കുവൈത്തിൽ പ്രോഗ്രാമുകൾ നടത്താൻ ലൈസൻസ് ഇനി 'വിസിറ്റ് കുവൈത്ത്' പ്ലാറ്റ്‌ഫോം വഴി മാത്രം

കുവൈത്ത് സിറ്റി: കുവൈത്തിലെ ടൂറിസം, സാംസ്കാരിക മേഖലകളിൽ സമൂലമായ മാറ്റങ്ങൾ ലക്ഷ്യമിട്ട്, ഇവന്റുകൾ സംഘടിപ്പിക്കുന്നതിനുള്ള ഏകീകൃത ഡിജിറ്റൽ പ്ലാറ്റ്‌ഫോമായ 'വിസിറ്റ് കുവൈത്ത്' നിലവിൽ വരുന്നു. സാംസ്കാരിക, യുവജനകാര്യ മന്ത്രി അബ്ദുൽറഹ്മാൻ അൽ-മുതൈരിയാണ് ഇക്കാര്യം പ്രഖ്യാപിച്ചത്.

പ്രാദേശികവും അന്തർദേശീയവുമായ കമ്പനികൾക്ക് ടൂറിസം, സാംസ്കാരികം, കലാപര്യം, വിനോദം, മറ്റ് പൊതു പരിപാടികൾ എന്നിവ സംഘടിപ്പിക്കുന്നതിന് അപേക്ഷ സമർപ്പിക്കാനുള്ള അംഗീകൃത പ്ലാറ്റ്‌ഫോം ഇനി മുതൽ 'വിസിറ്റ് കുവൈറ്റ്‌ ആയിരിക്കും.

ഈ ഡിജിറ്റൽ പ്ലാറ്റ്‌ഫോം നവംബർ 1-ന് ഔദ്യോഗികമായി പ്രവർത്തനം ആരംഭിക്കും. അപേക്ഷാ നടപടിക്രമങ്ങൾ ലളിതമാക്കുക, സുതാര്യത വർദ്ധിപ്പിക്കുക, കാര്യക്ഷമതയും വേഗതയും ഉറപ്പാക്കുക എന്നിവയാണ് ഈ സംരംഭത്തിലൂടെ മന്ത്രാലയം ലക്ഷ്യമിടുന്നത്.