ടീം ശ്രേഷ്ഠ പ്രഭാത ഭക്ഷണം വിതരണം ചെയ്തു

മനാമ: ബഹ്റൈനിലെ കലാ-കായിക കൂട്ടായ്മയായ ടീം ശ്രേഷ്ഠ ബഹ്റൈന്‍ എല്ലാ മാസവും നടത്തി വരുന്ന പ്രഭാതഭക്ഷണ വിതരണം സംഘടിപ്പിച്ചു. ഈ വര്‍ഷം ഒമ്പതാമത്തെ തവണയാണ് ശ്രേഷ്ഠ മുനിസിപ്പാലിറ്റി തൊഴിലാളികള്‍ക്കായി ഭക്ഷണ കിറ്റുകള്‍ വിതരണം ചെയ്യുന്നത്. 

ഗുദേബിയ,ബുസൈറ്റീന്‍, ബുദ്ധയ, ട്യൂബ്ലി, ജൂഫൈര്‍ എന്നി ഭാഗങ്ങളില്‍ ശ്രേഷ്ഠ കുടുംബാംഗങ്ങള്‍ തന്നെയാണ്  ഭക്ഷണ കിറ്റുകള്‍ വിതരണം ചെയ്തത്. ഈ വര്‍ഷത്തെ അവസാനത്തെ ഭക്ഷണ വിതരണമാണ് ഇന്ന് നടത്തിയത്.

പുതിയ വര്‍ഷത്തില്‍ വരും മാസങ്ങളില്‍ കൂടുതല്‍ സ്ഥലങ്ങളിലേക് ഭക്ഷണ കിറ്റുകള്‍ എത്തിക്കുമെന്നു ടീം ശ്രേഷ്ഠ ബഹ്റൈന്‍ അറിയിച്ചു. സഹകരിച്ച എല്ലാവരോടും ടീം ശ്രേഷ്ഠ നന്ദി അറിയിച്ചു.