വിവാഹത്തിനായി നാട്ടിൽ പോകാനുള്ള തയാറെടുപ്പിനിടെ തിരൂർ സ്വദേശി ബഹ്റൈനിൽ നിര്യാതനായി

തിരൂർ:  ആലത്തിയൂർ പൂക്കൈത സ്വദേശി സ്വദേശി  മുഹമ്മദ് നിയാസ്(30) ആണ് ബഹ്റനിൽ നിര്യാതനായത്. താമസ സ്ഥലത്ത് കുഴഞ്ഞു വീണതിനെ തുടർന്ന് ഒരാഴ്ച സൽമാനിയ ഹോസ്പിറ്റലിൽ ചികിത്സയിലായിരുന്നു.

ബഹ്റൈനിൽ സെയിൽസ് മാനായി ജോലിചെയ്യുകയായിരുന്നു.വിവാഹം ഉറപ്പിച്ചിരുന്നതായും അതിനായി നാട്ടിലേക്ക് പോകാനുള്ള തയ്യാറെടുപ്പുകൾ നടത്തിയിരുന്നതുമായാണ് വിവരം.

മാതാവ്: നദീറ, സഹോദരൻ: മുഹമ്മദ് നിഷാദ്. വെള്ളിയാഴ്ച  വൈകീട്ടാണ് ബഹ്റൈൻ സൽമാനിയ ഹോസ്പിറ്റലിൽ മരണം സംഭവിച്ചത്.  ബഹ്റൈൻ ലുലു ഹൈപ്പർ മാർക്കറ്റ് ജീവനക്കാരനാണ് മുഹമ്മദ് നിയാസ്.  മയ്യത്ത് നാട്ടിലേക്ക്  കൊണ്ടുപോവാനുള്ള തയ്യാറെപ്പുകൾ നടക്കുന്നു.