ഇന്ന് നവംബർ 16. നടി സുരഭി ലക്ഷ്മിയുടേയും ക്രിക്കറ്റ് താരം യൂനുസ് മയ്റ്റ്ലയുടെയും ജന്മദിനം. ദേശിയ പത്ര ദിനവും ദേശീയ ഫാസ്റ്റ് ഫുഡ് ദിനവും ഇതേദിവസം. കൊച്ചിയിലെ സ്മാർട്ട് സിറ്റിക്ക് തറക്കല്ലിട്ടതും ഇതേ ദിനം. ചരിത്രത്തിൻ ഇന്ന്

 ചരിത്രത്തിൽ ഇന്ന് , വർത്തമാനവും …  
    **************

.                  ' JYOTHIRGAMAYA '
.                  ്്്്്്്്്്്്്്്്
.                  🌅ജ്യോതിർഗ്ഗമയ🌅
.                       
കൊല്ലവർഷം 1201
തുലാം 30
അത്തം  / ദ്വാദശി
2025 / നവംബർ 16, 
ഞായർ

ഇന്ന്;

* ഇന്ത്യ : ദേശിയ പത്ര ദിനം !
[National Press Day ;  
പ്രസ് കൗൺസിൽ ഓഫ് ഇന്ത്യ നിലവിൽ വന്നതിന്റെ സ്മരണക്കായി ഒരു ദിനം.] 

* അന്തഃരാഷ്ട്ര സഹിഷ്ണുതാ ദിനം!
 [International day for tolerance ; 
സമ്പത്തമായ ലോകസംസ്കാരങ്ങളുടെ  വൈവിധ്യത്തോടുള്ള ബഹുമാനവും വിലമതിപ്പും ആണ്, സഹിഷ്ണുത. അന്യൻ്റെ സാർവത്രിക അവകാശങ്ങളെയും മൗലികസ്വാതന്ത്ര്യത്തെയും അംഗീകരിയ്ക്കൽ കൂടിയാണിത്. ആളുകൾ സ്വാഭാവികമായും വ്യത്യസ്തരാണ്; അതിനാൽത്തന്നെ പരസ്പരമുള്ള സഹിഷ്ണുതയ്ക്ക് മാത്രമേ ലോകത്തിന്റെ എല്ലാ മേഖലകളിലും ഉള്ള സമൂഹങ്ങളുടെ നിലനിൽപ്പ് നല്ല രീതിയിൽ എന്നും ഉറപ്പാക്കാൻ കഴിയൂ എന്ന കാര്യം ഓർമ്മിപ്പിയ്ക്കാനാണ് ഇങ്ങനെ ഒരു ദിനം ആചരിയ്ക്കുന്നത്. ]

*റോഡ് ഗതാഗത ഇരകൾക്കുള്ള ലോക അനുസ്മരണ ദിനം !
[World Day of Remembrance for Road Traffic Victims -ലോകമെമ്പാടുമുള്ള റോഡുകളിൽ ജീവൻ നഷ്ടപ്പെടുകയോ പരിക്കേൽക്കുകയോ ചെയ്തവർക്ക് ആദരാഞ്ജലി അർപ്പിക്കുന്ന ഒരു ദിനമാണ് ഇന്ന്. വളരെ പെട്ടെന്ന് നഷ്ടപ്പെട്ട പ്രിയപ്പെട്ടവരുടെ ഓർമ്മകളെ ആദരിക്കുന്നതിനായി ഈ ആചരണം കുടുംബങ്ങളെയും സുഹൃത്തുക്കളെയും സമൂഹങ്ങളെയും ഒരുമിച്ച് കൊണ്ടുവരുന്നു.

റോഡപകടങ്ങൾ ഓരോ ജീവിതത്തെയും ബാധിക്കുന്ന ആഴത്തിലുള്ള ആഘാതം എടുത്തുകാണിച്ചുകൊണ്ട്, സ്ഥിതിവിവരക്കണക്കുകളെ വ്യക്തിപരമായ കഥകളാക്കി മാറ്റുന്ന ഒരു ദിനമാണിത്. ഓർമ്മിക്കുന്നതിനപ്പുറം, റോഡ് ഗതാഗതത്തിന്റെ മാനുഷിക വില തിരിച്ചറിയാനും എല്ലാവർക്കും സുരക്ഷിതമായ രീതികൾ പിന്തുടരാൻ സമൂഹങ്ങളെ പ്രേരിപ്പിക്കുന്ന പ്രവർത്തനത്തിനുള്ള ഒരു ആഹ്വാനമായും ഇത് പ്രവർത്തിക്കുന്നു. ]

* ക്ലാരിനെറ്റ് ദിനം !

[world Clarinet Day.]
 
* ദേശീയ ഫാസ്റ്റ് ഫുഡ് ദിനം !
[ National Fast Food Day. -ലോകത്തിലെ തിരക്കേറിയ ആളുകൾക്ക് ഫാസ്റ്റ് ഫുഡ് ഒരു അനുഗ്രഹവും ശാപവുമാണ്, മിക്കവാറും എല്ലാവർക്കും അവരവരുടെ പ്രിയപ്പെട്ട സ്ഥലങ്ങളും ഭക്ഷണങ്ങളുമുണ്ട്. പരമ്പരാഗതമായി സമ്പന്നവും കൊഴുപ്പുള്ളതുമായ ഫാസ്റ്റ് ഫുഡ് പലപ്പോഴും നാവിൽ ശുദ്ധമായ ആനന്ദം പോലെയാണ് രുചിക്കുന്നത്, മാത്രമല്ല അത് എളുപ്പത്തിൽ ആസക്തി ഉളവാക്കുകയും ചെയ്യും. (അല്ലെങ്കിൽ, ചില സന്ദർഭങ്ങളിൽ, ഇതിന് അത്ര മനോഹരമായ രുചി പോലും തോന്നില്ല, പക്ഷേ ഇത് വേഗതയേറിയതും എളുപ്പമുള്ളതും സൗകര്യപ്രദവുമാണ്]

* ദേശീയ ബട്ടൺ  ദിനം !
[National Button Day ;]

* ഹെക്കേറ്റിന്റെ രാത്രി
[ The Night of Hekate ; "ഹെകേറ്റ്", 
എന്ന ഗ്രീക്ക് ദേവത പ്രാചീനമാനവ സംസ്കാരത്തിൽ വിവിധ തരത്തിലുള്ള മന്ത്രവാദം, മാജിക്ക്, പ്രസവം, അധോലോകം തുടങ്ങിയവയുമായി ബന്ധപ്പെടുത്തുന്ന ഒന്നാണ്.  ചില അനുയായികൾ ഹെക്കറ്റിനെ ശവസംസ്‌കാര സമ്പ്രദായവുമായി അല്ലെങ്കിൽ മരിച്ചവരുമായി ആശയവിനിമയം നടത്തുന്നതിനുമായും ബന്ധപ്പെടുത്താറുണ്ട് അങ്ങനെയുള്ള ഹെക്കേറ്റിനെ ഓർക്കാൻ ആദരിയ്ക്കാൻ ഒരു ദിവസം.]

* ഇന്ത്യാന ദിനം !
[ Indiana Day ; ആകർഷകമായ 
മിഡ്‌ വെസ്റ്റേൺ ആതിഥ്യമര്യാദയ്ക്കും വൈവിധ്യമാർന്ന പ്രകൃതിദൃശ്യങ്ങൾക്കും പേരുകേട്ട ഒരു സ്ഥലമാണ് ഇന്ത്യാന, തിരക്കേറിയ നഗരങ്ങളും ശാന്തമായ ഗ്രാമപ്രദേശങ്ങളും ഇന്ത്യാനയിൽ ഉണ്ട്, ആ ഇന്ത്യാനയെ അനുസ്മരിയ്ക്കാൻ ഒരു ദിവസം.]

*ലൂയിസ് റിയൽ  ഡേ!
[കനേഡിയൻ ചരിത്രത്തിലെ ഒരു പ്രധാന വ്യക്തിയും മെറ്റിസ് അവകാശങ്ങളുടെ ചാമ്പ്യനുമായ ലൂയിസ് റിയലിനെ അനുസ്മരിക്കുന്ന സജീവമായ ആഘോഷമാണ് ലൂയിസ് റിയൽ ദിനം. ഒരു മെറ്റിസ് നേതാവും മാനിറ്റോബയുടെ സ്ഥാപകനുമായിരുന്ന അദ്ദേഹത്തിൻ്റെ സംഭാവനകളെ ഈ ദിവസം കനേഡിയൻസ് അംഗീരിക്കുന്നു ആദരയ്ക്കുന്നു.]

* ഐസ് ലാൻഡ്: ഭാഷ ദിനം!
*ദേശീയ ബ്ലാക്ക് മാർക്കറ്റേഴ്സ്  ദിനം !
[അമേരിയ്ക്കൻ വിപണനരംഗത്ത് കറുത്ത വർഗ്ഗക്കാരായ പ്രൊഫഷണലുകളുടെ സ്വാധീനം ഉയർത്തികാണിക്കുന്നതിന് ഒരു ദിനം  അതാണ് നാഷണൽ ബ്ലാക്ക് മാർക്കറ്റേഴ്സ് ദിനം.]

ഇന്നത്തെ മൊഴിമുത്ത്
്്്്്്്്്്്്്്്്്്്് 
''വിത്തമാണീലോകത്തിൽ മർത്ത്യനേയളക്കുന്ന
കൃത്യമാമൊരു മാനദണ്ഡമെന്നറിഞ്ഞാലും.
വിത്തമേതൊരുദിക്കിൽ കുമിഞ്ഞുകൂടും തത്ര
മർത്തന്യു മനോഗുണം മങ്ങിയേ കാണാറുള്ളൂ''

   [ - വള്ളത്തോൾ ]
 ********
ഇന്നത്തെ പിറന്നാളുകാർ
********
സംസ്ഥാന സർവ്വവിജ്ഞാനകോശം ഇൻസ്റ്റിറ്റ്യൂട്ട് ഡയറക്ടർ, സ്റ്റേറ്റ് റിസോഴ്സ് സെന്ററിന്റെ പ്രഥമ അനൗദ്യോഗിക ചെയർമാൻ, ബാലസാഹിത്യ ഇൻസ്റ്റിറ്റ്യൂട്ട് ഡയറക്ടർ, ബാലകൈരളി വിജ്ഞാനകോശത്തിന്റെ ശില്പി എന്നീ നിലകളിൽ സേവനം അനുഷ്ഠിച്ചിട്ടുള്ള, ഒപ്പം ജവഹർലാൽ നെഹ്റു അവാർഡ് അടക്കംനിരവധി പുരസ്കാരങ്ങളാൽ ആദരിക്കപ്പെട്ടിട്ടുള്ള നോവലിസ്റ്റ്, കഥാകാരൻ, ജീവചരിത്രകാരൻ എന്നീ നിലകളിൽ പ്രശസ്തനായ ജോർജ്ജ് ഓണക്കൂറിന്റേയും (1941),

64ാംമത് ദേശീയ ചലച്ചിത്ര പുരസ്‌കാരത്തിൽ ഏറ്റവും മികച്ച നടിക്കുള്ള ദേശീയ പുരസ്കാരം നേടുകയും ഇരുപതിലധികം മലയാള സിനിമകളിലും  ടെലിവിഷൻ പരമ്പരകളിലും ചില പരസ്യ ചിത്രങ്ങളിലും അഭിനയിച്ചിട്ടുമുള്ള, ഇപ്പോൾ മീഡിയ വൺ സംപ്രേഷണം ചെയ്യുന്ന എം-80 മൂസ എന്ന ഹാസ്യ പരമ്പരയിലെ മുഖ്യ വേഷമായ പാത്തുമ്മയുടെ വേഷം അവതിരിപ്പിക്കുന്ന മലയാളത്തിലെ സിനിമ, ടെലിവിഷൻ, നാടക നടി സുരഭി ലക്ഷ്മിയുടേയും (1986),

2014-ൽ പുറത്തിറങ്ങിയ 'പത്ത് കൽപനകൾ' എന്ന ആദ്യ ചിത്രത്തിലൂടെ ശ്രദ്ധേയനായ ചലച്ചിത്ര സംവിധായകനും എഡിറ്ററുമായ ഡോൺമാക്‌സിന്റേയും (1980),

1985 ൽ സാഹിത്യ അക്കാദമി അവാർഡും 2006 ൽ പത്മശ്രീയും ലഭിച്ച പഞ്ചാബി ഭാഷയിൽ നോവലുകളും ചെറുകഥകളും എഴുതുന്ന അജീത് കൌറിന്റെയും (1934),

മുൻപ് ഹിന്ദി സിനിമകളിൽ അഭിനയിച്ചിരുന്ന നടിയും ഇപ്പോൾ ടെക്സാസിൽ സ്ഥിരം താമസമാക്കിയ ശശികല ശേഷാദ്രി എന്ന മീനാക്ഷി ശേഷാദ്രിയുടെയും (1963),

1990ൽ പുറത്തിറങ്ങിയ എൻ ഉയിർ തോഴൻ എന്ന ചിത്രത്തിലൂടെ സിനിമാ അരങ്ങേറ്റം, 2002ൽ പുറത്തിറങ്ങിയ ജെമിനി എന്ന ചിത്രത്തിലൂടെ  ശ്രദ്ധിക്കപ്പെട്ട തമിഴ് ചലച്ചിത്രരംഗത്ത് സജീവമായ  പ്രശസ്ത ചലച്ചിത്ര നടൻ തെന്നവൻ്റേയും (1966 ),

 2019 ഡിസംബർ 10 ന് ഫിൻ‌ലാൻഡിന്റെ പ്രധാനമന്ത്രിയായിത്തീർന്ന ഒരു ഫിന്നിഷ് രാഷ്ട്രീയക്കാരിയായ സന്ന മിറെല്ല മാരിൻ്റേയും (, 1985) 

അന്തർദേശീയ ക്രിക്കറ്റ് രംഗത്തെ എക്കാലത്തേയും മികച്ച ബൗളറായി കണക്കാക്കപ്പെടുന്ന പാകിസ്താനിലെ ഏറ്റവും പ്രായംകുറഞ്ഞ ടെസ്റ്റ് ക്യാപ്റ്റനായിരുന്ന വഖാർ യൂനുസ് മയ്റ്റ്ലയുടെയും (1971) ജന്മദിനം !

ഇന്ന് ജന്മദിനമാചരിയ്ക്കേണ്ട ഇപ്പോൾ നമ്മോടൊപ്പമില്ലാത്ത നമ്മുടെ പൂർവ്വികരിൽ ചിലർ
.............................
തച്ചടി പ്രഭാകരൻ ജ(1936 - 2000).
കോടിയേരി ബാലകൃഷ്ണൻ ജ.
(1953- 2022)
അക്ബർ ഇലാഹാബാദി ജ. (1846-1921)
ഹെൻറി ഷാരിയർ ജ. (1906-1973)
ഡിസൂസ സരമാഗോ ജ. (1922-2010)
ചിന്വാ അച്ചേബേ ജ. (1930-2013)
മിഹിർ സെൻ ജ. (1930-1997)

കോൺഗ്രസ് നേതാവായിരുന്നു  1986 മുതൽ കുറച്ച് കാലം ഇദ്ദേഹം കേരളത്തിലെ ധനകാര്യമന്ത്രിയുമായിരുന്ന തച്ചടി പ്രഭാകരൻ 
(16 നവംബർ 1936 -14 ഫെബ്രുവരി 2000).

സി.പി.ഐ(എം)ന്റെ പൊളിറ്റ് ബ്യൂറോ അംഗവും, കേരളത്തിലെ സി.പി.ഐ (എം) നേതാവും പാർട്ടിയുടെ മുൻ സംസ്ഥാന സെക്രട്ടറിയും ,കേരളത്തിലെ  ആഭ്യന്തര, വിനോദസഞ്ചാര വകുപ്പുകളുടെ മുൻ മന്ത്രിയും ,പതിമൂന്നാം കേരളനിയമസഭയിലെ പ്രതിപക്ഷ ഉപനേതാവുമായിരുന്ന കോടിയേരി ബാലകൃഷ്ണൻ
 ( നവംബർ 16, 1953 - ഒക്ടോബർ 1, 2022),

മുസ്ലീം അനാചാരങ്ങളെ കവിതയിലൂടെ ശക്തിമത്തായി വിമർശിച്ച  പുരോഗമനാശയക്കാരനായ കവി എന്ന ഖ്യാതി ലഭിച്ച ഉർദു കവി സയ്യദ് അക്ബർ ഹുസൈൻ എന്ന അക്ബർ ഇലാഹാബാദി 
(1846 നവംബർ 16-1921 ഫെബ്രുവരി 15),

ഇംഗ്ലണ്ടിനെ ഫ്രാൻസിൽ നിന്നും വേർതിരിക്കുന്ന ഇംഗ്ലീഷ് ചാനൽ നീന്തിക്കടന്ന ആദ്യത്തെ ഇന്ത്യക്കാരനും ആദ്യത്തെ ഏഷ്യക്കാരനുമായ മിഹിർ സെൻ
 (16 നവംബർ 1930 -11 ജൂൺ,1997)

നിരപരാധി എന്നവകാശപ്പെട്ടിരുന്ന വാദങ്ങൾ തള്ളിക്കൊണ്ട് കോടതി ജീവപര്യന്തം(മരണം വരെ) തടവിന് ശിക്ഷിച്ച് ഫ്രെഞ്ച് ഗയാനയിലേക്ക് അയക്കുകയും, അവിടെയിരുന്ന രക്ഷപ്പെടുന്നതിനെ ക്കുറിച്ച് ആലോചിക്കുന്നതും രക്ഷപ്പെടാൻ ശ്രമിക്കുന്നതും ,പിടിക്കപ്പെടുന്നതുമായ സ്വന്തം അനുഭവം പാപ്പിയോൺ എന്ന പേരിൽ എഴുതുകയും ബെസ്റ്റ് സെല്ലർകുകയും ചെയ്ത .ഒരു കൊലപാതകക്കേസിൽ കുറ്റാരോപിതനായിരുന്ന ഹെന്രി ഷാരിയർ
 (16 നവംബർ 1906 - 29 ജൂലൈ 1973),

ചരിത്രാധിഷ്ഠിതവും ഭാവനാ സമ്പന്നവുമായ നോവലുകളിലൂടെ ലോക ശ്രദ്ധയാകർഷിക്കുകയും പോർച്ചുഗിസ് ഭാഷയിൽ ആദ്യമായി നോബൽ സമ്മാനം ലഭിക്കുകയും ചെയ്ത  ചെയ്ത സാഹിത്യകാരനും, നാടകകൃത്തും പത്രപ്രവർത്തകനുമായിരുന്ന ‌ഹൊസേ ഡിസൂസ സരമാഗോ
 ( നവംബർ 16, 1922 - ജൂൺ 18 2010),

നൈജീരിയയിലെ ഇഗ്ബോ വർഗ്ഗത്തിന്റെ പരമ്പരാഗത മത-സംസ്കൃതികളും പാശ്ചാത്യ മിഷനറി ക്രിസ്തുമതവും തമ്മിൽ നടന്ന മുഖാമുഖത്തിന്റെ കഥ പറയുന്ന പ്രശസ്ത കൃതി തിങ്സ് ഫാൾ എപാർട്ട് അടക്കം നിരവധി കൃതികൾ രചിച്ച നൈജീരിയൻ നോവലിസ്റ്റുംകവിയും വിമർശകനും ആയിരുന്ന ആൽബെർട്ട് ചിന്വാലുമോഗു അച്ചേബേ എന്ന ചിന്വാ അച്ചേബേ 
(16 നവംബർ 1930 - 22 മാർച്ച് 2013) 

സ്മരണാഞ്ജലി !!!
്്്്്്്്്്്്്
ആചാര്യ നരേന്ദ്രഭൂഷൺ മ. (1937-2010)
ജയൻ (കൃഷ്ണൻ നായർ) മ. (1939-1980)
ഫ്രാൻസിസ്ക പ്രാഗ്വർ ഫ്രോസ്
മ( 1872-   1931))

മലയാളത്തിലെ ഏക വൈദിക-ദാർശനിക മാസികയായ ആർഷ നാദത്തിന്റെ സ്ഥാപക പത്രാധിപരും, വേദപണ്ഡിതനും ,വാഗ്മിയും, പ്രാസാധകനുമായിരുന്ന ആചാര്യ നരേന്ദ്രഭൂഷൺ
 (22 മെയ് 1937- 2010 നവംബർ 16)

കേരളത്തിലെ യുവാക്കൾക്കിടയിൽ വേഷവിധാനത്തിലും ശൈലിയിലും മറക്കാനാവത്ത ഒരു തരംഗം സൃഷ്ടിച്ച അഭിനേതാവും, സിംഹത്തോടും കാട്ടാനയോടും ഏറ്റുമുട്ടുക , ക്രെയിനിൽ തൂങ്ങി ഉയരങ്ങളിലേക്ക് പൊങ്ങിപ്പോകുക, കൂറ്റൻ ഗ്ലാസ് ഡോറുകൾ തകർത്തു മുന്നേറുക, വലിയ കെട്ടിടത്തിൽ നിന്നു താഴേക്ക് ചാടുക തുടങ്ങിയ   അസാധ്യമായ പ്രകടനങ്ങൾ ഡ്യൂപ്പ് ഉപയോഗിക്കാതെ ചെയ്യുകയും, നിഴലുപോലെ സഞ്ചരിച്ചിരുന്ന മരണം ഒടുവിൽ കീഴ്‌പെടുത്തുകയും ചെയ്ത കൃഷ്ണൻ നായർ എന്ന മലയാള സിനിമാ നടൻ ജയൻ
(ജൂലൈ 25 1939 - നവംബർ 16 1980), 

ഒരു ബ്രസീലിയൻ വൈദ്യനും ആക്ടിവിസ്റ്റും സ്ത്രീ സമത്വവാദിയും എഴുത്തുകാരിയുമായിരുന്ന ഫ്രാൻസിസ്ക പ്രാഗ്വർ ഫ്രോസ്
(21 ഒക്ടോബർ 1872 -  16 നവംബർ 1931))

...........................
ചരിത്രത്തിൽ ഇന്ന്…
്്്്്്്്്്്്്്്്്്
1776 - അമേരിക്കൻ സ്വാതന്ത്ര്യ വിപ്ലവത്തിൽ ബ്രിട്ടിഷ് സൈന്യം വാഷിങ്ടൺ കോട്ട കീഴടക്കി.

1849 - ഫ്യോഡോർ ദസ്തേവ്സ്കിയെ ഗവണ്മെന്റ് വിരുദ്ധ പ്രവർത്തനങ്ങൾക്ക് വധശിക്ഷക്കു വിധിച്ചു.

1904 - ജോൺ ആംബ്രോസ് ഫ്ലെമിങ് വാക്വം ട്യൂബ് കണ്ടെത്തി.

1915 - ലാഹോർ ഗൂഢാലോചനക്കേസിന്റ പേരിൽ കർണാർ സിങ് സരാഭയെ തൂക്കിലേറ്റി.

1938 - സ്വിസ് രസതന്ത്രജ്ഞൻ Albert Hoff man LSD (Lysergic acid die ethalamide) വേർതിരിച്ചു.

1948 - 'Operation magic carpet' യമനിൽ നിന്ന് ജൂതൻമാരെ ഇസ്രയേലിലേക്ക് കയറ്റി വിട്ടു.

1957 - BBC യിൽ ആദ്യമായി Pop music ലൈവായി അവതരിപ്പിച്ചു.

1959 - ‘സൌണ്ട് ഓഫ് മ്യൂസിക്ക് ‘ എന്ന വിശ്വവിഖ്യാതമായ സിനിമ പ്രദർശനം ആരംഭിച്ചു.

1973 - സ്കൈലാബ് -4 നാസ വിക്ഷേപിച്ചു.

1982 - കൊളംബിയ ബഹിരാകാശ വാഹനം ആദ്യ പരീക്ഷണ പറക്കൽ പൂർത്തിയാക്കി.

1988 - പത്തു വർഷത്തിനു ശേഷം പാകിസ്താനിൽ പൊതു തിരഞ്ഞെടുപ്പ് നടന്നു. ബേനസീർ ഭൂട്ടോ പ്രധാനമന്ത്രിയായി.

1996 - മദർ തെരേസക്ക് അമേരിക്ക ആദരസൂചകമായി പൗരത്വം നൽകി.

2000 - അമേരിക്കൻ പ്രസിഡന്റ് ബിൽ ക്ലിന്റൺ വിയറ്റ്‌നാമിലെ 'ഹാനോയ്‌'യിൽ എത്തുന്നു. യുണൈറ്റഡ് കമ്മ്യൂണിസ്റ്റ് വിയറ്റ്‌നാമിൽ എത്തുന്ന ആദ്യത്തെ   അമേരിക്കൻ പ്രസിഡന്റാണ് ക്ലിന്റൺ.

2000 - കർണാടകത്തിലെ കൈഗ ആണവനിലയം ഉദ്ഘാടനം ചെയ്തു.

2003 - ലയണൽ മെസ്സി ബാർസലോണയിൽ അരങ്ങേറി.

2007 - കൊച്ചിയിലെ സ്മാർട്ട് സിറ്റിക്ക് തറക്കല്ലിട്ടു.

2013 - ജിവിക്കുന്ന ക്രിക്കറ്റ് ഇതിഹാസം സച്ചിൻ തെൻഡുൽക്കർ അന്തഃരാഷ്ട്ര ക്രിക്കറ്റ് പാഡ് അഴിച്ചു.

2017 - ലിയോനാർഡോ ഡാവിഞ്ചിയുടെ ‘Salvator Mundi' എന്ന പെയിന്റിങ്ങ് 450.3 മില്യൻ ഡോളർ എന്ന സർവകാല റിക്കാർഡിന് ലേലത്തിൽ വിറ്റു.

2019-ക്യൂബയിലെ ഹവാന സ്ഥാപിതമായതിന്റെ 500-ാം വാർഷികം

.      By ' ടീം തത്ത്വമസി - ജ്യോതിർഗ്ഗമയ '
.       ************
   Rights Reserved by Team Jyotirgamaya