പൗരത്വ പ്രമേയം: ഭാരതത്തെ പുന: പ്രതിഷ്ഠിക്കാൻ - പി കെ അൻവർ നഹ

പൗരത്വ നിയമത്തിനെതിരെ കേരള നിയമസഭ സംയുക്ത പ്രമേയം പാസാക്കി. ഒരാൾ പുറം തിരിഞ്ഞു. ഒരു സംസ്ഥാനത്തെ ജനത മുഴുവൻ, കേന്ദ്ര സർക്കാരിന്റെ പൗരത്വ നിയമം പിൻവലിക്കണമെന്ന് ആവശ്യപ്പെട്ടിരിക്കുന്നതിന്റെ കാരണം ഇന്ത്യൻ പൗരൻമാർക്ക് പ്രത്യേകം പറഞ്ഞു കൊടുക്കേണ്ടതില്ല - പി കെ അൻവർ നഹ.

ഇക്കാര്യത്തിൽ ജനഹിതം മനസിലാക്കി അവസരത്തിനൊത്ത് ഉയർന്ന് ഉന്നത ജനാധിപത്യ മാതൃക കാട്ടിയ കേരള നിയമസഭയെ അഭിനന്ദിക്കുന്നു.

ജനങ്ങളെ മതത്തിന്റേയും വംശത്തിന്റേയും ദേശത്തിന്റേയും പേരിൽ ഭിന്നിപ്പിച്ച്, കലാപവും അരക്ഷിതാവസ്ഥയും സൃഷ്ടിച്ച് മുതലെടുപ്പ് നടത്താനുള്ള സംഘപരിവാർ ശ്രമത്തിനെതിരെയുള്ള ഇന്ത്യൻ ജനതയുടെ പോരാട്ടങ്ങൾക്ക് കരുത്താകാൻ ഈ നിയമസഭാ പ്രമേയം ഉപകരിക്കുമെന്നത് തീർച്ചയാണ്.

സ്നേഹത്തിനും സമാധാനത്തിനും ചെവികൊടുക്കാത്ത, പ്രതിപക്ഷ ശബ്ദത്തെ പരിഗണിക്കാത്ത, ഇന്ത്യൻ വൈവിധ്യത്തെ അംഗീകരിക്കാത്ത, വെള്ളരിക്കാപ്പട്ടണമായി ഇന്ത്യ മാറിയിട്ടുണ്ട്.

ഉജ്വലമായ സമര പോരാട്ടങ്ങളിലൂടെ മാത്രമേ പഴയ ഇന്ത്യയിലേക്ക് നമുക്ക് എത്താൻ കഴിയൂ.

ഇന്ത്യയെ വീണ്ടെടുക്കാനുള്ള യജ്ഞം എല്ലാവരുടേതുമാണ്‌.ത്രിവർണ്ണ പതാക ആ ഒരു കൊടി മാത്രം മുന്നിൽ നിന്ന് നയിക്കും. ജീവനും ജീവിതവും കൊടുത്തവർ, അവരുടെ പിന്മുറക്കാർ ഇ രാജ്യം സംരക്ഷിക്കുക തന്നെ ചെയ്യും.

അല്ലാമ ഇക്ബാലിന്റെ വരികൾ കടമെടുത്താൽ, മനോഹരമായ ഭാരതപ്പൂവാടിയിൽ നറു സൂനങ്ങളായി നമുക്ക് വിടരാം., പ്രഭ പരത്താം - പി കെ അൻവർ നഹ പറഞ്ഞു.