ഇന്ന് ഫെബ്രുവരി 22. മലയാള ചലച്ചിത്ര അഭിനേത്രി കെ.പി.എ.സി ലളിതയുടെയും ടെലിവിഷൻ അവതാരകയും നടിയും ആയിരുന്ന സുബി സുരേഷിന്റെയും ഓർമ്മ ദിവസം. കല്ലുവാതുക്കലിലെ വിഷമദ്യ ദുരന്തവും ഏഷ്യയിലെ ആദ്യത്തെ ബട്ടർഫ്ലൈ പാർക്ക് തെന്മലയിൽ തുറന്നതും ഇതേ ദിനം

 ചരിത്രത്തിൽ ഇന്ന് , വർത്തമാനവും …  
    **************

.                         ' JYOTHIRGAMAYA '
.                         ്്്്്്്്്്്്്്്്
.                         🌅ജ്യോതിർഗ്ഗമയ🌅
.                       
 കൊല്ലവർഷം 1201
കുംഭം 10
അശ്വതി / പഞ്ചമി
2026 ഫെബ്രുവരി 22
ഞായർ

ഇന്ന്;

* ലോക ചിന്താദിനം!
 [World Thinking Day ; നേതൃത്വപരമായ റോളുകൾ, കമ്മ്യൂണിറ്റി സേവനം, ഔട്ട്ഡോർ സാഹസികതകൾ - ഒരു നല്ല വ്യത്യാസം വരുത്താൻ പെൺകുട്ടികളെ പ്രാപ്തരാക്കുന്ന ഒരു സ്ഥാപനത്തിൻ്റെ മുഖമുദ്രകൾ.  ലോകമെമ്പാടുമുള്ള ഗേൾ ഗൈഡുകളും ഗേൾ സ്കൗട്ടുകളും ചേർന്ന് എല്ലാ വർഷവും ഫെബ്രുവരി 22 ന് ലോക ചിന്താ ദിനം ആഘോഷിക്കുന്നു.]

* ലോക യോഗ ദിനം!
[ World Yoga Day ; ആയിരക്കണക്കിന് വർഷങ്ങളായി യോഗയുടെ ആരോഗ്യ ഗുണങ്ങൾ മനുഷ്യരാശിക്ക് അറിയാം.  ഈ പുരാതന സമ്പ്രദായത്തിൽ ശാരീരികവും മാനസികവും ആത്മീയവും വൈകാരികവുമായ നേട്ടങ്ങൾ നൽകുന്ന ശാരീരിക പോസുകൾ, ആഴത്തിലുള്ള
 ശ്വസനം, ഏകാഗ്രത എന്നിവ ഉൾപ്പെടുന്നു.]

* ദേശീയ മാർഗരിറ്റ ദിനം !
[ National Margarita Day ; തക്കാളി, ചീസ്, പരമ്പരാഗതമായി തുളസി എന്നിവ ചേർത്ത പിസ്സയെ സൂചിപ്പിക്കുന്നു. ഇറ്റലിയിലെ ക്വീൻ മാർഗരിറ്റയുടെ പേരിലാണ് പിസ്സ മാർഗരിറ്റ അറിയപ്പെടുന്നത്.]

* ദേശീയ വിനോദ സ്പോർട്സ് ആൻഡ് ഫിറ്റ്നസ് ദിനം ! 
 [ National Recreational Sports and Fitness Day ; ദേശീയ വിനോദ സ്‌പോർട്‌സ്, ഫിറ്റ്‌നസ് ദിനത്തിൻ്റെ ബഹുമാനാർത്ഥം ഇൻട്രാമ്യൂറൽ അല്ലെങ്കിൽ കമ്മ്യൂണിറ്റി സ്‌പോർട്‌സുകളിൽ ഏർപ്പെടാനുള്ള അവസരം വിനിയോഗിച്ചു കൊണ്ട് വിനോദത്തിൽ ചേരുക, ശൈത്യകാലത്തെ ചിലന്തിവലകളിൽ ചിലത് കുലുക്കുക! ]

* എളിമ ശീലിക്കാൻ ഒരു ദിനം! 
[ Be humble day ;  സ്വയം പ്രമോഷൻ വാഴുന്ന ഒരു ലോകത്ത്, നിശബ്ദമായി മറ്റുള്ളവരെ സഹായിക്കുകയും പ്രവർത്തനങ്ങൾ ഉച്ചത്തിൽ സംസാരിക്കാൻ അനുവദിക്കുകയും ചെയ്യുന്നത് നവോന്മേഷദായകവും പ്രശംസനീയവുമായ
ഒരു സ്വഭാവമാണ് ] 

*ദേശീയ നായ നടത്ത  ദിനം!
നിങ്ങളുടെ രോമമുള്ള സുഹൃത്തിനെ കൂടെ കൊണ്ടുപോയി വിശ്രമകരമായ ഒരു നടത്തത്തിന് വിടൂ, ഒരുമിച്ച് പുറത്തെ കാഴ്ചകൾ ആസ്വദിക്കൂ. ഒരുമിച്ച് നിൽക്കൂ, വ്യായാമം ചെയ്യൂ, ശുദ്ധവായു ശ്വസിക്കൂ!
നിങ്ങളുടെ രോമമുള്ള സുഹൃത്തിനൊപ്പം നടക്കുന്നതിന്റെ സന്തോഷവും നേട്ടങ്ങളും എടുത്തുകാണിക്കുന്ന രസകരവും ആകർഷകവുമായ ഒരു പരിപാടിയാണ് നാഷണൽ വാക്ക് യുവർ ഡോഗ് ഡേ. ]

*ദേശീയ കാലിഫോർണിയ  ദിനം!
[ദേശീയ കാലിഫോർണിയ ദിനം സംസ്ഥാനത്തിന്റെ അതുല്യമായ ആകർഷണീയതയുടെയും രാജ്യത്തിന് നൽകിയ വലിയ സംഭാവനകളുടെയും ഊർജ്ജസ്വലമായ ആഘോഷമാണ്.
കാലിഫോർണിയയുടെ അതിശയിപ്പിക്കുന്ന പ്രകൃതിദൃശ്യങ്ങൾ, സമ്പന്നമായ സാംസ്കാരിക പൈതൃകം, നൂതനമായ മനോഭാവം എന്നിവ ഈ പരിപാടി എടുത്തുകാണിക്കുന്നു. മനോഹരമായ ബീച്ചുകൾ, ഗാംഭീര്യമുള്ള പർവതങ്ങൾ, തിരക്കേറിയ നഗരങ്ങൾ, ശാന്തമായ മരുഭൂമികൾ എന്നിവ മുതൽ എല്ലാവർക്കും എന്തെങ്കിലും വാഗ്ദാനം ചെയ്യുന്ന സ്ഥലമാണ് കാലിഫോർണിയ.]

*ദേശീയ ഹൃദയ വാൽവ് രോഗ അവബോധ  ദിനം!
[ഹൃദയ വാൽവ് രോഗത്തെക്കുറിച്ചുള്ള അവബോധം വളർത്തുന്നതിനായി സമർപ്പിച്ചിരിക്കുന്ന ഒരു സുപ്രധാന ആചരണമാണ് ദേശീയ ഹൃദയ വാൽവ് രോഗ അവബോധ ദിനം. അപകടസാധ്യതകൾ മനസ്സിലാക്കുന്നതിനും, ലക്ഷണങ്ങൾ തിരിച്ചറിയുന്നതിനും, സമയബന്ധിതമായ ചികിത്സ തേടുന്നതിനും ഈ ദിവസം പ്രാധാന്യം നൽകുന്നു!]

*അബു സിംബൽ  ഉത്സവം!
[ഈജിപ്തിലെ മനോഹരമായ അബു സിംബെൽ ക്ഷേത്രങ്ങളിൽ വർഷത്തിൽ രണ്ടുതവണ നടക്കുന്ന അതിശയകരമായ ആഘോഷമാണ് അബു സിംബെൽ ഉത്സവം. ഈ ചടങ്ങിൽ, സൂര്യപ്രകാശം അകത്തെ ശ്രീകോവിലിനെ പൂർണ്ണമായി പ്രകാശിപ്പിക്കുകയും, റാംസെസ് രണ്ടാമന്റെയും ദൈവങ്ങളുടെയും പ്രതിമകളെ പ്രകാശിപ്പിക്കുകയും ചെയ്യുന്നു.നൂറ്റാണ്ടുകളായി ആളുകളെ അത്ഭുതപ്പെടുത്തിയിട്ടുള്ള ഈ അസാധാരണ വിന്യാസം, ഈ അത്ഭുതം കാണാൻ ലോകമെമ്പാടുമുള്ള സന്ദർശകരെ ആകർഷിക്കുന്നു. പ്രകൃതിയും പുരാതന വാസ്തുവിദ്യയും അതിശയിപ്പിക്കുന്ന ഒരു പ്രദർശനത്തിൽ ഒന്നിക്കുന്ന അപൂർവ നിമിഷത്തെയാണ് ഈ ഉത്സവം അടയാളപ്പെടുത്തുന്നത്.]

*സൂപ്പർമാർക്കറ്റ് ജീവനക്കാരുടെ  ദിനം!
[ഷെൽഫുകൾ സ്റ്റോക്ക് ചെയ്തിട്ടുണ്ടെന്നും, ചെക്ക്ഔട്ട് ലൈനുകൾ സുഗമമായി നടക്കുന്നുണ്ടെന്നും, നമ്മുടെ ദൈനംദിന ആവശ്യങ്ങൾ ശ്രദ്ധയോടെ നിറവേറ്റുന്നുണ്ടെന്നും ഉറപ്പാക്കുന്ന സമർപ്പിത വ്യക്തികൾ.സൂപ്പർമാർക്കറ്റ് ജീവനക്കാരുടെ ദിനത്തിൽ പങ്കുചേർന്നും പിന്തുണച്ചും, ആളുകളുടെ വീടുകളിൽ ഭക്ഷണം എത്തിക്കുക എന്നത് അവരുടെ ജോലിയായി കണക്കാക്കുന്ന ആളുകളെ ആഘോഷിക്കൂ, കുറച്ച് സ്നേഹം പ്രകടിപ്പിക്കൂ! ]

*സിംഗിൾ ടാസ്കിംഗ്  ദിനം !
[ഗതാഗതക്കുരുക്കിൽ അകപ്പെടുന്നതിനു പകരം ഒരു തുറന്ന റോഡിലൂടെ സഞ്ചരിക്കുന്നത് പോലെ തോന്നുന്നത് നിങ്ങൾ എപ്പോഴെങ്കിലും ശ്രദ്ധിച്ചിട്ടുണ്ടോ?പത്ത് കാര്യങ്ങൾ ഒരേ സമയം ചെയ്തു തീർക്കേണ്ടി വന്നിട്ടും എല്ലാം ഉപേക്ഷിച്ചതായി നിങ്ങൾക്ക് എപ്പോഴെങ്കിലും തോന്നിയിട്ടുണ്ടോ? നിങ്ങളെ സഹായിക്കാൻ സിംഗിൾ ടാസ്കിംഗ് ദിനത്തിൽ പങ്കെടുക്കൂ!ഈ ദിവസം നമ്മളെ നമ്മുടെ മൾട്ടിടാസ്കിംഗ് ഭ്രാന്തിൽ നിന്ന് ഒരു സമയം ഒരു കാര്യം ചെയ്യുന്നതിലേക്ക് മാറ്റാൻ പ്രേരിപ്പിക്കുന്നു. ഇത് നിങ്ങളുടെ തലച്ചോറിന് സുഖകരവും ശ്രദ്ധ കേന്ദ്രീകരിച്ചതുമായ ഒരു ആലിംഗനം നൽകുന്നത് പോലെയാണ്, ഇത് നമ്മുടെ കുഴപ്പങ്ങളുടെ കലണ്ടറിലെ ഒരു വേറിട്ട നിമിഷമാക്കി മാറ്റുന്നു. ]

*വൂൾവർത്ത് ദിനം!
[വൂൾവർത്ത് ദിനം ഒരു സജീവമായ ആഘോഷമാണ്, അത് ഐക്കണിക് " ഫൈവ് ആൻഡ് ഡൈം " സ്റ്റോറുകളുടെ മനോഹാരിത തിരികെ കൊണ്ടുവരുന്നു . റീട്ടെയിൽ ഷോപ്പിംഗിനെ എന്നെന്നേക്കുമായി മാറ്റിമറിച്ച സംരംഭകനായ ഫ്രാങ്ക് ഡബ്ല്യു. വൂൾവർത്തിന്റെ പാരമ്പര്യത്തെ ഈ പ്രത്യേക ദിനം ആദരിക്കുന്നു!]

*ദേശീയ മധുരക്കിഴങ്ങ് പാചകം  ദിനം!
[ലോകത്തിലെ ഏറ്റവും പ്രധാനപ്പെട്ട വിളകളിൽ ഒന്നായ മധുരക്കിഴങ്ങ് ആയതിനാൽ, ദേശീയ മധുരക്കിഴങ്ങ് പാചക ദിനം കാലങ്ങളായി ഉയർന്നുവന്നിട്ടുണ്ട് എന്നത് അർത്ഥവത്താണ്. ]

* സെയ്ന്റ് ലൂസിയ: സ്വാതന്ത്ര്യ ദിനം !

.      ഇന്നത്തെ മൊഴിമുത്ത്
.    ്്്്്്്്്്്്്്്്്്്്്
''ആകാശത്തു നിന്നൊരു മാലാഖ ഇറങ്ങിവന്ന്‌, കുത്തബ്‌മിനാറിന്റെ മുകളിൽ കയറി നിന്ന്‌ എന്നോട്‌ സ്വാതന്ത്ര്യം വേണോ അതോ ഹിന്ദു-മുസ്‌ലിം മൈത്രി വേണോ എന്നു ചോദിച്ചാൽ ഈ അബുൽകലാം ആയിരം വട്ടം ആവശ്യപ്പെടുന്നത്‌ ഹിന്ദു-മുസ്‌ലിം മൈത്രിയായിരിക്കും."

   [ - അബുൽകലാം ആസാദ് ] ************
കൊല്ലം ജില്ലയിലെ പാലത്തറ സ്വദേശിയും ഒരു ഇടതുപക്ഷ രാഷ്ട്രീയപ്രവർത്തകനും ഇരവിപുരം മണ്ഡലത്തിൽ നിന്നുള്ള  നിയമസഭാംഗവും. സി.പി.ഐ. (എം) കൊല്ലം ഈസ്റ്റ് ഏരിയാ കമ്മിറ്റി അംഗവും, കൊല്ലം നഗരസഭയുടെ ഡെപ്യൂട്ടി മേയറായി പ്രവർത്തിച്ചിട്ടുള്ള വ്യക്തിയുംണ്ട്. എസ്.എഫ്.ഐ. സംസ്ഥാന കമ്മിറ്റി അംഗവുമായിരുന്ന
എം. നൗഷാദ് .( 1965)

മദ്ധ്യപ്രദേശിലെ ഗോണ്ട് ഗ്രോത്ര ജനതയായ ആദിവാസികൾക്കിടയിൽ പ്രവർത്തിക്കുന്ന കേരളത്തിൽ നിന്നുള്ള സാമൂഹികപ്രവർത്തകയും മലയാളിയുമായ
ദയാബായി എന്ന മേഴ്സി മാത്യു. 
(1941 ഫെബ്രുവരി 22)

മലയാള ചലചിത്രങ്ങളിലെ   സംഘട്ടന രം‌ഗങ്ങൾക്ക് ഒരു പുതിയ മാനം നൽകിയ  ബാബു ആന്റണിയുടേയും (1966),

സ്പീട് ട്രാക്ക്, കേരളോത്സവം,  പെൺപട്ടണം, മകരമഞ്ഞ്, നാൻഗ്, ക്രൈം സ്‌റ്റോറി, നോട്ടി പ്രെഫസർ, പുതുമുഖങ്ങൾ തേവയ്, ബാങ്കിംഗ്‌ ഹവേഴ്‌സ് 10 ടു 4, കമ്മത്ത് & കമ്മത്ത്, ലിസ്സമ്മയുടെ വീട്, പോലീസ് മാമൻ, ഗോഡ്‌സ് ഓൺ കൺട്രി തുടങ്ങിയ ചിത്രങ്ങളിലൂടെ ചച്ചിത്രലോകത്ത്‌ സുപരിചിതയായ, നർത്തകിയും മോഡലും കൂടിയായ വിഷ്ണു പ്രിയയുടേയും (1987),

ഏഷ്യനെറ്റിൽ സംപ്രേക്ഷണം ചെയ്ത ഓട്ടോഗ്രാഫ് എന്ന പരമ്പരയിലൂടെ  അഭിനയരംഗത്തേക്ക്‌ കടന്നു വരുകയും തുടർന്ന് മലയാളത്തിലും തമിഴിലുമായി നിരവധി ചിത്രങ്ങളിൽ അഭിനയിക്കുകയും ചെയ്ത  പ്രശസ്ത തെന്നിന്ത്യൻ ചലച്ചിത്ര നടി ശാലിൻ സോയയുടേയും (1997),

കേരളത്തിലെ വിഷചികിത്സാ ഗ്രന്ഥങ്ങളുടെ വൈജ്ഞാനിക- സാംസ്കാരിക വിശകലനം എന്ന വിഷയത്തിൽ ഡോക്ടറേറ്റ് നേടിയിട്ടുള്ള എം ഇ എസ് മമ്പാട് കോളേജിൽ അധ്യാപികയും എഴുത്തുകാരിയും നിരവധി കൃതികളുടെ രചയിതാവുമായ ഇടുക്കി സ്വദേശി ഡോ. മൈന ഉബൈമാന്റെയും (1978),

"ബ്ലേഡ് റണ്ണർ", "കുങ് ഫു പാണ്ട" എന്നിവയുൾപ്പെടെ 500-ലധികം സിനിമകളിലും ടെലിവിഷൻ പരമ്പരകളിലും പ്രത്യക്ഷപ്പെട്ട അമേരിക്കൻ നടനും ശബ്ദ നടനുമായ
ജെയിംസ് ഹോങിൻ്റെയും(1929) ,

സാധാരണയായി ഡോ. ജെ എന്ന ഓമനപ്പേരിൽ അറിയപ്പെടുന്ന ഒരു അമേരിക്കൻ മുൻ പ്രൊഫഷണൽ ബാസ്കറ്റ്ബോൾ കളിക്കാരനായ ജൂലിയസ്  എർവിംഗിൻ്റെയും ( 1950), 

ഒരു അമേരിക്കൻ സംവിധായിക, മോഡൽ, മുൻ അശ്ലീല നടി എന്നീ നിലകളിലറിയപ്പെടുന്ന, നിരവധി അഡൾട്ട് ഇൻഡസ്ട്രി അവാർഡുകൾ നേടിയിട്ടുള്ള ജെന്ന ഹെയ്സിന്റേയും (1982) ജന്മദിനം !

*****

ഇന്ന് ജന്മദിനം ആചരിയ്ക്കേണ്ട ഇപ്പോൾ നമ്മോടൊപ്പം ഇല്ലാത്ത നമ്മുടെ പൂർവ്വികരിൽ പ്രമുഖരായ ചിലർ
********

ബി കല്യാണി അമ്മ ജ. (1884-1959)
കാരൂർ നീലകണ്ഠപ്പിള്ള ജ. (1898-1975)
ഒ.ടി. ശാരദ കൃഷ്ണൻ ജ. (1905- 1973)
കെ.സി അബ്ദുല്ല മൗലവി ജ. (1920-1995)
എം. ആർ വേലുപിള്ള ശാസ്ത്രികൾ ജ. (1877-2017) 
കെ സുരേന്ദ്രൻ ജ. (1922- 1997)

പ്രൊ. കാളിയത്ത് ദാമോദരൻ ജ.(1945-2009)
 കെ.പി. ബ്രഹ്മാനന്ദൻ ജ. (1946-2004)
ടി. രാമലിംഗം‌പിള്ള ജ. (1880-1968)
ഇന്ദുലാൽ  യാഗ്നിക് ജ. (1892- 1972)
മഹേഷ്ചന്ദ്ര ന്യായരത്ന ഭട്ടാചാര്യ ജ. (1836-1906)
മഹാരരാജ രാമരാജേന്ദ്ര വോഡയാർ ജ. (1863-1894)
പുഷ്പ മിത്ര ഭാർഗവ ജ. ( 1930- 2017)
ജയശ്രീ ഗഡ്‌കർ ജ. (1942 -2008)
എസ്.എച്ച്. റാസ ജ. (1922-2016)
സഹജാനന്ദ് സരസ്വതി ജ. (1889-1950)

സ്വാമി ശ്രദ്ധാനന്ദ് (മഹാത്മാ മുൻഷി രാം വിജ്) ജ. (1856-1926)
 ജോർജ്ജ്‌ വാഷിംഗ്ടൺ, ജ.( 1732- 1799)
റോബർട്ട്  പവ്വൽ ജ.(1857 -1841)
സ്റ്റീവ് ഇർവിൻ ജ. (1962 -2006)
യഹ്യ  അയ്യശ്  ജ.( 1966 -1996)
 ചാൾസ് ഏഴാമൻ ജ. (1403 -1461)
ആർതർ ഷോപ്പൻഹോവർ ജ. (1788-1860)‍.
അൽ " ഗ്രോസ് ജ. (1918- 2000)
ഹെൻറിച്ച് റുഡോൾഫ് ഹെർട്സ് ജ.( 1857- 1894)
നിക്കി " ലൗഡ ജ. (1949 -2019),

അദ്ധ്യാപികയും സാഹിത്യകാരിയും സ്വദേശാഭിമാനിയുടെ ഭാര്യയും ആയിരുന്ന ബി കല്യാണി അമ്മ
 (1884 ഫെബ്രുവരി 22- 1959 ഒക്ടോബർ 9) ,

സാഹിത്യ പ്രസാധക സഹകരണ സംഘത്തിന്റെസ്ഥാപക സെക്രട്ടറിയും, അദ്ധ്യാപകനും പ്രശസ്തനായ ചെറുകഥാകൃത്തും ആയിരുന്ന കാരൂർ എന്ന കാരൂർ നീലകണ്ഠപ്പിള്ള
(ഫെബ്രുവരി 22 1898 -സെപ്റ്റംബർ 30 1975) , 

ഒന്നും, രണ്ടും കേരളനിയമസഭകളിൽ  കോഴിക്കോട് നിയോജക മണ്ഡലത്തെ പ്രതിനിധീകരിച്ചകോൺഗ്രസ്  നേതാവും വനജ എന്ന മലയാളം നോവലിന്റെ ഗ്രന്ഥകർത്തി യു.മായിരുന്ന ഒ.ടി. ശാരദ കൃഷ്ണൻ
  (22 ഫെബ്രുവരി 1905 - 14 ഏപ്രിൽ 1973), 

 ജമാഅത്തെ ഇസ്‌ലാമിയുടെ നേതാവ്, മുസ്‌ലിം വിദ്യാഭ്യാസ പ്രവർത്തകൻ എന്നീ നിലകളിൽ  അറിയപ്പെട്ട  ഇസ്‌ലാമിക പണ്ഡിതൻ  കെ.സി. അബ്ദുല്ല മൗലവി
 (1920 ഫെബ്രുവരി 22-1995 ഓഗസ്റ്റ് 13) ,

3)  കൊല്ലം ശ്രീനാരായണ കോളേജിൽ മലയാളാദ്ധ്യാപകൻ അസാധാരണമായ ബുദ്ധിശക്തിയാൽ അനുഗൃഹീതൻ, തികഞ്ഞ പാണ്ഡിത്യം, അനന്യമായ സഹൃദയത്വം, ഉരുളയ്ക്ക് ഉപ്പേരിയെന്ന മട്ടിൽ മറുപടി നല്കാനുള്ള വൈദഗ്ദ്ധ്യം, എന്നീ ഗുണങ്ങൾ ഉള്ള  എം ആർ വേലുപിള്ള ശാസ്ത്രികൾ ( ഫെബ്രുവരി 22, 1877- 2017 ഒക്ടോബർ 14),

സിനിമാനിരൂപണം, സാമൂഹിക വിമർശനം. നോവൽ, നാടകം, തർജ്ജമ, ജീവചരിത്രം, ആത്മകഥ എന്നീ  മേഖലകളിൽ സാനിദ്ധ്യം തെളിയിച്ച കെ സുരേന്ദ്രൻ
 (1922 ഫെബ്രുവരി 22- 1997 ഓഗസ്റ്റ് 9) 

മറാത്തിയിൽ നിന്നും അക്കർമാശി, സിംഹാസൻ പോലുള്ള കൃതികൾ മലയാളത്തിൽ വിവർത്തനം ചെയ്ത പ്രൊ.കാളിയത്ത് ദാമോദരൻ
 (ഫെബ്രുവരി 22, 1945- 2009 ജനുവരി 27),

കാൽനൂറ്റാണ്ടോളം ചലച്ചിത്രലോകത്തു സജീവമായിരുന്നിട്ടും നൂറോളം പാട്ടുകൾ മാത്രo ആലപിച്ചെങ്കിലും ശ്രോതാക്കളുടെ മനസ്സിൽ സ്ഥാനം നേടിയ ഒരുപിടി ഗാനങ്ങൾ പാടി ശ്രദ്ധേയനായ പിന്നണി ഗായകൻ   കെ.പി. ബ്രഹ്മാനന്ദൻ
  (ഫെബ്രുവരി 22, 1946 - ഓഗസ്റ്റ് 10, 2004),

മുപ്പത്തഞ്ചുവർഷത്തെ നിരന്തര പരിശ്രമംകൊണ്ട് 76-ആം വയസ്സിൽ ഇംഗ്ലീഷ്-ഇംഗ്ലീഷ്-മലയാളം നിഘണ്ടുവും,മലയാള ശൈലീ നിഘണ്ടുവും  രചിച്ച പണ്ഡിതൻ ടി. രാമലിംഗം‌പിള്ള (ഫെബ്രുവരി 22, 1880 - ഓഗസ്റ്റ് 1, 1968),

ഇന്ത്യ കിസാൻ സഭയുടെ നേതാവ്, മഹാഗുജറാത്ത് പ്രസ്ഥാനത്തിന്റെ നേതാവ്, ഗുജറാത്തിന്‌ പ്രത്യേക സംസ്ഥാന പദവിക്ക് നേതൃത്വം നൽകിയാൾ മാത്രമല്ല സിനിമാ നിർമാതാവും,എഴുത്തുകാരനും  സ്വാതന്ത്ര്യ സമര സേനാനിയുമായിരുന് ഇന്ദു ചാച്ച എന്ന ഇന്ദുലാൽ കനൈയ്യാലാൽ യാഗ്നിക്
 (ഫെബ്രുവരി 22 , 1892 – ജൂലൈ 17, 1972),

1868 നും 1894 നും ഇടയിൽ മൈസൂരിലെ ഇരുപത്തിമൂന്നാമത്തെ മഹാരാജാവായിരുന്നു ചാമരാജേന്ദ്ര വോഡയാർ
 (22 ഫെബ്രുവരി 1863 - 28 ഡിസംബർ 1894).,

ഇന്ത്യക്കാരനായ ശാസ്ത്രജ്ഞനും എഴുത്തുകാരനും ഭരണകർത്താവും ആണ് പി.എം. ഭാർഗവ   എന്നറിയപ്പെടുന്ന പുഷ്പ മിത്ര ഭാർഗവ
 ( 22 ഫെബ്രുവരി 1930- ആഗസ്റ്റ് 1, 2017)

 ഏകദേശം 250ഓളം ചലച്ചിത്രത്തിൽ അഭിനയിച്ച പ്രമുഖ മറാത്തി സിനിമാതാരം  ജയശ്രീ ഗഡ്‌കർ
(ഫെബ്രുവരി 22, 1942 – ഓഗസ്റ്റ് 29, 2008),

വിഖ്യാതനായ ഇന്ത്യൻ ചിത്രകാരനായ പത്മശ്രീ, പത്മവിഭൂഷൺ, പത്മഭൂഷൺ ബഹുമതികൾ ലഭിച്ച, 2007 ൽ വരച്ച 'മഹാഭാരത' എന്ന ചിത്രത്തിന് 1.05 കോടി രൂപ പ്രതിഫലം ലഭിച്ചിരുന്ന സെയ്ദ് ഹൈദർ റാസ എന്ന എസ്.എച്ച്. റാസ
(22 ഫെബ്രുവരി 1922 - 23 ജൂലൈ 2016),

ഇന്ത്യയിലെ ഒരുസന്യാസിയും ദേശീയവാദിയും കർഷക നേതാവുമായിരുന്ന, എഴുത്തുകാരനും സാമൂഹിക പരിഷ്കർത്താവും വിപ്ലവകാരിയുമായിരുന്ന സഹജാനന്ദ് സരസ്വതി
( 22 ഫെബ്രുവരി 1889 - 26 ജൂൺ 1950),

4) 4) ഒരു ഇന്ത്യൻ വിദ്യാഭ്യാസ വിദഗ്ദ്ധനായിരുന്ന സ്വാമി ശ്രദ്ധാനന്ദൻ (മഹാത്മാ മുൻഷി രാം വിജ്) 
(22 ഫെബ്രുവരി 1856 - 23 ഡിസംബർ 1926) ,

അമേരിക്കൻ ഐക്യനാടുകളുടെ ആദ്യത്തെ പ്രസിഡൻറ്റും, അമേരിക്കൻ സ്വാതന്ത്ര്യ യുദ്ധത്തിന്റെ സർവസൈന്യാധിപനും ആയിരുന്ന ജോർജ് വാഷിംഗ്‌ടൺ
 (1732 ഫെബ്രുവരി 22, – 1799 ഡിസംബർ 14),

റോ:യൽ ബ്രിട്ടീഷ് സേനയിൽ ലഫ്‍റ്റനന്റ്-ജനറൽ പദവി വഹിക്കുകയും, ഒ.എം., ജി.സി.എം.ജി., ജി.സി.വി.ഓ.,കെ.സി.ബി. തുടങ്ങിയ ബ്രിട്ടീഷ് ബഹുമതികളാൽ ആദരിക്കപ്പെടുകയും സ്‍കൗട്ട് പ്രസ്ഥാനത്തിന്റെ സ്ഥാപകനും ലോക ചീഫ് സ്‍കൗട്ടും ആയ ബി-പി, ബേഡൻ പവ്വൽ പ്രഭു എന്നീ പേരുകളിലും അറിയപ്പെടുന്ന  റോബർട്ട് സ്റ്റീഫൻസൺ സ്‍മിത് ബേഡൻ പവ്വൽ
(1857 ഫെബ്രുവരി 22 - 1941 ജനുവരി 8 ) ,

ഡിസ്കവറി നെറ്റ്‌വർക്സ് വഴി സം‌പ്രേഷണം ചെയ്ത ക്രോക്കൊഡൈൽ ഹണ്ടർ (മുതലവേട്ടക്കാരൻ) എന്ന പരിപാടിയിലൂടെ ഏറെ പ്രശസ്തനും മുതലവേട്ടക്കാരൻ എന്ന അപരനാമധേയനും, ഒരു പരമ്പരയുടെ ചിത്രീകരണത്തിനായി ഗ്രേറ്റ് ബാരിയർ റീഫിൽ പ്രവർത്തിച്ചുകൊണ്ടിരിക്കെ സ്റ്റിങ്‌റേ എന്ന തിരണ്ടി മീനിന്റെ ആക്രമണത്തിൽ കൊല്ലപ്പെടുകയും ചെയ്ത ഓസ്ട്രേലിയൻ പ്രകൃതിജ്ഞൻ സ്റ്റീവ് ഇർവിൻ അഥവാ സ്റ്റീഫൻ റോബർട്ട് ഇർവിൻ
 (1962 ഫെബ്രുവരി 22-2006 സെപ്റ്റംബർ 4),

ഹമാസിന്റെ പ്രധാന ബോംബു നിർമ്മാതാവും, ദി എഞ്ചിനീയർ" ( അൽ-മുഹന്തിസ്) എന്ന വിളിപ്പേരിലറിയപ്പെട്ടിരുന്ന,    ഇസ്സദ് ദിൻ അൽ ഖസം ബ്രിഗേഡിന്റെ (വെസ്റ്റ് ബാങ്ക് ബറ്റാലിയന്റെ ) നേതാവുമായിരുന്ന യഹ്യ അബ്ദ്-അൽ-ലത്തീഫ് അയ്യശ്
 (ഫെബ്രുവരി 22,1966 – 5 ജനുവരി 1996),

1422 മുതൽ 1461-ൽ മരിക്കുന്നതുവരെ ഫ്രാൻസിലെ രാജാവായിരുന്ന ചാൾസ് ഏഴാമൻ (22 ഫെബ്രുവരി 1403 - 22 ജൂലൈ 1461),

പത്തൊൻപതാം നൂറ്റാണ്ടിലെ പ്രമുഖ ജർമ്മൻ തത്ത്വചിന്തകന്മാരിൽ ഒരാളായിരുന്നു ആർതർ ഷോപ്പൻഹോവർ
 (ഫെബ്രുവരി 22, 1788 - സെപ്റ്റംബർ 21, 1860)‍,

മൊബൈൽ വയർലെസ് കമ്മ്യൂണിക്കേഷനിലെ പയനിയർ ആയിരുന്ന വാക്കി-ടോക്കി ,  സിറ്റിസൺസ് ബാൻഡ് റേഡിയോ , ടെലിഫോൺ പേജർ  കോർഡ്‌ലെസ് ടെലിഫോൺ എന്നിവയുടെ ആദ്യകാല പതിപ്പുമായി ബന്ധപ്പെട്ട്  നിരവധി ആശയവിനിമയ ഉപകരണങ്ങൾ സൃഷ്ടിക്കുകയും പേറ്റൻ്റ് നേടുകയും ചെയ്ത ഇർവിംഗ് " അൽ " ഗ്രോസ്
( ഫെബ്രുവരി 22, 1918 - ഡിസംബർ 21, 2000),

റേഡിയോ ആശയവിനിമയത്തിൻ്റെ വികാസത്തിലേക്ക് നയിച്ച വൈദ്യുതകാന്തിക തരംഗങ്ങളെക്കുറിച്ചുള്ള തൻ്റെ പ്രവർത്തനത്തിന് പേരുകേട്ട ജർമ്മൻ ഭൗതിക ശാസ്ത്രജ്ഞനായ  ഹെൻറിച്ച് റുഡോൾഫ് ഹെർട്സ്
  (1857 ഫെബ്രുവരി 22-  1894)

 ഒരു ഓസ്ട്രിയൻ ഫോർമുല വൺ ഡ്രൈവറും വ്യോമയാന സംരംഭകനുമായിരുന്ന ആൻഡ്രിയാസ് നിക്കോളസ് " നിക്കി " ലൗഡ
(22 ഫെബ്രുവരി 1949 - 20 മെയ് 2019) 

ഇന്നത്തെ സ്മരണ  !!"
*********
അബുൽകലാം ആസാദ് മ. (1888-1958)
പട്ടണക്കാട് പുരുഷോത്തമൻ മ. (1949-2005)
എം.എ ജോൺ മ. (1936-2011)
പുളിമാന പരമേശ്വരൻപിളള മ.(1915-1948)
സേതുലക്ഷ്മിഭായി മ. (1895-1985)
കെ.പി.എ.സി ലളിത മ. (1947-2022)
കെ. കൊച്ചുകുട്ടൻ മ.(1910-1987)
സുഖ്ബീർ മ. (1925-2012).
കസ്തൂർബാ ഗാന്ധി മ.(1869- 1944)
ടെന്നന്റ് സ്മിത്ത്സൺ മ. (1761-1815 )
ഫെർഡിനാൻഡ് ഡെ സൊസ്യൂർ മ. (1857-1913)
ആൻഡി വോഹോൾ മ. (1928-1987)
റെമി ഒക്ലിക് മ. (1983-2012)
മാരി കോൾവിൻ മ. (1956-2012)
അമേരിഗോ വെസ്പുസി മ. (1454-1512)
അന്തോണിയോ മച്ചാദോ മ.(1875-1939)
സുബി സുരേഷ് (1981-2023)

വിഭജത്തെ ഏതിർത്ത സ്വതന്ത്ര ഇന്ത്യയിലെ ആദ്യത്തെ വിദ്യാഭ്യാസ മന്ത്രിയും, തർജുമാനുൽ ഖുർആൻ എന്ന ഖുർആൻ വിവർത്തനകൃതിയുടെ കർത്താവും ഹിന്ദു-മുസ്ലിം സാഹോദര്യത്തിനായി നിലകൊണ്ട ശക്തനായ നേതാവും മായിരുന്നു മൗലാനാ ആസാദ് അബുൽകലാം ആസാദ് അഥവാ മൗലാന അബുൽകലാം മൊഹിയുദ്ദീൻ അഹമ്മദ്
 (നവംബർ 11, 1888 – ഫെബ്രുവരി 22, 1958),

ഉദയയുടെ മാനിഷാദ എന്ന ചിത്രത്തിലൂടെ സിനിമാരംഗത്തെത്തിയ  മുപ്പതോളം ചലച്ചിത്രഗാനങ്ങൾ പാടിയ ,1975-ൽ സിനിമാരംഗത്തെത്തിയെങ്കിലും 3000-ത്തോളം നാടക-ലളിത ഗാനങ്ങളാൽ  ശ്രദ്ധേയനായ ഇന്ത്യൻ പനോരമയിലേക്ക്  തിരഞ്ഞെടുക്കപ്പെട്ട ചായം എന്ന സിനിമയിലെ 'ബ്രഹ്മാണ്ഡമുകുളം' അവസാനമായി  ശബ്ദം പകർന്ന  പട്ടണക്കാട് പുരുഷോത്തമൻ
 (1949- ഫിബ്രവരി 22, 2005),

കേരളത്തിലെ കെ.എസ്.യുവിന്റേയും യൂത്ത് കോൺഗ്രസിന്റേയും സ്ഥാപക നേതാവിൽ ഒരാളായ എം.എ ജോൺ
 (1936, ജൂൺ 26-2011, ഫെബ്രുവരി 22),

നാടകകൃത്ത്‌, അഭിനേതാവ്‌, ഗായകൻ, കഥാകാരൻ എന്നീ നിലകളിൽ പ്രശസ്‌തി നേടുകയും മലയാളത്തിലെ ആദ്യത്തെ എക്സ്പ്രഷനിസ്റ്റ് നാടകം എന്നറിയപ്പെടുന്ന 'സമത്വവാദി' രചിക്കുകയും ചെയ്ത പുളിമാന പരമേശ്വരൻപിളള
 (8 സെപ്‌റ്റംബർ 1915 - 22 ഫെബ്രുവരി 1948),  

തിരുവിതാംകൂറിലെ  അവസാന രാജപ്രതിനിധി (റീജെന്റ്) ആയിരുന്ന   
ശ്രീ പദ്മനാഭാസേവിനി പൂരാടം തിരുനാൾ സേതു ലക്ഷ്മിഭായി
(1895 നവംബർ 19-1985 ഫെബ്രുവരി 22),

കേരള സംഗീത നാടക അക്കാദമി ചെയർ പേഴ്സണും പ്രശസ്തയായ മലയാള ചലച്ചിത്ര അഭിനേത്രിയുമായിരുന്ന കെ.പി.എ.സി ലളിത എന്നറിയപ്പെടുന്ന മഹേശ്വരിയമ്മ
(1947- ഫിബ്രവരി 22, 2022) ,

ഒന്നും രണ്ടും കേരളനിയമസഭകളിൽ   വടക്കാഞ്ചേരി നിയോജക മണ്ഡലത്തെ പ്രതിനിധീകരിച്ച ഒരു കോൺഗ്രസ് നേതാവായിരുന്ന കെ. കൊച്ചുകുട്ടൻ
(28 ജൂൺ 1910 - 22 ഫെബ്രുവരി 1987),

ഏഴ് നോവലുകൾ, 11 ചെറുകഥാ സമാഹാരങ്ങൾ, അഞ്ച് കവിതാ സമാഹാരങ്ങൾ, ലോക സാഹിത്യം, ലേഖനങ്ങൾ, കത്തുകൾ, പുസ്തക നിരൂപണങ്ങൾ എന്നിവയുടെ നിരവധി വിവർത്തനങ്ങൾ  എഴുതി പ്രസിദ്ധീകരിച്ച പഞ്ചാബി നോവലിസ്റ്റും ചെറുകഥാകൃത്തും കവിയും ഉപന്യാസകാരനുമായിരുന്ന സുഖ്ബീർ എന്ന  സുഖ്ബീർ സിംഗ്
 ( ജൂലൈ 1925 - 22 ഫെബ്രുവരി 2012),   

പ്രമുഖ ഇന്ത്യൻ സ്വാതന്ത്ര്യ സമരസേനാനിയും മഹാത്മാ ഗാന്ധിയുടെ പത്നിയുമായിരുന്ന കസ്തൂർബാ ഗാന്ധി
 (ഏപ്രിൽ 11, 1869 –ഫെബ്രുവരി 22, 1944),

ഓസ്മിയം, ഇറിഡിയം എന്നീ മൂലകങ്ങളുടെ ഉപജ്ഞാതാവായ ബ്രിട്ടീഷ് രസതന്ത്രജ്ഞൻ ടെന്നന്റ് സ്മിത്ത്സൺ
 (1761 നവംബർ 30-1815 ഫെബ്രുവരി 22),

20-ആം നൂറ്റാണ്ടിൽ ഭാഷാശാസ്ത്രത്തിനുണ്ടായ ഒട്ടേറെ വികാസപരിണാമങ്ങൾക്ക് അടിസ്ഥാനമായ ആശയങ്ങൾക്ക്  പ്രത്യേകിച്ച്, ഭാഷാശാസ്ത്രരംഗത്ത്  ചില പരികല്പനകൾ അവതരിപ്പിച്ച്, ഘടനാവാദത്തിന് വിത്തുപാകുകയും, ആധുനികഭാഷാ ശാസ്ത്രത്തിന്റെ രൂപവത്കരണത്തിൽ മുഖ്യപങ്കു വഹിക്കുകയും ചെയ്ത സ്വിസ് ഭാഷാശാസ്ത്രജ്ഞൻ ഫെർഡിനാൻഡ് ഡെ സൊസ്യൂർ
(നവംബർ 26,1857 – ഫെബ്രുവരി 22,1913) ,

പരീക്ഷണാത്മക (അവാന്ത് ഗാർഡ്) ചലച്ചിത്ര നിർമ്മാതാവ്, സംഗീത നിർമ്മാതാവ്, എഴുത്തുകാരൻ എന്നീ നിലകളിൽ ലോക പ്രശസ്തനാകുകയും പോപ്പ് ആർട്ട് എന്ന ദൈനംദിന വസ്തുക്കളെയും ചിത്രങ്ങളെയും അതേപോലെ വരയ്ക്കുന്ന കലാരൂപത്തിന്റെ മുന്നേറ്റത്തിന്റെ കേന്ദ്രബിന്ദുവായി തീർന്ന അമേരിക്കൻ കലാകാരൻ  ആൻഡി വോഹോൾ
 (ഓഗസ്റ്റ് 6, 1928 - ഫെബ്രുവരി 22, 1987), 

സിറിയയിലെ ആഭ്യന്തര കലാപം ചിത്രീകരിക്കുന്നതിനിടെ പരിക്കേറ്റ് മരണമടഞ്ഞ പ്രമുഖനായ ഒരു ഫ്രഞ്ച് ഫോട്ടോ ജേണലിസ്റ്റായിരുന്ന റെമി ഒക്ലിക്
  (16 ഒക്റ്റോബർ 1983– 22 ഫെബ്രുവരി 2012)

ബ്രിട്ടീഷ്പത്രമായ ദ സൺഡേ ടൈംസിന്റെ ലേഖികയും, ശ്രീലങ്കൻ ആഭ്യന്തര യുദ്ധത്തിന്റെ അവസാന നാളുകളിൽ തമിഴ് പുലികൾക്കും ഐക്യരാഷ്ട്ര സഭയ്ക്കുമിടയിൽ സമാധാന ദൂതയായി പ്രവർത്തിക്കുകയും,സിറിയയിലെ സംഘർഷത്തിൽ കൊല്ലപ്പെടുകയും ചെയ്ത ‌ പ്രമുഖയായ അമേരിക്കൻ പത്രപ്രവർത്തകയും അറിയപ്പെടുന്ന യുദ്ധകാര്യലേഖികയുമായിരുന്നു മാരി കോൾവിൻ
 (12 ജനുവരി 1956– 22 ഫെബ്രുവരി 2012)

 ഒരു ഇറ്റാലിയൻ പര്യവേഷകനും, ധനസഹായകനും, നാവിഗേറ്ററും, കാർട്ടോഗ്രാഫറുമായിരുന്ന റിപ്പബ്ലിക്ക് ഓഫ് ഫ്ലോറൻസിൽ ജനിച്ച അദ്ദേഹം 1505-ൽ ക്രൗൺ ഓഫ് കാസ്റ്റിലിലിലെ  പൗരനായിത്തീർന്ന അമേരിഗോ വെസ്പുസി എന്ന നാവികൻ
 (മാർച്ച് 9, 1454 - ഫെബ്രുവരി 22, 1512),

സ്പാനിഷ് കവിയും 'തൊണ്ണൂറ്റിയെട്ടാം തലമുറ 'എന്നറിയപ്പെടുന്ന ആധുനിക സ്പാനിഷ് സാഹിത്യ പ്രസ്ഥാനത്തിലെ പ്രമുഖ വ്യക്തിത്വവുമായിരുന്ന അന്തോണിയോ മച്ചാദോ
 (1875 ജൂലൈ 26 - ഫെബ്രുവരി 22, 1939)

പുരുഷമേൽക്കോയ്മയുണ്ടായിരുന്ന
 കോമഡി രംഗത്ത് തന്റേതായ ഇടം നേടിയ ഒരു വനിതാ താരവും, സ്‌റ്റേജ് ഷോകളിൽ നിറ സാന്നിധ്യവുമായിരുന്ന ഒരു മലയാളം ടെലിവിഷൻ അവതാരകയും, നടിയും ആയിരുന്ന സുബി സുരേഷ്. 
(1981 ഓഗസ്റ്റ് 23 - 2023 ഫെബ്രുവരി 22) ൻ്റെയും
ചരമദിനം

ചരിത്രത്തിൽ ഇന്ന്…
*********

1495 - ഫ്രാൻസിലെ ചാൾസ് എട്ടാമൻ രാജാവ്‌ നേപ്പിൾസിൽ കടന്ന് അധികാരം പിടിച്ചടക്കി.

1632 - ഗലീലിയോയുടെ “dialogue concerning the two chief world systems” എന്ന ഗ്രന്ഥം പ്രസിദ്ധീകരിച്ചു.

1662 - ഡച്ച് കാരുമായുള്ള യുദ്ധത്തിൽ കൊച്ചി രാജാവ് രാമവർമ്മ വധിക്കപ്പെട്ടു.

1797 - വിപ്ലവ യുദ്ധങ്ങളിൽ ഫ്രഞ്ചുകാർ ആരംഭിച്ച ബ്രിട്ടൻ്റെ അവസാന അധിനിവേശം വെയിൽസിലെ ഫിഷ്ഗാർഡിന് സമീപം ആരംഭിച്ചു.

1792 - ഇംഗ്ലീഷ് ഈസ്റ്റിന്ത്യാ കമ്പനിയുടെ യുദ്ധത്തിൽ പരാജയപ്പെട്ടതിനെ തുടർന്ന് ടിപ്പുസുൽത്താൻ ശ്രീരംഗപട്ടണം ഉടമ്പടിയിൽ ഒപ്പിട്ടു. കരാർ വഴി മലബാർ പ്രദേശം ബ്രിട്ടീഷുകാർക്ക് നൽകേണ്ടി വന്നു.

1819 - സ്‌പെയിൻ ആഡംസ്-ഓനിസ് ഉടമ്പടിയിൽ ഒപ്പുവെച്ചു, ഫ്ലോറിഡയെ അമേരിക്കയ്ക്ക് വിട്ടുകൊടുത്തു.

1854 - ഇന്ത്യയിലെ ആദ്യത്തെ കോട്ടൺ സ്പിന്നിങ്ങ് മിൽ ബോംബെ കോട്ടൺ മിൽ പ്രവർത്തനം തുടങ്ങി.

1855 - പെൽസിൽ‌വേനിയ സ്റ്റേറ്റ് യൂണിവേഴ്സിറ്റി സ്ഥാപിതമായി.

1876 - ബാൾട്ടിമോറിൽ ജോൺസ് ഹോപ്കിൻസ് യൂണിവേഴ്സിറ്റി സ്ഥാപിതമായി.

1896 - മലയാളത്തിലെ ആദ്യകാല ചെറുകഥയായ 'കലികാലവൈഭവം' മലയാള മനോരമയിൽ പ്രസിദ്ധീകരിച്ചു. മൂർക്കോത്ത് കുമാരനായിരുന്നു കഥാകൃത്ത്.

1923 - അമേരിക്ക ആദ്യത്തെ ഭൂഖണ്ഡാന്തര വ്യോമ തപാൽ സം‌വിധാനം ആരംഭിച്ചു.

1924 - ജോസഫ് ചാഴിക്കാടനും എം എം വർക്കിയും ചേർന്ന് സ്വാതന്ത്ര്യ സമരത്തിന് തീവ്ര പിന്തുണ നൽകുന്ന കേരള ദാസൻ പത്രം ആരംഭിച്ചു.

1935 - വൈറ്റ് ഹൗസിന്റെ മുകളിലൂടെ ഉള്ള വ്യോമ ഗതാഗതം നിരോധിച്ചു

1943 - നാസി ജർമ്മനിയിലെ അഹിംസാത്മക പ്രതിരോധ ഗ്രൂപ്പായ വൈറ്റ് റോസിൻ്റെ അംഗങ്ങളായ സോഫി ഷോൾ, ഹാൻസ് ഷോൾ, ക്രിസ്റ്റോഫ് പ്രോബ്സ്റ്റ് എന്നിവരെ അറസ്റ്റ് ചെയ്യുകയും പിന്നീട് ശിരഛേദം ചെയ്യുകയും ചെയ്തു.

1944 - അമേരിക്കൻ വ്യോമസേന ഡച്ച് പട്ടണങ്ങളായ നിജ്മെഗൻ, ആർൻഹേം, എൻഷെഡ്, ഡെവെൻ്റർ എന്നിവിടങ്ങളിൽ തെറ്റായി ബോംബാക്രമണം നടത്തി, രണ്ടാം ലോകമഹായുദ്ധസമയത്ത് 800-ലധികം
സിവിലിയൻമാർ കൊല്ലപ്പെട്ടു.

1945 - അറബ് ലീഗ് സ്ഥാപിതമായി

1959 - നാസ്‌കാർ കപ്പ് സീരീസിൻ്റെ പ്രഥമ ഡേടോണ 500-ൽ ലീ പെറ്റി വിജയിച്ചു.

1960 - പട്ടം താണുപ്പിള്ളയുടെ നേതൃത്വത്തിലുള്ള കേരളത്തിന്റെ രണ്ടാം മന്ത്രിസഭ അധികാരമേറ്റു.

1969 - 10 കി.ഗ്രാം ഭാരമുള്ള പെൻസിൽ റോക്കറ്റ് തുമ്പയിൽ നിന്ന് വിക്ഷേപിച്ചു.

1979 - ഇറാനിലെ ഖുമൈനി അനുയായികളും കുർദുകളും തമ്മിൽ ഏറ്റുമുട്ടി നൂറിലേറെ മരണം.

1980 - ലേക്ക് പ്ലാസിഡ് വിൻ്റർ ഒളിമ്പിക്‌സിൽ യുഎസ് ഐസ് ഹോക്കി ടീം സോവിയറ്റ് യൂണിയനെ ഞെട്ടിച്ചുകൊണ്ട് പരാജയപ്പെടുത്തി സ്വർണ്ണ മെഡൽ നേടി.

1988 - ബോണി ബ്ലായേർ 500 മീറ്റർ സ്കേറ്റിങ്ങിൽ, 39.10 സെക്കൻഡിൽ പൂർത്തിയാക്കി പുതിയ ലോക റെക്കോർഡ് സ്ഥാപിച്ചു…

1995 - സ്റ്റീവ് ഫോസറ്റ് പസിഫിക് സമുദ്രത്തിലൂടെ ആദ്യമായി 9600 കിലോമീറ്റർ ദൂരം എയർ ബലൂൺ പറത്തി.

1997 - സ്കോട്ടിഷ് ശാസ്ത്രജ്ഞർ, പ്രായപൂർത്തിയായ ഒരു കോശത്തിൽ നിന്ന് ക്ലോൺ ചെയ്ത ആദ്യത്തെ സസ്തനിയായ ഡോളി എന്ന ആടിനെ ക്ലോൺ ചെയ്തതായി പ്രഖ്യാപിച്ചു.

2000 - കൊല്ലത്തെ കല്ലുവാതുക്കലിലും കൊട്ടാരക്കരയിലുമുണ്ടായ വിഷമദ്യ ദുരന്തത്തിൽ മുപ്പതിലധികം മരണം.

2003ൽ പാകിസ്ഥാൻ ഫാസ്റ്റ് ബൗളർ ഷൊയ്ബ് അക്തർ 161.3 കിലോമീറ്റർ വേഗതയിൽ അന്താരാഷ്ട്ര ക്രിക്കറ്റിലെ ഏറ്റവും വേഗമേറിയ പന്ത് എറിഞ്ഞു.

2006 - ബ്രിട്ടനിലെ ചരിത്രത്തിലെ ഏറ്റവും വലിയ ബാങ്ക് കൊള്ള നടന്നു. 53 മില്യൻ പൗണ്ട് കെന്റിലെ സെക്യൂരിറ്റീസ് ബാങ്കിൽ നിന്ന് കൊള്ള ചെയ്തു.

2008 - ഏഷ്യയിലെ ആദ്യത്തെ ബട്ടർഫ്ലൈ പാർക്ക് തെന്മലയിൽ തുറന്നു.

2009 - സംഗീതസംവിധായകൻ എ.ആർ റഹ്മാനും സൗണ്ട് എൻജിനീയറായ റസൂൽപൂക്കുട്ടിയ്ക്കും ഓസ്കാർ പുരസ്കാരം ലഭിച്ചു.

2009 - സ്ലംഡോഗ് മില്യണയർ 81-ാമത് അക്കാദമി അവാർഡിൽ മികച്ച ചിത്രത്തിനുള്ള ഓസ്കാർ നേടി. മരണാനന്തരം "മികച്ച സഹനടനുള്ള" അവാർഡ് ഹീത്ത് ലെഡ്ജർ നേടി.

2014 - ഉക്രെയ്നിന്റെ പ്രസിഡന്റ് വിക്ടർ യാനുകോവിച്ച് യൂറോമൈഡൻ വിപ്ലവത്തിന്റെ ഒരു പ്രധാന ലക്ഷ്യം നിറവേറ്റിക്കൊണ്ട് ഉക്രൈനിലെ വെർക്കോവ്ന റഡയെ 328-0 വോട്ടിന് കീഴടക്കി.

2015 - പദ്മ നദിയിൽ 100 യാത്രക്കാർ കയറിയ ഒരു ഫെറി മുങ്ങി 70 പേർ മരിച്ചു.

2015 -  എഡ്ഡി റെഡ്മെയ്‌നും ജൂലിയാൻ മൂറും 87-ാമത് ഓസ്‌കാർ അവാർഡുകളിൽ മികച്ച നടനും മികച്ച നടിക്കുമുള്ള ഓസ്‌കാറുകൾ നേടി.

2017 - അമേരിക്കൻ റാപ്പറും ബിസിനസുകാരനുമായ ജെയ്-ഇസഡ്, മാക്സ് മാർട്ടിൻ, ജിമ്മി ജാം, ടെറി ലൂയിസ് എന്നിവരോടൊപ്പം ഗാനരചയിതാക്കളുടെ ഹാൾ ഓഫ് ഫെയിമിൽ ഇടം നേടിയ ആദ്യത്തെ റാപ്പറായി.

2020 ൽ പോർച്ചുഗലും റയൽ മാഡ്രിഡും ഫോർവേഡ് ഫുട്ബോൾ താരം ക്രിസ്റ്റ്യാനോ റൊണാൾഡോ തൻ്റെ 1,000-ാം ഗെയിം കളിച്ചു.

.      By ' ടീം തത്ത്വമസി - ജ്യോതിർഗ്ഗമയ '
.       ************
   Rights Reserved by Team Jyotirgamaya