ഇസ്രായേൽ ആക്രമണത്തിൽ വീരമൃത്യു വരിച്ച രക്തസാക്ഷികൾക്കു വിടചൊല്ലി ഖത്തർ. മയ്യിത്ത് നമസ്കാരത്തിന് ഖത്തർ അമീർ ഷെയ്ഖ് തമീം ബിൻ ഹമദ് നേതൃത്വം നൽകി

ദോഹ: ചൊവ്വാഴ്ച ദോഹ നഗരത്തിലുണ്ടായ ഇസ്രായേൽ ആക്രമണത്തിൽ വീരമൃത്യു വരിച്ച രക്തസാക്ഷികൾക്കുവേണ്ടിയുള്ള മയ്യിത്ത് നമസ്കാരത്തിന് ഖത്തർ അമീർ ഷെയ്ഖ് തമീം ബിൻ ഹമദ് നേതൃത്വം നൽകി.

ദോഹയിലെ ഇമാം മുഹമ്മദ് ബിൻ അബ്ദുൽ വഹാബ് മസ്ജിദിൽ വെച്ച് നടന്ന പ്രാർത്ഥനയിൽ നിരവധി ഷെയ്ഖുമാർ, മന്ത്രിമാർ, ഉന്നത ഉദ്യോഗസ്ഥർ, പ്രമുഖർ, കൂടാതെ ധാരാളം പൗരന്മാരും താമസക്കാരും പങ്കെടുത്തു.

നമസ്കാര ചടങ്ങുകൾക്ക് ശേഷം, അമീർ രക്തസാക്ഷികളുടെ കുടുംബങ്ങളെ ആശ്വസിപ്പിക്കുകയും, സർവ്വശക്തനായ ദൈവം അവർക്ക് കരുണയും ശാശ്വത സമാധാനവും നൽകട്ടെ എന്ന് പ്രാർത്ഥിക്കുകയും ചെയ്തു.