റമദാനെ വരവേൽക്കാൻ ജിദ്ദയിൽ വിപുലമായ ഒരുക്കങ്ങൾ; ഗ്രാൻഡ് ഹൈപ്പർ മാർക്കറ്റിന്റെ ഭംഗിയാർന്ന തുടക്കം

ജിദ്ദ: വിശുദ്ധ റമദാൻ മാസത്തെ മുന്നോടിയായി ജിദ്ദയിലെ ഷറാ തോുബ റോഡിൽ ഗ്രാൻഡ് ഹൈപ്പർ മാർക്കറ്റിന്റെ പുതിയ ശാഖ പ്രവർത്തനം ആരംഭിച്ചു. ആധുനിക സൗകര്യങ്ങളോടും വിപുലമായ ഓഫറുകളോടും കൂടിയ ഈ ഹൈപ്പർമാർക്കറ്റ് നഗരവാസികൾക്ക് പുതുമയാർന്ന ഷോപ്പിംഗ് അനുഭവമാണ് സമ്മാനിക്കുന്നത്.

20,000 സ്ക്വയർ ഫീറ്റ് വിസ്തൃതിയിൽ വ്യാപിച്ചുകിടക്കുന്ന ഹൈപ്പർമാർക്കറ്റ് വിശാലവും സൗകര്യപ്രദവുമായ രീതിയിൽ ക്രമീകരിച്ചിരിക്കുന്നു. പഴം-പച്ചക്കറികൾ, ദിനസാധനങ്ങൾ, ഗൃഹോപകരണങ്ങൾ, അടുക്കള ഉപകരണങ്ങൾ തുടങ്ങി കുടുംബങ്ങൾക്ക് ആവശ്യമായ എല്ലാത്തരം ഉൽപ്പന്നങ്ങളും ഇവിടെ ലഭ്യമാണ്. വൃത്തിയുള്ള അന്തരീക്ഷവും ക്രമീകരിച്ച വിഭാഗങ്ങളും ഉപഭോക്താക്കൾക്ക് സുഖപ്രദമായ ഷോപ്പിംഗ് അനുഭവം നൽകുന്നു.

മാനേജിംഗ് ഡയറക്ടർ അൻവർ അമീൻ ഉദ്ഘാടനം നിർവഹിച്ച ചടങ്ങിൽ ഡയറക്ടർമാരായ അയ്യൂബ് കെച്ചേരി, തഫ്സീർ അലി, സി.ഇ.ഒ അബ്ബാസ് ഖാൻ എന്നിവർ പങ്കെടുത്തു. കൂടാതെ World KMCC പ്രസിഡന്റ് കെ.പി. മുഹമ്മദ് കുട്ടിയും മറ്റു പ്രമുഖ വ്യവസായ, സാമൂഹിക, രാഷ്ട്രീയ രംഗങ്ങളിലെ നേതാക്കളും സന്നിഹിതരായി.

റമദാൻ സ്പെഷ്യൽ ഓഫറുകൾ ഈ ശാഖയുടെ പ്രധാന ആകർഷണങ്ങളിലൊന്നാണ്. ആദ്യ വാരത്തിൽ പ്രത്യേക വിലക്കിഴിവുകളോടെ തക്കാളി, സവാള, ഉരുളക്കിഴങ്ങ് എന്നിവ ഒരു കിലോയ്ക്ക് ഒരു റിയാലിൽ താഴെ ലഭ്യമാക്കുന്നതായി മാനേജ്മെന്റ് അറിയിച്ചു. ഗൃഹോപകരണങ്ങൾക്കും മറ്റ് ഉപകരണങ്ങൾക്കും ആകർഷകമായ കോമ്പോ ഓഫറുകളും ഒരുക്കിയിട്ടുണ്ട്.

ഭാവിയിൽ ജിദ്ദ, റിയാദ്, ദമ്മാം നഗരങ്ങളിലായി ഏകദേശം 50 ഹൈപ്പർമാർക്കറ്റുകൾ കൂടി ആരംഭിക്കാനുള്ള മഹത്തായ പദ്ധതിയും അധികൃതർ പങ്കുവെച്ചു. ഗുണമേന്മയുള്ള ഉൽപ്പന്നങ്ങൾ ഏറ്റവും കുറഞ്ഞ വിലയിൽ ഉപഭോക്താക്കൾക്ക് എത്തിക്കുക എന്നതാണ് ഗ്രാൻഡ് ഹൈപ്പർ മാർക്കറ്റിന്റെ ലക്ഷ്യമെന്ന് മാനേജ്മെന്റ് വ്യക്തമാക്കി.

ആദ്യവാരത്തിലെ ആകർഷക വിലക്കിഴിവുകളും വിശാലമായ സൗകര്യങ്ങളും കാരണം ജിദ്ദയിലെ പുതിയ ഗ്രാൻഡ് ഹൈപ്പർ മാർക്കറ്റ് നഗരവാസികളുടെ പ്രിയപ്പെട്ട ഷോപ്പിംഗ് കേന്ദ്രമായി മാറുമെന്നാണ് പ്രതീക്ഷ.