ലഹരി വിരുദ്ധ പ്രതിജ്ഞയുമായി മുഹറഖ് മലയാളി സമാജം ഇഫ്താർ സ്നേഹനിലാവ് നടത്തി

ബഹ്‌റൈൻ : മുഹറഖ് മലയാളി സമാജം ഇഫ്താർ സ്നേഹനിലാവ് ഇഫ്താർ സംഗമം നടത്തി, മുഹറഖ് സയ്യാനി ഹാളിൽ നടന്ന സംഗമത്തിൽ ആയിരത്തോളം ആളുകൾ പങ്കെടുത്തു, ജാതിമത രാഷ്ട്രീയ വിഭാഗീയതക്ക് അപ്പുറത്ത് മനുഷ്യർ തമ്മിലുള്ള സ്നേഹവും ഐക്യവും സഹോദര്യവും ഊട്ടി ഉറപ്പിക്കുന്ന പരിപാടി ആണ് ഇഫ്താർ സംഗമങ്ങൾ എന്ന് റമദാൻ സന്ദേശത്തിൽ ജമാൽ നദ്‌വി ഇരിങ്ങൽ പറഞ്ഞു.

അത് തന്നെയാണ് റമദാൻ നൽകുന്ന സന്ദേശമെന്നും അദ്ദേഹം അഭിപ്രായപ്പെട്ടു, നാട്ടിൽ വിദ്യാർത്ഥി യുവ തലമുറകളെ കാർന്നു തിന്നുന്ന മയക്കു മരുന്നു മാഫിയക്കെതിരെ ജാഗ്രത പാലിക്കണമെന്നും അദ്ദേഹം പറഞ്ഞു,പ്രസിഡന്റ് അനസ് റഹിം അധ്യക്ഷൻ ആയിരുന്നു.

 ചടങ്ങിൽ വൈസ് പ്രസിഡന്റ് അബ്ദുൽ മൻഷീർ ലഹരി വിരുദ്ധ പ്രതിജ്ഞ ചൊല്ലിക്കൊടുത്തു, നാട്ടിൽ വ്യാപകമായി കൊണ്ടിരിക്കുന്ന ലഹരിക്കെതിരെ പ്രവാസ ലോകവും ജാഗ്രത പാലിക്കണമെന്നു അധ്യക്ഷ പ്രസംഗത്തിൽ പ്രസിഡന്റ് അനസ് റഹീം പറഞ്ഞു, എസ് എൻ സി എസ് പ്രസിഡന്റ് കൃഷ്ണകുമാർ, ന്യൂ ഇന്ത്യൻ സ്കൂൾ പ്രിൻസിപ്പാൽ ഗോപിനാദ് മേനോൻ,ഐ സി എഫ് പ്രതിനിധി അബ്ദുൽ സമദ് എന്നിവർ സംസാരിച്ചു.

 ബഹ്‌റൈൻ ദേശീയ ക്രിക്കറ്റ് ടീമിൽ അംഗമായ എം എം എസ് കുടുംബങ്ങമായ ബാസിം അബ്ദുൽ ഹക്കീമിനെ ചടങ്ങിൽ അനുമോദിച്ചു. സെക്രട്ടറി സുനിൽ കുമാർ, ട്രഷറർ ശിവശങ്കർ, ചാരിറ്റി വിംഗ് കൺവീനർ പ്രമോദ് കുമാർ വടകര,ഉപദേശകസമിതി ചെയർമാൻ ലത്തീഫ് കെ, മുൻ പ്രസിഡന്റുമാരായ അൻവർ നിലമ്പൂർ ശിഹാബ് കറുകപുത്തൂർ, ഭാരവാഹികളായ ദിവ്യ പ്രമോദ്, ബാഹിറ അനസ്, പ്രമോദ് കുമാർ, തങ്കച്ചൻ ചാക്കോ, മുഹമ്മദ്‌ ഷാഫി, ഫിറോസ് വെളിയങ്കോട്,വനിതാ വേദി കൺവീനർ ഷൈനി മുജീബ്, ജോ. കൺവീണർമാരായ ഷീന നൗസൽ, സൗമ്യ ശ്രീകുമാർ എന്നിവർ നേതൃത്വം നൽകി. ബഹ്‌റൈൻ സാമൂഹിക മേഖലയിലെ നിരവധി പ്രമുഖർ സന്നിഹിതർ ആയിരുന്നു.