ബഹ്റൈന്‍ കാനു ഗാര്‍ഡനിലെ ഗുരുദേവ സോഷ്യല്‍ സൊസൈറ്റിയില്‍ സംഗീത സംവിധായകന്‍ ശരത് കുഞ്ഞുങ്ങള്‍ക്ക് ആദ്യക്ഷരം കുറിച്ചു

മനാമ: വിജയദശമിയോടനുബന്ധിച്ച് ബഹ്റൈനിലും കുരുന്നുകൾ അറിവിന്‍റെ ആദ്യക്ഷരം കുറിച്ചു. പുലർച്ചെ തന്നെ മാതാപിതാക്കളോടൊപ്പം കുരുന്നുകൾ വിദ്യാരംഭ ചടങ്ങിൽ പങ്കെടുക്കാനായി സൽമാനിയ കാനു ഗാർഡനിൽ സ്ഥിതി ചെയ്യുന്ന ഗുരുദേവ സോഷ്യൽ സൊസൈറ്റിയിൽ എത്തിച്ചേർന്നു. 

ബഹ്റൈൻ സമയം പുലർച്ചെ 4.30 ന് ചടങ്ങുകൾ ആരംഭിച്ചു. ഗുരുദേവ സോഷ്യൽ സൊസൈറ്റി നടത്തി വരുന്ന വിദ്യാരംഭ ചടങ്ങുകൾക്ക് ഇത്തവണ പ്രശസ്ത സംഗീത സംവിധായകൻ ശരത്ത് നേതൃത്വം നൽകി.

പ്രത്യേകമായി സജ്ജീകരിച്ച മണ്ഡപത്തിലിരുന്ന് അക്ഷര തളികയിൽ പരമ്പരാഗത രീതിയിൽ തന്നെ കുഞ്ഞുങ്ങൾക്ക് ആദ്യാക്ഷരം കുറിച്ചു. 

ഒട്ടേറെ കുടുംബാംഗങ്ങളും കുട്ടികളും പങ്കെടുത്ത ചടങ്ങിൽ അക്ഷരങ്ങളുടെ അദ്ഭുത ലോകത്തേക്ക് കടന്ന കുരുന്നുകളുടെ നാവിൽ ആദ്യാക്ഷരവും സംഗീതത്തിന്റെ സപ്ത സ്വരങ്ങളും പകർന്നു നൽകി. ചടങ്ങുകൾക്ക് ഡയറക്ടർ ബോർഡ് അംഗങ്ങൾ നേതൃത്വം നൽകി.