയും ചെയ്ത വയനാട് കാരിയായ നന്ദിത കെ.എസ്
 (21 മെയ് 1969 -1999, 17 ജനുവരി ), 

മുൻമന്ത്രിയും മുതിർന്ന സോഷ്യലിസ്റ്റ് പാർട്ടി നേതാവുമായിരുന്ന പി.ആർ. കുറുപ്പ്
 (30 സെപ്റ്റംബർ 1915 - 17 ജനുവരി 2001) ,

ഏറ്റവും കൂടുതൽ കാലം മുഖ്യമന്ത്രിയായിരുന്ന വ്യക്തിത്വവും ഇൻഡ്യൻ കമ്മ്യൂണിസ്റ്റ് പ്രസ്ഥാനത്തിൻ്റെ അനിഷ്യേധ്യ നേതാവും പശ്ചിമ ബംഗാളിനെ പ്രതിനിധീകരിച്ച സി.പി.ഐ.എം നേതാവുമായിരുന്ന ജ്യോതിബസു
  ( ജൂലൈ 8,1914- ജനുവരി 17 2010) 

അന്താരഷ്ട്ര ചലച്ചിത്ര പുരസ്കാരം ലഭിക്കുന്ന ആദ്യ ഇന്ത്യൻ അഭിനേത്രി ആയ ബംഗാളി ചലച്ചിത്രതാരം  സുചിത്ര സെൻ എന്ന രമ ദാസ്ഗുപ്ത
(6 ഏപ്രിൽ 1931 - 17 ജനുവരി 2014), 

ജമ്മു കശ്മീരിലെ ബോമൈ സ്വദേശിനിയും കരസേനയിൽ ലഫ്.കേണലായിരുന്ന പുഷ്‌കർദാസ് നാഥിന്റെയും പരേതയായ ജയാ ദാസിന്റെയും പുത്രിയും മുൻ മന്ത്രിയും കോൺഗ്രസ് എം പിയുമായ ശശി തരൂരിന്റെ പത്നിയും ആയിരുന്ന സുനന്ദ പുഷ്കർ
 ( 1964 ജൂൺ 27 – 2014 ജനുവരി 17), 

അംബേദ്കർ സ്റ്റുഡൻറ്സ് അസോസിയേഷൻെറ പ്രവർത്തകനും, സ്ഥാപണവൽകൃത ബ്രഹ്മണിസത്തിനെതിരെ ഉള്ള പോരാട്ടങ്ങൾക്ക് കരുത്തു പകർന്ന് ആത്മഹത്യ നടത്തിയ   ഹൈദരാബാദ് സർവ്വകലാശാലയിലെ ഒരു ഗവേഷക വിദ്യാർത്ഥി ആയിരുന്ന ദളിതനായ   രോഹിത് വെമുല
(30 ജനുവരി 1989 - 17 ജനുവരി 2016)

 അവസാനമായി റോമ സാമ്രാജ്യത്തിന്റെ കിഴക്കെപകുതിയും പടിഞ്ഞാറെ പകുതിയും ഒരുമിച്ച് ഭരിച്ച  ചകവർത്തിയായിരുന്ന ഫ്ലാവിയസ്  തിയോഡാഷ്യസ് അഗസ്റ്റസ് എന്ന ചക്രവർത്തി തിയോഡാഷ്യസ് ഒന്നാമൻ
 ( 11 ജനുവരി 347- 17 ജനുവരി 395),

തികഞ്ഞ ഈശ്വര ഭക്തനായിരുന്നതിനാൽ മതപരമായ വിഷയങ്ങൾ ക്യാൻവാസിൽ പകർത്തിയ ഇറ്റാലിയൻ ചിത്രകാരൻ കാർലോ ഡോൾസ്
 ( 1616 മേയ് 25-1686 ജനുവരി 17 ),

ജപ്പാനിൽ എദോ കാലഘട്ടത്തിലെ പ്രസിദ്ധനായ  കവി യോസ ബുസോൺ
 (1716 – ജനു: 17, 1784[1]).

ഭാരതീയ സംസ്കാരത്തെക്കുറിച്ച് ആഴത്തിൽ പഠിച്ച്, സൊരാഷ്ട്രിയൻ ഗ്രന്ഥങ്ങൾ ഫ്രഞ്ചിലേയ്ക്കു മൊഴിമാറ്റം നടത്തിയ  ഫ്രഞ്ച് പണ്ഡിതൻ ആങ്ക്വെറ്റി ദ്യൂപറോ
 (7 ഡിസംബർ 1731 – 17 ജനുവരി 1805),

ഛായാചിത്രങ്ങൾ രചിക്കുന്നതിലും ഹ്രസ്വചിത്രങ്ങൾ വരയ്ക്കുന്നതിലും  പ്രാഗല്ഭ്യം പ്രകടമാക്കുകയും, വെബ്സ്റ്ററുടെ എലിമെന്ററി സ്പെല്ലിങ് ബുക്കി (Elementary Spelling Book)നും  ഷെയ്ക്സ്പിയറുടെ നാടകങ്ങൾക്കും, ചിത്രീകരണങ്ങൾ ചെയ്യുകയും, ഏതാണ്ട് 300 ദാരുശില്പങ്ങൾ നിർമ്മിക്കുകയും ചെയ്ത ഒരു അമേരിക്കൻ ശില്പിയായിരുന്ന അലക്സാണ്ടർ ആൻഡേഴ്സൺ
   (ഏപ്രിൽ 21, 1775 – ജനുവരി 17, 1870),

കലാമേന്മയാർന്ന വീട്ടുപകരണങ്ങൾ വിളക്കുക, ചില്ലുപാത്രങ്ങൾ, ആഭരണങ്ങൾ എന്നിവ നിർമിച്ചു വിതരണം ചെയ്യുക, 'ഫാവ്റിൽ' എന്നറിയപ്പെടുന്ന പ്രത്യേകതരം ചില്ലുപാത്രങ്ങൾ രൂപകല്പനയും നിർമ്മാണ സാങ്കേതികവിദ്യയും വികസിപ്പിച്ചെടുക്കുക തുടങ്ങിയ പ്രവർത്തനങ്ങൾ നടത്തിയ  അമേരിക്കൻ ചിത്രകാരൻ ലൂയിസ് കംഫർട്ട് ടിഫാനി
 (1848 ഫെബ്രുവരി 18-1933 ജനു. 17 ),

പരിബദ്ധക്ഷേത്രങ്ങളെ (finite field) കുറിച്ചുള്ള പ്രമാണങ്ങൾ ആദ്യമായി വിശദീകരിച്ച ശാസ്ത്രജ്ഞൻ എന്ന നിലയിൽ പ്രസിദ്ധനായി തീർന്ന അമേരിക്കൻ ഗണിത ശാസ്ത്രജ്ഞനായ ലിയോനാർഡ് യൂജീൻ ഡീക്സൺ
 (1874 ജനുവരി 22-1954 ജനുവരി 17 ), '

ബെൽജിയത്തിന്റെ കോളനിയായിരുന്ന കോംഗോയ്ക്ക്  സ്വാതന്ത്ര്യം നേടി കൊടുക്കുകയും, രാജ്യത്തിന്റെ  ആദ്യത്തെ പ്രധാനമന്ത്രി യാകുകയും. സ്വാതന്ത്ര്യലബ്ധിയെ തുടർന്നുണ്ടായ അരാജകത്വത്തിന്റെ ഫലമായി 1961-ൽ  കൊല്ലപ്പെടുകയും ചെയ്ത പാട്രിസ്  ലുമുംബ
 (1925 ജൂലൈ 2-1961 ജനുവരി 17) ,

കൗമാര പ്രായത്തിൽ‌തന്നെ ചെസിലെ പ്രാവീണ്യം‌കൊണ്ട് പ്രശസ്തനാകുകയും  1972ൽ റഷ്യക്കാരനായ ബോറിസ് സ്പാസ്ക്കിയെ തോല്പിച്ച്  ഔദ്യോഗിക ലോക ചെസ് ചാമ്പ്യൻഷിപ്പ് നേടിയ  ചെസ്ഗ്രാൻഡ്മാസ്റ്റർ  റോബർട്ട് ജെയിംസ് "ബോബി" ഫിഷർ
  (മാർച്ച് 9, 1943 - ജനുവരി 17, 2008),

ഹിന്ദി ചലച്ചിത്രലോകത്ത് ഗായകനായും സംഗീത സംവിധായകനായും പ്രവർത്തിച്ച. മൃണാൾസെന്നിന്റെ ഭുവൻഷോമിലും നിരവധി മറാത്തി, ഗുജറാത്തി സിനമകൾക്കു വേണ്ടിയും പാടിയ , ഉസ്താദ് വാരിസ് ഹുസൈൻ ഖാന്റെ മകനും ഉസ്താദ് ഇനായത് ഹുസൈൻ ഖാന്റെ പൗത്രനുമായ, 1991 ൽ പത്മശ്രീയും 2006 ൽ പത്മഭൂഷണും 2018 ൽ പത്മവിഭൂഷണും, 2003 ൽ കേന്ദ്ര സംഗീത നാടക അക്കാദമി പുരസ്കാരവും ലഭിച്ച ഉസ്താദ്
ഗുലാം മുസ്തഫാ ഖാൻ. 
(3 മാർച്ച് 1931 – 17 ജനുവരി 2021)

'പത്രപ്രവർത്തകൻ; സ്വാതന്ത്ര്യസമര സേനാനി; ജർമ്മനിയിലെയും  സ്കാൻ്റിനേവ്യയിലെയും ഇന്ത്യൻ അംബാസഡർ എന്നി നിലകളിൽ പ്രവർത്തിച്ച വ്യക്തിത്വവും സുഭാഷ് ചന്ദ്രബോസിനോടൊപ്പം പ്രവർത്തിച്ചതിനിടയിൽ രണ്ടാം ലോകമഹായുദ്ധകാലത്ത് ഹിറ്റലറെ വിമർശിച്ചതിന് ജയിലിലടയ്ക്കപ്പെട്ട വ്യക്തിയും, സ്വാതന്ത്ര്യാനന്തരം നെഹ്രു ഇടപെട്ട് ജയിലിൽ നിന്ന് സ്വതന്ത്രനായി 1951 ൽ ജർമ്മനിയിലെ ആദ്യത്തെ ഇന്ത്യൻ അംബാസഡറായി നിയമിതനാവുകയും ചെയ്ത തലശ്ശേരിക്കാരൻ പത്മഭൂഷൺ  എ സി എൻ നമ്പ്യാർ എന്ന അറത്തിൽ കണ്ടത്ത് നാരായണൻ നമ്പ്യാരുടെയും 1896 -1986 ജനുവരി 17 ) ചരമ ദിനം

**********
ചരിത്രത്തിൽ ഇന്ന്…
്്്്്്്്്്്്്്്്്്

379 - തിയോഡോഷ്യസ് 1, റോമൻ ചക്രവർത്തി (379-95) തന്റെ ഭരണകാലത്ത് ക്രിസ്തുമതം പ്രോത്സാഹിപ്പിക്കുകയും ഗോഥുകളുമായുള്ള വൈരുദ്ധ്യങ്ങൾ പരിഹരിക്കുകയും ചെയ്തു.

1377 - ഗ്രിഗറി പതിനൊന്നാമൻ മാർപാപ്പ റോമിലെത്തി, 67 വർഷത്തിനു ശേഷം അവിഗ്നോണിൽ നിന്ന് മാർപ്പാപ്പയെ റോമിലേക്ക് വിജയകരമായി മാറ്റി.

1605  - ഡോൺ ക്വിക്സോട്ട് പ്രസിദ്ധീകൃതമായി.

1773 - ബ്രിട്ടീഷ് പര്യവേക്ഷകനും നാവികസേനാ ക്യാപ്റ്റനുമായ ജെയിംസ് കുക്ക് അന്റാർട്ടിക്ക് സർക്കിൾ കടന്ന ആദ്യത്തെ വ്യക്തിയായി.

1809 - സിമോൺ ബൊളിവാർ  കൊളംബിയയെ റിപ്പബ്ലിക്കായി   പ്രഖ്യാപിച്ചു.

1811 - മെക്‌സിക്കൻ സ്വാതന്ത്ര്യ സമരത്തിനിടെ കാൽഡെറോൺ ബ്രിഡ്ജ് യുദ്ധത്തിൽ ഏതാണ്ട് 100,000 മെക്‌സിക്കൻ വിപ്ലവകാരികളെ സ്‌പാനിഷ് സേന (6,000) പരാജയപ്പെടുത്തി.

1871 -  അമേരിക്കൻ കണ്ടുപിടുത്തക്കാരനായ ആൻഡ്രൂ സ്മിത്ത് ഹാലിഡിക്ക് കേബിൾ കാറിനുള്ള ആദ്യ പേറ്റന്റ് ലഭിച്ചു.

1904 - പ്രശസ്ത റഷ്യൻ നാടകകൃത്ത് ആന്റൺ ചെക്കോവിന്റെ ദി ചെറി ഓർച്ചാർഡ് മോസ്കോ ആർട്ട് തിയേറ്ററിൽ പ്രദർശിപ്പിച്ചു.

1912 - ആമുണ്ട് സെന്നിന് പിന്നാലെ ക്യാപ്റ്റൻ റോബർട്ട് ഫോസ്റ്റ് ദക്ഷിണ ധ്രുവത്തിൽ എത്തി.

1916 - പ്രൊഫഷണൽ ഗോൾഫേഴ്സ് അസോസിയേഷൻ (പിജി‌എ) രൂപീകൃതമായി.

1920 -  ഭരണഘടനയുടെ 18-ാം ഭേദഗതിയും വോൾസ്റ്റെഡ് നിയമവും അംഗീകരിച്ചതിനുശേഷം യുഎസിൽ നിരോധനം പ്രാബല്യത്തിൽ വന്നു.

1929 - ചീരയോടുള്ള ഇഷ്ടത്തിന് പേരുകേട്ട ഒരു നാവികനായ പോപ്പേയ് എന്ന ജനപ്രിയ കാർട്ടൂൺ കഥാപാത്രം ആദ്യമായി പ്രത്യക്ഷപ്പെട്ടത് കിംഗ് ഫീച്ചേഴ്‌സ് കോമിക് സ്ട്രിപ്പ് തിംബിൾ തിയേറ്ററിലാണ്.

1945 - രണ്ടാം ലോക മഹായുദ്ധം. സോവിയറ്റ് – പോളണ്ട് സംയുക്ത സൈന്യം വാഴ്സയെ മോചിപ്പിച്ചു.

1946 - ലണ്ടനിൽ ഐക്യരാഷ്ട്ര സുരക്ഷാ കൗൺസിൽ അതിന്റെ ആദ്യ യോഗം ചേർന്നു.

1948 - ഐക്യരാഷ്ട്രസഭയുടെ   സുരക്ഷാസമിതിയുടെ ആദ്യ സമ്മേളനം.

1961 -  കോംഗോ ഭരണാധികാരിയായ പാട്രിസ് ലുമുംബയെ വധിച്ചത് CIA സഹായത്തോടെയാണെന്ന് അന്വഷണ കമ്മിഷൻ കണ്ടെത്തി.

1973 - ഫെർഡിനാൻഡ് മാർക്കോ ഫിലിപ്പീൻസിന്റെ ആജീവനാന്ത പ്രസിഡന്റായി.

1984 - യുഎസ് സുപ്രീം കോടതി, പിന്നീട് കാണുന്നതിനായി ടിവി പ്രോഗ്രാമുകൾ ടേപ്പ് ചെയ്യാൻ ഹോം വിസിആറുകളുടെ സ്വകാര്യ ഉപയോഗം ഫെഡറൽ പകർപ്പവകാശ നിയമങ്ങൾ ലംഘിക്കുന്നില്ലെന്ന് വിധിച്ചു.

1987 - ഇന്ത്യയിലെ ഏറ്റവും വലിയ നാവിക അക്കാദമിയായ ഏഴിമല നാവിക അക്കാദമിക്ക് പ്രധാനമന്ത്രി രാജിവ് ഗാന്ധി തറക്കല്ലിട്ടു.

1991 - പേർഷ്യൻ ഗൾഫ് യുദ്ധകാലത്ത് അമേരിക്കയും സഖ്യവും ഇറാഖിൽ ഓപ്പറേഷൻ ഡെസേർട്ട് സ്റ്റോം ആരംഭിച്ചു.

1995 -  ജപ്പാനിലെ ഹാൻഷിൻ മേഖലയിൽ ഒരു വലിയ ഭൂകമ്പം (6.9 തീവ്രത) ഉണ്ടായി, 6000-ത്തിലധികം ആളുകളുടെ ജീവൻ അപഹരിക്കുകയും നഗരം നശിപ്പിക്കുകയും ചെയ്തു.

1999 - കായംകുളം പദ്ധതി, ഒന്നാം ഘട്ടം ഉദ്ഘാടനം ചെയ്തു.

2008 - കണ്ണൂർ വിമാനത്താവളത്തിന് കേന്ദ്ര സർക്കാർ അനുമതി നൽകി.

2008 -  ബോബി ഫിഷർ, അമേരിക്കൻ ചെസ്സ് പ്രതിഭയും ഗ്രാൻഡ്മാസ്റ്ററുമായ ബോബി ഫിഷർ, 14-ആം വയസ്സിൽ തന്റെ ആദ്യ യുഎസ് ചാമ്പ്യൻഷിപ്പ് നേടുകയും 1964-ൽ അതേ തികച്ച (11-0) സ്കോർ രേഖപ്പെടുത്തുകയും ചെയ്തു.

2012 - മിയാമി ഹീറ്റിന്റെ ലെബ്രോൺ ജെയിംസ് (28 വർഷം, 17 ദിവസം) കോബി ബ്രയാന്റിനെ (29 വർഷം, 122 ദിവസം) മറികടന്ന് ഗോൾഡൻ സ്റ്റേറ്റിനെതിരായ ഒരു ഗെയിമിൽ 20,000 കരിയർ പോയിന്റുകൾ നേടിയ എൻബിഎ ചരിത്രത്തിലെ ഏറ്റവും പ്രായം കുറഞ്ഞ കളിക്കാരനായി.

2013 - പ്രശസ്ത സൈക്ലിസ്റ്റും ഏഴ് തവണ ടൂർ ഡി ഫ്രാൻസ് ജേതാവുമായ ലാൻസ് ആംസ്ട്രോങ് ഓപ്ര വിൻഫ്രേയോട് ഉത്തേജക മരുന്ന് കഴിച്ചതായി സമ്മതിക്കുകയും പിന്നീട് അദ്ദേഹത്തിന്റെ എല്ലാ കിരീടങ്ങളും നീക്കം ചെയ്യുകയും ചെയ്തു.

2014 - ആന്ധി, ദേവദാസ്, സപ്തപദി തുടങ്ങിയ ജനപ്രിയ ചിത്രങ്ങളിൽ ബംഗാളി, ഹിന്ദി സിനിമകളിൽ പ്രവർത്തിച്ച ഇന്ത്യൻ നടി സുചിത്ര സെൻ
 
2017 - കാണാതായ മലേഷ്യൻ എയർലൈൻസ് ഫ്ലൈറ്റ് 370 ന് വേണ്ടിയുള്ള തിരച്ചിൽ 3 വർഷത്തിന് ശേഷം ഇന്ത്യൻ മഹാസമുദ്രത്തിന് മുകളിൽ നിർത്തിവച്ചു.

.      By ' ടീം തത്ത്വമസി - ജ്യോതിർഗ്ഗമയ '
.       ************
   Rights Reserved by Team Jyotirgamaya