വി​ദ്യാ​ര്‍​ഥി​യു​ടെ ത​ല​യി​ല്‍ ഹാ​മ​ര്‍ വീ​ണ് പ​രി​ക്കേ​റ്റ​ സംഭവം: സം​സ്ഥാ​ന ജൂ​ണി​യ​ര്‍ അ​ത്‌​ല​റ്റി​ക് ചാമ്പ്യ​​ന്‍​ഷി​പ്പ് നിര്‍ത്തിവച്ചു

കോ​ട്ട​യം: പാലാ മുനിസിപ്പൽ സ്റ്റേഡിയത്തിൽ നടക്കുന്ന സംസ്ഥാന ജൂനിയർ അത് ലറ്റിക്ക് മീറ്റ് വെച്ചതായി സംഘാടകർ അറിയിച്ചു. ആദ്യ ദിനത്തിലെ മത്സരങ്ങൾക്കിടെ ഒരു വിദ്യാർത്ഥിക്ക് ഹാമർ തലയിൽ വീണ് ഗുരുതരമായി പരിക്കേറ്റ സംഭവത്തെ തുടർന്നാണ് മേള മാറ്റിയത്.

പ​രി​ക്കേ​റ്റ വി​ദ്യാ​ര്‍​ഥി​യു​ടെ നി​ല ഗു​രു​ത​ര​മാ​യി തു​ട​രു​കയാണ്. പാ​ലാ സെ​ന്‍റ് തോ​മ​സ് ഹ​യ​ര്‍ സെ​ക്ക​ന്‍​ഡ​റി സ്കൂ​ളി​ലെ പ്ല​സ് വ​ണ്‍ വി​ദ്യാ​ര്‍​ഥി അ​ഫീ​ല്‍ ജോ​ണ്‍​സ​നാ(16)​ണു പ​രി​ക്കേ​റ്റ​ത്.

അ​ഫീ​ലി​നെ പാ​ലാ ജ​ന​റ​ല്‍ ആ​ശു​പ​ത്രി​യി​ലും പി​ന്നീ​ട് കോ​ട്ട​യം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലെ തീ​വ്ര​പ​രി​ച​ര​ണ വി​ഭാ​ഗ​ത്തി​ലും പ്ര​വേ​ശി​പ്പി​ച്ചു. മേ​ലു​കാ​വ് ചെ​വ്വൂ​ര്‍ കു​റി​ഞ്ഞം​കു​ളം ജോ​ര്‍​ജ് ജോ​ണ്‍​സ​ന്‍റെ മ​ക​നാ​ണ് അ​ഫീ​ല്‍.

പാ​ലാ മു​നി​സി​പ്പ​ല്‍ സ്റ്റേ​ഡി​യ​ത്തി​ല്‍ വെ​ള്ളി​യാ​ഴ്ച ഉ​ച്ച​യോ​ടെ ഹാ​മ​ര്‍ ത്രോ ​മ​ത്സ​രം ന​ട​ക്കു​ന്ന​തി​നി​ടെ​യാ​ണ് അ​പ​ക​ടം ഉ​ണ്ടാ​യ​ത്. ഒ​രു​വി​ഭാ​ഗം കാ​യി​കാ​ധ്യാ​പ​ക​ര്‍ സം​സ്ഥാ​ന വ്യാ​പ​ക​മാ​യി നി​സ​ഹ​ക​ര​ണം ന​ട​ത്തു​ന്ന​തി​നി​ടെ​യാ​ണു പാ​ലാ​യി​ല്‍ ജൂ​ണി​യ​ര്‍ അ​ത്‌​ല​റ്റി​ക് മീ​റ്റ് ന​ട​ക്കു​ന്ന​ത്. അ​ധ്യാ​പ​ക​രു​ടെ കു​റ​വി​നെ​ത്തു​ട​ര്‍​ന്നു വി​ദ്യാ​ര്‍​ഥി​ക​ളെ ഡ്യൂ​ട്ടി​ക്കു നി​യോ​ഗി​ക്കു​ക​യാ​യി​രു​ന്നു.