ബ്ലഡ് ഡോണേഴ്‌സ് കേരള കുവൈത്ത്‌ ചാപ്റ്റർ ( ബി.ഡി.കെ കുവൈത്ത്‌) ഗാന്ധി ജയന്തിയുടെ ഭാഗമായി രക്തദാന ക്യാമ്പ് സംഘടിപ്പിച്ചു

ബ്ലഡ് ഡോണേഴ്‌സ്  കേരള കുവൈത്ത്‌ ചാപ്റ്റർ ( ബി.ഡി.കെ കുവൈത്ത്‌)  ഗാന്ധി ജയന്തിയുടെ ഭാഗമായി രക്തദാന ക്യാമ്പ് സംഘടിപ്പിച്ചു. ജാബിരിയാ സെൻട്രൽ ബ്ലഡ്‌ ബാങ്കിൽ ഒക്ടോബർ രണ്ടിന്  നടന്ന രക്തദാന ക്യാമ്പ്, വൈകിട്ട് അഞ്ചു മണിയോടെ ആരംഭിച്ചു. ദാതാക്കൾക്കായി  സർട്ടിഫിക്കറ്റും ലഘു ഭക്ഷണവും ബി.ഡി.കെ കുവൈത്ത്‌ ചാപ്റ്റർ നൽകിയിരുന്നു.

 ബി.ഡി.കെ കുവൈത്ത്‌ ജനറൽ കൺവീനർ രാജൻ തോട്ടത്തിൽ ക്യാമ്പിന്റെ ഔദ്യോഗിക ഉദ്ഘാടനം നിർവഹിച്ചു.  ബി ഡി കെ കുവൈറ്റ്‌ വോളന്റീർസ് ക്യാമ്പിന്റെ സുഗമമായ സംഘാടനവും നടത്തിപ്പും ഉറപ്പാക്കി.

ബഹ്‌റൈൻ എക്സ്ചേഞ്ച് കമ്പനി കുവൈത്തിന്റ പിന്തുണയോടെ ആണ് ക്യാമ്പ് നടന്നതെന്നും ബി.ഡി.കെ കുവൈത്ത്‌ ചാപ്റ്റർ സമാനമായ രക്തദാന ഡ്രൈവുകൾ സംഘടിപ്പിക്കാൻ താൽപ്പര്യമുള്ള വ്യക്തികളെയും സംഘടനകളെയും പ്രോത്സാഹിപ്പിക്കുകയും ആവശ്യമായ മാർഗ നിർദേശങ്ങൾ  നൽകുവാൻ എപ്പോഴും സന്നദ്ധമാണെന്നും 69997588 എന്ന നബറിൽ ബന്ധപെടുവാനും രാജൻ തോട്ടത്തിൽ അറിയിച്ചു.