സൗദി ദേശീയ ദിനത്തിൽ റുവൈസ് ഐഎംസി ആശുപത്രിയിൽ വെച്ച്  ഒഐസിസി മലപ്പുറം ജില്ലാ കമ്മിറ്റിയുടെ രക്തദാന ക്യാമ്പ്‌

ജിദ്ദ:   സൗദി ദേശീയ ദിനമായ സെപ്റ്റംബർ 23 തിങ്കളാഴ്ച  ഒഐസിസി മലപ്പുറം ജില്ലാ കമ്മിറ്റി രക്തദാന ക്യാമ്പ്‌ സംഘടിപ്പിക്കുന്നു.   റുവൈസ്  ഐഎംസി ഹോസ്പിറ്റൽ  രാവിലെ 10 മണി മുതൽ ഉച്ചക്ക്‌ 12 മണി വരെയാണ്  രക്തദാന ക്യാമ്പ് സംഘടിപ്പിക്കുന്നത്. സൗദി  ദേശീയ ദിനത്തോടനുബന്ധിച്ച്‌ കഴിഞ്ഞ വർഷങ്ങളിലും ഒഐസിസി സന്നദ്ധ പ്രവർത്തകർ രക്തദാന  യത്നം സംഘടിപ്പിച്ചിരുന്നു.    

ഈ വർഷത്തെ രക്തദാന ക്യാമ്പിനുള്ള ഒരുക്കങ്ങൾ പൂർത്തിയായതായി ഐഎംസി ആശുപത്രിയിലെ  ബ്ലഡ്‌ ബാങ്ക്‌ ടെക്നിഷൻ  ആസിം,   ലൊജിസ്റ്റിക്‌ സൂപർ വൈസർ   എ.എം മുർഷിദ്  എന്നിവർ അറിയിച്ചു.   രക്തദാനം നൽകുന്നവരുടെ റജിസ്ട്രേഷൻ നേരത്തെ ആരംഭിച്ചിരുന്നു.  

‌ക്യാമ്പ് സംബന്ധിച്ച്  കൂടുതൽ അറിയാനാഗ്രഹിക്കുന്നവരും    രക്തം ദാനം ചെയ്യാൻ  തയാറുള്ളവരും   കൂടുതൽ വിവരങ്ങൾക്ക്‌  താഴെ കൊടുത്തിട്ടുള്ള നമ്പറിൽ ബന്ധപ്പെടണമെന്ന് ജിദ്ദ ഒഐസിസി മലപ്പുറം ജില്ലാ കമ്മിറ്റി ഭാരവാഹികൾ പത്രകുറിപ്പിലൂടെ അറിയിച്ചു. 

യു എം ഹുസ്സൈൻ മലപ്പുറം (0547473567),    ഷമീർ (0547105698), ഷംസുദ്ധീൻ (0557775915)