ഗള്‍ഫ് രാജ്യങ്ങളില്‍ ഏറ്റവും കുറഞ്ഞ നോമ്പനുഷ്ഠാന സമയമുള്ളത് കുവൈത്തില്‍. 12 മണിക്കൂറും 53 മിനിറ്റുമാണ് കുവൈത്തിലെ നോമ്പ് സമയം

കുവൈത്ത് സിറ്റി: ഗള്‍ഫ് രാജ്യങ്ങളില്‍ ഏറ്റവും കുറഞ്ഞ നോമ്പനുഷ്ഠാന സമയമുള്ളത് കുവൈത്തില്‍. 12 മണിക്കൂറും 53 മിനിറ്റുമാണ് കുവൈത്തിലെ നോമ്പ് സമയം.

തുടര്‍ന്ന് ഒമാന്‍ സുല്‍ത്താനേറ്റ് 12 മണിക്കൂറും 56 മിനിറ്റും, സൗദി അറേബ്യ 12 മണിക്കൂറും 58 മിനിറ്റുമായി പിന്നാലെ എത്തി. യു.എ.ഇ 12 മണിക്കൂറും 59 മിനിറ്റുമായി ഗള്‍ഫില്‍ നാലാം സ്ഥാനത്തും, ബഹ്റൈനും ഖത്തറും 13 മണിക്കൂറുമായി അഞ്ചും ആറും സ്ഥാനങ്ങളിലുമെത്തി. 

അറബ് ലോകത്ത് ഏറ്റവും കൂടുതല്‍ നോമ്പനുഷ്ഠിക്കുന്ന സമയത്തില്‍ കോമോറോസാണ് ഒന്നാമത്. അവിടെ നോമ്പനുഷ്ഠിക്കുന്ന സമയം 13 മണിക്കൂറും 28 മിനിറ്റുമാണ്. 

ജിബൂട്ടി 13 മണിക്കൂറും 14 മിനിറ്റും, സുഡാന്‍ 13 മണിക്കൂറും 6 മിനിറ്റും, മൗറിറ്റാനിയ 13 മണിക്കൂര്‍ എന്നിങ്ങനെയാണ് തൊട്ടടുത്ത സ്ഥാനങ്ങളില്‍.