/sathyam/media/post_attachments/WJGuKi6IkmByFh15jSHZ.jpg "publive-image")
മുംബൈ; ബോളിവുഡ് നടി ജാക്വലിന്‍ ഫെര്‍ണാണ്ടസിനെതിരെ മാനനഷ്ടക്കേസ് ഫയല്‍ ചെയ്ത് ഡാന്‍സറും നടിയുമായ നോറ ഫത്തേഹി. തനിക്കെതിരെ അപകീര്‍ത്തികരമായ ആരോപണങ്ങള്‍ ഉന്നയിച്ചു, തന്റെ കരിയര്‍ നശിപ്പിക്കാന്‍ വേണ്ടി ശ്രമിച്ചു എന്നാണ് ഹര്‍ജിയില്‍ ജാക്വലിനെതിരെ നോറ ആരോപിക്കുന്നത്.
ജാക്വലിന്‍ തനിക്കൊരു ബന്ധവും ഇല്ലാത്ത അവരുടെ ക്രിമിനല്‍ നടപടികളിലേക്ക് തന്റെ പേര് വലിച്ചഴയ്ക്കുന്നു. അതുവഴി അവരുടെ പ്രവര്‍ത്തനങ്ങളില്‍ നിന്നും ഒഴിഞ്ഞുമാറാന്‍ ശ്രമിക്കുന്നു. തന്റെ സാമ്പത്തികവും സാമൂഹികവും വ്യക്തിപരവുമായ തകര്‍ച്ച ഉറപ്പാക്കാന്‍ ജാക്വലിന്‍ തനിക്കെതിരെ അപകീര്‍ത്തികരമായ പരാമര്‍ശങ്ങള്‍ നടത്തി.
ജാക്വലിനെ ഉദ്ധരിച്ച് ചില മാധ്യമങ്ങള്‍ തനിക്കെതിരെ വാര്‍ത്ത നല്‍കി. തങ്ങള്‍ ഒരേ രംഗത്ത് ആയതിനാല്‍ ജാക്വലിന്‍ തന്നെ അനാവശ്യമായി വലിച്ചിഴയ്ക്കുകയും അപകീര്‍ത്തിപ്പെടുത്തുകയും ചെയ്തു. ഏതൊരു കലാകാരന്റെയും ബിസിനസും അവരുടെ പ്രശസ്തിയെ മാത്രം അടിസ്ഥാനമാക്കിയുള്ളതാണെന്ന് അവള്‍ക്ക് പൂര്‍ണ്ണമായി അറിയാം.
ഈ പ്രശസ്തി തകര്‍ക്കുക എന്ന ഉദ്ദേശത്തോടെയാണ് അവര്‍ ശ്രമം നടത്തിയത്. ”ജാക്വലിന്‍ ചലച്ചിത്ര മേഖലയില്‍ സുപരിചിതയാണ്. സുകേഷ് ചന്ദ്രശേഖറിനെതിരെ എന്‍ഫോഴ്സ്മെന്റ് ഡയറക്ടറേറ്റ് 200 കോടി രൂപയുടെ കള്ളപ്പണം വെളുപ്പിക്കല്‍ കേസിലും അവരെ പ്രതിയാക്കിയിട്ടുണ്ട്.”
”ദുരുദ്ദേശ്യപരമായ ചില കാരണങ്ങളാല്‍ പരാതിക്കാരിയെ ക്രിമിനല്‍ രീതിയില്‍ അപകീര്‍ത്തിപ്പെടുത്താന്‍ നടി ശ്രമിക്കുന്നു” എന്നാണ് നോറ ഫത്തേഹി തന്റെ അഭിഭാഷകന്‍ വിക്രം ചൗഹാന്‍ മുഖേന നല്‍കിയ പരാതിയില്‍ പറയുന്നത്. ഈ ഹര്‍ജിയില്‍ ഡിസംബര്‍ 19 ന് അടുത്ത വാദം കേള്‍ക്കാന്‍ കോടതി മാറ്റി.
Follow Us/sathyam/media/agency_attachments/5VspLzgrB7PML1PH6Ix6.png)
