ചിങ്ങമാസത്തിൽ
ഓണാഘോഷമുണ്ടെന്നറിഞ്ഞതെപ്പോഴാണ്
*
ഓണപ്പാട്ടിന് ഈണമുണ്ടെന്നറിഞ്ഞതെപ്പോഴാണ്
*
കുട്ടിക്കാലത്ത് പൂപറിക്കാൻ പോയപ്പോഴോ ?
*
കിഴക്കേതിലെ നാരായണിയമ്മയുടെ വീട്ടിൽ
ചമ്രം പടിഞ്ഞിരുന്ന് ഓണസദ്യ ഉണ്ടപ്പൊഴോ.?
*
ചാടിയും തുള്ളിയും കുഞ്ഞുമക്കൾ
ഉള്ളംതുറന്നാറാടുന്നു
ഓണം വന്നതറിയിക്കുന്നു.
കാണാമേയാഘോഷവായ്പിതെങ്ങും
*
പൂവെട്ടെൻമുറ്റത്തു
പൂക്കളമൊരുക്കാൻ
പൂവുമായെത്തിയൽവാസികൾ
പൂക്കളമൊരുക്കി
മത്സരത്തിനായി
ആരവമുണർത്തി പുലർ വേളയിൽ.
കാത്തുകഴിഞ്ഞവർ രണ്ടു കൊല്ലക്കാലം
പേർത്തും രസിക്കട്ടെ പറ്റുവോളം!
**
കോവിഡാനന്തര പൂക്കളഭംഗിയൊരുക്കുമ്പോൾ
കേരളമണ്ണിന്റെ മക്കളോടു്
കാരുണ്യം കാട്ടിക്കൊണ്ടാവണം
നേരിട്ടുവന്നുകൊണ്ടനുഗ്രഹിക്കണം
പാരിലെ തിന്മകൾ തൂത്തെറിയണം
എത്തിപ്പിടിക്കണം മാനത്തമ്പിളിയെ.