ഒ.ഐ.സി.സി ഓസ്ട്രേലിയ: ജിൻസൻ കുരിയൻ പ്രസിഡണ്ട്, ബൈജു ഇലഞ്ഞിക്കുടി ജനറൽ സെക്രട്ടറി

ബ്രിസ്ബയിൻ: ഒ.ഐ.സി.സി ഓസ്ട്രേലിയുടെ ദേശീയ പ്രസിഡന്റായി സിഡ്‌നിയിൽ നിന്നുള്ള ജിൻസൻ കുര്യനെയും, ദേശീയ ജനറൽ സെക്രട്ടറിയായി ബ്രിസ്‌ബെനിൽ നിന്നുള്ള ബൈജു ഇലഞ്ഞിക്കുടിയേയും തെരഞ്ഞെടുത്തു. ദേശീയ വൈസ്-പ്രസിഡന്റായി ബെന്നി കണ്ണമ്പുഴ (ക്യാന്‍ബറ), മാമന്‍ ഫിലിപ്പ്  (ബ്രിസ്ബെന്‍), ശ്രീരേഖ സാജു (സിഡ്‌നി) എന്നിവരെയും ദേശീയ ട്രഷററായി സിഡ്‌നിയിൽ നിന്നുള്ള അനീഷ് ഗോപുരത്തിങ്കലിനേയും തെരഞ്ഞെടുത്തു.

ദേശീയ സെക്രട്ടറിമാരായി ജോളി ജോസഫ് (സിഡ്‌നി ), ഉര്‍മീസ് വാളൂരാന്‍ (പെര്‍ത്ത്), മോൻസി ജോർജ് (മെല്‍ബണ്‍), ഷാജി ഐസക്ക് (ഡാർവിന്‍), സേവ്യർ മാത്യു (ബ്രിസ്‌ബെൻ), പ്രശാന്ത് പദ്മനാഭൻ ഷോബിനാഥൻ (അഡലേഡ്), ജിബി ആന്‍റണി (ടാസ്മാനിയ) എന്നിവരെയും തെരഞ്ഞെടുത്തു. ദേശീയ നിർവ്വാഹക സമിതി അംഗങ്ങളായി സാജു ഓലിക്കര (സിഡ്‌നി), റൈയ്ഗൻ ജോസഫ്  (മെല്‍ബണ്‍), റെജി കുരിയാക്കോസ് (ടാസ്മാനിയ), സുനിൽ തോമസ് (ക്യാന്‍ബറ), സോബി ജോര്‍ജ് (ഡര്‍വിന്‍), മനോജ് ചാമി (മെല്‍ബണ്‍), ബിജു പുളിക്കാട്ട്  (ക്യാന്‍ബറ), ജിജി ആന്‍റണി (അഡലേഡ്), ലിയോ ഫെർണാണ്ടസ് (പെര്‍ത്ത്), ജിജോ.വി.തോമസ്  (ബ്രിസ്‌ബെൻ) എന്നിവരെയും തെരഞ്ഞെടുത്തു.

സംസ്ഥാന പ്രസിഡന്റായി ബിനോയ് അലോസ്യസ് (ന്യൂ സൗത്ത് വെയിൽസ്), കുരിയൻ പുന്നൂസ് ആഞ്ഞിലിമൂട്ടിൽ (വിക്ടോറിയ), ജിബിന്‍ തേക്കാനത്ത് (ഓസ്‌ട്രേലിയൻ ക്യാപിറ്റൽ ടെറിട്ടറി), ജിബി കൂട്ടുങ്കൽ (സൗത്ത് ഓസ്ട്രേലിയ), ജോൺ പിറവം (ക്യൂൻസ്‌ലാൻഡ്), ബിനോയ് പോൾ (വെസ്‌റ്റേൺ ഓസ്ട്രേലിയ), ദിനു പോൾ (നോർത്തേൺ ടെറിട്ടറി), വിനു വർഗീസ് (ടാസ്മാനിയ) എന്നിവരെയും തെരഞ്ഞെടുത്തു. കഴിഞ്ഞ ദിവസം ചേർന്ന ഓ.ഐ.സി.സി ദേശീയ പ്രതിനിധി യോഗമാണ് പുതിയ ഭാരവാഹികളെ തെരഞ്ഞെടുത്തത്. എല്ലാ സംസ്ഥാനങ്ങളിൽ നിന്നുമുള്ള പ്രതിനിധികൾ യോഗത്തിൽ പങ്കെടുത്തു.

ഗ്ലോബല്‍ കമ്മറ്റിയുടെയും, കെ.പി.സി.സി യുടെയും നിർദേശ പ്രകാരം ഓസ്ട്രേലിയയുടെ എല്ലാ സംസ്ഥാനങ്ങളിൽ അഡ്ഹോക്ക് കമ്മിറ്റികളും, വിവിധ സ്ഥലങ്ങളിൽ ഓ.ഐ.സി.സി യുടെ നേതൃത്വത്തിൽ പരിപാടികളും, മെംമ്പര്‍ഷിപ്പ് ക്യാംമ്പെയ്നും, കെ.പി.സി.സി യുടെ 137 രൂപ ചലഞ്ചും കെ.പി.സി.സി യുടെ നിർദേശ പ്രകാരം ഒ.ഐ.സി.സി ഗ്ലോബല്‍ ചെയര്‍മാന്‍ കുമ്പളത്ത് ശങ്കര പിള്ള നിയമിച്ച അഡ്ഹോക്ക് കമ്മിറ്റി നന്നായി സംഘടിപ്പിച്ചിരുന്നു.

ഒ.ഐ.സി.സി ഓസ്ട്രേലിയുടെ പുതിയ ദേശീയ ഭാരവാഹികളുടെ പട്ടിക കെ.പി.സി.സി ക്ക് കൈമാറുവാനും, പ്രവർത്തനം പരമാവധി വിപുലപ്പെടുത്താനും, സംസ്ഥാന കമ്മിറ്റികൾ പുനഃസംഘടിപ്പിക്കുവാനും ഓവര്‍സീസ് ഇന്ത്യന്‍ കള്‍ച്ചറല്‍ കോൺഗ്രസ് ഓസ്ട്രേലിയ ദേശീയ പ്രതിനിധി യോഗം തീരുമാനിച്ചു. കേരള പ്രദേശ് കോൺഗ്രസ് കമ്മിറ്റിയുടെ ചാരിറ്റി പ്രവർത്തനങ്ങളുമായി സഹകരിക്കുവാനും, എ.ഐ.സി.സി ജനറൽ സെക്രട്ടറി കെ.സി വേണുഗോപാലിനെയും, കെ.പി.സി.സി പ്രസിഡണ്ട് അഡ്വ: സണ്ണി ജോസഫിനെയും, ഒ.ഐ.സി.സി ഓസ്ട്രേലിയുടെ ചാർജുള്ള കെ.പി.സി.സി ജനറൽ സെക്രട്ടറിമാരായ അഡ്വ: ബി.എ അബ്‌ദുൾ മുത്തലിബ്, അഡ്വ: കെ.പി ശ്രീകുമാറിനെയും ഓസ്ട്രേലിയയിലേക്ക് ഔദ്യോഗികമായി ക്ഷണിക്കാനും ദേശീയ പ്രതിനിധി യോഗം തീരുമാനിച്ചു.