കുവൈത്തില്‍ ചികിത്സയിലിരുന്ന പാലക്കാട് സ്വദേശി മരണപ്പെട്ടു. രണ്ടു മാസമായി അദാന്‍ ആശുപത്രിയിലെ മെഡിക്കല്‍ ഐസിയുവിലായിരുന്നു

കുവൈത്ത് സിറ്റി: കുവൈത്തില്‍ ചികിത്സയിലിരുന്ന പാലക്കാട് സ്വദേശി മരണപ്പെട്ടു. രണ്ടു മാസമായി അദാന്‍ ആശുപത്രിയിലെ മെഡിക്കല്‍ ഐസിയുവില്‍ ചികിത്സയില്‍ കഴിഞ്ഞിരുന്ന അമ്പലപ്പാറ വേങ്ങശ്ശേരി സ്വദേശി ഉണ്ണികൃഷ്ണന്‍ (54) ആണ് മരിച്ചത്.

കുവൈത്തില്‍ സ്വര്‍ണ്ണപ്പണിക്കാരനായി ജോലി ചെയ്തു വരികയായിരുന്നു. പാലക്കാട് ജില്ലാ അസോസിയേഷന്‍ കുവൈറ്റ് അംഗമായിരുന്നു. 

ഭാര്യ വാസന്തി, മക്കള്‍ വിമല്‍ കൃഷ്ണ, വൈഷ്ണ. മൃതദേഹം നാട്ടിലേക്ക് കൊണ്ടുപോകുവാനുള്ള നടപടിക്രമങ്ങള്‍ പുരോഗമിക്കുന്നു.