കോവിഡ് ലോക്ക് ഡൗണ്‍ ; ഒന്നര മാസത്തെ ഇടവേളയ്ക്ക് ശേഷം പാലാ പ്രസ്സ് ക്ലബ്ബിൽ ഇന്ന് ആദ്യ പത്രസമ്മേളനം നടന്നു

കോവിഡ് ലോക്ക് ഡൗണിനെ തുടർന്ന് ഒന്നര മാസത്തെ ഇടവേളയ്ക്ക് ശേഷം ഇന്ന് പാലാ പ്രസ്സ് ക്ലബ്ബിൽ ആദ്യ പത്രസമ്മേളനം നടന്നു. ദന്തഡോക്ടർമാരുടെ പത്ര സമ്മേളനമാണ് ഇന്ന് നടന്നത്. പത്രപ്രവർത്തകരും സംഘാടകരും കോവിഡ് പ്രതിരോധ മാർഗ്ഗ നിർദ്ദേശങ്ങൾ ഉൾക്കൊണ്ടാണ് പ്രസ്സ് ക്ലബ്ബിൽ ഇരുന്നത്.

കോവിഡ് കാലത്തെ ദന്തചികിത്സയെപ്പറ്റി ഇന്ത്യൻ ഡെൻറൽ അസോസിയേഷൻ മാർഗ്ഗ നിർദ്ദേശങ്ങൾ പുറത്തിറക്കിയ കാര്യം അറിയിക്കാനായിരുന്നു ഡോക്ടർമാരുടെ പത്ര സമ്മേളനം ദന്തചികിത്സ തേടുന്നവർക്ക് ഇന്ത്യൻ ഡെൻറൽ അസോസിയേഷൻ പാലാ ശാഖയാണ് വിവിധ മാർഗ്ഗ നിർദ്ദേശങ്ങൾ പുറത്തിറക്കിയിട്ടുള്ളത്.

.കോവിഡ് 19 നിയന്ത്രണങ്ങൾക്ക് അയവുകൾ വന്ന സാഹചര്യത്തിൽ കേരള സർക്കാരിന്‍റെയും ആരോഗ്യ വകുപ്പിന്റെയും മാർഗ്ഗ നിർദ്ദേശങ്ങൾക്കനുസരിച്ചുള്ള സുരക്ഷയ്ക്കായാണ് മാർഗ്ഗ നിർദ്ദേശങ്ങൾ പ്രസിദ്ധീകരിക്കുന്നതെന്ന് അസോസിയേഷൻ പാലാ ശാഖ പ്രസിഡൻറ് ഡോ.ഇട്ടിയവിര ബാബു, സെക്രട്ടറി ഡോ.ജിയോ ടോം ചാൾസ് എന്നിവർ പറഞ്ഞു.

പ്രവർത്തന സമയം രാവിലെ 9 മുതൽ വൈകിട്ട് 4 വരെയാണ്. ഫോൺ വിളിച്ച് മുൻകൂട്ടി നിശ്ചയിച്ച സമയത്ത് മാത്രം രോഗി എത്തുക;നിർബ്ബന്ധമായും മുഖാവരണം ധരിക്കുക;പനി, ജലദോഷം, തൊണ്ടവേദന തുടങ്ങിയ രോഗലക്ഷണമുള്ളവർ ദന്ത ചികിത്സ ഒഴിവാക്കുക;മറ്റ് രോഗികൾ അകത്തുണ്ടെങ്കിൽ റിസപ്ഷനിൽ വിവരമറിയിച്ച് പുറത്തോ വാഹനത്തിലോ കാത്തിരിക്കുക;സോപ്പോ സാനിട്ടൈസ റോ ഉപയോഗിച്ച് കൈകൾ ശുചിയാക്കിയ ശേഷം മാത്രം അകത്ത് പ്രവേശിക്കുക;നിശ്ചിത അകലം പാലിക്കുക;മുഖത്തോ വായിലോ കൈ കൊണ്ട് തൊടാതിരിക്കുക:ഒരാളെ മാത്രം കൂടെ കൊണ്ടുവരിക;ചികിത്സയ്ക്കല്ലെങ്കിൽ കുട്ടികളെയും പ്രായമായവരെയും ക്ലാനിക്കിൽ കൊണ്ടു വരാതിരിക്കുക, റിസ്ക് അസസ്മെന്റ് ഫോറം നിർബ്ബന്ധമായും പൂരിപ്പിച്ചു നൽകണം;
ട്രീറ്റ്മെന്റ് മുറിയിലേയ്ക്ക് രോഗി മാത്രം പ്രവേശിക്കുക;എന്നിവയാണ് അസോസിയേഷന്റെ നിർദ്ദേശങ്ങൾ.