റിയാദ്: കേളി കലാസാംസ്‌കാരിക വേദി സനയ്യ അര്‍ബൈന്‍ രക്ഷാധികാരി സമിതി അംഗവും, ഏരിയ വൈസ് പ്രസിഡന്റും ഒവൈദ യൂണിറ്റ് ട്രഷറുമായ ബി. വിജയന് ഏരിയാ രക്ഷാധികാരി സമിതിയുടെ നേതൃത്വത്തില്‍ യാത്രയയപ്പ് നല്‍കി. ബത്ഹയിലെ ലുഹ ഓഡിറ്റോറിയത്തില്‍ സംഘടിപ്പിച്ച പരിപാടിയില്‍ ഏരിയ രക്ഷാധികാരി സെക്രട്ടറി സുകേഷ് കുമാര്‍ അധ്യക്ഷത വഹിച്ചു.
കേളി രക്ഷാധികാരി സെക്രട്ടറി കെ.പി.എം. സാദിഖ്, കേളി സെക്രട്ടറി സുരേഷ് കണ്ണപുരം, പ്രസിഡന്റ് സെബിന്‍ ഇഖ്ബാല്‍, വൈസ് പ്രസിഡന്റ് ഗഫൂര്‍ ആനമങ്ങാട്, ഏരിയാ രക്ഷാധികാരി ചുമതലയുള്ള സീബാ കൂവോട്, രക്ഷാധികാരി കമ്മിറ്റി അംഗങ്ങളായ സുരേന്ദ്രന്‍ കൂട്ടായി, പ്രഭാകരന്‍ കണ്ടോന്താര്‍, ഏരിയാ രക്ഷാധികാരി കമ്മിറ്റി അംഗമായ വിജയകുമാര്‍, ഏരിയാ ട്രഷറര്‍ സഫറുള്ള, ഏരിയാ കമ്മിറ്റി അംഗങ്ങളായ പി.കെ. രാജന്‍ മെഹറൂഫ് പൊന്ന്യം, ഒവൈദ യൂണിറ്റ് പ്രസിഡന്റ് ഉണ്ണികൃഷ്ണന്‍, എക്‌സിക്യൂട്ടീവ് അംഗം കുഞ്ഞിമുഹമ്മദ്, റെഡ് സ്റ്റാര്‍ പ്രസിഡന്റ് സുഭാഷ് എന്നിവര്‍ ആശംസകള്‍ അര്‍പ്പിച്ച് സംസാരിച്ചു.
തിരുവനന്തപുരം സ്വദേശിയായ വിജയന് 29 വര്‍ഷമായി സനയ്യ അര്‍ബൈനിലെ ഒരു സ്വകാര്യ കമ്പനിയില്‍ ജോലി ചെയ്തു വരികയായിരുന്നു. 20 വര്‍ഷമായി കേളിയുടെ സജീവ പ്രവര്‍ത്തകനായ അദ്ദേഹം കേളിയിലെ വിവിധ ചുമതലകള്‍ വഹിച്ചിട്ടുണ്ട്.
കേളി കേന്ദ്ര കമ്മിറ്റിക്ക് വേണ്ടി സെക്രട്ടറി സുരേഷ് കണ്ണപുരവും പ്രസിഡന്റ് സെബിന്‍ ഇഖ്ബാലും ചേര്‍ന്ന് ഉപഹാരം കൈമാറി. ഏരിയ രക്ഷാധികാരി സമിതിക്ക് വേണ്ടി സെക്രട്ടറി സുകേഷ് കുമാറും ഏരിയാ കമ്മറ്റിക്ക് വേണ്ടി ജോയിന്റ് സെക്രട്ടറി സുനീര്‍ ബാബുവും യൂണിറ്റിന് വേണ്ടി പ്രസിഡന്റ് ഉണ്ണികൃഷ്ണനും മൊമെന്റോകള്‍ നല്‍കി. അബ്ദുല്‍ നാസര്‍, സെയ്തലവി, ഉമ്മര്‍ പട്ടാമ്പി എന്നിവര്‍ ഉപഹാരങ്ങള്‍ സമ്മാനിച്ചു. ഏരിയയ്ക്ക് വേണ്ടി ഗഫൂര്‍ പി.കെ. ഷാള്‍ അണിയിച്ചു. ഏരിയാ ജോയിന്റ് സെക്രട്ടറി സുനീര്‍ ബാബു സ്വാഗതവും യാത്രപോകുന്ന വിജയന് നന്ദിയും പറഞ്ഞു.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/GtWCmsE3VErjwLFs8emP.jpg)