ഓവർസീസ് എൻസിപി കുവൈറ്റ് ഗാന്ധിജയന്തി ദിനാഘോഷം സംഘടിപ്പിച്ചു

കുവൈറ്റ് : ഓവർസീസ് എൻസിപി കുവൈറ്റ് കമ്മിറ്റി ഗാന്ധിജയന്തി ദിനാഘോഷം സംഘടിപ്പിച്ചു.അബ്ബാസിയ യുണൈറ്റഡ് ഇന്ത്യൻ സ്കൂളിൽ വെച്ച് നടന്ന പരിപാടിയുടെ ഉദ്ഘാടനം ഒ എൻ സി പി ഗ്ലോബൽ പ്രസിഡണ്ടും ,ലോക കേരളസഭ പ്രതിനിധിയുമായ ബാബു ഫ്രാൻസിസ്  നിർവഹിച്ചു.

ഒ എൻ സി പി കുവൈറ്റ്  ജനറൽ സെക്രട്ടറി അരുൾരാജ് സ്വാഗതം പറഞ്ഞ ചടങ്ങിൽ , ഒ എൻ സി പി കുവൈറ്റ് പ്രസിഡണ്ട് 'ജീവ്സ് എരിഞ്ചേരി അധ്യക്ഷത നിർവഹിച്ചു. വിശിഷ്ട അതിഥികളായി യുണൈറ്റഡ് ഇന്ത്യൻ സ്കൂൾ അഡ്മിനിസ്ട്രേറ്റർ  ജോൺ  തോമസ് കളത്തിപ്പറമ്പിൽ , സീനിയർ പ്രിൻസിപ്പാൾ സി രാധാകൃഷ്ണൻ എന്നിവർ  പരിപാടിയിൽ പങ്കെടുത്തു. യുണൈറ്റഡ് ഇന്ത്യൻ സ്കൂൾ സീനിയർ പ്രിൻസിപ്പാൾ  ഗാന്ധിജയന്തി സന്ദേശം നൽകി. 

ഒ എൻ സി പി ഗ്ലോബൽ ട്രഷറർ ബിജു സ്റ്റീഫൻ ഭരണ ഘടന സംരക്ഷണ സന്ദേശം വിശദീകരിച്ചു. വൈസ് പ്രസിഡൻ്റ് സണ്ണി മിറാൻഡ, പ്രിൻസ് കൊല്ലപ്പിള്ളിൽ, സെക്രട്ടറി രതീഷ് വർക്കല,വനിതാവേദി കൺവീനർ ദിവ്യാ, ജോയിൻ്റ് സെക്രട്ടറി അശോകൻ തിരുവനന്തപുരം , എക്സിക്യൂട്ടിവ് അംഗങ്ങളായ സണ്ണി കെ  അല്ലീസ്, മാത്യു ജോൺ, അബ്ദുൾ അസീസ് കാലിക്കറ്റ്,  സൂസൻ , അനിമോൾ, ഹമീദ് പാലേരി എന്നിവർ പരിപാടികൾക്ക് നേതൃത്വം നൽകി.ട്രഷറർ രവീന്ദ്രൻ പരിപാടിയിൽ പങ്കെടുത്തവർക്ക് നന്ദി പറഞ്ഞു .