ബഹ്‌റൈൻ : പത്തനംതിട്ട ജില്ലാ പ്രവാസി അസോസിയേഷൻ, ബഹ്‌റൈൻ ക്രിക്കറ്റ്‌ ഫെഡറേഷന്റെ അംഗീകാരത്തോടെ നടത്തിയ പത്തനംതിട്ട പ്രീമിയർ ലീഗ് സീസൺ -2 ബുസയ്‌തീൻ ക്രിക്കറ്റ്‌ ഗ്രൗണ്ടിൽ സമാപിച്ചു, പത്തനംതിട്ട ജില്ലയിൽ നിന്നുള്ള 65 ഓളം കളിക്കാരെ 4 ടീം ആയിട്ടു തിരിച്ചായിരുന്നു മത്സരങ്ങൾ. അതിൽ സോബിൻ ക്യാപ്റ്റൻ ആയിട്ടുള്ള ടീം വണ്ടേഴ്സ്11 വിജയികളായി, ബിജു മോൻസ് മോഹൻ ക്യാപ്റ്റൻ ആയിട്ടുള്ള ടീം പി ടി എ ഫിഗ്റ്റർസ് ആണ് റണ്ണേഴ്സ് അപ്പ്‌.
നിമൽ, വിബിൻ, സനൽ, മുകേഷ്, ലിജിൻ,വിജീഷ് എന്നിവരാണ് മത്സരങ്ങൾ നിയന്ത്രിച്ചത്. ഫൈനൽ മൽസരത്തിലെ മികച്ച കളിക്കാരൻ ആയി ടീം വാൻഡേഴ്സ് 11ൻ്റെ അനൂപ് കുമാർ തിരഞ്ഞെടുക്കപ്പെട്ടപ്പോൾ, ടൂർണെമെന്റിലെ മികച്ച താരമായും, ബാറ്റസ്മാനായും പി ടി എ ഫിഗ്റ്റർസ് ന്റെ ആശിഷ്, മികച്ച ബൗളർ ജിജോമോൻ (വണ്ടേഴ്സ്11), മികച്ച ഫീൽഡർ അരുൺ രാജു ( പി ടി എ ഫിഗ്റ്റർസ്) തിരഞ്ഞെടുക്കപ്പെട്ടു.
വിജയികൾക്ക് അസോസിയേഷൻ പ്രസിഡൻ്റും സെക്രട്ടറിയും മറ്റ് എക്സിക്യൂട്ടീവ് അംഗങ്ങളും ചേർന്ന് ഉപഹാരങ്ങൾ കൈമാറി. മത്സരങ്ങളിൽ പങ്കെടുത്ത എല്ലാവർക്കും സ്പോർട്സ് കോർഡിനേറ്റർ അരുൺകുമാർ നന്ദി പറഞ്ഞു
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/04/02/PBy8COxYjvysGN8mVhuv.jpg)