/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/03/27/fgPmcLVh1YKeCkjFeEAN.jpeg)
റിയാദ്: ഉംറ നിര്‍വഹിക്കുന്നതിനിടയില്‍ കൊല്ലം സ്വദേശി മസ്ജിദുല്‍ ഹറാമില്‍ കുഴഞ്ഞുവീണ് മരിച്ചു. കൊല്ലം കടയ്ക്കല്‍ വട്ടത്താമര സംബ്രമം എ.കെ മന്‍സിലില്‍ ഖമറുദ്ദീന്‍ (55) ആണ് മരിച്ചത്. സന്ദര്‍ശക വിസയിലുള്ള ഇദ്ദേഹം സൗദിയിലെ അല്‍ അഹ്‌സയില്‍നിന്നും സ്വകാര്യ ഗ്രൂപ്പില്‍ ഉംറ നിര്‍വഹിക്കാനെത്തിയതായിരുന്നു. ഉംറ കര്‍മങ്ങള്‍ നിര്‍വഹിച്ചുകഴിഞ്ഞ ഉടനെ മസ്ജിദുല്‍ ഹറാമില്‍ കുഴഞ്ഞുവീഴുകയും തല്‍ക്ഷണം മരിക്കുകയുമായിരുന്നു.
35 വര്‍ഷത്തോളം സൗദിയില്‍ ജോലി ചെയ്ത ശേഷം പ്രവാസം അവസാനിപ്പിച്ച് മടങ്ങിയതായിരുന്നു. കുറച്ചുനാള്‍ മുമ്പ് സന്ദര്‍ശക വിസയില്‍ അല്‍ അഹ്സ്സയില്‍ എത്തിയതാണ്. പരേതരായ അബ്ദുല്‍ മജീദ്, റാഫിയത്ത് ബീവി ദമ്പതികളുടെ മകനാണ്.
ഭാര്യ: ഷീബ, മക്കള്‍: അദ്‌സന, അംജദ്, സഹോദരങ്ങള്‍: മാജിലത്ത്, സലീന, സുല്‍ഫത്ത്. മക്ക കിങ് ഫൈസല്‍ ആശുപത്രി മോര്‍ച്ചറിയിലുള്ള മൃതദേഹം നടപടിക്രമങ്ങള്‍ പൂര്‍ത്തിയാക്കി വ്യാഴാഴ്ച പുലര്‍ച്ചെ മക്കയില്‍ ഖബറടക്കി.