എയ്ന" ക്രിസ്സ്മസ് & ന്യൂ ഇയർ ആഘോഷം സംഘടിപ്പിച്ചു

ബഹ്റൈൻ : ബഹ്റൈനിലെ സൽമാനിയ എമർജൻസി വിഭാഗം നേഴ്സുമാരുടെ സൌഹൃദ കൂട്ടായ്മയായ "എയ്ന" ക്രിസ്സ്മസ് & ന്യൂ ഇയർ ആഘോഷം സംഘടിപ്പിച്ചു. 21 ഫെബ്രുവരി വൈകിട്ട് 6 മണി മുതൽ ഇന്ത്യൻ ഡെലൈറ്റ്സ് റസ്റ്റോറൻ്റിൽ വച്ച് നടന്ന ആഘോഷത്തിൽ അംഗങ്ങളുടെ വിവിധയിനം കലാകായിക പരിപാടികളും അരങ്ങേറി തുടർന്ന് നടന്ന ചടങ്ങിൽ പ്രവാസ ജീവിതം കഴിഞ്ഞ് നാട്ടിലേക്ക് പോകുന്ന അംഗങ്ങളായ സജി ശശി, ജിൻസി മോൾ  എന്നി സ്റ്റാഫ് നേഴ്സുമാരെ ആദരിച്ചു. 

സിസ്റ്റർ റാണി മാത്യു, ജോഷി എന്നിവർ ആശംസകൾ അർപ്പിച്ചു സംസാരിച്ചു. പുതിയതായി പോഗ്രാം കമ്മിറ്റിയിലേക്ക്  സിസ്റ്റർ മാരായ ബിന്ദു സോജു, കുഞ്ഞമ്മ ജിജു, സിനു ഫിലിപ്പ് എന്നിവരെ യോഗം തിരഞ്ഞെടുത്തു. സിസ്റ്റർ മാരായ ഷോളി തോമസ്, സുമ ഫ്രാൻസ്, ജിൻസി എബ്രഹാം, ജോർജ്, അനിൽ എന്നിവർ ഈ പോഗ്രാമിന് നേതൃത്വം നൽകി.